Post: #1
Title: مهزلة ...رجوع نظام الاقطاع للسودان
Author: سكرا
Date: 01-21-2003, 07:50 AM
رايت فيما يري النائم وان كنت بكامل ادراكي عربة سندريلا الاسطورية بشكلها القرنبيطي المميز ..شفافة من الزجاج اللامع ..مزينة بالشرائط الزرقاء ..الاخاذة بعجلاتها الاربعة تجرها اربع من الخيول العربية الاصيلة .....تقف
.............
.............
تقف وين؟؟؟؟...في بداية شارع (1) مع تقاطع شارع مدني
امبارح بالليل الساعة 8 مساء وانا جاية فجاة منظر غريب
العربة الخرافية الاسطورية تجرها الخيول ..في البداية
افتكرتا نفسي في قصة من قصص المساء والا حاجة ..لكن اتاكدتا
اني في السودان لما شفتا افراد ( شركة الهدف ) بلباسهم
الازرق بكميات مهولة حول العربة ..اها ده شنو كمان ؟؟
براحة وقفتا وسالت واحد : ده شنو يا اخ؟
ده عرس واحدة بت عز-
يلا ما علينا الناس في البلد دي بقت تعمل حاجات غريبة
مشينا قدام شوية ..اعداد مهولة من شرطة العمليات تحلف تقول
مظاهرات جامعة الخرطوم ..وكمية من ضباط وعساكر المرور ..يا
جماعة حاصل شنو ؟؟
في نص دهشتي وقفني واحد : يا مدام لو سمحتي
مدام ؟؟اكيد ما قاصد ؟؟شايفني خاتة ريشة في راسي وومتين لينا
في السودان بيقولوا للنسوان مدامات ؟؟؟
في حاجة يا جنابو ؟-
لا ابدا بس الباركن هناك وتدخلوا من الباب التاني -
باركن شنو وباب شنو؟ هو في شنو ؟ -
قصدي باب النادي ..مش داخلين العرس ؟ -
بالله ؟؟هو ده عرس منو ؟ -
اتغير وشو وركب لي وش جادي ..طبعا طلعتا ما من المعازيم
ده عرس بت دكتور ابو بكر -
بالله ..خلاص انا معدية بالشارع -
معليش يا اخت ممنوع الشارع مقفول -
اخت ؟؟؟هسي ما كنتا مدام ؟؟
بالله ..ده العرس البي اصالة !!بختكم والله -
بختنا ؟؟هو احنا حنشوف شنو ؟هو الدخول بالبطاقة الممغنطة -
...........
مصمصتا خشمي ورجعتا ..بالله السودان بقت فيهو حاجات زي دي
زفة بعربة سندريلا و700 وحدة احتياطي مركزي و1000ضابط و
عسكري مرور و 500 فرد هدف والدخول بالبطاقة الممغنطة
و3500 مدعو من طبقة (كريم شانتي المجتمع المخملي )و ده
كلو كوم والفنانة كوم تاني ..يعني الساعة اتقول ليك اصالة
علي لي جري ..وتسرخ ..عيشني ثواني تلقي ليك الناس دي جبجبة
وابو العريس يمسك ( صارقيلة ) وام العروس تديهو شبال
اتخيلتا الحيحصل جوا واتمنيت اكون من المدعوين ومعاي شيري
وابو حراز واساسي
............
سردي ده ليس من باب الحقد الطبقي لكن بس حبيت انقل ليكم
جزء من مفارقات واقعنا البقي خليط من الخيال والاسطورة
ولكم تحياتي
مراسلتكم من خلف سور مجري العيون
سكرا
<\font>
|
Post: #2
Title: Re: مهزلة ...رجوع نظام الاقطاع للسودان
Author: الجعلي
Date: 01-21-2003, 08:16 AM
Parent: #1
العزيزة سكرا
أها وبعد داك صحيتي ولا شنو
ما كملتي الحلم ؟؟؟؟
الجعلي
|
Post: #3
Title: Re: مهزلة ...رجوع نظام الاقطاع للسودان
Author: سكرا
Date: 01-21-2003, 08:24 AM
Parent: #2
العزيز / الجعلي
تحياتي
حمدلله علي السلامة
تخيل انو كان حلم ..لكن ما جميل
لانو صحيت مفزوعة ..لو احنا شفنا ده
الاجيال الجاية حتشوف شنو ؟؟
وهل حيجي يوم تنقرض فيها طبقة عامة الشعب ؟
الله اعلم
تحياتي
سكرا
<\font>
|
Post: #4
Title: Re: مهزلة ...رجوع نظام الاقطاع للسودان
Author: وضاح
Date: 01-21-2003, 08:56 AM
Parent: #3
الغالية سكرا
لك التحية ..نشكرك علي السرد وان لم يحالفنا الحظ
لنكون شهود عيان لهذة الواقعة التاريخية .........
