السودان أرض البدع

الأعزاء

تلقيت مكالمة من الخرطوم منذ قليل عرفت من خلالها أن الحفل العام الذي كان من المفترض ان تحييه الفنانة أصالة في الخرطوم لم تسمح سلطات الأمن بقيامه.. إلى هنا هذا خبر عادي جدا في بلد زي بلدنا وبحكومتها الحالية..
الفنانة أصالة جاءت في الأساس لإحياء حفل زفاف كريمة صاحب "كمبيوتر
مان" على إبن بابكر علي التوم، لغاية هنا الخبر عادي جدا
البدعة هي أن العروس وكما نقل لي المتحدث "وهو شخص موثوق به وذو مكانة أدبية واجتماعية بعيدة عن الشبهات" أن العروس ستركب "فيلا" ليزفها إلى عريسها، ومنذ البارحة كل مجالس الخرطوم تتناقل اخبار الفيل العزيز، ناس قالو مات، وناس قالو ما مدرب، وناس قالو...الخ
فعلا السودان بلد البدع
ويا ما نشوف
رجاء

لوووووووووووووووووووول @ البدع حتي العروسات ( جمع عروس ) بيقوا يركبوا الافيال والله جد بدع بس غايتو نور العين عندوا خبر في تدريب الافيال ممكن يكون مفيد قال فيل قال

يا أخى لا تستعجب من شعب فيه من يتبع من يبشرهم برسالة ثانية للإسلام


يجب محاربة هذا السخف ، أفيال وبعدها يأتيك من يريد أن يلبس عروسه ثعبانا يلتف حول جيدها وهلم جرا

عشنا وشفنا

فيل؟؟؟؟؟؟؟


البنات في السودان وصلوا لدرجة الابداع فعلا
بس يا ريت يفكروا في حاجات تانية يستثمروا فيها هذه القدرات الخارقة على الابتكار
عشان مافي زول يزعل حتى الهنافي الخليج مبدعات
البوست ده ذكرني واحدة قريبتنا حكت لي عن عرس شافت فيه العروس تزف على طريقة الف ليلة وليلة
وجابوا اربعة هنود يشيلوا ليها المحفل حقها على اكتافهم وهي مبسوطة
ولا انسى تعليقها اللازع عن تتصببهم عرقا وانينهم من ثقل وزنها
وهي تتوقع في كل لحظةان تسقط العروس على رؤؤس الهنود المساكين
وعجبي
زولة123

المشكلة انه زي ما بيقولو العروسة للعريس والجري للمتاعيس، وهنا للفيل ايضا، خوفي البدعة الجاية تكون اكبر من الفيل وتبقى كارثة!!

الحاجه البتخلي الواحد يبكي انه في الناحيه التانيه من العاصمه ناس بتموت من المرض والجوع ومصايب الدنيا

الم تر كيف فعل ربك باصحاب الفيل

يا رجاء اتمنى انو الكلام يكون ما صاح وحتى لو كان صاح اتمنى ان يكون الفيل دة موديل جديد من نوع من السيارات اطلق عليه هذا الاسم زى موديل من المرسيدس كان اسمو خنزيرة اما اذا كان الفيل هو الفيل الذى له انف طويل وذيل قصير فدى تبقى مصيبة لانو صاحب كمبيوتر مان اى والد العروس هو الدكتور ابوبكر مصطفى محمد خير حاضل على درجة الدكتوراة وكان مدير التعليم العالى ورجل صاحب رسالة وهو من الاوائل الذين ادخلوا تعليم الكمبيوتر فى السودان عبر معهد كمبيوترمان وكان موقعو جنوب سوق نمرة اثنين وتحول الى جامعة كمبيوترمان علاوة على انو اختير ضمن افضل مئة شخصية للقرن الماضى فماذا جرى لك يادكتور احتمال الثراء والتقليد بالمناسبة ابوبكر من اولاد امدرمان حى العرضة وزمان احد اثرياء العرضة عندما كان ابوبكر موظف بحومة السودان احضر دلك الثرى الرقاصة سهير زكى لاحيا حفل زفاف ابنتة وتانى يوم رسم عزالدين كراكتير ولد بيقول لابوه لو ما جبت لى مايكل جاكسون ماحاتزوج اها هسع الولد حيقول لابوه لو ما استنسخت لى ديناصور ما حاتزوج
والسودان
لى وراء