Post: #1 Title: إلى من يهمه الآمر .... سلام Author: ابن النخيل Date: 01-14-2003, 11:15 PM Parent: #0
بسم الله هاديا" وسراجا" منيرا" بسم الوطن حدودا" ومكانا" وهوية ، باسم الديمقراطية خيارا" اخترناه فيما خيرنا فيه في الأرض . ها انذا ابدأ كما كان صديقي السني يفتتح أركان النقاش.
العزيز بكري أبو بكر المعلى لك السلام والتحية والتجلة وأنت تجعل لسودان الشتات منتدى ومنتجع ، ولخيار غالبية أهل السودان التجمع موقعا .... ..... ولك الله يا وطني ولك القلب قبل التحايا ولك الوجه قبل الإراقة .
وتبا لكل الحروف ذا ما تساقطن سهوا" وتبا" لكل اللغات إذا ما تقاضين عنك و لك دوما في القلب مكان .......
انك عالم في المكان ووجود في الزمان كل ما غبت عنك تمثلت حضورا في الذهن وذكرى لا تنعدم أو تغيب لان يقيني إن الذي أصابك لا يزاح من الغربة المنفى أو المنفى الغربة ، و إن الذين امتهنوا المنفى حين راودتهم إغراءات الأرض على نفسها اقل التصاقا بك واقل انحيازا لك ..... وان المنفى حياة شاقة لا يغامر فيها ومعها الا من ضاقت به السبل لكي يرى الأشياء اكثر وضوحا بل قد يكون هروبا مؤقتا من سماع أناتك ، ورؤية من يصلون خلف علي ويأكلون في موائد معاوية ولا يترددون في قتل الحسين وهم يدعون بنوته ، ولكن رغم امتلاك ناصية القوة لا أحد يستطيع اغتيال الحلم فينا لاننا اليوم نكمل نصف ديننا بالصمود ونشرع ضلوعنا بالرصاص فهي الشهادة أن لم يكن فجر القصاص.
وأنا ابن النخيل آمل أن أكون كالنخلة الباسقة يرمها الناس بالحجارة فتاتي آكلها ثمرا" طيبا" ، لان يقيني يبقى في الأرض ما ينفع الناس.
فأنا لا أستطيع أن أتطرف يسارا" فباسم التقدم هتك عرض الخدمة المدنية (التطهير واجب وطني) ، ولا يمينا" فباسم الدين نهب الوطن (تخيل واحد يسرق بنك كامل ويهرب على سنة الله ورسوله إلى خارج السودان ، أخر يسرق طريق ويخلوها مستورة) !!!!!!!!. فخير الأجواء المعتدل وخير الأمور الوسط وأنا ضد الدكتاتورية وان أتت مبراة من كل عيب ؟؟ ولكن تعجبني سماحة الجمهوريين الذين يزرعون المنتدى قمحا" ووردا" وتمني، بالرغم من أنني لست منهم ربما لقلة حيلتي وضيق أفقي ولكنهم عندي يمثلون الثبات على المبادئ فلم يشتري أستاذهم حياته بالنفاق وصلب كما المسيح وهم عندي أول من يضحي و أخر من يستفيد. تحياتي عبر المنتدى للزميل د. ياسر الشريف ، و د. الحاج البشير وصحبهم الميامين. وما بين مامان وصالح الجبل يمتد جبل ابن عوف ويسطر مختار عجوبة صالح الجبل الرواية ويغني مامان :
يا يابا ابن عوف صالح الجبل لينا تعودا قبال ما تــــــصل ما خلاص قطر الأحد شالا ورحل و خلا عيوني نوما مع زحل
فتحياتي للفنان مامان وتاج رأسي أبو قرن الفاتح طه وتعظيم سلام للاتبراوي وعبد العاطي وكل البورداب والعوضاب والعامراب والميرفاب ......... و أخيرا يبقى سؤال قائم ماذا اعددنا للكلمات التي تفرغ لها العاطلون ؟؟؟؟ أني أرى من ازداد علما ظاهرا" وجهلا" باطنا" ......... مكتوب في التوراة ( من ازداد علما فليزدد وجعا" )
دمتم .... أول الغيث قطرة ...
