Post: #1 Title: متى يأتى هذا اليوم؟؟؟ أفيدونا Author: اسامة الخاتم Date: 01-27-2003, 05:54 AM
يا اخوانا هل حيجي اليوم الحنغني فيهو مع وردي و محجوب شريف
بلا وانجلى
بلا وانجلى
حمد الله الف على السلامه
انهدّ كتف المقصله
والسجن..
ترباسو انخلع
تحت انفجار الزلزله
والشعب..
بى أسرو اندلع
حرر مساجينو و طلع
قرّر ختام المهزله
Post: #2 Title: Re: متى يأتى هذا اليوم؟؟؟ أفيدونا Author: أبوالزفت Date: 01-27-2003, 08:38 AM Parent: #1
الاخ اسامة السلام عليكم ورحمة الله وبركاته اهم حاجة فى الموضوع ده الصبر فلوك الصبر والزم الجابرة
حنستخدم فى الموضوع ده جميع الوسائل الممكنة وحتى الاتصال بصديق
لمعرفة متى ياتى هذا اليوم
الطريقة الاولى الحسابية متوالية عددية عسكرية حدها الاول عبود ستة سنوات حدها الثانى نميرى ستة عشر سنة اوجد حده الثالث البشير الفرق الثابت عشرة سنوات اذن الحد الثالث البشير ستة وعشرين سنة يا ود الخاتم فات النص فاصبر على النص الثانى
الطريقة الثانية الوداعية طبعا بعد ما رمت الوداعية الودع قالت انها شايفة الستة لكن الواحد ما عارقة محلو وين هنا فى احتمالين الاول يسار الستة يعنى ستة عشر سنة يعنى الباقى ثلاث سنوات بسيطة فات الكثير وبقى القليل الثانى الواحد يمين الستة وفى الحالة دى لو كان عندك عيال اتمنى انو عياليهم ينعموا بالديموقراطية
الطريقة الثالثة الضغط الدولى المتمثل فى اولاد العم سام يرغموا الحكومة السودانية على ارجاع الديموقراطية ودى محتاجة لسنة او اثنين لكن هسع بقت ماممكنة لانو الكيزان ظبطوا علاقاتهم مع اسياد اولاد العم سام الصهائنة حيرفع اسم السودان من قائمة الارهاب وياكل الكيزان الكباب ويومك ده يكون علمو عند الله
Post: #3 Title: Re: متى يأتى هذا اليوم؟؟؟ أفيدونا Author: EXORCIST7 Date: 01-27-2003, 10:47 AM Parent: #1
ولم تنتظر ذلك اليوم؟؟؟؟ إرجع بنفسك فورا وشاركهم الثورة حتى تكون أحدا من أبطالها...أعنى الشعب
Post: #4 Title: Re: متى يأتى هذا اليوم؟؟؟ أفيدونا Author: أبوالزفت Date: 01-28-2003, 10:45 AM Parent: #1
الاخ اسامة السلام عليكم ورحمة الله وبركاته
الم اقل لك ان يومك ده علمو عند الله اقراء البوست ده
Post: #5 Title: Re: متى يأتى هذا اليوم؟؟؟ أفيدونا Author: Hozy Date: 01-30-2003, 10:27 AM Parent: #1
اخي اسامة مافي شي بعيد على الله
بس انشاء الله نشوف اليوم ده بس اوعى من بلى تاني ودمت
Post: #6 Title: Re: متى يأتى هذا اليوم؟؟؟ أفيدونا Author: Modic Date: 01-31-2003, 00:01 AM Parent: #1
أنا بديت ايأس .. منما وعيت علي الدنيا دي لقيت الانقاذ
محمد
Post: #8 Title: Re: متى يأتى هذا اليوم؟؟؟ أفيدونا Author: Arbab Date: 01-31-2003, 01:12 AM Parent: #6
العزيز اسامة صدقنى انا قادر اشوف اليوم دا بعينى دى.. لو ما اخاف الكضب... كدى خلينا في الياسمين لك الياسمين ...ولهم الرماد...كل الرماد.
