|
كيف تطهو اعصابك علي نار هادئه
|
لا ..مامعقوله الملاح اتحرق ده كلو من المشابره والشغله الما حقتنا .. الواحد طول اليوم كاتلو الشمار ويشيل ويعاين في ناس الحله البي غادي ديك .. اها الليله العشه جله .. عليكم الله هسع كان نعلنا ابليس وقمنا طلعنا شمينا هواء ما كان اخير لينا ..الله يلعنك ياابليس .. انتو صحي ليه كل ما يتلمو سودانين في مكان واحد يتشاكلو .. الناس دي كلها نفسا حار مالا .. ياجنه تر لا غادي ما يكلحوك بي ظلطه بفقشو ليك دقنوسك ده .. هو انتا براهو راسك متل شوال البصل كلو كراضم .. عليك الله شوف جنس المساخه دي الشافع ما لميض ولسانو طويل التقول الدايه جرتو من لسانو .. اها عليكم الله زي ده لما يكبر باقي ليكم بنصح ولا بمشي في ترب ابواتو ديل ؟ ماظنتو !! غايتو اها شوفي عيني الطاهر ود ام كتير الزول الريق داك قالولك انضم لي جماعه كدي بقولوه التكفير والهجره .. اها الناس ديل مافي زول في الدنيا دي مسلم جت علينا سونا كفار دحين يا اللدر اخوي الكلام ده واقع لك .. والله الناس ديل عملوها ظاهر علي قول ناس الدش .. علا بحزرك ياخوي الناس ديل قالو عليهم جو في بلدنا دي في شان يدربو لاقين الخلا ده ومبرطعين سااااي .. اسمع ياجنا نادي لينا الهبول الراقد جوه ده يتناولنا شيتا نقوته لي الصباح من عند خالتك السره دي وانتا قولنا مقطعين الات دوبت من كلام عمنا ود الرضي داك اها سو اجنا .. ملكه وبت ملوك فرهيده دابه وناهد ليها سبع قسم من غير سلاح بتجاهد مع ذاك تحوزه بالبهام والشاهد ترا دا الخلاني أنوح نافي الصبر ومجاهد
(عدل بواسطة Elkhawad on 01-27-2003, 06:20 PM)
|
|
|
|
|
|
|
|
Re: كيف تطهو اعصابك علي نار هادئه (Re: Elkhawad)
|
الأمدرمانيــــــــــة ما بصدق !! ألف ألف مبروك دقيــــــــــــــقة لكن انتي مش متزوجة عاطف عبد الله و عندك أولاد ؟ لا مبـــروك لا شيئ أنا ما برضي زول يدي عاطف ده شاكوش عارفة دي ذكرتني لما قابلت زولة 123 .. قاموا قالو لي دي زولة 123 قمت اتلخبطت بينها و بينك .. و سألتها قلت ليها : انتي مش زوجة عاطف عبد الله ؟ قالوا لي : مودك ركز .. ديك الأمدرمانية .. loooooooooool
الــخــــواض : عارف .. أنا بتكيف لي الكلام اللي زي ده .. أحيانا بتجيني حالات كده بتكلم زي الحبوبات .. ازيكم .. خلن النساوين ديل يدخلن الديوان لي غادي .. أمشيوا يا بنيات مرقن العناقريب .. لأ .. العنقريب ده المرق بتاعو مكسور و رشن الحوش بي موية لكن ما تكون موية الزير ..عشان الموية حبه زي أولاد الناس طبعا بكون رد بنات العائلة : طيــر أعمل الحاجات دي براك .. و طبعا بمشي أعملها براي .. loooooooool
محمد
| |
|
|
|
|
|
|
Re: كيف تطهو اعصابك علي نار هادئه (Re: Elkhawad)
|
والله يا خواض و مين سمعك لكن اقوول ليك كلام ..زي العسل......انا لمن اجي اتكلم كده يا زووول شتاره و حاجه كده ما مفهومه فمن ساعته قفلنا الشغلانيه دي.... ..............قلنا ما في داعي للاحراج مودك قلت لي شنووو زوله 123 هي الامدرمانيه.......والله ما عارفه ده من اثار الغبنه و لا العيا و لا الثانويه بركه البقيت ما مغبون
تحياتي Solara...
