4مذكرات انسانه مشكلتها انها سمينه

تذكر جدتي انني كنت طفله لطوخه. ...اي من ذلك النوع من الاطفال الذي يلتصق في مكان واحد كالطحلب....هادئه ولا ابكي كثيرا...واذا بكيت فالبزه تجعلني اشهق فرحا.... او عندما كبرت قليلا حلاوه حربه...حلاوه بيض....اما الشوكولاته فكانت تجعلني اغرد لايام وايام.....ولكنه هذه اللطخنه .ما كانت في كل الاحوال بل هناك لحظات اسابق فيها الرياح بمشايتي الصغيره....عارفين متين؟؟ لحظه احضار صينيه الاكل
ما زلت احمل اجمل الزكريات عن ايام طفولتي..يا سلام يا جماعه حلى احلى الايام لمن نكون متغدين مع ناس جدو....والعجب فطور رمضان هناك... لمن كنت صغيره كدا وبسمع بالجنه ونعيمها...زاقعد اتخيل ليكم برش مفروش في نص الحوش....والعصاير دي ما تديك الدرب.. جردل منقه...زجردل حلومر..جردل كركدي.....وفطاير بالسراويس...والعصيده الماخمج....وانا زي الملكه بين خيلاني وخالاتي ..دا يديني قطعه جداده....ودا حته كفتايه...وانا ابلع وابلع وابلع ...ويجي صوت جدو الله يرحمو

-زينب...يا بت....قولي بسم الله الاكل ما طاير
واقوم انكمش في النص عشان ما اخد نهره تانيه وابلع ....لكن ادسه كيفن عاد وانا عامله زي الميم في السطر.....
_ يا بت هوي .ما قلنا براحه......بتتخنقي
واحرد شويه....ثواني بس..زوحبي يغلبني
وبعد الاكل القومه تغلبني ويقترحو على اخد لفه لفتين حول الحوش
لكن.....لا احد يستطيع ان يتطور كم هو مولم ان تكون طفلا سمينا....عندك جضيمات كبار ..وايد زي المرزبه كما كان يقال لي ولا اعرف لحد حسه ما هي المرزبه....كل دا كان في .....لكن في النهايه كنت طفله بكل ما تحمله تلك الكلمه
ا....تلك الطفوله التي لم يقدرها الكثيرون....ولم يروا فيها غير اكوام من الشحم تستحق الاستهزاء والسخريه
كانت متعتي الكبيره في فسحه الفطور عمل فته كبيره من سندوتشات البنات...وغالبا الحكايه دي كانت تنتهي انو ارفع راسي والقى منى ونهي واميره بحدروا لي بغيظ لا ادري سببه وفي اليوم التاني
_زينب والله انا امي قالت لي تاني اكلي سندوتشك براكي
كويس وبقت امي تحشي لي سندوتشين ونص واكلهم كلهم ولاادي زول قرمه معاي
من المواقف التي لا انساها يوم اختفى سندوتش اميره البتقعد جمبي...وبدت الهبله في البكاء....وفتشوا الشنط ولقو السندوتش عندي..ولم تفلح محاولاتي ودموعي في اقناع المدرسه انني بريئه من دا.....وقف ضدي حجمي المدور وشهرتي العالميه في حب الاكل
وا خدت اول علقه لي وسط الفصل وكنت بريئه
ومع انو امي جات اليوم التاني لكن بقى عندي احساس شديد بالمراره
ومرت الايام واكتشفت الجاني
_سحر انت الدسيتي سندوتش اميره في شنطتي.......مش كدا.نهى قالت لي كدا
_نهى...اي يا كعبوله ....وما يبقى..وما يعني.....وما يكون
_كدا....يا عواليق ...كان مره اقيفي قبلك
وقبل ان تقرر سحر انها مره ولا لا كان الموضوع انتهى....واحتفظت منو بزكريات....فرده حزامها .....شريط شعرها......والاهم ريحت اهلها من زياره الدكتور عشان اسنانها الملخلخات القدام
وبعدها اخدت تاني علقه لي في المدرسه
وبعدها....توالت العلقات

و الله حبيتها بشحمها
طريقة سردك حلوة و اتخيلت جو المدرسة و العلقة و الما تتسمى سحر يغسي عليها

يا حليلها ..
و الله حسيت بي معاناتها
كل الحب
مودك

والله يا عزوزه يا حليل ايام المدرسه وعلقات ايام المدرسه انا شخصيا ما كان عندي طريقه للشيطنه زمان مصايبي البعملها كلها كانت بتصل لناس البيت اول باول غايتو اخر ادب
الغالي مودك تشكر على تعاطفك...زايه رايك ناسس جمعيه حمايه الاطفال السمان.....غايتو حانسق ليك مع زينب ونشوف رايها شنو
لكم كل حبي

