Post: #1
Title: مــن يهدئ روعـة البـورد .قبل ان يطق له عرق
Author: shiry
Date: 01-23-2003, 08:59 PM
Parent: #0
سلام مربع
ومية مسا
على الناس
المتشاكله
مزاجي كان عال العال
وفوق رأسي المنكوش مثل شيطان الحكومة
تتحاوم افكار هادئة ومستطيرة
لكنها باي من الاحوال لم تكن بالسؤ
الذي احتلني
ساعت
ان لمحت هذه
المعارك التي
اطارت ابراج نافوخ البورد
وياحليك بابورد
جنونك اولادك
نتفوا شرايينك
وكمنوا في ذات مقعد الى استكانة اوردتك
فعكروا دمها
وعكروا احلامك
..
اين المفـــر؟
ثلاثة وستون جندي امريكي في طريقهم
الى الخليج
وصدام يصر على البقاء
وتوني بلير يلوح
بالضربة
ودونالد رامس زفت
يقول ان (النفط) امانة في اعناقهم
بعد زوال صدام
والموصلي يعلن انسحابه
والمريخ ولاعبيه ياخذون وجبه دسمه
في فنادق جدة
وانا وبنت خالتي القاعدة نتفاوض
في امكانية حل المسألة فيما بيننا
وبين حكومة السودان سلميا
والحكومة حتى الان لم تحدد
ومكان وتاريخ انعقاد
المؤتمر
وانا وهي نصر على
منطقة محايدة
مثلا مثلا
مونتفيدو
ياربي وين الحته دي؟؟
اهو احسن شوية
من قمة كلمنجارو
ولا اقول ليكم
نحسن احسن نخليها
في سيراليون
مع اني ماعارفه حلوة ولا موش امنة
المهم عجبني الاسم
خلاص يا شباب نحن اتفقنا
سوف نخبر مندوب الحكومة
اننا وافقنا على مكان انعقاد المفاوضات
بصدد اصرارنا على تغيير انظمة الحكم
وانا ح اكون الرئيسة
وبنت خالتي ح تكون نائبة الرئيس
ايه رأيكم
خلاص اتفقنا على طرابلس الغرب
وفكونا من زنقة البورد يا شباب
يعقد في
واتفرج ياسلام
|
Post: #2
Title: Re: مــن يهدئ روعـة البـورد .قبل ان يطق له عرق
Author: Elmosley
Date: 01-23-2003, 09:20 PM
Parent: #1
والله لو بتجو بالانتخاب الحر ماعندنا مانع ياشيري
بس ماتجونا بطريقة 99 وتسعه من عشره
لوول
ودي اول مره استعمل الكلمه ديه داير ابقي حريف نت
|
Post: #3
Title: Re: مــن يهدئ روعـة البـورد .قبل ان يطق له عرق
Author: Modic
Date: 01-23-2003, 10:08 PM
Parent: #1
Shiry عزيزتي
أنا و الله مغبون و عيان في نفس الوكت
مغبون من البيحصل في البورد
و عيان بسبب مناخ أبوظبي الصحراوي اللي اتفاجأ بي اختراع اسمو الفريونات
لكن أول ما لقيت اسمك .. ارتسمت ابتسامة كبيرة من الأضان الي الأضان في وجهي .. و دخلت
لقيتك و الرزاز مدخل
و ناديتك
أقيفي معاي
نشيل كتف الغنا الميل
و نتخيل
حلم دونك بيتحقق
( عاطف خيري )
عارفة بقيت متلهف لي مواضيعك زي ما كنت زمان و أنا صغير بتلهف لي مجلة ماجد .. مجلة ميكي .. و مجلة الميدان السري
ربنا يعينا علي المشاكل و يصلح الحال
لك كل حبي
محمد قسم الباري
|
Post: #4
Title: Re: مــن يهدئ روعـة البـورد .قبل ان يطق له عرق
Author: solara
Date: 01-23-2003, 10:19 PM
Parent: #1
shiry....سلام يا
انا كمان اتمنى الهدوء..في البورد...ما عارفه اذا دي عين يا ربي و
لا شنو..؟؟مافي داعي للناس انو تعكر صفاها....الفنانين ان شاء الله
..ازيدو ابداع ..و الكتابين .و الشعراا.. و المهترشين يا شيري طبعا
ماممكن انساك ...
