قفلو الابواب مافي زول يطلع....اني اختطف المنبر

اعلن ان المنبر مختطف من قبلي....فانا لي قضية ولن يسمع لها احد

الا وانا اختطف المنبر.....اي واحد يتحرك من محلو حاضرب في

المليان..كل واحد يلزم كرسيهو ويعاين قدامو...عندك كي بوردك اقعد

اكتب وانت مطمئن لكن مرقة من هنا مافي.......عايز اربعة من الكنبة

الاخيرة يجو يربطو لي الموصلي

ده..شايفو داير يتلب ..وبعد تخلصو منو ربطو سيف الجامعة...وسمندلاوي...وود شاموق....

الابواب كلها مقفلة تمام....شباك ما دايرو فاتح..شان ما يجيب لينا

الهوا....وما عاوز اتفاوض مع اي جهه وما عايز فيكم فدية...غير

انكم ما تمرقو من هنا....عالم ما تجي الا بالقوة

البنيات تعالن جاي...اسمع حس واحده فيكن..بضرب في المليان...

يلا يا بكري طير بينا...وما تقيف علا اقول ليك........ولامن تشوف

مقرن النيلين قول لي عوووك...انا بوريك بكان تنزل...هناك يا

الحبيب فوق سطوح قاعة الصداقة..وبنندلى في القاعة..وبنعقد

مؤتمرنا...كل واحد يكمل كلامو كلو..نختلف..ونتحاور..كان ما النفوس

صفت...ما بخليكم تمرقو للنيل..


ايه قولـــــــكم

انت هناك ...ولا حركة

قرجة
بس افتح الباب شوية أفطر وأجى....هنا قريب بس


تحياتى

ود عازة

فطورك بيجيك في محلك....ولا حركة

يادوبك راجع من فزتك الاخيرة...تاني مافي ليك

عالم ما تجي الا بالبندقية....

قرجة
بوش بس من الدكان الكنتو بتاكلو فى انت وبكرى زمان..أيام الحكم الثنائى لوووول

تحياتى
ودعزة

ود عازة

اخخخخ...لكن لن تفلح محاولاتك في استدرار عطفي...فلقد تركت قلبي

خارج المنبر...والبوش اتينا لكم منه بكبسولات...كبسولة يوميا عند

العاشرة صباحا

والغدا حقنة مفروكة

حسي يا قرجة خالعنا ومطير قلبنا عشان تقول لينا موديكم المقرن......؟وانا قايلك ماشي بغداد؟

سجيمان

بغداد يا حبيب الا كداري

تلاقينا الاباتشي

مطلوب تعيين فتيان لحراسة وتامين الاختطاف...من يانس في نفسه الكفاءة تقديم اوراقه للعنوان التالي:-

المنبر

عناية قرجة المتحكر فوق البنبر

شارع الشكل بالنهار...المتفرع من عمايل الفكر والشجار

فيلا مهما درب السكة طال

شقة ياهو ده السودان

قرجة ..حبابك
هاك حزمة سيطان النيم دي..
اضرب بيد من حديد..ونحن من خلفكم..
وقول ليهم الدخول برأيكم..الا المرقة تب ماعندكم فيها شورة..
والله يا اخوي تلاتة ايام والعبرة سادة الحلق..
سوي النجيض..
ودمت
محمد النور كبر

كبار

تم تعيينكم في الفرقة الخاصة بتامين الاختطاف

عليك بالمنافذ...مافي زول يعدي منك..وزي ما قلت العايز يخوش مرحبو

لكن مروق مافي

ود عازة

تلب بالشباك

وبت قضيم عايزة تنط

مطلوب تعيين فتيات لحراسة وتربيط الحردانات

قرجة ...عليك اللة كان الطائرة مسموح ليها بترانزيت خليني انزل شوية ووعد مابكب الزوقة بس شوية اشم نفسي واطلق رجليني ...القعدة طويلة....ممكن!!!؟

