قصاصات .. من ابداع الشاعر ازهري محمد علي

عشقتك لانك خواتم الحقبقه... وطريق الوصول
لانك بدايه الخليقه... واساس القبول
احيي الغيـوم ... البتفطم ذبولك
ترضع سهولك... مواسم الهطول
واحيي المدائن البتفتح حدودا
وتمنح عيونك جواز الدخول



ـــــــ
هذه اقصوصه من ابداع الفذ الشاعر
ازهري محمد علي
وعندي كتير لو حبيتوا
بديكم من الق الاستاذ

بالله يا ابو يوسف وين ازهري الايام دي وهل النص ده كامل وهل اتلحن

الاستاذ الكبير الموصلي
اولا شكرا على الطله يا اصيل
الاستاذ ازهري محمد علي موجود في السودان
ضمن مجموعه صلاح ادريس
وبناضل من اجل الوطن
باحساس مرهف نبيل
النص الكامل موجود
بس اتلحن دي ما عندي عنها فكره
ولك الود

القصيده بعنوان (بحبك يا بحر)،، للشاعر ازهري محمد على

معاي وغشيتك اسلم عليك
اتكل قصادك هموم الحراز
اطمن طيوف الخريف الوشيك
ابشر دواخلك وعد الرزاز
مودر ملامحك..غبيتك ..لقيتك
بتلفظ شوارعك بيوتك
تصادر خطاي وتكاجر مشيك
تغالط حواسك ملامحك
وتحرد عيونك مقاطع وشيك
خبارك غريبه؟
اقلب دواخلك
اكوس الحبيبه اللي عنك بتفرق
بتفرق حبيبتي البتلبس فصول الخصوبه
بتضحك اغاني وتدفق عذوبه
وبتنزل مطر
عشقتك لانك حبيبتي وبحبك بحر
عشقتك لانك خواتم الحقيقه .. وطريق الوصول
لانك بدايه الخليقه..واساس القبول
احيي الغيوم .. البتـفـطم ذبولك
ترضع سهولك..مواسم الهطول
واحيي المدائن البتفتح حدودا
وتمنح عيونك جواز الدخول

الصباح الباهي لونك
وضاحه يا فجر المشارق
غابه الابنوس عيونك
يا بنيه من خبز الفنادق
********
وضاحه لو طال الطريق
بيناتنا واترامى المدى
وصنت مسامعك من نداي
شربت فيافيك الصدى
ما تحني هامات النخيل
ما تلرمي دمعات الندى
ما تشـنـفي الزمن الجميل
دا العمر يادوبو ابتدا

احتمال يكون لحنو مصطفي ولو ده ماحصل
يبقي بالله انا عايزو
وياريت واحد من محبي مصطفي المتابعين يدينا فكره وياريت تنزل النص كلو يا ابو يوسف

وياريت واحد من محبي مصطفي المتابعين يدينا فكره