| |
|
|
|
|
|
|
Re: كيف تطهو اعصابك علي نار هادئه (Re: Elkhawad)
|
سلام مربع
ومية مسا على الناس طبيخها محروق ومالقت عشا
الخواض والله بس انا حارقني الشمار انت كنت خاتي شنو على البوتوجاز يعني طابخ شنو؟؟ بس عايزه اعرف عشان على قدر المعلومة ح يكون زعلي مثلا مثلا لو كان ملاح اسود (ياااااع) ح اقول ليك .. عساه بالحريقة التولع في مزارعو جت وانا كان ملاح باميه برضو عساهو ماينطبخ لكن مثلا مثلا لو كان فول ولا ملاح رجله ولا خضره حاجة تمام
وتاني شنو بالله الشمار شنو الكان شاغلك لمن وخلاك ساكيهو لمن دقست والحصل حصل نفسي اعرف . . اموت واعرف اصل الشمار
لكن يا فرده نضمك كده ..في السلك
| |
|
|
|
|
|
|
Re: كيف تطهو اعصابك علي نار هادئه (Re: shiry)
|
بداية يامودك الله إكرم والديك لأن كلامك كلام ودالبلد بالله سلم عليهم وأنا لاقيه أكون زوجة عاطف عبدالله ياولدى باقى لى عندك خابتة بينى وبين زوجة الأستاذ بس نحن أصدقاء شديد ونفسى الآقيها وأشوفه وكان لميت إنت فيها ادينى خبر إنشاءالله عن الفنان البقولولوالخواد ودعتك الله الأمدرمانية
| |
|
|
|
|
|
|
Re: كيف تطهو اعصابك علي نار هادئه (Re: Elkhawad)
|
بسم الله الرحمن الرحيم انتو يا ناس الحلة دي الجنون ديل هيل منو؟؟؟ قلتلكن لا تفكن شفعكن في الشارع باقي ليا السخانة الايامات دي بتضربن في صنقورن دا هسع شوفو جنس المشابرة دي الوليد التقول عندو هرشة نفس يا وليدي يا الخواض مالك؟؟؟؟؟
| |
|
|
|
|
|
|
Re: كيف تطهو اعصابك علي نار هادئه (Re: solara)
|
أأالخواض .. سلام .. عجبني كلامك بالحيل .. وجنس النصم الزي دا كنت بكوسلوا لي زمن بس مالاقيلي فرقة ساه .. آه بس خلني أتلزملك الجابرة دي وأنمهلك ... وأزح عكازي ابدكمة دا لا غادي .. قسم نحنا آجني نضمنا كوار .. ومو كبار على ضويات القبايل التحت اللافوق الجابلونا ... الخمة ونضمي السوق ... وزي ما بيقولوا كبارنا الرزق بدورو إتلباشة ... والغباشة أجني ما تابها.. وأبراها محل ما حاصت ... أحسلك حرقان الملاحات البسي فيه دا أه سلام يا خوي
| |
|
|
|
|
|
|
Re: كيف تطهو اعصابك علي نار هادئه (Re: Elkhawad)
|
سلام عليك يا الخواض يا خوي .. دحين بس في زمتك دي عملة تعملها ؟ ها يا جنا جحا ادرى بي لحم بطنو ، فداك يا ود حشاي الف ملاح ، تعال لنا في حلتنا نسوي لك بدلو ملاح كول ، ( قالو رهيب مع انو ريحتو تجيب الصقر من الجو ! ) ، ولا اكان ما درت ، نسوي لك ام شعيفة ، ولا ام رقيقة ، ولا ام عبد ربو زااااتو كان لزم ! شيري يا رايعة ، ما حصل زول ضحكني وفرق علي زي غنماياتك الاكلن هديماتك ، بس ما كان عندي فيتو أرسل لك بيهو الوقت داك ، مليون سلام ... مودك يا وليدي ، القلاعي جاكم ولا شنو بقيت تهضرب ؟ الله يعفاك والله زينة الشباب ، خساره ! *******************************
ملكة وبت ملوك ، وعسكرك من جمعة وشلخك ستة يوم يحقن غزيرة الدمعة زي القرطسوك خاتنو فوق اب لمعة ودارة وشها النجفة ام تلاتين شمعة
| |
|
|
|
|
|
|
|