Post: #1
Title: يابورد ليه ؟؟؟....لا فيك يسار لا فيك يمين ؟؟؟؟ على ياتو جنبة بتتكى هسى
Author: wadazza
Date: 01-23-2003, 06:47 PM
البحصل فى البورد ده غريب الأطوار...والمشكلة ...من العاملين فاهمين كل حاجة لو من يسار لو من يمين...ماعندى تفريق بينهم هسى واختها هسى على بلاطة...انا عملت العلى وكتبت من يوم رجعت أمس وياريتنى مارجعت اكتر من بوست ورد وضحت فيه اسباب حدوث المشاكل دى..وتكرارها لكن ....المشكلة هنا
شيل سطر من بوست زول واصنع بى مديدة..على طريقة لاتقربوا الصلاة
وسميهو راى ...بعد شوية قول ...هجم اليسار ...هجم التكتل يا اخوانا مانوهم نفسنا بأهمية زائفة...ومن المخزى اننا نقول على نفسنا شجعان فى مواقع ذبح فكر وتواريخ..منو الضد منو؟...وفى شنو من موروث العلم أو المعرفة أو التحليل أو النقد الموضوعى الممكن الناس تقيق ضده أو معه...أين هى المداخلات منزوعة الاصرار والترصد؟
البحصل ده أوهام....زيف....فلا يوجد حوار على ظهر هذا البورد...
حتى الادارة تنزل بيان من المفترض انه يكون اتناقش من أعضاء الادارة نفاجأ باتنين من أعضاء الادارة ...ماعارفين عنو حاجة أو عارفين ومعترضين...ولا تنسيق للمواقف الذى من المؤمل أن يكون قد انسحب على العضوية فى عمليات التهدئة.كوضع طبيعى.لكن يؤسفنى جد البحصل هنا...وقصة يتصلح ما حيتصلح..وانا شخصيا وصلت حالة يأس ...لأن مايسمى بالنضال هنا ليس النضال الذى نعرفه وما يسمى بالحوار هنا ليس هو الحوار...
وعصى على نفسى أن تخدش حياء التواريخ بالمشاركة والضلوع فى طمس القيم والرؤى....اننا نصنع فقاعات هوائية هنا....واذا اردتم نصيحتى فليسمى هذا المنبر...باسم آخر وأن تعلق على أبوابه لافتة:الدخول فقط لحملة الأختام....
لمستلمى المجالس اينما كان ذلك ممكنا فى المنبر وبال توكه ودردشته...لاداريين يغضبون لعودة غائب...ويعبرون عن ذلك بأنها سنة الحياة ثم تنفلت سهامهم من قوس غرور النفس ...للمطالبة بعدم دعوة الغائبين وعدم ارضاء الغاضبين
لأصدقاء محركات البحث وعدم الاشارة للمصادر
لمن انطفأ بريقه ويبحث عن بريق
لمن يحيل الاساءات الى صدر الادعاء الديمقراطى
لمن يستكتب الآخرين ويلح فى الرد على بوستاته عبر المسنجر
لمن يسعى الى تقويض البورد ويتبعه آخرون محتمين بحرية الرأى والتعبير...حتى لو كان الأمر اساءة أو شتيمة
لمن يعتقد أن الحل المستحيل آت لاريب فيه..عبر مهدئات القول
لمن يناصب الآخرين العداء بحكم مسبق وتوصية من صديق
لمن يحمل هراوته باحثاً عن كلمة مفردة تكون بمثابة بطاقة عبور لوادى المشاكل
لمن ....ولمن...
ولمن ترى أعزف أغنيتى؟؟؟
الاحباط مصوب من كل جانب من يسار أو يمين...
ولا نامت أعين الدخلاء أمثالى...
ومحجوب شريف قال : أعاف الصديق الما بهم بيك
تحياتى
ودعزة
|
Post: #2
Title: Re: يابورد ليه ؟؟؟....لا فيك يسار لا فيك يمين ؟؟؟؟ على ياتو جنبة بتتكى هسى
Author: Elmosley
Date: 01-23-2003, 06:54 PM
Parent: #1
العزيز ود عزه
اناشد بعض الاخوة هنا العوده الي الضمير وتحكيم العقل
اناشدهم ان يعملو علي اصلاح ذات البين بدلا عن تأجيج النيران وصب الزيت عليها استحلفهم بالله ان نتفق علي ان نجعل من هذا البورد واحة ديموقراطيه مبرأة من العيوب بالله عليكم وقفو الحاجات دي
تسلم اخي ود عزه
|
Post: #3
Title: Re: يابورد ليه ؟؟؟....لا فيك يسار لا فيك يمين ؟؟؟؟ على ياتو جنبة بتتكى هسى
Author: wadazza
Date: 01-23-2003, 07:11 PM
Parent: #2
عزيزى يوسف
شكرا...لكن انا حاعتبر نفسى ماجيت وحأمدد أيام الغيبة...ولو سنة
2010...