يا غربة قلمك البترسم بيهو ده

كملان من الطول مالو

ذكرني الابتدائي

واهلنا يقولو ليك ما تشيل البراية المدرسة

عشان ما تكمل القلم

مكرر

كتر العضه
وشغل غنيه بتاعة جبجبه

وما حانكون محتاجين الفه

ياخوانامحمـد معانا ماتغشـانا.الليلـة ناس البورد عديل كدة جنو.بعنى من صباح الرحمن بت قضـيم كاتبة ليها رسـالة بالحبر السـرى وهى آخر قرف وقـرجة عامل ليه عملية اختطاف ومامفهوم مطالبه شـنو.
ياخوانا كدى روقوا المنقة شوية وفهمونا الحاصل شـنو.
والله دى عين عديل كدة وصابت حبايبنا فى البورد

كوفي اخوي

اخوك ماخد عدوى من بت قضيم

اصلي كنت مبنشر في بوست موية الغسيل

لمن قلت ليها ما فهمت حاجة

قامت كشحت مويتا

وشرت الغسيل وشرتنا نحن زاتنا ماهو

قرجة
اخوى
ان
ماشى
سميره
ست الشاى
اجيب لى قهوة
سجن سجن غرامه غرامه

يا قرجة الحاصل شنو،دا انقلاب زي بتاع دقنة ولا واحد تاني

منوبيا البحراوي الجميل

اختطاف عديل يا الحبيب

مع مراعاة الاحتياجات الانسانية للمختطفين

وتوفير الجو الرطب

يا باشمنهندس

ستمر عليكم المضيفة بمبيعات

السوق الحر

حيث يتوفر العماري الجيد....والشاي المثلج

وحلاوة جيرسي للجيكسي

مبيوع اخوي

كا ن كترنا العضة

بعدين الزنقة كيف

تلاتتين الف قدم والمسافة لسة

اوعا من البامبرز

بس الجبجبة دي

عندي شريط بتاع عوضية وواحد تاني بيقول

قرجة زينة وحالف ما يدلينا

الاخ قرجه
انا بنتظرك جنب القاعه الايام اصلى عاطل من الشهدا للمعديه
ودعقاب

الاخ قرجة
سلام ياخوي فهمك شنو
بقيت زي امريكا
لا بتعرف ليك حقوق انسان لا جندر لا طفل لا شيخ -من بوست عم حسبو- يازول نحنا نازلين نازلين
تختف ليك منبر قدر دا بي قرجة

فهمك شنو

سلام يازول

ود عقاب

تم استيعابك في قوة تامين الاختطاف

بالله ربطة جرجير من المعدية

عبد الله جعفر

شكلك عايز تقود تمرد

وقرجتي لا تحقر بها

هي اصلها كانت شدرة تمانية رجال

يا الله يا الله قلعوها

يا عازة الفراق بي طال
يا فردة اليومين الامبير عالي جدا
نشيل من بني مالك العدة ولا نمشي ساي
صدق مشتهي شنو من الصباح في الخرطوم تكون ماشي كدا وتاكل شنودتش من ابوالعباس

مهاجر

يا الحبيب جوعتك فترانة

ساندويتش قال

سوق الابل عديييييييل

يا عمو قرجه شكلك فترته من المشي وقرجتك فوق كتفك قلت تحتكر البورد وتخطف البورد عشان ما يفوتك لكن يا عمو قرجه سوق الناقه في امدرمان وانت قلت ماشي المقرن كيف دي ؟

ابونور

الحبيب قرجة

صباح السلام والامن والامان

ياخوى والله الفكرة زى الناس نسوها تماما فقد كانت ملء البورد حديثا وافكارا واقتراحات ولكن بعد عودتى اكاد لا ارى احد يتحدث عنها وكانها اما اكتملت ترتباتها تماما وبقى انتظار اليوم المحدد او انها نسيت وضاعت ادراج الرياح ..

عموما ما زال الوقت كافيا للتحرك من جديد ولشحذ الهمم والاعداد لا سيما ولنا بالداخل اخوة واخوات اعزاء اشاوس لن يالوا جهدا فى عمل كل ما يطلب منهم..

وناس بره بس الدولارات وتحديد الاجازات لتتسق مع الحدث الجميل باذن الله..