Post: #2 Title: Re: إلى من يهمه الآمر .... سلام Author: بكرى ابوبكر Date: 01-15-2003, 00:28 AM Parent: #1
بروفسير ابن النخيل مرحبا بك بيننا و بيك اسرتنا ازدات قلما علميا رفيعا فمرحبا بك بيننا و نحن فى انتظار مساهماتك القيمة يلا شباب جيبوا القهوة و الشاى الى البروفسير و يا تماضر عليك بالكركدى و العرديب
Post: #3 Title: Re: إلى من يهمه الآمر .... سلام Author: sharnobi Date: 01-15-2003, 00:28 AM Parent: #1
الى ابن النخيل MBBS., MD., MSc., PhD العالم الدكتور الأستاذ المساعد single man
لك التحية
بلاغ من الباب وقفنا إجلالا للعالم وكنا عشم انو الجلباب والقفطان العلمى يبهرنا بنظرية في الطب او العلوم حتى لو من بغداد
لكن تحذيرك تحذير زول شال خاشي فى منبر وعندو راى مسبق كلامك كلام زول طائفي والعلم علم مهنة وطبعا استغرب لزول علمى يكون متمسك بمداخلة غير علمية وتنظير ممعن فى التبسيط، او حاجة ذى ما كانوا بقولو زمن نميرى انو فى شيوعى غرق وطلع فى جزيرة او سؤال قال فى حكومة فانا معارض.... وكأنك تداخل فى حلبة نقاش .. ولقيت فى اراء مختلفة... وقبلما تعرف الحاصل شنو........ قمت قلت انا رأى كده وده مشكلة المتعلمين السودانيين... يعنى الشهادات العلمية ما بتطور ابدا فى منهج التعامل.... اتخل انك فى اجتماع نقابة او اجتماع مجلس علمى.. تلقى الواحد رافع يدوه وفى واحد بتكلم... او ذى مستر نقطة نظام بتاع الجمعية التأسيسة قبلما واحد.... يخلص من كلامو... فى واحد عندو رأى.. المهم نحن لم نتعلم فن الاستماع..
وداء السوداء فى متعلميه وحملت الشهادات العلمية ولقد برع المشير الدكتاتور نميرى فى مرمقة هذه الفئة وجعلها الحاشية الطيعة التى دمرت البلد...... ولعلمك يا دكتور ... احسن وزير زراعة مر على الوزارة هو المجرم ابو القاسم محمد ابراهيم واحسن وزير صحة مر على وزارة الصحة هو المناضل المزارع الامين محمد الامين حتى بروفسير ابو حريرة المشهود ليه انحنى للطائفية لحظة المسالة سخنت.....
المهم بالدارجى وانا لغتى تعبانه..لانى نوبى... وخريج ابتدائى... بحصل لى حالة امتعاض لمن واحد يكون نال قدر من التعليم وما قادر يحدد موقف فى المسألة الوطنية.. اليسار ما مطلق ولا اليمين مطلق لكن الوسط لون هلامى وموقف انتهازى ولا رائحة له ولا لون .. وبما انك داير تخش الحلبة السياسية .. وتتناقش فى مسألة وطن اخير تكون محدد موقف القضايا اتفرزت حتى مولانا محمد عثمان بقى رئيس التجمع وموقفو يسارى اكتر من الحزب الشيوعى ومتاعون ومتفق مع د. قرنق ........ وبعدين شهداء الفكر اعتز بالاستاذ محمود محمد طه لكن ما قبلوا فى شهداء ضحوا يالنفس والنفيس ما فى مسالة دينية ولكن فى مسألة الديموقراطية... وين عبد الخالق المحجوب الشايقى يا ابن عوف وين الشفيع احمد الشيخ وجوزيف قرنق........... ولا ديل فطايس يا بروف.............