Modicيا....
معليش لكن كلمه(مغبون)دي حاااره شديد والله و ..الله لا جاب ليك الغبينه
انت لسه شباب ...خليك مودك واصلك دائما حتبقى مودك...
Solara..
|
Post: #5
Title: Re: مــن يهدئ روعـة البـورد .قبل ان يطق له عرق
Author: Hozy
Date: 01-23-2003, 10:39 PM
Parent: #1
الأخت الرائعة شيري
ماشاء الله عليك
تتمتعين بأسلوب رشيق وحس جميل ولباغة فائقة
على صياغة تعابيرنا البسيطة بصور بلاغية مدهشة
وخفة دم لذيذة تنعش الدماغ
تستحقين اعجاب الكل
انشاء الله الله يهديء من روعة قلب البورد وأعصابه
وترجع المياه لمجاريها
ودي واعجابي
والى الامام يارائعة
ودمتي
|
Post: #6
Title: Re: مــن يهدئ روعـة البـورد .قبل ان يطق له عرق
Author: shiry
Date: 01-23-2003, 11:22 PM
Parent: #5
اولا اعتذر لان هنالك خطأ إملائي في العنوان وهي كلة روعة وصحتها هي روع
وكان يجب ان يكون العنوان :
من يهدي روع البورد ، قبل ان يطق له عرق
بدلا من
روعة
واسوق اعتذاري لهذه الهترشة المغلوطة ..
ودمتم
|
Post: #7
Title: Re: مــن يهدئ روعـة البـورد .قبل ان يطق له عرق
Author: shiry
Date: 01-23-2003, 11:23 PM
Parent: #6
اولا اعتذر لان هنالك خطأ إملائي في العنوان وهي كلة روعة وصحتها هي روع
وكان يجب ان يكون العنوان :
من يهدي روع البورد ، قبل ان يطق له عرق
بدلا من
روعة
واسوق اعتذاري لهذه الهترشة المغلوطة ..
ودمتم
موسيقارنا الفنان
الموصلي
تعظيم سلام لجيتك
والله بعرف ازغرد كنت زغرد
لهذه الطلة التي قشعت دبرستنا
وغورتها في ستين داهية
,ويارب ما تشوف شر
ولو على الانتخابات بسيطة يا سيدي
انتو بس تعالوا راجعين ، لانو انا بتضايق جدا من انتخابات السفارات دي
ولا عايزين نرسل ليكم بت خالتي المجنترة عشان تتفاوض معاكم على موعد جيتكم؟؟
بس في الحالة دي لازم تتدفعوا التكاليف .. لانو تكلفة الرحلة موش على يكون على حساب
الحكومة .. لاني ناوية اكون امينة على ممتلكات الامة ..
بس المكرفونات وتأجير الستلايتات (ياجماعة دي جمع ستلايت) ما تقوموا توقعوا بينا وبينا لجنة الدفاع عن اللغات الحية . هو يا ربي في جمعية بالاسم دا.؟
المهم الحاجات دي ح تكون على حساب الحكومة . لاني بصراحة لم تغريني حاجة في الحكومة الا شغلانة المايكرفونات الكثيرة من كل شكل ولون
قدام المسئولين والارئسة (برضو دي جمع رئيس) .
|
Post: #8
Title: Re: مــن يهدئ روعـة البـورد .قبل ان يطق له عرق
Author: shiry
Date: 01-23-2003, 11:26 PM
Parent: #7
سلام مربع
Modic
الفتي الشاعر والذي غير صورته الحلوة بسبب مناخ ابوظبي
هو انت غيرتو عشان الفيرون ولا عشان هترشتي دي ؟
بنت خالتي قرأت ذلك واخبرتني صراحة انني سبب هذه النكسة التي يمر بها البورداب عموما..
بسبب كميات الهترشات التي امطرت بها الخلائق ..
عموما .. لم استمع لكلامها . لان جلدي تخين ودمي اتقل .. واتخيلكم وراء شاشاتكم تنهدون الرحمن ان يجعلني احسن بصدق كلامها
.. وفي كل الاحوال .. سواء ان دخل ثلاثون وستون الف جندي امريكي للخليج او صاعوا في صحراء الربع الخالي .. واتجننوا
الا انني لن اتخلى عن مشروعي .. مع انني اجهل تماما ماهو المشروع الذي افكر او اعمل فيه هذا الوقت بالذات
الا انني من الحصافة والكياسة واللقافة ما يجعلني اقول ليك
تسلم من كل غبن ، ومن كل طفش .. ومن كل دبرسة
وعقبال ما ترجع صورتك او تضع بدلها صورتي
مع انني لا ادري من اين جاب المشرفين على البورد هذه الصورة ، الا انني التزم الصمت .. حتى لا اثير زوبعة اخرى
بسبب الصورة ..
