من ينقذ السودان من ثورة الانقاذ

السودان الوطن الواحد المتعدد الثقافات والاديان واللهجات و اللغات ,صاحب اطول ازمة سياسه في القرن الافريقي , مصيبته تكمن في حكامه ومن لف لفهم من المثقفين والمنتفعين الذين يؤيدونهم في كل صغيرة وكبيرة ويزينون لهم افعالهم وسياساتهم الفاشلة وجرمهم في حق اهل
السودان وبالذات المهمشين والمضطهدين من الاقاليم المهمشة
تارخيا والمعروفة للجميع ,
هذه الحكومات جميعها من مدنية وعسكرية هي سبب ماتعرض
له السودان من عدم تنمية وخرابا ودمار علي جميع المستويات اقتصادية وسياسية وثقافية واجتماعية واسوء
نظام وحكومة جاءت لحكم السودان هي حكومة حذب الجبهة
الاسلامية التي لو اجتمعت كل الحكومات السابقة لتاتي بما
جاءت به هذه الحكومة الديكتاتورية الاصولية المتطرفة لما
استطاعة ابدا ,
ومن نتائج تطرف وعنصرية وحقد هذه الحكومة الارهابية هذه الجبهات التي فتحت للحرب والقتال في مناطق الشرق
والغرب والاستهداف الهمجي لسكان هذه المناطق وماتتعرض له من خطر الابادة والتهجير القسري هذا بالاضافة لسلاح
التجويع والافقار التي تتبعه ضد اهل هذه المناطق ,
هذا حال الاطراف والمناطق المهمشة اما حال باقي السودان
معروف ومشهود للجميع من معاناة وعذاب يومي ومتواصل
كبت حريات واستهداف لجميع الشرفاء والمعارضين واذلالهم
والعجيب ان الاصولين المتطرفين الذين جاءو للحكم عبر دبابه قالوا انهم جاءو لانقاذ الشعب السوداني و اسموا
انفسهم بثورة الانقاذ الوطني ولكن من ينقذ السودان
من ثورة الانقاذ التي خربت وعاثت فسادا في جميع ارجاء السودان .الاجابة لدي كل وطني شريف وغيور علي وطنه وشعبه

دقنه البجاوي

صديقى المناضل الجسور
ايماننا بشعبنا اكبر بكتير من احلام الجبهة ورجالها الجوف
انظر اليهم فى كل مكان يبدلون اجسادهم ويهرفون بكلام فج ويحاولون التلون وينبطحون اننى ارى فجر المشارق ؟؟وكلنا

تسلم ياصديقي الغالي كوفي

نعم لن يستطيعوا كسر عزة وهيبة الشعب السوداني
البطل ومهم طال ليل الظلم ولكن فجر الانتصار قريب
وصدقني اخي المناضل كوفي اري وجه الانتصار والحرية في عيون
كل الشرفاء والاحرار من امثالك وكلنا في الهم,,,,,,,,,
لك مؤدتي واحترامي
دقنه البجاوي

.
.

[qb]
الحق يقال ان ثورة الانقاذهي التي انقذت السودان
صح معك انو هناك اخطاء لهم بس لاننكر الجميل

[/qb]

دقنة البجاوي

لك التحية

والشكر على هذه الكلمات

لقد قرأت لبعض البورداب عن المسئول عن مجيء حكومة الانقاذ الترابشيرية
والتي انتهت بالترابي إلى السجن وبقي كثير من الجبهجية مع البشير وعلى رأسهم على عثمان محمد طه..

والجميع يلقون باللائمة على شخص الصادق المهدي الذي كان رئيسا للوزارء وقتها، بل يشير البعض إلى تواطئه مع عصابة الجبهة التي أغرته بمنصب رئيس الجمهورية الإسلامية..

وأنا لا أسبتعد مثل هذا التنسيق بين الجبهة والصادق. أليس ذلك هو نفس ما كانوا يطمحون لإقامته قبيل مجيء انقلاب مايو؟؟
لقد كانوا يريدون حكم البلاد بالدستور الإسلامي الذي خططوا لفرضه بواسطة البرلمان وإذا فشل الأمر كانوا سيعرضونه على استفتاء..

