Post: #1
Title: كيف تطهو اعصابك علي نار هادئه
Author: Elkhawad
Date: 01-27-2003, 03:48 AM
Parent: #0
لا ..مامعقوله
الملاح اتحرق
ده كلو من المشابره والشغله الما حقتنا .. الواحد طول اليوم كاتلو الشمار ويشيل ويعاين في ناس الحله البي غادي ديك .. اها الليله العشه جله .. عليكم الله هسع كان نعلنا ابليس وقمنا طلعنا شمينا هواء ما كان اخير لينا ..الله يلعنك ياابليس .. انتو صحي ليه كل ما يتلمو سودانين في مكان واحد يتشاكلو .. الناس دي كلها نفسا حار مالا .. ياجنه تر لا غادي ما يكلحوك بي ظلطه بفقشو ليك دقنوسك ده .. هو انتا براهو راسك متل شوال البصل كلو كراضم .. عليك الله شوف جنس المساخه دي الشافع ما لميض ولسانو طويل التقول الدايه جرتو من لسانو .. اها عليكم الله زي ده لما يكبر باقي ليكم بنصح ولا بمشي في ترب ابواتو ديل ؟ ماظنتو !! غايتو اها شوفي عيني الطاهر ود ام كتير الزول الريق داك قالولك انضم لي جماعه كدي بقولوه التكفير والهجره .. اها الناس ديل مافي زول في الدنيا دي مسلم جت علينا سونا كفار دحين يا اللدر اخوي الكلام ده واقع لك .. والله الناس ديل عملوها ظاهر علي قول ناس الدش .. علا بحزرك ياخوي الناس ديل قالو عليهم جو في بلدنا دي في شان يدربو لاقين الخلا ده ومبرطعين سااااي .. اسمع ياجنا نادي لينا الهبول الراقد جوه ده يتناولنا شيتا نقوته لي الصباح من عند خالتك السره دي وانتا قولنا مقطعين الات دوبت من كلام عمنا ود الرضي داك
اها سو اجنا
..
ملكه وبت ملوك فرهيده دابه وناهد
ليها سبع قسم من غير سلاح بتجاهد
مع ذاك تحوزه بالبهام والشاهد
ترا دا الخلاني أنوح نافي الصبر ومجاهد
|
Post: #2
Title: Re: كيف تطهو اعصابك علي نار هادئه
Author: zola123
Date: 01-27-2003, 11:53 AM
Parent: #1
لخواض سلامتك
الحالة دي بتجيك كتير؟؟
زولة123
|
Post: #3
Title: Re: كيف تطهو اعصابك علي نار هادئه
Author: Elkhawad
Date: 01-27-2003, 03:25 PM
Parent: #2
دحين ازوله ها البعاين لي ديون ناس ساسا ساسا يسوس حاجه كده متل السوس ما بتجيه جنس حالتي دي
|
Post: #4
Title: Re: كيف تطهو اعصابك علي نار هادئه
Author: ابويوسف
Date: 01-27-2003, 03:36 PM
Parent: #3
الفانا بي اللينه يا محجوب
مدقاق ود بدر الزاد الحريقه هبوب
|
Post: #5
Title: Re: كيف تطهو اعصابك علي نار هادئه
Author: falcon
Date: 01-27-2003, 04:17 PM
Parent: #1
تعرف يا خواض
من احسن الاشياء التي قام بها بكري
انو قسم الكيمان و بعد دا
كل ناس كوم يتبالوا(دي من الابتلاء)
بناسهم
كده احسن خالص
|
Post: #6
Title: Re: كيف تطهو اعصابك علي نار هادئه
Author: الأمدرمانية
Date: 01-27-2003, 07:59 PM
Parent: #5
دحين ياخواض ياخوى ماسمعت بوليد الماحى ودسليمان داير إعرس
الأمدرمانية
|
Post: #7
Title: Re: كيف تطهو اعصابك علي نار هادئه
Author: Modic
Date: 01-27-2003, 09:48 PM
Parent: #1
الأمدرمانيــــــــــة
ما بصدق !!