وتقعد عافية . وتبري وتستبري وانشاء الله عدوينك يا رب
|
Post: #9
Title: Re: مــن يهدئ روعـة البـورد .قبل ان يطق له عرق
Author: shiry
Date: 01-23-2003, 11:33 PM
Parent: #7
سلام مربع
الرقيقة . اللذيذة
انشاء الله ماتشوفي شر يا بت امي .. وبركة سيدي حسن والشيخ الطيب والمكاشفي والكباشي
يصبح الصباح . وتكون الكتاحة والهترشة بتاعتي اصلهما سيان عند الناس ازالوا كل آثار الجو المكهرب
ونرجع انا وانت وهم وهؤلا . نهترش ، ونبري الناس بري لمن
وانا لمن دخلت البورد كنت عايز واحدة حلوة ورشيقة زي كدة تدعو لينا
لانو ان ااذا دخلت في موضوع مجازفة بالدعوات .. ح اجازف بدعوات اخريات . وانسي انا كنت عايزة ادعو لمن وفي شنو
وعشان دبرستك دي تروح ، ح اقوم اجازف احكي ليك النكته دي ..
قالوا في واحد من الجماعة اياهم . غنمايتو راحت .. قام بلغ الشرطة .. وعمل ليك فلقة ليهم لمن جابو ليه تيم البحث
اها يا خونا وصف لينا غنمايتك دي
قام اخونا اتنحنح :
والله انا اصلو الغنماية دا غالي وبعدين بجيب لينا 2 رطل
بتسمع الكلام عشان انا دقيتها بقت مابتاكل الدلاقين .
يا شيخ ما توصف لينا الزفت بتاعتك دي خلينا نشوف اشغالنا
والله قرونا مقبلا كدا ...
هاهاهاهاهاهاهاهاهاهاهاا
سلمت يا طيبه للطله
وانشاء الله عقبالك يا رب
|
Post: #10
Title: Re: مــن يهدئ روعـة البـورد .قبل ان يطق له عرق
Author: shiry
Date: 01-23-2003, 11:34 PM
ٍسلام مربع
Hozy
عارفة لمن اسمع من كتاب واصحاب اقلام رشيقة مثلك ، ينتفش ريشي .. واقوم جارية جري للمرايا .. اعاين ليك لي نفسك . واضحك واضحك
لمن نصف شغالتنا السيرلانكيه .. تهرع الى ماما لكي تخبرها . اني حالتي الصحية تردت .. وعلى جناح السرعة تأتيني ماما . وهي تبرطم بكلام
سجمي الليلة بتي الوحيدة ما عقلها راح .. ولن تفلح محاولاتي لاخراجها من حالتها الا حينما اريها كلماتكم الرائعة الحلوة التي تكتبونها في حقي
ومع ذلك كله ، لا تقتنع انكم تقولون الحقيقة .. وتبقى هي مصرة على رأيها فيني وفيما اكتبه .. مجرد هترشات وبري فوق مستوي حط الاستواء
سلمت ايتها الطيبه لهذه الطلة
وربنا يخليك ويرقي مراتبك يا رب
|
Post: #11
Title: Re: مــن يهدئ روعـة البـورد .قبل ان يطق له عرق
Author: رقم صفر
Date: 01-23-2003, 11:38 PM
Parent: #10
شيري ازيك
ولازلت لغتك تدهشني ، هترشه ام كلام رجاله
ام فلكبات
دمتي
|
Post: #12
Title: Re: مــن يهدئ روعـة البـورد .قبل ان يطق له عرق
Author: Ahmed Omer
Date: 01-23-2003, 11:41 PM
Parent: #10
شيري
ده مش مزاج عالي
ده حالة خليط من الزهج الواصل حدو اخد طابع حلمنتيسي بيميز الناس العلي وشك الانتحار
الحبيب الموصلي
لكن
لوووووووووووول ما عندك
|
Post: #13
Title: Re: مــن يهدئ روعـة البـورد .قبل ان يطق له عرق
Author: solara
Date: 01-23-2003, 11:43 PM
Parent: #1
Shiry
انتي سكــــــــــــــ ــــــــــــــــــــــــره
|
Post: #14
Title: Re: مــن يهدئ روعـة البـورد .قبل ان يطق له عرق
Author: shiry
Date: 01-23-2003, 11:52 PM
Parent: #13
اول الحكي
أترى ,
اذا جاءوا غدا
وتلاصفت في الشمس شارات النحاس
تمايحثت
راياتهم بالفتح
دوي بوقهم في موكب النصر الزنيم
أتراك تدفن وجهك المعروق
بين الساعدين
تمط جزعك بالتثاؤب
ثم تستلقي ، كما قط سيامي ، تمؤ ..