وقد كان مجيء مايو في تلك اللحظة بمثابة إنقاذ للبلد من أن تصل إلى ما قد وصلت إليه الآن منذ مجيء الجبهة التي كسبت عبر السنين تحالف كثير من قادة وقواعد الأحزاب الطائفية.. مبارك والهندي أبرز أمثلة وأخيرا بعض وزراء من الوهابية وأهل الطرق..

ولكن نميري اضطر لركوب موجة الإسلام عندما قدّر أنها ستنقذ حكمه المتهاوي، فهوت به إلى الهاوية..

والآن جاءت هذه الحكومة ووصلت بالبلد إلى ما دون الهاوية نفسها كما أظهرت في كلماتك، يشهد بذلك القاصي والداني. ولكن من يستطيع أن ينقذ البلد من هذا الاخطبوط الذي يلبس قداسة الإسلام؟؟

لقد مضى نصف العمل في هزيمتهم منذ أن انشقوا على أنفسهم وصاروا يفضحون بعضهم البعض على صفحات آخر لحظة وغيرها. وقد ظهرت الحقيقة التي كانت غائبة على كثير من الناس. ولكن المؤسف أن بعض المثقفين، ومنهم بعض كتاب البوست الذي يتساءل عن من هو المسئول من نجاح انقلاب يونيو 89، ما زالوا يجهلون السبب الحقيقي وراء نجاح انقلاب الجبهة.. إنها نفس المحاولة في حكم الشعب بما سمي بالقوانين الإسلامية.

هذه القوانين تفرق بين المسلم وغير المسلم في الحقوق والواجبات، وقد احتالت الجبهة على تجاوز الشريعة في كثير من الأوقات لتسكن ثائرة الثوار في الجنوب ولكن لأنها تستعمل أساليب الترضيات والمناصب لمن ينشقون على الثوار فإن عملها كله يذهب أدراج الرياح ويظل التذمر من قوانين الشريعة الإسلامية باقيا لدى الجنوبيين.

السؤال
من ينقذ السودان من ثورة الإنقاذ؟؟

سؤال صعب.. لا أعتقد أن الأحزاب التي تعارض الجبهة جادة في معارضة قوانين الشريعة الإسلامية، لأنها تخشى من فقدان قاعدتها .. الحل هو أن يعرف جميع الناس أن قوانين الشريعة الإسلامية لا يمكن أن تحكم بلدا كالسودان. السودان ليس السعودية وليس باكستان..

وهذا يحتاج وقتا كبيرا إذا سارت الأمور بهذه الطريقة فكثير من السودانيين الشباب قد أصبحت عقولهم لا تعرف من الدين إلا ما علمته لهم الجبهة في المدارس أو ما تعلموه من مدارس السعودية والخليج العربي ..

لقد اكتشفت هذه الحقيقة أثناء نقاشي مع كثير من أهل البورد الشباب..

وكثير منهم يصرح بأنه ضد حكم الجبهة ولكنه ليس ضد تحكيم الشريعة. لا يعرفون أن الشريعة والديمقراطية خطان متوازيان..

كان الله في عون السودان وأهله

وشكرا
ياسر

صديقي العزيز علي
ثورة الانقاذ : أري الاسم غير ملائم لها تماما .. ثورة الافلاس ... أو ثورة الظلم ... أو ثورة التجويع .. أو ثورة النهب المسلح .. أو ثورة الدمار .. أبلغ و أصح تعبيرا
لكن اللي حينقذ السودان نحن .. بس خلي أملك كبير في نفسك و جيلك
أنا أملي كبير فيك
و ما حتصدق اني بحكي لي أي زول عنك و عن اني أخيرا لقيت لي زول عمرو قريب لي و مهتم بالقضية
الله يقويك و يقوي الوطن بيك
لك كل الود يا علي و أنت تفتح بابا للحقيقة ..

