النظرة القاصرة

جميل أن نعيش في حياتنا علاقات ناجحة مملؤة بالحب والثقة والخصوصية أحيانا متينة بروابط لاتخلو من التقدير والتفاهم ممزوجة بروح التعاون والحرص على المشاعر والمساهمة في الفرح والألم تلك العلاقات التي قد تتطور لدرجة الحميمية والصراحة المطلقة ولكن مؤلمه جدا
واكثر من مؤلمة تلك النهايات التعيسة انها تحطم ذلك الفرح الجميل بقلوبنا تدمر تلك الابتسامات بصدورنا تقتل كل ملائكة الأمل بداخل اروحنا لذا دعونا نرتقي بمشاعرنا عن التفاهات دعونا نتحاور بقلوب لا تمزقها الآهات فكم من قلب عاث الفراق بهوكم من نفس شتت سكونها الألم اما أنت ايها الغدر … فلي رب يحميني منك
ومن ألمك وجور عذابك

safa
اهلا وسهلا بيك وكلامك جميل واتمنى ان يعم الحب ارجاء المعموره

وليد

جميل جداًًًً أن تتاح لنا من خلال هذا الموقع وهذة المساحة للتعبير عن مانشعر به ونبني علاقة صافية ونقية وخالية من الرياء والنفاق والخوف وهذا الموقع جاء ليرسخ هذا المبدأ ويوطدة اتمنى أن يكون هذا الموقع حلقة وصل دائمة لاتنقطع بيننا وبين باقي السودانيين في الشتات ويعم الحب و الالفة بينهم و مقدرة ترحيبك الحار يا اصيل

صفاء

لو تحقق ماقلتي وتبادل كل منا كلمات حلوة ولو بكلمة واحدة
في اليوم لتغيرت كثير من احوالنا السيئة وتبدلت كثير من القلوب
اليابسة المتصلبة لقلوب رقيقة لها قوة الماس ولمعته اكرر تحياتى
وواصلى الكتابه ونحن منتظرين

صفوية جميلة هي الحياة بالحب والتفاهم
بقدر ما هي خاوية بالحقد والنفاق
ربنا يعمر القلوب بالمحبة ودمت

مرحبآ بك يا صفاء
فى قلمك كلمات خيرات
و فى صورتك راحة للعين التى يحاصرها القبح من كل جانب
فلتستمرى جميلة المظهر و المخبر

مرحبا بك
ولنجعل نظراتنا ملؤها
التفاؤل والامل

شكرا جزيلا يا وليد وكلماتك هذه لها بريق الماس وانا علي ثقة لولا هذه الكلمات الصادقة من شخص مثلك لما استمرت الحياة واتمني ان نداوم كلنا علي هذه الصفات الحميدة ويعم الخير انشاء الله

اختي عشة بت فاطمة والله اسمك ظريف وبزكرني بناس عزاز علي وانا متاكدة من انك في محل تقدير وانشاء الله تدوم المحبة بيننا آمين


يا ود عثمان بيت الشعر بقول كن جميلا تري الوجود جميلا و الظاهر ان كل دواخلك جميلة وشكرا علي كلماتك الرقيقة

منعم الظريف آمين و الظاهر انك انسان زوق

....جميل ان نلتقي باخرين في زوايا الافكار المشتركه والاحاسيس الرقيقه...
نروي عطش ارواحنابذالك النقاء الباسم....


مرحب بيك يا صفا ....وسعيده بمعرفتك.....

ونتواصل ان شاء الله ....


تحياتي
ليون

العزيزة صفاء
تحياتي

كلامك وجيه وصورتك اوجه

تحياتي

سكرا

عزيزتي ليون
فعل الكتابة كفعل الحب غبار يحلو لروحي قدومه والتعثر به حينها أخون الغبار وأهب عطش الروح لرماد يقبض على جمر اصابعي وأكتب
وجدان شكري واكيد اكيد حنتقابل في سجيات هذا الموقع

عزيزتي سكرا

شكرا للتعليق واكيد صورتك احلي وكلمتك اعذب ما تبخلي بيها اوكي

صفاء المشاعر النبيلة سلعة تكاد تكون معدومة هذه الايام لكن بالاصرار ووجود اناس نظيفى السرائر امثالك يمكننا ان نعيد الصدق والتفاؤل لكافة علاقاتنا
الانسانية بمستوييها العام والخاص فايادينا على كتوف
بعضنا نبنى ونعمر علاقات حميمة نتحدى بها غباء وجبن هذا
الزمن القبيح
لك تحياتى الخالدات ابدا وانت تدعين لهذا النفح الانسانى
الخالص ولك منى ومن الانسانية ود لا ينتهى
بالمناسبة انا زول معرفة قديمة كنت وما زلت افتخر
بمعرفة اسرتكم الكريمة حزرى فزرى وبدون ما تسالى لو
عرفتى جايزتك مية دولار
لك تحياتى والمودة

ود الجعلي

معرفة قديمة ؟

وبتعرف اهلي !!!!!!!!!؟
كدي اديني امارة عليك النبي و الجائزة ما بنختلف عليها
لانو اكيد زيتنا يكون في بيتنا

لو فى ماسنجر كنت اديتك امارة لكن مامكن فى البورد انا عارف نا س كتيرة فاتحة خشوما عشان تعرف البت الشرط دى منو لكن خليهم يموتو بس وثانيا انا زول اشتر
فى اعطاء الامارات سمعتى بى نكتة الولد العوير الجماعة فى
بيت العرس بلعبو بيهو قالو ليهو يافلان انت داير
تعرس منو قاليهم ما بحدسكم دايرين تصبقونى تخطبوها تخلونى
خشمى ملح ملح قالو ليهو خلاص ادينا امارة قاليهم
امارة يعنى شنو قالو ليهو مثلا ادينا اول حرف فى اسمى
او حرفين فى اسم ابوها قاليهم بت عمى عبدالقا
ولك تحياتى الفواضل

عزيزتي صفاء
العلاقات الانسانية الصادقة نادرة كالبحث عن مبدع ما اتعرض لمضايقات في الزمن ده
في قصيدتي علي شاهد القبر .. عرفت الحياة في ثلاث نقاط :

الحياة أن تحمي من تحب
أن تبتسم حين تصافح صديقك الأعي
و أن ترتحل عند اللزوم

فالحب الحقيقي الصادق ضروري لاستمرار الحياة و أنا بعتبرو من مقومات الحياة .. لكن قليلين هم القادرين علي وصول المرحلة اللي انتي بتنشديها من الحب ده

لك كل الخير

محمد