وتستنيم؟؟
كمـــال الجزولي
- قط سيامــي
_____________
رقم صفر
الزعيم الذي لا يعرف حقيقته احد
ومع ذلك انا اعرف حقيقته
انه رقة الكلمات
وسمو الفكره
,ودا كلوا من اصلك الطيب
يا طيب
سلمت للطله
احمد عمر
والله يا باشا انت مزاجك العالي
وانشاء الله يارب دائما
مبسوط
وبيعد عنك
الذين هم يعكنون مزاجك ومزاج
البورد
الذي صار هو الاخر مزاجنا
وبيتنا الذي نرتاح فيه
سلمت يا طيب للطله
Solara
وانت برضو
مية الميه
والله يديك العافية يا طيبة
لقد رفعتي معنوياتي
|
Post: #15
Title: Re: مــن يهدئ روعـة البـورد .قبل ان يطق له عرق
Author: degna
Date: 01-24-2003, 05:42 AM
Parent: #14
سلام مربع للناس الحلوه
الاخت العزيزة شيري لك اجمل وارقي الاماني الطيبة
كلامك كله حكمة ورزانة تحسدينا عليها وروحك طيبة
علي فكره انا معجب بكل مواضيعك الجميلة
دقنه البجاوي
|
Post: #16
Title: Re: مــن يهدئ روعـة البـورد .قبل ان يطق له عرق
Author: Yasir Elsharif
Date: 01-24-2003, 01:09 PM
Parent: #1
سلامي أيتها الشيري
بالله إنتو خدامتكم سيريلانكية؟؟
أنا كنت قايلها هندية..
وزيدينا فلكبة زيدينا
يا أروع مفلكبة فينا
شوفتي كيف؟
أهو أنا الجماعة توبوني من جمهوري، قررت أكون شاعر جماهيري!!!!!
|
Post: #17
Title: Re: مــن يهدئ روعـة البـورد .قبل ان يطق له عرق
Author: Modic
Date: 01-24-2003, 02:09 PM
Parent: #1
عزيزتي
SHIRY
أبوي قرأ هترشتك و قال انها أجمل حاجة بتتكتب في البورد و قال انك بتمتلكي طريقة جميلة في السرد و أنا وافقتو .. لأنو هو أصلا قرأ هترشتك بناء علي نصيحة مني
عارفة أنا بعترض علي كلمة هترشة دي ... أحسن نسميها أعمال أدبية
لأنها فعلا جديرة بهذه التسمية
أما بالنسبة لي صورتي .. فأنا حأضع واحدة جديدة بتسريحة جديدة و حركات جديدة عاوز أبقي بشبه الأمريكان .. حأحلق شعري زيرو و ألبس بدلة و نضارة سوداء و أتصور و أجي أختها هنا ( أنا جادي ) لسبب واحد هو انو أمريكا سيدة الموقف الأيام دي في الخليج و أنا عيان .. يعني لو شبت حرب يأخدوني يعالجوني لو ما بقيت كويس في المستشفيات الأمريكية علي أساس اني أمريكي .. بعداك يواجهو الحقيقة الصعبة
ده جواز سفرو ســـــــوداني
و شهادة ميلادو روسيــــــة
ووب علينا !!