والله فعلا مهزلة ..وايما مهزلة
بعد 10 سنوات سيكون حفل زفاف حفيدة فلان في المريخ
وما يزال الجامع الكبير يمتلئ بالشحادين وزوي العاهات
فليكن الله في عون الاجيال القادمة مما ستراه وتعانيه
وضـــــــــــاح
|
Post: #7
Title: Re: مهزلة ...رجوع نظام الاقطاع للسودان
Author: سكرا
Date: 01-21-2003, 09:25 AM
Parent: #4
العزيز/ وضاح
تحياتي
الجامع الكبير براهو يا اخوي
البلد كلها اتملت شحادين ..وبرضو اتملت هباشين
وكل ما نقول حاجة يرد عليك واحد يقول ليك
بطلوا حقد طبقي..ناس الله اداها
مشاكل وما تعرف تشاكل
تحياتي
سكرا
<\font>
|
Post: #5
Title: Re: مهزلة ...رجوع نظام الاقطاع للسودان
Author: عشة بت فاطنة
Date: 01-21-2003, 09:04 AM
Parent: #1
سكرة حكايتك ما عسل وسردك للواقع والباسه نسيج الاسطورة عمق
الواقع والمفارقة التي يعيشها السوداني بكل ماسينا والناس
البتمص في دم الغلابة عشان تفاصيلهم البايخة لك الله يا بلد وعشت يا سكرا
|
Post: #9
Title: Re: مهزلة ...رجوع نظام الاقطاع للسودان
Author: سكرا
Date: 01-21-2003, 09:32 AM
Parent: #5
تسلمي يا فاطنة يا غالية
لكن والله تعبنا من المفارقات
طبقية التعليم قلنا سمح
طبقية السكن قلنا سمح
طبقية المعيشة قلنا سمح
طبقية الوظايف قلنا سمح
حتي الاعراس قلنا سمح
ربنا يكون في عون المغتربين
لك الله يا وطن
سكرا
|
Post: #6
Title: Re: مهزلة ...رجوع نظام الاقطاع للسودان
Author: tmbis
Date: 01-21-2003, 09:08 AM
Parent: #1
يا سكـــرا
ياخ انا قايلك بتحلمي
والفيل بتاع الزفه كانوا رابطنو وين ؟؟
ما قالو في فيل
صح النوم يا هندسة
تمبس
|
Post: #8
Title: Re: مهزلة ...رجوع نظام الاقطاع للسودان
Author: قرشـــو
Date: 01-21-2003, 09:26 AM
Parent: #6
الأخت سكرا
تحياتى
بالامس واحد كتب بوست قال فيه انه ناس الجامع طلعوا مظاهرة عشان فى واحد جايب لى عرس بتو اصالة النصرى.. انتى اليوم كملتى الصورة..
لكن يا سكرا شركة الهدف دى شنو ؟؟؟
والعساكر بتاعين الاحتياط بقوا يأجروهم كمان فى الاعراس ولا احتياطا من ناس الجامع العملوا مظاهرة يوم الجمعة..
غايتو انا ما مستغرب والله لانه اهلنا قالوا العندو القرش يحنن ضنب حصانه طبعا الوقت داك كانت الحنة عزيزة وغالية حتى على صاحبات الصون والعفاف ناهيك عن الحصين كمان..
المهم قالوا البعي كثير يشوف كثير وقد خبرنى من اثق فيه ان شوارع الخرطوم تزدحم بآخر موديلات العربيات يقودنها حسناوات مازلت فى مراحل التعليم وده من ده ياختى ..