ارجو ان يتعامل الناس بالموضوع بجدية اكثر

لك تحياتى عزيزى قرجة
وانا معك قلبا وقالبا

اخونا قرجة
شـايفك بتقسـم لفت رايت فى الغنائم والأسلاب والوظائف للأنقلابيين الجدد.ونحن حقنا وين ياأخ ؟
ملحوظة: حقنا دايرنو ناشف وباليورولأنى اليومين ديل زعلان شوية من الأمريكان والأنجليز.
انا والوليدات وأمهم وناس الحلة كلنا فى الأنتظار على احر من الجمر.
ودمتم

العزيز ابو نـــــور

انت عارف احسن طريقة لتحقيق مطالب مشروعة

هي الاختطاف...فالعالم لا يعرف بقضية عادلة

الا بعد تنفيذ مظاليمها لعملية اختطاف


العزيز قــــرشو

الفكرة جميلة حتى اذا تم تنفيذها بنسبة خمسين في المية من الاعضاء

وهي تعتبر حلم

نتمنى ان يتحقق

وياريت ان تصبح سودانيس اون لاين

مؤسسة اعلامية كبرى

تعمل على نشر الثقافة السودانية وتشكيل هويتها

ويكون مقرها في الخرطوم

يزورها الاعضاء كلما اتوا للسودان

عليك الله شوف انا حظى كيف......الطيارة لمن يخطفوها ...ينزلونا في السودان........ياخى دايرين نشم هواء مختلف....امرقها في سيدنى ....ونزلنى مع الاطفال والنساء والعجائز ....هناك.. وخلي الباقي علي....بكب الزوغة....وبطلب لجوء وبنضم للمعارضة...
..........حلم جميل...موش....لكن اخوك ماشقي....القي العضم في الكبدة......
تحياتى...
شريف محمد

الامدرماني

ليك مدة ما بنت وانا في اشتياق لي شوفتك

يا فردة

عندك مظلة تحت الكرسي

ولمن نصل اتبرة تلب طوالي

الايام دي فيها جو ختر

اتبرة المدينة الوحيدة في العالم التي يعلق

في محلاتها تيرمومتر للحرارة

ياقرجة يافردة .. كيف حالك .. اسمع ياخي حبة بوش واحدة في اليوم دي شويه زيدا شويه .. وبعدين ماعندك مشكلة انا معاك مسكيني رشاش بس وبسد ليك الشباك البيجاي دا

ود مدني

يازول ناس البنبر ديل عكازي ده كفاية

انت ممكن نرسلك بكلاشك ده لي بوش

تجيبو لينا نفطر بيهو

ياقرجة مالك علي موديني للكعب دا .. ماشفت السودانيين كلهم شردوا من العراق .. دا يازول بقوم يحرش لينا .. وما بعيد من كلامك دا ساكت يكون ختاني في راسو