غايتو لسه عيان طبعا و الفريونات هي مصدر الاوكسجين الوحيد لي .. و صورتي .. اتوقعي واحدة جديدة قريب .. لما يزول الغبن
كل الحب
Solara عزيزتي
و لا يهمك يا عزيزتي .. حأغيرها قريب .. أقري ردي الفوق ده علي شيري و حتعرفي خططي المستقبلية كلها
كل الحب
مــودك
|
Post: #18
Title: Re: مــن يهدئ روعـة البـورد .قبل ان يطق له عرق
Author: solara
Date: 01-24-2003, 03:45 PM
Parent: #1
Modic
يا لزيز يا رايق انت........حلوه امريكان دي منك......
يا زوول انت خت اي صوره و هي مقبوله منك حتى لو شنو.........
و سلام يا (شيري) ...هترشتك حلوه و انت حلوه......
Solara...
|
Post: #19
Title: Re: مــن يهدئ روعـة البـورد .قبل ان يطق له عرق
Author: HAMZA SULIMAN
Date: 01-24-2003, 06:01 PM
Parent: #18
البهدى من روع البورد
شيييييييييييييييرى
|
Post: #20
Title: Re: مــن يهدئ روعـة البـورد .قبل ان يطق له عرق
Author: shiry
Date: 01-25-2003, 00:20 AM
Parent: #19
سلام مربع
للناس الحلوة الزائرة
دقنه
يا ليتهم سمعوا كلامك الحلو البنقط عسل دا
يا ليتهم سعموا الرموني وصبحوا فراجة
تسلم يا سيدي على محاولاتك رفع معناوياتي
وتسلم اكثر للطله
ياسر الشريف
انا اتحدث عن النصف الذي يعمل لدينا ، وبما انه نصف فاني اعمل مساعدة له في هذا النصف
وهي طبعا سيرلانكيه .. لكن هندية .. قالوا هم اولاد عم
,ويا عم سيبك منهم .. خليك زي ما انت ، قول زي ماعاوز .. المهم تكون انت على عناقة
والماعجبوا يشرب من البحر .. كل زول مسئول عما يقوله ويفكر فيه ..
سلمت يا طيب على الطله
Modic
شاعرنا التمامين . دي جمع تمام التمام
سلامي كتير اوي اوي لحضرة الوالد . وقولوه شيري بتقول ليك . يعني انت على رأيك . ؟؟ يعني عمرك ما ح تغير رأيك . .
غايتو على كيفه ؟؟ عندما يزيد جنونو وتزيد هترشاتي .. لن يحق له ان يتزمر بعد كده ؟ واهو انت شاهد .. ماتقوم بعدين تقول
لي دا ابوي وكده .. ؟؟ بس انا طالبة الشهادة بس ..
انشاء الله تسلم من كل شر , وسلامتك وما وتشوف شر يا ود امي
وتسلم اكثر لهذه الاطراء الذي تغمرني به حروفك الزينه
وتسلم مرة تانية للطله
الاستاذ حمزه سليمان
الفنان الذي كلما استعمت اليه .. سرب الى عصب رأسي كل نكهات الفاكهة الاستوائية وعلى ندرتها
تسلم ياطيب على هذه الاريحية التي تغمرني بها كلماتك وترفع بها في كل مرة تراني فيها من معنوياتي الايلة للسقوط
تسلم يا طيب للطلة
|
Post: #21
Title: Re: مــن يهدئ روعـة البـورد .قبل ان يطق له عرق
Author: Yasir Elsharif
Date: 01-25-2003, 05:52 AM
Parent: #1
أشكرك يا ستي
وحكاية الهندية مجرد مشاغلة لناس تانيين هم عموم أهل الخليج
لك العتبى
|
Post: #22
Title: Re: مــن يهدئ روعـة البـورد .قبل ان يطق له عرق
Author: nazar hussien
Date: 01-25-2003, 08:00 AM
Parent: #21
الرائعة الاستاذه شيري
والله بعد ما قربت ارد علي موضوع في هذا البورد ربما يعرضني
للطرد لقيت كلامك المخدر وهترشتك البتهدي روع اللبن الطامح
وسرحت فيها ونعلت ابليس
وعشان الكلام واقف لي في حلقي والله احسن اخليه ............
