الناس في شان منو وانا في شان شنو ؟

سلمـــــــــــــــــــــلم

الاصل
الناس في شنو والحسانيه في شنو
اهاانا مع في شان شنو دي
في شان شنو كل مره نستف شنطه هدومنا ونقول راحلين
وفي شان منو نحنا اصلا جينا وسكنا في الغرفه دي
وفي شان شنون ندسه من كلمه اذا ما استعملت غلط
وفي شان منو بنكتب نحنا من اصلو
وفي شان شنو نقول كلام ما بنقدر عليه
وفي شان منو نرجع منو تاني
وفي شان شنو قالو الرجل بربطوه من لسانو
وفي شان منو بقي الرباط من مويه
وفي شان شنو نتشدق بالدمقراطيه
وفي شان منو ما بنطبقه علي انفسنا
وفي شان شنو كتابتي دي كلها
وفي شان منو كل الماكتبناهو لسه

خواض ودامي
في شان نحن نقرأ
وفي شان نحن نستفيد
وفي شان نحن نناقش امورنا الحياتيه
وفي شان نحن نختار البيعجبنا
وفي شان نترك مالايعجبنا
وفي شان نتفق علي الشئ الصاح
وفي شان نحارب الغلط لكن من غير تسرع ومن غير زعل
وفي شان سودانا يكبر ويبقي اجمل
لكم تحياتي


بت الجزيره

فى شان لسه ما بنعرف الفرق بين أدب الخلاف وخصومة الأدب
فى شان بندخل فى كل موضوع حتى لو كان اللغة الصينية ودورة النملة الدموية...ونكتر الانشاء وحروف الجر جر المشاكل والكوبى آند بيست..
فى شان..فى رأى وراى آخر وراى تالت وراى فوق راى
فى شان لو الطيب صالح جا كتب هنا بوست حتلقى زول يقولى انت راكب من ياتو محطة...وليه الاثارة فى موسم الهجرة؟
فى شان لو انشتاين جا كلمنا عن الجاذبية..حينط واحد مننا يقولى :انت لو ما التفاحة وقعت كنت عرفت حاجة ياطيرة
عشان لو ردى جا كتب بوست..عن جميلة ومستحيلة
حينط واحد يقول لى ليه جميلة ومستحيلة ما بتجى بعدين سلمك ذاتو غلط
عرفت فى شان ليه..كل يوم نحن فى شان وفى شان ليه عيييييك ما بتنتهى
فى شان قلة احترامنا لأساتذتنا...ما تقديس ولا تأليه لاسمح الله لكن احترام من رأى شمس الابداع قبلنا فقط

واهم فى شان من الشانات..
اننا بندفن راس بوستات المعالجة فى الرملة الدقاقة

عرفت عزيزى خواض ليه فى شان؟
تحياتى
ودعزة

سلمـــــــــــلم

وفي شان شنو بقولو من تواضع لله رفعه
وفي شان منو كلامنا بشيلو الهواء
وفي شان شنو استاذتا اتعلمو العلم ده اصلا
وفي شان منو ما بصولوه
وفي شان شنو كل ما يكون في صوت نشاز ما يعلموه
وفي شان منو بجيدو لغه الجري
وفي شان شنو بحلمو بعالم سعيد
وفي شان منو هم ما ببدو ويختو فيه اول طوبه
وفي شان شنو بندفن راسنا في الرمله
وفي شان منو نطلع راسنا من الرمله مادام كل الروس مدفونه