البورد اتصلح واللا الأخوة الناشدناهم استجابوا
عندها يكون لكل حدث حديث...
هسى المشكلة القريتا كانت بينك وبين مهيرة
النقاش دار فيها فى عشرين بوست
بعد شوية
دخلو الكاتبة الراقية عزة والمنضمة حديثا للبوردفى الموضوع بدون ذنب
وبعدها عملوا لنك من العناوين بس لكاتبات تانيات
فى بوست تانى مسكوا فى سارى الليل وفى موديك
ده كلو فى نص يوم!!!!!!!!!!!
بعدين انا بستغرب من مواقف البعض بدون تصنيف يسار ويمين الحالة واحدة على الأقل فى مواقفهم...مرة مع ده مرة مع ده مرة يجاملو ده مرة يفتنو ده مع ده...مجاملات...تزييف....شيلنى واشيلك....
لكن زى ماقلت ليك
اجيكم سنة 2010 بطيارة بوست الساعة 12
سلام
ودعزة
|
Post: #5
Title: Re: يابورد ليه ؟؟؟....لا فيك يسار لا فيك يمين ؟؟؟؟ على ياتو جنبة بتتكى هسى
Author: Elmosley
Date: 01-23-2003, 07:17 PM
Parent: #3
فعلا يا ود عزه معاك الف حق نرجو لهم الهدايه من رب العالمين
ولكن دعنا نتمسك ولو ببصيص من الامل
يا ود عزه الهميم الهمام
|
Post: #8
Title: Re: يابورد ليه ؟؟؟....لا فيك يسار لا فيك يمين ؟؟؟؟ على ياتو جنبة بتتكى هسى
Author: Elmosley
Date: 01-23-2003, 07:45 PM
Parent: #3
ود عزه الجميل كدي نعلك فهمتني غلط انا بساند في كلامك كان كده لغتنا راحت في مويه
ياخوي مابنقدر نستغني عنك
وعزه دي انسانه راقيه بمعتي الكلمه والله اسم علي مسمي
وهي بتنا كلنا وبت السودان العفيفه
|
Post: #4
Title: Re: يابورد ليه ؟؟؟....لا فيك يسار لا فيك يمين ؟؟؟؟ على ياتو جنبة بتتكى هسى
Author: الشرغوف
Date: 01-23-2003, 07:13 PM
Parent: #1
وتجتنب الاسود ورود ماء اذا كان الكلاب يلغن فيه
هذا الشمم والاباء الاسطورى الذى يزين زيفا" وعينا المريض سيحطم ويدنس كل بذور الالتقاء
فيا ود عزة الحبيب ,, كل شئ واضح فدع عنك اسطراعهم واحكى لى عن محوبتك وقاموسها الذى لا يجف
مع ودى واشفاقى للمرهفين من قسوتهم على انفسهم وعلينا
الشرغوف
|
Post: #6
Title: Re: يابورد ليه ؟؟؟....لا فيك يسار لا فيك يمين ؟؟؟؟ على ياتو جنبة بتتكى هسى
Author: wadazza
Date: 01-23-2003, 07:18 PM
Parent: #4
صدقت ياشرغوف ...فسأكتب حبيبتى تحتطب شجنى لتشعل مواقد الشمس...
لكن ماهنا
لووول
تحياتى
ودعزة
|
Post: #7
Title: Re: يابورد ليه ؟؟؟....لا فيك يسار لا فيك يمين ؟؟؟؟ على ياتو جنبة بتتكى هسى
Author: الشرغوف
Date: 01-23-2003, 07:23 PM
Parent: #6
لول اللول يا زول
فى انتظارك
مع الود
الشرغوف
|
Post: #9
Title: Re: يابورد ليه ؟؟؟....لا فيك يسار لا فيك يمين ؟؟؟؟ على ياتو جنبة بتتكى هسى
Author: Elmosley
Date: 01-23-2003, 08:01 PM
Parent: #7
با ود عزززززززززززززززززززززززززززززززززززو
داير اسمع منك
|
|