كان في كميات من الزعل فانت الوحيدة القادرة علي تذويبها
بمساعدة نصف خدامتكم السريلانكية طبعا
تسلمي يا رائعة
نزار
|
Post: #23
Title: Re: مــن يهدئ روعـة البـورد .قبل ان يطق له عرق
Author: أبوالزفت
Date: 01-25-2003, 10:06 AM
Parent: #1
اول الحكى
شوال ليمون مابينفع
مع الحاصل اليومين ديل
والدور ده لازم ياخذ
دورتو وينتهى
وثانى الحكى
انا حادور معا
مش دى اخر تقليعة
شكل فى شكل
اها ياستى شكلتى
معاك كيف تقولى
ودونالد رامس زفت
وانا ابو الزفت
وقرن اسمى بدونالد
يعنى انى انا متعاون
مع الامريكان
يعنى عميل
ودى خيانة عظمى
وربما تخرج مظاهرات
تهتف
راس ابو الزفت
مطلب شعبى
او
عميل عميل يا ابو الزفت
او
برة البورد ياابوالزفت
ويقوم حمات الديموقراطية
الذين لا يمارسونها
فى تعاملاتهم الشخصية
ولا فى محيط الاسرة
بالدفاع عن ابو الزفت
وعدم طرده من البورد
ويذكرون بمواقف ابو الزفت
ضد الاستعمار
وابان ثورة اكتوبر
وابو الزفت
من مواليد السبعينات
وبعدها يطالبو شيرى بالاعتزار
اها ياشيرى دى طلقة من المسدس
بقى خمسة
التحية ليك ياشيرى
|
Post: #24
Title: Re: مــن يهدئ روعـة البـورد .قبل ان يطق له عرق
Author: almulaomar
Date: 01-25-2003, 03:17 PM
Parent: #23
الأستاذة الكريمة شيري
ما أضيق العيش لولا فسحة الأمل. والله يمكن لهذا البورد بفضل إعضائه أن لا يطق له عرق وأن يستمر بشرط والشرط ده هو لابد أن يسبقه حرفان هما اللام والواو وهي التي تفتح عمل الشيطان عليه لعنة الله ، وفي تقديري أننا ممكن أن نتدارك الموقف لو كانت نظرتنا موضوعية منصفة للرأي الآخر وأن نختلف بأدب لأن الرفق لا يكون في شيء إلا زانه ولا ينزع من شيء إلا شانه.
مزيداً من الهترشه
|
Post: #25
Title: Re: مــن يهدئ روعـة البـورد .قبل ان يطق له عرق
Author: shiry
Date: 01-29-2003, 11:57 PM
Parent: #24
سلام مربع
نمت اي والله . نمت لمن شفقوا علي
وظنوا انني ربمامت
ماعارفة الساعة كم هسع؟
لكني اعتقد نمت كده قدر يجي ثلاثة حلل كمونيه
لانو الكتاب اللي كان في يدي شكلوا كدا
رجعوهو المكتبه
....
هو في ايه ؟؟؟
والله ماعارفه ، كنت من فياقتي انتظر المؤتمر الصحفي ..
هو يا ربي المؤتمر الصحفي بتاع منو؟
والله ماعارفه ، شكلي كده كنت بحلم
ياربي اليوم هو نفس اليوم النمت فيهو انا
وخليتو لسعة طويل وباقي فيهو حاجة؟؟
على ايه حال ماعايزة اعرف الساعة كم
ودخلت هنا ، لاني جيعانه اوي اوي
وماعايزه اشرب بيبسسي
بكره البيبسي
وهذه السيرلانيكيه التي لا تعرف الا مفاصحتي
اظنها سوف تعك الشاي لو اخبرتها اني ارغب في شاي
عندي مزاج اشرب
شاي بالنعناع
والله جاني مزاج اشربوا
بالقرفه .. ولا اقول ليك تعالي سويهو لي بالهبهان
ولا اقول ليك عايزه شاورمه
يا بت انت مجنونه شاورما القاها ليك وين في وقت زي دا
انت عارفه الساعة كم ؟
ايوه الساعة كم ؟ انا كنت عايزة الساعة كم ؟
............
.............
يا لي من فتاة لا تجيد شيء الا الهترشة
.....
