مرات..بعصلج..يا بكري ابو بكر

الفاضل..بكري ابو بكر
انتهز فرصة وجودك..اونلاين..ونظرا لعدم وجود الماسنجر..اضطريت اراسلك بي جاي..فعذرا
قبيل..لاقيت اختنا الفاضله تماضر..وقالت لي..البورد..ابي ليها..
وانا طبعا..برضو..كان مابي لي شديد..الا مشيت..الهيستري..وجبتو من هناك..وبرضو ما جاني بالساهل..يعني عمل لي حركات ..لحدي ما دخلني
وبما انو..البورد..ده بقي لينا..زي البيت..الواحد يجي من الشغل..ولا المدرسه..تووووووش علي البورد..فالقصه حا تبقي صعبه شديد..لو يوم جيت وما لقيتو..او لقيتو مافيش
اها..باقي ليك..قصه..انو..ما يجي دي..مننا ..ولا من شنو
مجرد..استفسار
وشكرا

صدق يا دافى اختك الفاضلة القلتها دى ما دخلت البورد الاهسة؟؟؟

عصلجة من امبارح، مشيت سودان نت وسودان شنو وسودان سنو وسنو وتلج ورعيف وحادات

حتى قدرت انكتو من الهيستورى دة زاتو

ياربى البورتى دة بقى هيستورى
ولا هيستيريا؟؟؟

مش فى ناس بقولوا ليه البورت؟؟؟
البورتى؟؟

قلت ليك يادافى اظنو ابى يفتح لانه مبلبل

بدموع شرنوبى

كل ما قلب صفحة القاها معطونة بدموع شرنوبى

مفروض ناس "البورتى" زوى القلوب الرحيمة يعملوا حملة لرفع المعاناة عن شرنوبى،

ايه رايك يادافى

البورطي...البـــــــورطي..بالطاء..يا طماضر..مش اسمك بتنطق كده !!!!؟
بعدين انا قلت يا بكري..
مالو..ما ورانا..نتصرف كيف..لما يعصلج!!؟
عارفه بكون زهج..
الامه كلها
تكورك..يا بكري ..يا بكري..يااا ..بكري
الاداره
الاداره.ده دقاني.
يا الاداره..ده شتمني
يابكره..غشاني..قال لي بعرسك!
انا..زاتي ..زهجت
ماشي المنتزه...اشرب موية ليمون..واطوطح

اطوطح دى زكرتنى قصة ايقاف برنامج تلفزيونى كانت بتقدمو مريم محمد الطيب " بتيقى ليك نفس بقيتى ليك"

رئيس المخرجين داير يوقف ليها برنامج ايقاعات ، الحق لله عملت فيهو مجهود خرافى لمن المخرجين التقليديين خافوا منو

لما جات تبدا تخرج حلقة جديدة، الزول دة قال ليها ، لا البرنامج دة نحن وقفناهو،
وقفتوهو كيف؟؟؟ انا ما عارفة

قاليها هسة اعرفى البرنامج وقف

قالت ليه الكلام دة ما بنفع ، تتدينى مستند مكتوب
قال ليها جدا هثة اكتبو ليك، وهو بتكلم بالثاء

اتناول ليهو اقرب ورقة وقلم وبدا يكتب فى المثتند

بعد مشاهدة برنامج ايقاعات، اطـــ...ضـــ..ح

داير يكتب اتضح،
قام شطبها كتب

اتضــــ...ط...دح

شطبها
كتب

اضــــ....طـــــدح

ورفع الورقة بى تكية كدة وعاين ليها واتلفت على مريم بابتسامة ابرا من ابتسامة الاطفال، يا مريم اضطدح دى كدة ثاح؟؟

،
مريم عاينت ليها سمح

وقالت آى آى ياها كدى صاح

وبس تم الجواب، شالت ليك طايرة من الفرح وجرى على مكاتب الجريدة

تانى يوم من الصباح
اضطدح دى مدورة بقلم المحرر البحقق فى الموضوع، فى نص الجريدة


اتضــــــطدح




امشى اطوطح كان ماشى
اتضطدح انو ما عندك عشرة

يا تماطر .. ويا دافي


ازيكم .. كيفنكم


معصلج ومعضي


وانا لي يومين .. بتطوطح معاهو
الحققققققققققققققققققققوني

بعد شويه خايفو يغمض تاني



تمبس

شرنوبي...آآآآآآآخ..يا ست الكل
وجعو..حي...
ونزيفو..عينه
انا..من امبارح..وراهو...وكل ما يرمي..ليهو..كلمه..اشيلها..واحك بيها قلبي...

طيب...لو عايزه تدلعي ليك..زول اسمو..مرتضي..تقولي ليهو..يا منو!!؟؟؟
مرتوووضي
مراتيضو!!؟
!!!؟
!!؟؟؟؟
ده من الزهج بس...التلج مكوم لي بره.....بالله..الصباح..جاء ..نازل زي قشر التوم..ما ادانا فرصه..نمشي ..أسد الطعام..نجيب خدارنا!!!تعرفي اسد الطعام!!؟؟

همـــء


لأ

آآآبعرفو


لكن مرتضى دة دلعو ما ظاهرن بس تقول رضرض

المصريين ديل مفروض يقولوا للجك أأ

وانت الكلمات البكتبوها فى الكتب المترجمة ديك مشت وين؟؟؟
ناس صقيع
وشقراء
دهليز
بهو
درج
سنديان
جلنار
جعه
وصيفة

وهاجات بالشكل دة؟؟؟
دى وين؟؟؟

حقيقي لمن مشيت الجامعة ومالقيت البورد الجنالفينى كلو
قام ده مابقي ذي الصعوت للساده التمباكة وزى السجاير للسجارة او السجرجية على وزن شنوماعارف
بعناية حاجة فضيلة وكل الخارجين منها مراجيح تبحث عن الحدائق
البوردجرى في الدم واخد ليهو لفة على الشمال وقرض
(بضم الراء)والجرعة البوردية تساعد فى علاج نقص الثقافة المكتسبة الملل وتليين الفن والملل وعسر الهضم
وهو ضمادة لجروح الغربة ويعالج الامساك عن الانترنت
وله مزايا اخرى فى تكوين اللغة وزياده الرواقة
نجى ونلقا مافى, ياخى انا كستا لمن طلعت من مافى بكون نشلت من يد بكرى وده كل كم وتهلل السراير لا اقصد
الاسارير بالعثور على نكهة المنفى

ازيك ا ناس
انا برضو معصلج معاي ليهو يومين
افتينا يا بكري

غايتو يا دافي
ويا تماضر
أقترح عليكم أن تبقوا ناس بايخين ومسيخين
لأنه هذه اللذاذة هي اللي حا تخرب علينا لو بكري شال كورتو
شوية مساخة مطلوبة