محمد

الاخ الكريم د.نيت
ثورة الانقاذ? اي انقاذ الذي تتحدث عنه واي انجازات هذه التي جاءت بها الجبهة , ? هذه نمازج لبعض انجازات ثورة الانقاذ واولها انقلابهم المشئوم ضد الارادة الشعبية
في 89 ,
اعدام 28 ضابط في شهر القران المبارك وقبل الاعياد بثلاث
ايام,
قتل الالوف من اهل الجنوب في حربا كانت تسمي جهادا
ضيق المعيشة والغلاء والفساد الذي فاق الحدود والتصور
الزج بشباب وطلاب وقادة المستقبل الي اتون الحرب اللعينة
ولو فتحنا الملف الاجرامي لهذه العصابة لن تكفينا الصحف
ولا المجال لهم, مع مؤدتي وتقديري

الاستاذ العم ياسر الشريف
تسلم ياراجل ياطيب يااب حنون ,
هؤلا المجرمين الاوغاد سيدفعون اثمانا غالية تجاه ماارتكبوه
في حق الشعب السوداني العملاق وهم يرون هذا اليوم بعيد
ونراه قريب , وهم لو مامجرمين وقتلة كيف تسمح لهم نفسه
باان يعدموا المفكر المسالم الوطني الشهم والشجاع الذي واجه المستعمر حين هم نكره لا وجود ولا دور لهم ,,
الله مع المظلومين وسينتصر الحق مهما طال ليل الظلم,
مع فائق احترامي وتقديري لك,

المناضل الجسور الغالي (محمد)
كل يوما تصير كبيرا في نظري وعملاق
لا اعرف ولكن اشعر كااني انا الذي اتحدث او اتحدث مع نفسي , اخجلتني يارائع بكلامتك الرزينة والقوية
انسان يحب وطنه من كل قلبه ثوري يرفض الذل والهوان
لشعبه الطيب المعطاء ,
ويارفيقي الشعب السوداني سينتصر مادام فيه من امثالك
يقولون الحق بكل كبرياء وشموخ ,والجبهة الخرابية ستدفع ثمن
جرمها القبيح هذا, وفعلا علينا التعويل علي انفسنا والجيل الجديد في التغير وبناء السودان الجديد

مع مؤدتي وتقديري ياmodic
دقنه البجاوي

الله
نحنا
ابناها البررة

.
.

[qb]



يا ناس احمدو الله جاتكم الانقاز انقزتكم من الدمار الكنتو فيه
انتو والله كنتو فى حاله لا يحسد عليها ولا احسن ليكم الصا دق المهدى
والله عالم ما تستحى ابدا الناس يطلعهوم من الظلام للنور وكمان
ما سا كتبن
با لله امشى وشوف السودان الحين
ذى ما كان زمن الصا دق ؟؟
الله واكبر على الخونه والاعدا

[/qb]

من غيرنا يعطي لهذا الشعب معني ان يعيش وينتصر.
انه جيلكم يادقنة وموديك وجميع الوطنين الغيورين

جاتكم (الانقاز انقزتكم) !؟ وصاحبك التانى كمان بى هناك حتى الآيات كتبها غلط " أعوذ بالله " !!.. نعم اكتبوا واقروا غلط !! ومع كدة خليكم عينكم قوية ومصرين على إقناعنا بمحاسن الظلم والطغيان والنهب والفساد والدجل باسم الدين يابتاعين الإنقاذ

تحياتي للجميع
azza , تسلمي يابت السودان الحر الابي

سوداني , تسلم ونحن نستمد منكم روح الوطنية والوفاء للوطن الذي اصبح مجرد كلمة تلوكها الالسنة دون فعل وعمل, ودمت

ود الجزيرة , تشكر للتعقيب

مارد, اننا في زمن انصاف الحقائق وانصاف الرجال
وحالة تستعصي علي الفهم لا تدري ما الذي حدث للدنيا
انه زمن تجار الدين والمنافقين والعمي,,,,,,,
ودمت

دقنه البجاوي

Quote: انقذت السودان

بالله
دى بس كيف دى يا دكتور
الانقاذ مددت فقط فى عمر الجبهة الاسلامية
كانوا يحاولون انقاذ انفسهم و لكن لا فائدة
و يحلكم الحلا بلة يا دكتور نت
و اكان انقذكم زول المرة دى برضو ما بتمرقوا منها
بس ابقوا قاعدين و ما تمرقوا لى برة

لكم الرماد
و للمناضلين الياسمين

انتو لسه في محطة قنب ؟؟

جلا من لآ يغلــــط ما فى احد معصوم من الغلط بس المشكله انتو غلطانين وما بتعترفو والله والله لوما الانغاذ دى كان تكونو لسه ما صحيتو من النومه الله واكبر على اعداء الوطــن ودالجــــــــــزيره

وبرضو الإنقاذ غلط ! ولسة إنت بتكتبهاغلط ، ومدد ياحكومة المكر والجهل .. ياحكومة هولاكو

ياود الجزيرة اسالك ما هو سعر الدولار الان 2700 وفي زمن الصادق كان 16.