Post: #7 Title: Re: قربت يا اسامة لاتقلق Author: altahir_2 Date: 01-31-2003, 01:03 AM Parent: #1
لوووووووووووووووول ياابو الزفت الوداعية قالت الواحد ما عارفاه وين؟ المسالة بسيطة يااخوانا نبدأها بالحساب الإلهى (متي قال لها كوني فتكون) وهذه يمكن ان تكون اللحظة ولست بعد سنة او اكثر لكل اجل كتاب بعد ان اساء هؤلاء الكيزان إستخدام دين الله من اجل المصالح السياسية وظلموا وقتلوا واغتبصوا وسرقوا وهم ليس بمنأي عن عذاب الله الذي نتمني ان لايكون بعيدا المسالة الثانية وليست بعيدة عن التوجيه الإلهي ( لا يغير الله ما بقوم حتي يغيروا ما بانفسهم) وهذه ايضا تدخل في التقدير الثوري لعملية التغيير توفر الظروف الموضوعية والشروط الذاتية لإنجاز الفعل الثوري والحمد لله هي متوفرة وبصراحة الكيزان موجودين بسبب ضعفنا وليس بسبب قوتهم والتأريخ يشهد انهم اجبن البشر عند لحظة المواجهة واسالوا قادة الانقاذ ماذا حدث عندما حدثت حركة 28 رمضان لشهدائها الرحمة ولكل شهداء الشعب . اما علي صعيد التنبؤ والقراءة الموضوعية للاحداث فانا اهديك هذه الكلمات لشهيد الفكر الاستاذ محمود محمد طه مع انني لست جمهوريا وقد قالها بعد ما سُمي حينها بالمصالحة الوطنية وهي :-... ومن الافضل للشعب السوداني ان يمر بتجربة حكم جماعة الهوس الدينى,وسوف تكون تجربة مفيدة للغاية إذ انها بلا شك ستبين لابناء هذا الشعب مدي زيف شعارات هذه الجماعة . وسوف تسيطر هذه الجماعة علي السودان سياسيا واقتصاديا حتي ولو بالوسائل العسكرية . وسوف يُذيقون الشعب اٌٌلأمرّين. وسوف يُدخِلون البلاد في فتنة تحيل نهارها الي ليل. وســــــــوف تنتهي فيما بينـــــــــــهم. وسوف يُقتلعون من ارض السودان إقتلاعا. (الا تري معي هذا التحليل المذهل يا اسامة؟). لموديك كنا في مثل سنك حين وجدنا مايو وحدثت إنتفاضة الشعب الجبارة في ابريل وغني وردي بلاء وإنجلاء . تعلمنا منها ان نبض الشعب هو الغالب وهو ما قرأناه في التاريخ لشعوب العالم ولشعبنا الذي سجل مفخرتين عظيمتين في اقل من ربع قرن لذلك لا شئ يدعوا لليأس او التشاؤم. اما للذين خاضوا مع الخائضين ويدعون للرذيلة والقبح . سيروا وعيون اللصوص ترعاكم ولكن لا مفر لكم من إرادة الشعب التي لا تأبهون لها الأن
Post: #9 Title: Re: متى يأتى هذا اليوم؟؟؟ أفيدونا Author: bit-alkhaleel Date: 01-31-2003, 02:13 AM Parent: #1
أســامة حتــماً سنلتــقي طالــــــــــــــما في العمـــر بقيـــة
ولك التحايـــا
Post: #10 Title: Re: متى يأتى هذا اليوم؟؟؟ أفيدونا Author: WAD ELGAALI#4 Date: 01-31-2003, 03:02 AM Parent: #9
don't worry dear Osama it will defenitly coming i'm not sure when but it will come soooooooooooooooooon
Post: #11 Title: Re: متى يأتى هذا اليوم؟؟؟ أفيدونا Author: zumrawi Date: 01-31-2003, 03:14 AM Parent: #1
It is coming on the way
Post: #12 Title: Re: متى يأتى هذا اليوم؟؟؟ أفيدونا Author: اسامة الخاتم Date: 01-31-2003, 07:36 AM Parent: #1
مكان الســجن مستشفى مكان المنــــفى كلية مكان الحســـرة اغنية
Post: #13 Title: Re: متى يأتى هذا اليوم؟؟؟ أفيدونا Author: degna Date: 01-31-2003, 07:49 AM Parent: #12
تحياتي الغالي اسامه
سياتي هذا اليوم لكن متي لا اعلم ? ولكني اعول علي كل مناضلي وشرفاء وطني اصحاب الكرامة والشهامة اما من يرونه بعيدا او خيالا فلهم السم الزعاف ولك وللشعب البطل كل الاماني الطيبة والسلام وسنغني معا بلا وانجلي
دقنه البجاوي
Post: #14 Title: Re: متى يأتى هذا اليوم؟؟؟ أفيدونا Author: ابويوسف Date: 01-31-2003, 09:29 AM Parent: #13
تشوفي بعيد بعد نجمي واشوفو قريب قرب نضمي
يلاقوك شفع الكتاب كبار وصغار بلا النسمه
Post: #15 Title: Re: متى يأتى هذا اليوم؟؟؟ أفيدونا Author: أبوالزفت Date: 04-21-2003, 09:12 AM Parent: #1
Up
Post: #16 Title: Re: متى يأتى هذا اليوم؟؟؟ أفيدونا Author: Mayada Date: 04-21-2003, 09:18 AM Parent: #1
وتفاؤلو خيــــــــــرا تجدوه، لكن باقى ليكم بنحضر اليوم دة!!!!