ألف ألف مبروك
دقيــــــــــــــقة
لكن انتي مش متزوجة عاطف عبد الله و عندك أولاد ؟
لا مبـــروك لا شيئ
أنا ما برضي زول يدي عاطف ده شاكوش
عارفة دي ذكرتني لما قابلت زولة 123 .. قاموا قالو لي دي زولة 123 قمت اتلخبطت بينها و بينك .. و سألتها قلت ليها : انتي مش زوجة عاطف عبد الله ؟
قالوا لي : مودك ركز .. ديك الأمدرمانية ..
loooooooooool
الــخــــواض :
عارف .. أنا بتكيف لي الكلام اللي زي ده .. أحيانا بتجيني حالات كده بتكلم زي الحبوبات ..
ازيكم .. خلن النساوين ديل يدخلن الديوان لي غادي .. أمشيوا يا بنيات مرقن العناقريب ..
لأ .. العنقريب ده المرق بتاعو مكسور
و رشن الحوش بي موية لكن ما تكون موية الزير ..عشان الموية حبه زي أولاد الناس
طبعا بكون رد بنات العائلة : طيــر أعمل الحاجات دي براك .. و طبعا بمشي أعملها براي ..
loooooooool
محمد
|
Post: #8
Title: Re: كيف تطهو اعصابك علي نار هادئه
Author: Elkhawad
Date: 01-27-2003, 11:53 PM
Parent: #7
ها انا سلام جاكم عوافي نعلكم طيبين
ابو يوسف اخواي كلمتينك ديل مو نار منقد بس
فالكون هازول وينك مندس مننا قدر ده مالك .. الحديث مو اعوج منك تب .. نعلع عافيه وماك حاسسلك بي حسس .. جنس سواتك دي تاني ما تسوها
الامدرامنيه انتي بي جدك هو الكلام ده ببقي والله الجنا ده ببالغ باقي لي الجنا ده ملخبتك ساي
الكترابه مودك يا اخوي اتارك ماك هين نضمنا ده في ناس كدي بدورلهم الشي البقوي المعجم داك في شان يفهمو يعني .. لكن انتا ماشاء الله عليك ما نسحرك .. لكن بدرو اسعلك سعال يعني شيتا كدي غلبني بالحيل الالف البتصرو فيها دواير كتيره دي وتاني تخوت الف في عقبه متل رف الدكان الراصين فيه علب الصلصه ديل معناتا شنو
|
Post: #9
Title: Re: كيف تطهو اعصابك علي نار هادئه
Author: solara
Date: 01-28-2003, 00:05 AM
Parent: #1
والله يا خواض و مين سمعك لكن اقوول ليك كلام ..زي العسل......انا لمن اجي اتكلم كده يا زووول شتاره و حاجه كده ما مفهومه فمن ساعته قفلنا الشغلانيه دي....
..............قلنا ما في داعي للاحراج
مودك قلت لي شنووو زوله 123 هي الامدرمانيه.......والله ما عارفه ده من اثار الغبنه و لا العيا و لا الثانويه بركه البقيت ما مغبون
تحياتي
Solara...
|
Post: #10
Title: Re: كيف تطهو اعصابك علي نار هادئه
Author: Elkhawad
Date: 01-28-2003, 00:22 AM
Parent: #9
هلا هلا سوار .. سولارا .. انتي يابتي اسمك مو صعيب بالحيل حرم كلوجت خشمي يمين شمال صعيد وسافل ما مرقن منو الحروف دي .. اها حديثنا اهلنا ده قلتي لي غلبك .. ما في شان كدي نحنا بندور نتناضمبو يعني كل واحد فينا ياخدلو عودا الليل سلم ويتفرجخ في الجابره دي ويشخت
اها في يشخت دي عندي صحابحا لي بقولو محمد ود الزين الجنه كنا انا هو راقدنلنا في ضل شجر ضليل كدي والهمبريب ضاربنا ليك وجنبا صنيه الات شاي ونجداع في الدوبيت سااااي .. اها ياست الامانيه ليك انا قمتا سعلتو .. انتا اجنا ما بدور تمشي السودان زياره .. في شان يعني يسالم الاهل ويطمنن ويعافيه وكدي يعني