رايك في التعاون بين نظامكم ,الاسلامي, والتعاون مع اسرائيل
طيب منو هم اعداء الوطن انتم ام نحن

والله يا سودانىكلامك عجيب
طيب انتا زمن الصا دق كان كم عمرك
لازم اتغير كل شى
طيب يا سيدى زمن نميرى كان الجنيه السودانى
بى 23دولار و50سنت
انتا ما تقيس با لزمن يا سودانى
طيب يا سيدى ام عن التعاون دى مسئول منها
المتعاون امام ربنا

ياود الجزيرة راجع الكلام الذي تكتبه قبل ما ترسله

أولا النميري استلم السلطة والدولار يساوي 33 قرش سوداني وأول تخفيض للجنيه السوداني حصل في عهد النميري حيث اصبح الدولار يساوي 50 قرش سوداني
وعندما ترك النميري الحكم كان الدولار يساوي 400 قرش سوداني أي بنسبة إنخفاض تساوي =1112 في المائة

استلم السيد الصادق الحكم والدولار يساوي 5 جنيهات وترك الحكم والدولار يساوي 12 جنيها أي إنخفض الجنيه بنسبة تساوي 140 في المائة.
لكن البشيرإستلم السلطة والدولار يساوي 12 جنيها واليوم الدولار يساوي 2650 جنيها أي بإنخفاض يساوي 21983 في المائة...

صحي الإختشوا ماتوا ياود الجزيرة

إن نسبة الإنخفاض في قيمة الجنيه السوداني بين الحكومتين
العسكريتين وحكومة الديمقراطية كالآتي:

فإن نسبة الإنخفاض في قيمة الجنيةفي زمن حكومة النميري تساوي ثمانية مرات في زمن حكومة الصادق

كماإن نسبة الإنخفاض في قيمة الجنيةفي زمن حكومة البشير حتّى الآن تساوي 157 مرّة في زمن حكومة الصادق

الأرقام لا تكذب يا ود الجزيرة

ألمي البارد بقد الدلو

اولا نميري استلم الجنية السوداني بتلات دولار وتلاتين سنت وسلموا للصادق ب14 جنيه
وكيف تحاسب النظام الحالي بالارقام صاح. نشوف حكومة الديمقراطية التالتة استلمت اي حاجة بكام
ونظام الخرطوم الحالي استلم بكام ونشوف الفرق
وبعدين نشوف ناسك ديل انقذوننا ولابهدلونا.
انت قلت النظام الحالي احسن من القبلو ممكن توضح المعايير العلمية العملت بيها هذا التقييم.
What do u think Wadeljazeera?

ياسوداني جماعة ثورة الألغاز كما سماهم الصحفي الكبير محمدحسنين هيكل مش بهدلونا وبشتنونا بس ... ديل على قول أحد الظرفاء في أم درمان ديل برشلونه عديل كدا .. والبرشله هي حاصل جمع البهدلة والمرمطة والبشتنه والدكترة والعنطزة .. وهلم جرّا على قول السيد الصادق المهدي

الاخوة الاعزاء اسامة الخاتم
العم الفاضل كنتونا
الاخ عيون الحرية
ان من يحاول تجميل صورة وسيرة الجبهة الاسلامية وتبرئتها
عن كل الجرم الذي ارتكبته في حق الشعب السوداني لهو شخصا اما جاهل بحقائق الامور ويكون علينا ارشاده وتوعيته لكي يعلم ماهو الوجه الحقيقي لهولاء الجبابرة
واما ان يكون منهم ومتعاطف مع اجندتهم ونواياهم الخبيثة ويريد ان يقنعنا بخطلهم وجرمهم وظلمهم وتصويره
علي انه شئ جميل وعادي ويستنكر نقدنا ومعارضتنا لهم
وهؤلاء لن يغيرو مافي عقولهم من لوثة جاهلية وعميت قلوبهم
بحب الظلم واجندة تجار الدين , نحن لا نعيرهم اهتمام بل
يهمنا ان نقول الحق ونفضح الظالم ولو كان منا ,

