كحلوش و بس! انا زهجااااااااااااانة و متوترة

اتصرف يا نزل كحلوشيات الجزء التاني
و لا تعال انت و تمبش دردشوا بي جاي
و الله انا ما جيت البورد اتونس
لكن عليكم الله الحاصل دا يقولوا في شنو

كماية من المهاوشات و الله بقعد ساعة اقرا في المواضيع ما بتعرف ذاتو ترد كيف؟؟
و الله كان واجعني السودان هسه بقا الوجع اتنين البورد ذاتو يوجع
مافي طريقة نلتفت للسودان و نبدا جد جد نشيل طورية و نزرع و نبني
رغم انو النقاشات الهنا كلها او اغلبها هادفة لكن مش مفروض تكون الناس وصلت لي نتيجة
جد في كلمات فعلا حروفها بتعد بس جد صعبة و التطبيق اصعب مليون مرة
الديمقراطية الوطنية البناء العمل احترام النفس احترام الراي و الراي الاخر
جد نفسي مكتوم

العزيزه عزه
هونى عليك اخيتى حتما ستصفو السماء بعد كدرتها. .
حتما سينجلى كل ابتلاء حتما سنبى السودان وطن واحد
بنحلم بيهو . .ان ما ترينه فى البورد ماهى الا ظاهره صحيه
ولكن العامل المشترك يظل حمل هم بناء الوطن ورغم
الخلاف الا اننا موعودون بجيل نستبشر بما يحمل من طموحات
لك تقديرى واحترامى

عزة سحابة صيف ، عليك الله م ا شفتي كحلوش من ما غاب البور باخ
انا عارفاك زهجانة بس بدخل انت ليه كاتبة كحلوش انا قايلاه دخل ..راجعة

عزتي وعشوشتي :
على مر السنون.. تمضي حياتنا .. شهورا واياما وساعات و.... لحظات ، كل لحظة تحمل في طياتها دفقة جديدة من ماء العطاء والانفعال والجهد والامال والممكن واللاممكن و ... و.... و...ز، قليلة هي تلك اللحظات التي تسترعي انتباهنا ! الا انهاعلى قلتها تشكل المحور الذي تستند عليه مسيرتنا .. غير اننا دوما ما تزاورنا لحظات صدق في ذلك السكون والانفراد بالذات... تلك اصدق اللحظات التي نسمو فيها بانفسنا ... نحاسب ونراجع .. نقيم ونذكر ... نحفز وندفع ... ولان الصدق مع النفس هو السبيل الوحيد لتكون الحياة ذات معنى ومغزى ويكون للانسان وجودا .. فان العمر كله عندي يختزل في لحظة صدق مع نفسي ... كل لحظة صادقة في عمري تكونون انتم مبعثها وموقدها وصانيعها ... تمتليء بالشوق اليكم ... تعبرون فيها الخواطر وتلهبون الدواخل رغبة في القرب ، وفيضا من الاشواق يمتد عابرا كل المسافات من هموم وواجبات وانشغال ، وكل لحظة صدق اصبحت تاخذ منكم كينونتها ... الا ترون كيف احلتم حياتي كلها الى مسيرة من الصدق مع النفس ؟ ذاك انه لاتمر لحظة من حياتي الا وكنتم تصحبونني فيها شوقا ولهفة ... ودا واملا ... تلك هي اصدق لحظات عمري .
عذرا ان دخلت مترعا باشةاقي حتى الثمالة ، ولكن ماباليد حيلة ، اما حال البورد ياعزة ، فخليوهو ساكت ، واحمد الله ان حمامة سلام رفرفت فوقه هذه الايام ، الا ان غياب ود عزة يترك غصة في الحلق ، ، لا ادري ماذا اقول ، نظرا لغيابي عن الساحة ، وقت الهيجان ، ولكني ارى اثاره واضحة امامي ، وكان البورد يقول هنا كانت معركة ، وزي ما قالت عشوشة ( سحابة صيف ) ، ولكنها تصر على ان تترك وراها شيئا يذكر انها مرت من هنا .
وزي ماقال صادوح ، ستصفو الليالي بعد كدرتها ،، وانا الهج للعلي القدير ان يكون صفائك قد عاد اليك ايتها العزة.
دمتم لي بكل الالق ، وبكل الفيض من الاحساس ، واهديكم اجمل احاسيسي الملونة.. اقريها ياعزة واذا ما فكت كتمتك ، الا ننادي دكتورة نهى تشوف ليك اكسجين او تنفس صناعي .لووووووول
شكرا للسؤال ،ولا عدمتكم
دمتم بخير وبلا توتر