الجنه انلق علي صفحتو وقال هي لاكن ما بشختولنا
قلتو لو كيف الكلام ده
قال اولا ياسيدي التبادي ليك لما يجمعو بعد شاي المغرب في القوز القدامي داك كل يوحد يمسككلك في الواطه دي سواقه
الجنه ده ما سافر ليه حول
الجنا ده ما نجيط اظنو لي هسه ما حول لي اهلو التخربن
الجنا ده بيعون الحواشه وعدم نفاخ النار ساي
الجنا ده طول عمرو مطرطش
الجنا ده باقي لي عرس لو خواجيه من امات شعر اصيفر ديلك وعيون متل عيون الديك
وايييييك
|
Post: #11
Title: Re: كيف تطهو اعصابك علي نار هادئه
Author: shiry
Date: 01-28-2003, 00:39 AM
Parent: #10
سلام مربع
ومية مسا على الناس
طبيخها محروق
ومالقت عشا
الخواض
والله بس انا حارقني الشمار
انت كنت خاتي شنو على البوتوجاز
يعني طابخ شنو؟؟
بس عايزه اعرف
عشان على قدر المعلومة ح يكون زعلي
مثلا مثلا
لو كان ملاح اسود (ياااااع)
ح اقول ليك .. عساه بالحريقة التولع في مزارعو جت
وانا كان ملاح باميه برضو عساهو
ماينطبخ
لكن مثلا مثلا لو كان فول
ولا ملاح رجله ولا خضره
حاجة تمام
وتاني شنو
بالله الشمار شنو الكان شاغلك لمن وخلاك ساكيهو
لمن دقست والحصل حصل
نفسي اعرف . . اموت واعرف اصل الشمار
لكن يا فرده نضمك كده ..في السلك
|
Post: #12
Title: Re: كيف تطهو اعصابك علي نار هادئه
Author: الأمدرمانية
Date: 01-28-2003, 03:16 PM
بداية يامودك الله إكرم والديك لأن كلامك كلام ودالبلد بالله سلم عليهم وأنا لاقيه أكون زوجة عاطف عبدالله ياولدى باقى لى عندك خابتة بينى وبين زوجة الأستاذ بس نحن أصدقاء شديد ونفسى الآقيها وأشوفه وكان لميت إنت فيها ادينى خبر إنشاءالله عن الفنان البقولولوالخواد ودعتك الله
الأمدرمانية
|
Post: #15
Title: Re: كيف تطهو اعصابك علي نار هادئه
Author: Modic
Date: 01-28-2003, 03:36 PM
Parent: #12
و لايهمك يا أمدرمانية 
كل الخير
مودك
|
Post: #18
Title: Re: كيف تطهو اعصابك علي نار هادئه
Author: Elkhawad
Date: 01-28-2003, 05:01 PM
سلام جاكم داقش يغشي البعاين ساي والبهابش .. هيع هاجنا جر الغنمه ام سبحه ديك لا جاي الليله زارتنا زوله موهينه تب .. ست النضم الموكضب ..شيري بت اخوي كيفنك كدي وخبارك ازوله مقاطعانه الكلام ده مو غلط منك .. اها سه سعلتيني وبتدوري تعرفي خبر الملاح ..الملاح ياست البنات ملاح ام شعيفه .. باقي انا لي زمن مشتهي لي كسره مره اها اليوم داك ادليت لي عند خالتك بت القبايل وانتاولت بي منهم طرقات الات كسرة وغشيت اخيتي نهي لقيته عاملاه ملاح ام شعيفه سمح بالحيل وحلفت علي علا اقعد اكل معها .. اها يابت اخوي انا شبع شبعه اليوم داك خليها ساي .. اها اخيتي نها لما شافت انو الملاح عجبني جابتلها ماعون وختت لي منو فيه .. اهاومن دربي داك انامشيت البيت الليلي ختيت الملاح والكسره .. ودخلت الغنم في الزريبه وانجدع في العنقريب .. قالتا يعني انجما لي شويه..وعيك النومه اليها ..