ومتم جميعا
دقنه البجاوي

يااخوانا ماتتغبوا كتير يمكن الزول دة بتكلم صاح انة ثورة الانقاذ انقذتة شخصيا ماهى غيرت ناس كتار ودى حقيقة كل ناس الانقاذ انقذوا انفسهم ,,

أستأذن في الدخول
فأسمحوا لي

وأرفع رآية بيضاء
ملؤها حب بلدي ووطني السودان،
فكم أحب هذا الوطن وكم أعشق ارضه وناسه الخيرين منهم والاشرار الفقراء ،،
فحديث الوطن يثير شجوني ويزيدآهاتي وحال وطني يمزقني ،، ولا أدري الى متى سأعيش لأرى وطني السودان له عظم وشأن
وأنا في الخارج أفخر بسودانيتي ولكني أرى الشفقة في نظرات عيون الاغراب عن بلدي بأننا فقراء ومحتاجين وذاك من ممارسات قامت بها حكومة بلدي في بداياتها وحتى وقت قريب بأن التزمت ببث كل أشكال البهدلة وصور ومناظر تثير شجون الاخرين وتأثر مشاعرهم كم ان هذا البلد محتاج وهي نوع من أنواع ( الشحاتة ) وأكيد فهمتوها براكم .
هذا من معايشاتي ومعاناتي ، حتى أذكر انه عندما تأتي في قناة دولتي المضيفة مناظر من هذا القبيل عن السودان يخجل اخواني الصغار من الذهاب الى المدرسة في اليوم التالي ، والله على ما أقول شهيدا خجلا من تلك المناظر، وعلى كل، ليس هذا لب الموضوع ولكني اضيف على أساليب الممارسات الرخيصة في حق بلدي وحقي انا كمواطنة.
وعندما كنت اتنقل بين بلدي والغربة للدراسة عايشت ممارسات كثيرة ، لا أحكيها من أجل أن أقف مع حكومة او أكرهها بل أنا أكره الاساءة لهذا الوطن ، فمن معايشاتي في الوطن سكني (بداخلية) ، سكن الطلاب،تتبع للجامعة طبعا والحكومة ايضا ، لا بل انت لما تدخل بتنسى انك في سكن بل كأنك في وزارة لكثرة المداخل والغرف الخارجية والمكاتب والموظفين في قسم الاستقبال الذين يتفنون في تعذيبنا وخدمة مصالحهم ، والاغرب والامّر تدرون ماذا
اتفاجأ يوم بزيارة خالتي لي فيطالبونها بمبلغ من المال حتى لو كنا سنتقابل في الشارع ولكن كونها دخلت الاستقبال وطلبت اسم من اسماء الساكنات هناك فيجب عليها دفع مبلغ من المال ، ولن اتحدث عن ثورتي ،في ذاك الوقت فأنا لا اخاف الا الله ،وأغير على بلدي
ليس هذا فحسب بل عليك ان اردت زيارة مريض في مستشفى حكومي ان تدفع لذلك واذا كان في (الجناح الخاص) ان تدفع اضعافاً ،وحتى في الشارع وان تقود سيارتك يستوقفونك للدفع ، وفي المطار تدفع للدخول والاستقبال والوداع ووو ماهــــــــــــــــذا بالله عليكــــــــــم
ما هذا ؟؟؟؟؟؟ في الاصل يا حكومة الاســـــــــــلام ده حــــــــرام
وده اسمه كسب غير مشروع ، واستغلال للبلد والمواطنين
لماذا انا في بلدي مهانة ومستنزفة مش كفاية الاسعار والدولار وما ادراك ما الدولار ( سبقني الاخوان في التوضيح عنه) ولكن ما هذا
ماهذا الكسب من الحكومة وهؤلاء الشرذمة المستغلين للناس في كل مكان اقصد من يقومون بجمع هذه الأموال من تلك الاماكن التي سبق وذكرتها هم حثالة من البشر يستغلونك اسوأ استغلال ويمسحون بكرامتك الارض غير مكترثين لمكانتك او سنك او من انت وماذا تكون!!!!ا
الحديث كثير عن المعاناة كثير وقاتل وصعب