العمدة وقرجة
شوفوا البوست بتاعي الخاص بالمهرجان
ادونا رايكم

كابتن ماجد

بـــوب

حبيبنا مهاجر

ياخوى وين البوست بتاعك ده قدر ما فتشت ما لقيته
ولا امكن العيون طششن يا ربى ؟؟؟

لو تعمل لى رابط ليه يكون جميل

العزيز كوفي

غنايم شنو يا زول

ما سمعت الامريكان قالو للاوربيين شنو

لمن قالو ليهم نحكم معاكم العراق

قالو ليهم نحن اولادنا يموتو وانتو تاكلو الباردة

فدحين استرد خسائر الاختطاف والمقدرة بسبعين مليار

وكان فضل شي وحاتك بنديك


بـــــــــــــــوب

كابتن ماجد ما كنت تلبسو مركوب


اخبارك واخبار حاجاتي الحااارة الختيتة امانة عندك

في بوست عبير الطلح الفواح

اصلو كنت خاتيهم في بوست مذكرات عروس

لامن الجماعة زعلو قلت ما لي غير بوب

والله يا قرجة الله يجازيك ياخى

مركوب ههههههههههههههه دى بالغته فيها لا طيب احسن تموت تخليهو



حاجاتك الحاره قاعدة يازول بس انتا قرب تعال ما تبتعد قرب تعال

بــــــوب

ياعمو قرجه

انقلابك ده كاتم صوت

الأخ / قرجه

لك التحيه

أنت يا قرجه بس نزلنى فوق السطح

و زح بعيد أنا بعمل الازم و بقلبها ليك

فوق تحت بس أنت أبعد لى البنيات ديل بعيد

من سواريخى ديل


كــر يــم

بوب

اموت اخلي كيف

هههههههه

بشيلو معــــاي



تمبوسة

كاتم صوت كيفن

انت افتح الرادي بس


كريـــــم

قال ابعد البنوت قال

هو قالو ليك انا ممكن انفذ اختطاف

كل محتوياتو شنبات

حوالينلا لا علينا

هههههههههههه

انا هسع مفكر انزلكم

ومسامحكم

علا هن ما مسامحن

رحلة بين طيات السحاب
والله دي احلى خطفة في العالم
عدينا عدينا وعلى توتي ودينا
هي عملوها منتجع سياحي ولا لسا؟

عمو قرجه
المختطف الخطير
والمتحكر فوق البنبر

شنو ياعمو ما طلبت مننا نقيف معاكم ونشد من ازركم بالله ادينا معاك فرصه واسمح لينا بالمشاركه فانا من قوم لا توسط بينهم لهم الصدر دون العالمين او القبر

الاخ/ معتز
قلت شنو منجع ايه ..... يبدو انك كثير الاحلام

ابونور

معتــــــز

وين جواباتك الختيرة

صاحبك حروزة صور منها وشغال توزيع

انت عارف اهل توتــــي

يرون جمالها في عزلتها



ابونـــــــور

حلال عليك .....يا حبيب

الاختطاف حقك

كافي البلا ستة واربعين راكب

ما فيهن قشة ناعمة

الواحد يقول عمووو

والارض تهتز بصوته...كانه كروز في الطريق لبغداد

وكولا شابكني عموو

وشنبه يرك فيه الصقر بارتياح

وربما امكنه التهام فريسته على اطراف

الشنب العامل زي الموز الصومالي

الاخ قرجه
تم تامين الموقف تماما من المعديه حتى المورده اصلو الجماعه الليله غيرو الفطورمن الفول للسمك
وهاك قفه جرجير بدل ربطه ما انت الزعيم
قائد التامينات
ودعقاب

العزيز ود عقـــــاب

اخخخخخخخ من سمك النيل

نحن هنا عندنا سمك يخوف

عمرك خفت من سمكة

وعمرك شفت سمك بدون ريحة

بس انشاء الله تكون ظبط الشطوط ومصرت كمية ليمون

اخخخخ من ليمون بارة

الاخ قرجه
نحن صرفنا اليله وكل المكتب بربطه المعلم وكالعاده يا المورده جاك زوال
والله تشوف باقى السمك تقول دبابه امريكه ضربه صدام
لمون وشطه وفى النهايه مشينها للقوه
اسعى ناس المكتب شافين اتنين اتنين
ان شاء الله الشهر الجاى نرسل ليك كميه مع الجرير
والسمك البخوف دا شنو كمان نحن ما بنخاف من الاكل
ودعقاب

شنو يا عمو قرجه قالو عمر القشير بيتفاوض معاك
كدي ادينا التفاصيل؟

ابونور

عمو قرجه

قالو استعان عمر القشير بقوات المارينز الامريكيه للسيطره علي موقف اختطافك للطايره بعد ما وصلوا الي طريق مسدود في الحوار والتفاوض معاك وبعد اكتشافهم انك تحمل اسلحه دمار شامل وارهابي عدييل كده

اها الخبر شنو؟

وانا ح اقول ليك
لا تساوم
ولو منحوك الذهب
اتري حين افقأعينيك واثبت مكانهما جوهرتين
هل تــــــــــــــري؟
هذه اشياء لا تشتري

ابونور

فيها ما رينز

حناكلم بالجيييز

ونلخبتم بشوية مايونيز

وننادي ليهم قمبيز

يعفصم عفيييص



تاكد سيتحول المختطفين الى فدائيين

ويقولو لي حسابك بعدين يا صدام

بس نخلص من الامريكان

قدها وقدود يا ابو الاقراج
والعلوج يجب ان يقتلوا عن بكرة ابيهم
بس ما قلت لي الجييييييييز دي شنو؟ ما عرفتها
ابونور