|
Post: #13
Title: Re: كيف تطهو اعصابك علي نار هادئه
Author: الأمدرمانية
Date: 01-28-2003, 03:21 PM
Parent: #10
الفنان خواض قاصداك فى خدمة بس يوم حنة وليد الماحى بدور لى حنة سمحة وشريط ظريف متلك تشغله لىبسيرته وكتر يافنان
الأمدرمانية
|
Post: #14
Title: Re: كيف تطهو اعصابك علي نار هادئه
Author: Modic
Date: 01-28-2003, 03:35 PM
Parent: #1
الخواض
ديل ما ألف و ألف
ديل مفراكتين واقفات يشهن الحبوبات عمل الملاح
و البينهم ديل علب الصلصة جاهزين لحلة الملاح
بس ما عليهن الا يقعدن في التكل
و يولعن المنقد
و يختن الخدار
و يجن الكدايس مادين ضنبتهم يفتشن في التكل
و بعد ما الحبوبات يسون الملاح
يجن بناتهن
ملفلفات زي قناديل المريـــــــسة
يساعدنهن شوية
looooooooooooooooooooooooooooooooooooooooooooooooooooool
خلاص أنا بديت أدخل في حقل ألغام مدام بقت فيها قناديل مريسة
كل الخير
مودك
|
Post: #16
Title: Re: كيف تطهو اعصابك علي نار هادئه
Author: بت القبايل
Date: 01-28-2003, 04:16 PM
Parent: #1
بسم الله الرحمن الرحيم
انتو يا ناس الحلة دي
الجنون ديل هيل منو؟؟؟
قلتلكن لا تفكن شفعكن في الشارع
باقي ليا السخانة الايامات دي بتضربن في صنقورن دا
هسع شوفو جنس المشابرة دي الوليد التقول عندو هرشة نفس
يا وليدي يا الخواض مالك؟؟؟؟؟
|
Post: #17
Title: Re: كيف تطهو اعصابك علي نار هادئه
Author: solara
Date: 01-28-2003, 04:26 PM
Parent: #1
يا خواض يا وليدي،اسعلك،دحين،موصعيب
يلا كون جمله؟؟شايف الكلام ده كلو انا ما بتقن الا الكلمات دي و الباقي لمن اجي اقولو بكون قمه في الجماااال و كده ومعاها ابتسامه
تحياتي
Solara...
|
Post: #19
Title: Re: كيف تطهو اعصابك علي نار هادئه
Author: السوباوي
Date: 01-28-2003, 05:44 PM
Parent: #17
أأالخواض .. سلام .. عجبني كلامك بالحيل .. وجنس النصم الزي دا كنت بكوسلوا لي زمن بس مالاقيلي فرقة ساه .. آه بس خلني أتلزملك الجابرة دي وأنمهلك ... وأزح عكازي ابدكمة دا لا غادي .. قسم نحنا آجني نضمنا كوار .. ومو كبار على ضويات القبايل التحت اللافوق الجابلونا ... الخمة ونضمي السوق ... وزي ما بيقولوا كبارنا الرزق بدورو إتلباشة ... والغباشة أجني ما تابها.. وأبراها محل ما حاصت ... أحسلك حرقان الملاحات البسي فيه دا
أه سلام يا خوي
|
Post: #20
Title: Re: كيف تطهو اعصابك علي نار هادئه
Author: toona
Date: 01-29-2003, 00:30 AM
Parent: #1
سلام عليك يا الخواض يا خوي .. دحين بس في زمتك دي عملة تعملها ؟ ها يا جنا جحا ادرى بي لحم بطنو ، فداك يا ود حشاي الف ملاح ، تعال لنا في حلتنا نسوي لك بدلو ملاح كول ،
( قالو رهيب مع انو ريحتو تجيب الصقر من الجو ! ) ، ولا اكان ما درت ، نسوي لك ام شعيفة ، ولا ام رقيقة ، ولا ام عبد ربو زااااتو كان لزم !
شيري يا رايعة ، ما حصل زول ضحكني وفرق علي زي غنماياتك الاكلن هديماتك ، بس ما كان عندي فيتو أرسل لك بيهو الوقت داك ، مليون سلام ...
مودك يا وليدي ، القلاعي جاكم ولا شنو بقيت تهضرب ؟ الله يعفاك والله زينة الشباب ، خساره !
*******************************
ملكة وبت ملوك ، وعسكرك من جمعة
وشلخك ستة يوم يحقن غزيرة الدمعة
زي القرطسوك خاتنو فوق اب لمعة
ودارة وشها النجفة ام تلاتين شمعة
|
|