Post: #17 Title: Re: متى يأتى هذا اليوم؟؟؟ أفيدونا Author: خضر حسين Date: 04-23-2003, 08:18 PM Parent: #1
الأخ .. أسامة اليوم دا لا بد حا يجى .. وحا نرقص فى الشوارع.. وينكسر سور الموانع .. بس عشان يقرب شوفوا لينا طريقة تسكتوا بيها الصادق المهدى .. وناس مؤتمر البجا .. وناس حركة دارفور المسلحة .. والحزب النوبى الجديد .. والخمسة العملوا ليهم تنظيم فى منطقة جبال النوبة .. والله يكفينا شر لعنة البترول
Post: #18 Title: Re: متى يأتى هذا اليوم؟؟؟ أفيدونا Author: hakimoo Date: 04-24-2003, 03:04 AM Parent: #1
وليه ما نغني مع وردي انت يا مايو الخلاص يا جدارا من رصاص يا حبالا للقصاص
بعدين العايز يشيل الانقاذ يمشي يناضل من جوه السودان مش يقعد في الطراوه ويستنى الشعب الغلبان هناك يقوم بالمهمة ثانيا السودانيين في الداخل لو ما كان عاجبهم الحال البشير ما كان قعد لكنهم خايفين من الدوامة يطلعوا انتفاضة يجو الامة والختمية تاني ونقعد ننتظر لحد ما تنتهي مشكلة ولايتي وولايتك ووزارتي ووزارتك بعدين تبدا مشكلة تعويضات ال المهدي وال الميرغني والشعب المسكين يتفرج ويتفرج لحد ما يطلع ضابط تاني ياخد جكتو فيها
والا شنو يا جماعة؟؟
Post: #19 Title: Re: متى يأتى هذا اليوم؟؟؟ أفيدونا Author: أبوالزفت Date: 04-24-2003, 06:32 AM Parent: #1
مدمن الياسمين الم اقل لك ان الكيزان ظبطوا علاقاتهم مع عيال العم سام الكاوبوى مبسوط من اداء وتعاون الكيزان واستبعد فرض عقوبات اضافية على السودان
طيب يا ابو الزفت اكتوبر كانت ثورة خالصة يعنى بايدى سودانية مية المية و كمان ابريل عند انحياز الجيش السودانى الما امريكى للشعب و لا شنو عموما مافى شى مستبعد و تحياتى
Post: #21 Title: Re: متى يأتى هذا اليوم؟؟؟ أفيدونا Author: artiga Date: 04-25-2003, 00:14 AM Parent: #1
اسامة الخاتم
اليوم ده لابد اتى
مشكلتنا فى الساقية الحاتدور بعدو
وهلمجرا
كل الود
Post: #22 Title: Re: متى يأتى هذا اليوم؟؟؟ أفيدونا Author: beko Date: 04-25-2003, 00:49 AM Parent: #1
الاخ اسامه الخاتم غابت الشمس وانقلب الليل علي النهار وظن الليل ان شمس صباحنا لن تعود ولكن اصبح الصبحو وها نحنو مع النور التقينا مهما طال الليل فلنا موعد مع الصبح لك ودي