واذا درجنا في الحديث الى السفارات السودانية في الغربة فانا متأكدة ان كل منكم لديه موقف او مواقف لا توصف من سوء المعاملة والاستغلال ، البلد الوحيد، اقارن كثيرا بين سفارتي بلدي والاخرين اقارنها حتى بسفارة دولة فلسطين المحتلة فاذا بها الى الان تقف مع ابناءها وتقدم لهم اعانات هل تصدقون تدفع لهم ؟؟؟؟؟؟؟ فلسطين المحتلة من اسرائيل
سفارتها تفوق سفارة بلدي الحر ( اعتقد انه حر ) مش كده؟؟!!!ولا انا غلطانة

برضو ( وجهة نظر لدي ) انه احنا شعب بيكره الحكومات ( حكومات تجي وحكومات تغور تحكم بالحجي ) اي حكومة احنا بنكرها اذا ما سهلت لقمة العيش ورخصت الاسعار وريحتنا ، وبطلت ترفع من مكانة مؤيديها وتحط من كل الباقين

الحديث كتير والمعاناة كتيرة والامثلـــــــــــة كثيــــــــــــرة وكلنا عارفين كده
أنا مرات برثى لحال الحكومة ذي لما ارثى لحال اهلي لما تشوف حد بيصارع في الحق وعاوزه يقتله وهو نفسه عارف الحق عمره ما يموت حتى بالشعارات والتهليلات التي يجيدونها اكثر من باقي خلق الله اجمعين

صدقني بتمنى انها كانت تكون حكومة اسلامية فعلا انشاء الله حتى ذي ناس بن لادن بس المشكلة انه نفاق والحوليهم ناس استغلالين عاوزين يطلعو باي طريقة وأنا شفت كتير من ممارسات من بناتهم وبنشوف حاجات غريبة وفي الجامعة وانتهاكات في مساجد الجامعة كلها حاجات شفتها بأم عيني خلتني اقدر احكم
أمتى يجينا حد غيور على السودان وبيهمه مصلحة البلد ، شفت في الاخر يادقنة نفس سؤالك
انا بتمنى كده مش عشان بكره الحكومة بس عشان بحب السودان
ما بكره الحكومة بس مستنياها امتى تغور في 60

!كدي بس خلوني احكم السودان سنة واحدة وحاخليه ليكم ذي دبي !!!ههه(ياجماعة بعتذر شديد على هذه الإطالة)

-----------------------------
وطني
صرير باب مؤلم
في قلبي
كلما ضعفت
وناداتني مطارات العالم

انت بي صحك يا ود الجزيرة
انا و الله قايلة بوستك الاول استهزاء بس شكلو جد
كدي النسالك
انا زولة الله لا ها احكيلك في السياسة ولا ها اقولك بشير و نميري و صادق و لانظام عالمي