مطلوبة اعتذار اقدمه الى هؤلاء الرائعين
واهديهم هذه الغنوة التي احبها حتى شغاف قلبي
وحينما اسمعها ، اسمع العالم كله يغني معي
اهداء الي الرائعين جدا
لاني لم ارى هذا البوست
وحقيقي من غير هترشة
ماعارفة متين كتبته ؟؟
لكن الله غالب .. بعد شوية بصحصح وترجع لي ذاكرتي
وابقى كويسه
كان نفسي اهترش معاكم
وابريكم شوية
لكنها المقادير
احسن ان الجوع لن يتركني في حال سبيلي
وعطشااااانه اوي
نـــزار حسين
ابو الزفت
سيدي الملا عمــر
عد فات
صلاح حاج سعيد
عــد فات
زمن العيون الالفة والحضن الملاذ
ورهافة الحس البلون ضحكة الناس العزاز
بعد الحنان الكان زمان استوطن المطر الحراز
روح زماني وفي رجاك عانيت قساوة الانتظار
في ضل شبابيك السفر صادقت ليلات المواني
الساكنة في بحر الأماني بتنتظر
لو يوم طيوف لحظ تفوت تعبر خيلاتك تمر
قلق المواعيد الجر سهر العيون الاحتراز
واتعزز النوم الخزاز
واتمدد الشقا في العمر
مليت تباريح الجراحات البقت
بعدك أسى وزمناً قسى وحالاً اسيف
ومشيت أفتش عن خطاويك القبيل
واضارى من زمنا وراك ملاني خوف
اشتقت لي ضحكة صباحك
والدعاش عطر رزاز مطر الخريف
أنا وانت الدنيا الأمان
والناس وفا خوة صفا
دفء المشاعر الشاتية صيف
أنا وانت والدنيا الزمان
زمن الغناوي الطالعة
من قلب رضي وحسا ندي وذوق رهيف
انا وانت والدنيا الأمان
ما العمر شتان
ما بين زمنا حييتوا
وعمر ما بتعرف بكرة يصبح حالوا كيف
عد
|
Post: #26
Title: Re: مــن يهدئ روعـة البـورد .قبل ان يطق له عرق
Author: nazar hussien
Date: 01-30-2003, 11:02 AM
Parent: #25
شيري
وين نلقي تسجيل عد فات؟؟؟؟
ده اسلوب جديد جدا لكرامه لله يا محسنييييييييييين
من خلف نظارة سوداء وعصا
انشاء الله يا ربي ينفع
|
Post: #27
Title: Re: مــن يهدئ روعـة البـورد .قبل ان يطق له عرق
Author: shiry
Date: 01-30-2003, 12:13 PM
Parent: #26
سلام مربع
الرائع جدا
نزار حسين
وحات الله عندي الغنوه دي ، ولو ماعندي ما كنت بكون نصيحة
كان زمانكم تزوروني في مستشفي الطائف
بس اختك غشيمة اوي
في عالم الكومبيوتر
والاتصالات
لكن لو شرحتوا لي كيفن بعملوها
انا وام مازن
ح نظبتها كويس
بس كدي ورونا كيف
ناس الخواض
والجماعة الفنييين
يا اب
|
Post: #28
Title: Re: مــن يهدئ روعـة البـورد .قبل ان يطق له عرق
Author: nazar hussien
Date: 01-31-2003, 12:20 PM
Parent: #27
يا الفكي الصادق
يا الفكي الخواض
يا الفكي بكري
تلحقونا وتنجدونا
دايرين نسمع الاغنية دي باي طريقة
انا زاتي غشيم في موضوع تحميل الاغاني
واذا فشلوا يعلموك تسمعينا ليها عبر الاثير
عيبي لي البريد
البوستة يعني
|
Post: #29
Title: Re: مــن يهدئ روعـة البـورد .قبل ان يطق له عرق
Author: anwar abu gaidaa
Date: 01-31-2003, 01:11 PM
Parent: #28
السلام عليك يابت القبايل
والله من شدة البورد بقى ما مسخن ضببت عكازى
وبقيت راجى ؟
اكان فى زوول هبشنى اشيل حقى بى ضراعى ده؟
علا لقيت كلامك ده وقلت النشوف اخرتا؟ على حد قول استاذنا سعد الدين ابراهيم ليك الود
ود بتول
|
Post: #30
Title: Re: مــن يهدئ روعـة البـورد .قبل ان يطق له عرق
Author: shiry
Date: 02-01-2003, 03:36 PM
