ودشاموق الرائع اك كل الود

عزيزي ود شاموق
شمقمق اللذيذ

غريب انت يا فتي
تنادم المدارات العميقه
تراقص فرح الاحاجي وتكتري جناحين
من صندل العيون وبكاء الزعفران
تشتري ليلا من الاقحوان
وتقف علي حواف الطفوله
بكل الدهشه تبقي معلقا خلف الشموس
يستدير تاريخك دوره كامله
تربت كتفك كف ترهاقا
وتلاحقك تمتمات البسوس
تقف علي شاهديك يمامتان
من الملح وطين الارض الوضيئه
تصرخ في فضاءات الصدي
كل الانطفاءات والضحكات البريئة
كل الهنيهات العذبة باحلامها
كل انكساراتنا الصغيره
تبقي هناك خلف المدي
حتي يستبين فينا ملمح النيل
او يلحقنا الردي

الاخ طيفور

الاخ ود شاموق فعلا شخص رائع ويستاهل اكتر

بالمناسبه اين هو ذلك الشخص ؟

لقد اشتقنا الى كتاباته المتفرده


اذا وجدته لا تنسى ان تبلغه تحياتى العطره

الغالي طيفور
سلامات يا ملك
دا شنو العملتو دا
بالغتا والله يا طيفور
انشاء الله يا سيد الناس
نكون قدر الكلام دا
جد خجلتني
تسلم انشاء الله يا غالي

العزيز مشتاق
يسأل منك الخير انشاء الله
يا زول يا رائع
والله انا المشتاق ليكم شديد
انشاء الله نتلاقى قريب
في ساعة خير


رسالة الى الزعيم
بكري أبوبكر
عليك الله تشغل المسنجر

يا ود شاموق

ويا علاء ..

وينك .. ؟؟؟

حمد الله علي السلامة


سنة كاملة ما نشوفك ؟؟



تمبس

ود شاموق ازيك
والله الشوق
مطر
كنت غاتس وين
تغيب وتظهر
الظاهر انك لسه ما وصلت مرحلة الادمان حقت محمد سيداحمد
والله انا معاك
عليك الله يا بكري فك الماسنجر

تمبس يا ملك

والله مشتاقين يا غالي، كيفك كدا ؟ انشاء الله انتا طيب ؟
بس حبة مشاغل ومرقات وسفرات كدا، لكن الحمد لله


الغالية الجدرية

واحشانا والله، جد مشتاق ليك، كيف أيامك ؟
الادامن وصلنا ليهو لكن بس الوقت ما مساعدنا
والشغل ضغطو شديد ما مدينا نفس

أجمل التحايا لكم يا أغلى ناس