نحنا ناس كلام فاسك على ارضك
لي في الدولار لا غيرو
جد بتكلم
كان عندنا جنيني في الدامر وبنمشيلا و من هناك نغشى طابت المحمود ناس عمتى وناخذ يومين في عطبرة و يوم في شندي و نجي اها نرجع لي موضوعناالجنينةو الله عمنا بزرعة ياهو البرتكان و القريب فروت اها...
و اخر الموسم و الله نجيبوا الخرطوم نكفي الحلة و الجيران ما يشتروا ليمونة و لاغيرو 6شهر ليه؟؟ لانو الخير مكفي و زايد
هسه وحاة الله مديونين للبنك و غيرو و حق التيرب و حق ال....تصدق نحنا شردنا الخرطوم اها عمي محمد احمد
و الله جد عمي و سبحان الله اسمو محمد احمد يجينا بالقطر معتق بريحة الطين ومحمل بالخير
ونشوف رجليه المشققة و عروقوا النافرة نقول لي تعبان انجم يومين و ارجع البلد قدر ما نحنسوا ليه قضي يومين خميس و جمعة في الخرطوم يقول لاااااااااا ما بفوت جنينتي
اها هسه وين بين بين الهم و الليل بين السوق العربى و المحطة مشلهت حق الدواء ما عندو بس لسه العزة فوقوا كان نظيف و مرتب غير ريحة الطين ما بتشم و لون جلابيتو من لون ارضو هسه من عوادم
العربات
ماتقول كلام ساكت دا حافظ التاريخ من اولو لي اخرو و فاهموا صحى شهادتو كانت من الكتاب و اظنو الكتاب ذاتو ما حصلوا
لكن ولادو واخوانو اللي هم ابوي ولاد عمي
رسلوهم الجامعات الخرطوم ووو و لي روسيا مشوا قرواو فلحوا و اتغربوا سنة ولا اتنين و كان ممكن تاخدهم العمارات و العربات بس غلبعم الحنين ورجعوا قالوا انحنا دكاترة نشيل البلد الولدتنا و...اه بلعهم النيل
فاكر المقولة الطلعت ايام الزبير
تلت للطير و تلت للزبير و ...
اها دا كلو مسكين بقى للطير

سوال من اسمك ود الجزيرة ود بلد يعني زولا متعلم و قريت كمبيوتر اظن مالك لي هسه في الغربة دي
ما ارح ننحشر في نص الجزيرة و تعلم الشفع
هتقول كن بمرادك كان رجعت اها بمراد منو ما يهم ناس الانقاذ الانقذوا روحهم وسووا دولارات و ليى علوي ما عارفة الجديد شنو هسه
بس طلمبات المويه ياها 25 سنة ما اتغيرت
و اتغيرت ملامح بلد

هل الحضارة شوارع و كبارى
ام امة مثقفة لا امية لافقر
ام الاتنين معا
الاتنين معا

يا عزّه يابتّي الله يديك العافية

بصراحة إنت بتتكلمي كلام كبار ما بفهمه إلا الراسخون في حب الوطن.. أما ناس المستفيد فوري .. أو ناس قريعتي راحت البشكرو الإنقاذ لليوم فديل يمكن تطلقي عليهم إسم المغفل النافع.. أو الببكي وما عارف الميت... ما تتعبي روحك معاهم ... وما عليك إن لم تفهم البقر.

ألمي البارد بقد الدلو

.
.

[qb]
المشكلة مافي الحكومة
المشكلة في المثقفين السودانيين انفسهم لكل منهم راي مشكلتكم لاتطالبون بالتصحيح
مشكلتكم تطالبون بالتغيير ودا سبب تاخير السودان ودا السبب البخلي اي قيادة تتعامل معكم بسياسة العصا الغليظة لماذا لانجتمع ونحاول تصحيح الاخطاء بدل من تغير حكم كامل والبدء من الصفر والمتضرر نحن الشعب والحمد لله انقذنا الله من مجاعة القت بظلالهاعلى الخرطوم عاصمة سلة غذاء العالم ومن ينكر هذا الامر
وهذا الصادق المهدي لاتعليق
خان بلده وصرح ضده بتصريحات يستحي الخاين ان يتبجح بها وللاسف هو الان في نفس البلد التي خانها يتنصب منصب عريق لايليق الا بالشرفاء وصدق من قال
البختشوماتو
وهذا خطأ من اخطا الانقاذ والواجب التصحيح لا التجديد
[/qb]

سلام مربع

والله قديما قالوا
لكل داء دواء
الا داء الحماقة
فانها اعيت من يداويها

وهانذي بعد هذا الوقت الطويل من مراقبة
حال العباد والبلاد
توصلت الى ان
الحال
انشاء الله حال
العدو

غايتو على المدي القريب
ما اظن
مافيش حاجة تبشر
الا بت بتي
يمكن على زمنهم
ربنا يفكهم من الانقاذ
دا اذا ما نطوا ليهم فيها
عيال ناس
المهدي
عيال الميرغني

؟؟

سلامات ياحبابيب

ثورة الانقاذ ملف طويل مع الجرم الطويل والنهج الخرابي
المبرمج ,,,,,
نواصل
دقنه البجاوي