نحن غايتو لينا الله وعيشة السوق
|
Post: #11
Title: Re: مهزلة ...رجوع نظام الاقطاع للسودان
Author: سكرا
Date: 01-21-2003, 09:53 AM
Parent: #8
العمدة العزيز
انا زاتي لما قريت البوست قلتا الناس دي وهمانة والا شنو ؟؟لكن تخيل حقيقة اصالة تغني بالثوب السوداني مقابل 30000 دولار
شركة الهدف يا سيدي ..شركة خدمات تعين صغار الشباب الوجيهين
كافراد حراسة للمنشاءات الكبيرة ليل ونهاروتخيل مرتباتم 100000جنيه
شفتا المفارقات !! 30000دولار في ليلة و100000جنيه في شهر
هو اساسا الخرطوم ما فيها راجل سايق عربية
الشوارع مزحومة بعربات اخر موديلات وسايقاتنها بنات حلوات
صغيرات
لكم الله يا مغتربين
تحياتي
سكرا
|
Post: #10
Title: Re: مهزلة ...رجوع نظام الاقطاع للسودان
Author: سكرا
Date: 01-21-2003, 09:41 AM
Parent: #6
تمبس العزيز
حمدلله علي السلامة
اريتني لو كنتا بحلم ..ما
كان في مشكلة
بعدين فيل شنو ؟؟هو فيل واحد
ديل افيال كتااار وسايقين ( بي ام دبليات واي كلاسات
ومارسيدسات والنوبيرات دي ما تديك الدرب
بس تعالوا شوفوا معانا
سكرا بطعم الحقد الطبقي
|
Post: #12
Title: Re: مهزلة ...رجوع نظام الاقطاع للسودان
Author: Khaalaleyaal
Date: 01-21-2003, 10:02 AM
Parent: #1
العرس بقه بالبوليس وبالضباط .. ياساتر يا رب
ما هو ده الخلانا نقفل الباب "الشابتر" بتاع العرس نهائي .....
ودمتم
خال العيال
|
Post: #13
Title: Re: مهزلة ...رجوع نظام الاقطاع للسودان
Author: سمندلاوى
Date: 01-21-2003, 10:06 AM
Parent: #1
سكرا
so sad ; so sad :::::::: so sad
began 2 cry when I read this
will be back 2 comment
|
Post: #14
Title: Re: مهزلة ...رجوع نظام الاقطاع للسودان
Author: سكرا
Date: 01-21-2003, 11:24 AM
Parent: #13
يا خال العيال
انت ما فهمتا ..العساكر عشان شرزمة الشعب
ما تحضر وتتضهب ..قال اصالة قال
وبعدين المشكلة بقت انو شرطة المرور
والاحتياطي المركزي بقوا للايجار
|
Post: #15
Title: Re: مهزلة ...رجوع نظام الاقطاع للسودان
Author: سكرا
Date: 01-21-2003, 11:39 AM
Parent: #13
لا ابكاك الله يا سمندلاوي
الحال في السودان يحزن ..مش نبكي
ندردق في الواطة عديييل
لكن برضو بنحبك يا وطن وما بنقدر نستغني عنك
وقاعدييييين ما فايتنك ..الا تطردنا براك
|
Post: #16
Title: Re: مهزلة ...رجوع نظام الاقطاع للسودان
Author: وضاح
Date: 01-21-2003, 12:40 PM
Parent: #15
سكرا
هو الوطن لسه ما طردنا ؟
الوضـــــــاح
|
Post: #17
Title: Re: مهزلة ...رجوع نظام الاقطاع للسودان
Author: Khaalaleyaal
Date: 01-21-2003, 12:52 PM
Parent: #1
يعني يا سكرا اي بتاع أستوديو بقه عندو كارو بره المحل
ولنا عوده
الخال
|
Post: #22
Title: Re: مهزلة ...رجوع نظام الاقطاع للسودان
Author: سكرا
Date: 01-22-2003, 06:14 AM
Parent: #17
خال العيال
حمار شنو ياخي ؟؟الملافظ سعد
قلتا ليك حصين ااصل من اصالة
......
ابو الزفت العزيز
وين انت ؟؟ ليك مدة ما بنتا
الكاميرا جاهزة ..بس كلمو الريس ابوبكر
يعتمدني مراسل في الخرطوم
وما حاقصر معاكم
.....