Parent: #29
سلام مربع
نزار حسين
وحات الله انا ذاتي غشيمه
لسعة مابديت حتى في هذه التكنولوجيا
وكدي تعال ننقر بيبان الناس التانيين كان
يساعدونا في تنزيل الاغنيه دي
ولا اقول ليك يعني خلاص لازم نسمعها هنا
اتخيل نفسك سمعتها
وخلاص الناس ديل شكلهم لسعة زعلانيين
اخاف يجينا عكاز
انور
سلام مربع
يا ود العم وحات الله
الناس ديل كانوا فعلا قبل يومين
مدروين حرابهم
وشغالين كاسوري
على قول اخي المفقلصص
لكن اهو الله جاب البسيطه
وتسلم يا سيدي لانك هدأت اعصابك لمن جيتنا
اتفضل لي جوه .. في الحال
نسوي ليك شاي بالنعناع
ولا عايزو بالقرنفل
سلمت للطله
|
Post: #31
Title: Re: مــن يهدئ روعـة البـورد .قبل ان يطق له عرق
Author: nazar hussien
Date: 02-01-2003, 04:53 PM
Parent: #30
الاستاذه شيري
نوح من حالي من سعدي العكس واتجلح
ودابنا بلينا لكن الوقع بتصلح
الخلاهو يا خلي العقل يتفلح
كزيم كدمة الشايقي اب ثمارا بلح
الطيب ودضحوية
نوح تستعمل في السودان كدعاء او تعويذه من الشر
اتجلح من الجلحات الفي الصلعة وانحسار الشعر
كزيم من كزم الشي اذا عضه
كدمة من الكدم: جراد اسود اخضر الراس
بلح صار بلحا
دي كلها كناية عن معاكسة الحظ ورفض الجماعة ديل لتعليمك انزال الاغنية لكني لن ايأس
|
Post: #32
Title: Re: مــن يهدئ روعـة البـورد .قبل ان يطق له عرق
Author: shiry
Date: 02-04-2003, 07:50 AM
Parent: #31
سلام مربع
نزار حسين
الرائع
طيب اسوي اشنو انا
في لساني دا
لاني مكره الناس
البورد
وكل ما لقيت لي موضوع نطيت ليك فيهو
شيل يا هترشه
من جبت للناس الطفش
لن يدخل احد ليقرأ
ماكتبت
حتى يسجل هنا اغنيه
احببناها
تسلم للطله
وتسلم لهذه التحانيس
عشان الاستجابة
بس من يقرأني
حتى ذلك الوقت
امشي القهوة واطلب شاي
واتخيل نفسك بتسمع في الاغنيه
|
Post: #33
Title: Re: مــن يهدئ روعـة البـورد .قبل ان يطق له عرق
Author: nazar hussien
Date: 02-04-2003, 08:49 AM
Parent: #32
المشكلة يا شيري انا ما سمعتها في حياتي
وما اظنها زي معظم الاغاني السودانيه الواحد ممكن يتخيل
موسيقاها ولحنها مجرد اشارة ضابط الايقاع
بس عوضتها بشريط جديد لنج لعقد الجلاد
غنوا فيه للقدال وعاطف وناس رائعين كتيرين
حاجة اروع من الروع
واصبح الان يحرضني للخروج عن العمل والدوران في الشوارع
وتخطي اشارات المرور والسياقة بسرعة 30 في
ال
HIGH WAYS
فعقد الجلاد حاليا مالني لامن مفضل
آخر الكلام همباتي
قج السادره في الوادي اب نعاما دكك
وضايق سوقها قبال الضرير يتمكك
انا اخو النايرة ان خرب الحديث واتلكك
ات قدامي ماك وراني مقطوع شكك
ودضحوية
قج:خاض وزحم
السادرة: الارض المرتفعة
دكك: ما استوي من الرمل
يتمكك: يقبض عليه ويوضع في القيد
النايرة: المجلوة
اتلكك: اصطلب واضطرب
|
Post: #34
Title: Re: مــن يهدئ روعـة البـورد .قبل ان يطق له عرق
Author: shiry
Date: 02-04-2003, 10:51 AM
Parent: #33
سلام مربع
اخي
نزار حسين
عارف لو في طريقه
كنت رسلتوا ليك
بالبريد
ما تغلي عليك حاجة
يا طيب
علي فكره
احسني اعرف الهمباته
رغم اني لا اعرف اي شيئ
عن لهجتهم
ولا عن قصتهم
ومع ذلك لم استطع ان اقبض
علي نكهتهم
|
|