وبالمناسبة انا فى البورد ده من يوم اتعمل فينا الكوز والمستقل والشيوعي والما عندوه شئ فى السياسة.. نتلم نختلف ولكن نحترم بعض بدون راى مسبق وكل يوم بنتعلم من بعض درس فى الوطنية .. والتعامل الراقى بحسن الاستماع.. والاحترام....
لكن من عنوان البوست الى التافصيل وكأنك مدفوع بموقف مسبق.. وهذا لا يناسب مع مكانتك العلمية....... واتذكر مداخلة عن د. عمر القراى وراى اهل البورد فى رده المشروط مرحبا بينا يا ابن النخيل يا ابن عوف .... وهن الكتوف بتتلاحق وكلنا سوى الفرز بالعطاء والفكر والاحترام...... وبعدين داير اقول ليك قصة انا فى امريكا اتخيل البلد دى علمتنا انو الشهادات العلمية حاجة شخصية nobody care اذا انت دكتور ولا خريج خلوه..... وبعدين فى دكاترة شاغلين سواقين بتسا.. ومنهم منذ ان وطأت قدماه ارض المهجر لم يمارس مهنته وبرضو لسعه دكاتره ونبجلهم بالالقاب...... ولا تتنابذوا بالالقاب مرحب بيك تعال يا بروفprof خلى الساحة مكان تواصل ونقاش فى مواضيع مختلفة تتمدد من الخاص الى العام بدون ........ رفع السيف
وسلام ما بعرفك لكن متخيلك صلاح شريف مواطن سودانى يسارى وشيوعى ونوبى وشين وبكره اللون الرمادى والموقف التوفيقى فى مسألة الوطن الذى يستغيث
Post: #4 Title: Re: إلى من يهمه الآمر .... سلام Author: singawi Date: 01-15-2003, 00:31 AM Parent: #1
حبابك ألف استاذنا الكريم في انتظار مساهماتك اتفضل لي قدام
تحياتي
Post: #5 Title: Re: إلى من يهمه الآمر .... سلام Author: ابن النخيل Date: 01-15-2003, 00:59 AM Parent: #4
الأخ بكري: أنت صاحب الفضل الذي جعل هذا ممكنا
الأستاذ شرنوبي : الديمقراطية لنا ولسوانا ، أنا لا احمل إيديولوجية ولا املك حلول مسبقة ولك الله
الأخ سنجاوي إنشاء الله نزرع المنتدى قمحا" ووردا" و تمني ، ومليون سلام مربع.
Post: #6 Title: Re: إلى من يهمه الآمر .... سلام Author: sharnobi Date: 01-15-2003, 01:19 AM Parent: #1
يا بروف معلش الديموقراطية مقياس بمدخل فلسفى محض الديموقراطية سلوك انسانى لا تعرف لنا او سوانا لا ليك او غيرك اليوم الفيه طرف بحدد اختل الميزان ولا ما كدى لغتى عاجزة
Post: #7 Title: Re: إلى من يهمه الآمر .... سلام Author: بكرى ابوبكر Date: 01-19-2003, 10:13 AM Parent: #6
الاستاذ ابن النخيل فى انتظار مساهماتك
Post: #8 Title: Re: إلى من يهمه الآمر .... سلام Author: omdurmani Date: 01-19-2003, 10:40 AM Parent: #1
ود النخيل علي الطلاق..وانا عزابي ...نفلقك ما نخلي فيك تمرة... واحسن تكون شايل طوالي... احييك علي الدخول توووووش
Post: #9 Title: Re: إلى من يهمه الآمر .... سلام Author: الجندرية Date: 01-19-2003, 10:53 AM Parent: #8