تحياتي
سكرا
|
Post: #18
Title: Re: مهزلة ...رجوع نظام الاقطاع للسودان
Author: أبوالزفت
Date: 01-21-2003, 12:57 PM
Parent: #1
يا سكرا انتى لازم تسعى ليك كميرا علشان التوثيق
|
Post: #19
Title: Re: مهزلة ...رجوع نظام الاقطاع للسودان
Author: atbarawi
Date: 01-21-2003, 03:35 PM
Parent: #1
الاخت سكرا سلامات
تعرفي انك محظوظة عشان تقومي تشوفي لحظات تاريخية زي دي وتبقي شاهدة عيان عليها؟ دي حاجة تجنن عديل؟ وتأكيد لأنه هذا الوطن سيظل في غيبوبة طويلة ويبدو الحقيقة انه لا فكاك منها0
أخيرلك اقول البحرق حشايا
اخيرلك افككك جراب الخبايا
اقول الكلام البفكك سوارك
يوقف جدارك ويرفع عطايا
اقول العسارك ابتني ورمتني وكفايا
|
Post: #20
Title: Re: مهزلة ...رجوع نظام الاقطاع للسودان
Author: sudani
Date: 01-21-2003, 06:07 PM
Parent: #1
لم أقل أن الفضيحة
قد تراءت تحت أكمام الجلاليب
تعرّت في تلافيف العمامة
وامتداد اللحيّة الزيف
لماذا لم تقل ؟!
أن العمارات إستطالت
أفرغت أطفالك الجوعى على وسخ الرصيف!
أنت تعرف أنهم يقفون ضدك
ضدنا
ضدى
أعرف اننى سأظل ضد السلطة اللاوعى
|
Post: #21
Title: Re: مهزلة ...رجوع نظام الاقطاع للسودان
Author: منعم
Date: 01-21-2003, 06:36 PM
Parent: #1
لك الله يا وطنى
سكرا
ليتك كنتى تحلمين .. فحديثك يدمى القلب
لك الله يا سودان
افففففففففففف
|
Post: #23
Title: Re: مهزلة ...رجوع نظام الاقطاع للسودان
Author: سكرا
Date: 01-22-2003, 06:23 AM
Parent: #21
الاعزاء العطبراوي و منعم
تحياتي
لن تحتاجو الي دليل سياحي ليدلكم
علي معالم السودان حين تعودون
فسوف يكون كل الوطن (جامع كبير ) لكم
التحية ولنا الصبر
مراسلتكم
سكرا
|
Post: #24
Title: Re: مهزلة ...رجوع نظام الاقطاع للسودان
Author: شدو
Date: 01-22-2003, 06:51 AM
Parent: #23
العزيزة / سكرا
نقل جميل وتصوير كله ابداع
عنوان حلم والمضمون واقع مرير
ومؤلم حقا ان يكون اخواننا فى الشرطة(افراد وضباط) فى خدمة هؤلاء بدلا عن الدولة
|
Post: #25
Title: Re: مهزلة ...رجوع نظام الاقطاع للسودان
Author: سكرا
Date: 01-22-2003, 07:02 AM
Parent: #24
البرلوم العزيز شدو
اشكرك ...وليتكم كنتم معي لحظتها
حتي نسجل تحية شكر للاخوة ضباط وعساكر الاحتياطي
المركزي وشرطة المرور علي الجهد الذي بزلوه ليكون
العرس في مامن من (بروتارية )الخرطوم
تحياتي
سكرا
|
Post: #26
Title: Re: مهزلة ...رجوع نظام الاقطاع للسودان
Author: bushramk
Date: 01-22-2003, 10:19 AM
Parent: #25
كان اللّه فى عون دافع الضرائب ...... لك اللّهّ ياوطن
أحبُك يا سودان حُباً أقَلُّهُ يَعِز عـلى وصف
البليغِ ويصعبُ
فلو كنت شمسا فى السماء منيرة
لاصبح منى فى مدارك كوكب
ولوكنت بدرا كنت حولك هالة مدى الدهر
لا تنأى ولا تتجنب
ولو كنت ثغراً كنتُ فوقك بسمة تلازمه
طول الحياة وتصحب
ولو كنت روحا كنتُ جسما يضُمُهُ له
فى قضاء الله أهل’’ ومرحبُ
ولو كنت عذراء المحاريب لم أزل
بقربك صبّاّ خاشعاً أترهبُ
ولو كنت رباً لي لما كنتُ عاصياً إليك بما
ترضى به أتقربُ
|
Post: #27
Title: Re: مهزلة ...رجوع نظام الاقطاع للسودان
Author: سكرا
Date: 01-23-2003, 06:26 AM
Parent: #26
لك الله يا وطن
|
|