والله ذكرتني كتموتو ... كتموتو ياحلوه يابطه والله يديك العافيه للذكريات الحلو واهو الموضوع طور من اطوار الاطفال ودمتي يا ملكة جدواااااااااااا

مباااااااااااااااااااااااااااااااااااالغة يا حنين

الغالي وليم
مع انو الاطفال هم ملائكه الارض واحباب الله والوجه المشرق للامل لكن يا خوي غايتو في شفع مسلطين خلاص غايتو انا بعرف لي نماذج انا الكبيره دي بخاف منهم كميه من الشيطنه والشر ما عاديه ما عارفاهم لمن يكبرو حيعملو شنو
العزيز اورورووووك
لووووووول اسمك هو المبالغه
ودمتم لي

العزيزة حنين

للمرة التانية النملة دى انا شايفة الا اذا كانوا تيمان - عند شنتير. اتعاطف معك المهم انت الان سمينة لسه ولا اتبريتى شوية. انا امى زمان كانت ما بتقدر تشيلنى عشان كده كانوا بكرونى كر كما توارد . المهم الكلام ده عادى وما فيه حاجة المهم هسه كيــــــــــــــــــــــــــف.

ابيت يا سنتمنتال ابييييييت ما بقول ليكم كيف عشان الشمار
غتاته كدا بس
لوووووووول

طيب ما تزعلى . وزنك بالكيلو ولا الطن...

ملحوضه: الطن = 1000 كجم

ويييييييييك
برضو ما حاقول ليك

يعنى الواحد يقع ساااكت بردلب. ما تفهمونا الحاصل عشان نستعد لاسواء الاحوال

شكرا حنين
فنحن كنا منتظرين الجزء دة من مدة
وهو جميل كالعادة

إلى الأمام

الله يخليك يا استاذ
اهو دا الجزء الرابع الذي سقط سهوا
وشكرا ليك

ووب عليك يا سنتمنتال ايها الشقي الشفاف.. و
البت دي لا بالطن لا بالكيلو.. دي ياغالي يا ود الغالية بالسعر الحراري... يا ضعيف يا الما بتشبه الرجال..
قال رجال عصافير قال
خاتي لي صورة صقر قدر الليلة وبكرة وتقول لي برد لب
وانتا ما قدرا
امشي عامل عربيتك الما حقتك دي

لوووووووووول

دكين. لقد دكنت حظى مع هذا الصباح الجميل - اى جعتله داكنا وساكنا لا حراك فيه. كيف لا نقع بردلب فى حضرة حنين ونملتها الرائعة. اقسم انها اجمل نملة رايتها فى حياتى هى ونملة شنتير والتى اعتبرهما من عجائب الاستنساخ.

رجل عصفور احسن من همباتى يا دكين لوووووووووووووووووووووووووووول

ٍسلام مربع
حنين
ايتها المعطونة
ببلورات الحكي
المنمق
الذي يحاكي الهديل
لك ودي
امتعتني مدرستكم
وامتعتني اكثر وانت تمشي على المشاية
وفي يديك وخشمك
ويدك الثانيه
كل انواع اللقم
حتة من كراع الجداده
لقمة من ملاح البطاطس
اصابع الشوكولاته
وحلاوة حربه
وكباية شاي بي لبن
دا كلو وكضومك
لسعة مليانه بملاح باميه
وعصيده
وملاح شرموط

حنين
جننت الحكي والتواصيف جن
لك محبتي بقدر ما اسعدتيني

منكم لله يا دكين وسنتمنتال موتوني من الضحك عديل... الله يخليكم يا رب
رائعتي ذات الضفائر الشقيه شيري
اسعدتني زيارتك وتعليقك تسلمي يا غاليه

حنين. انت ونملتك تحنانى ، اى تجعلانى حنينا احس بالحنان ...والحنان درجات لا يعرفه الا الراسخون فى العلم . اتزكر نملة سيدنا سليمان الرائعة. لا بد انها كانت نملة رائعة.

دكين الجنون. لا تكابس معى يا مشوطن.

ايوه النمله ديك كانت حبوبتي الله يرحمها
لوووووووول

عليك الله! وانا اقول ... طبعا كانت بتحجيك بحجوة ام ضبيبينة...

احتفاء
بنكهة مميزه