في مباراة حامية الفطيس منتخبي يازول يازول والعمدة قرشو يلتقيان الجمعة

حيث سئم شنبات والا هو بورداب جدة

اجتماعات النضمي واللهطي

وارادو التغيير

نقترح ان يكون اجتماعنا المقبل مباراة في كرة القدم حامية الوطيس

يلتقي فيها منتخبين احدهما يشكله ويدربه يازول يازول

والاخر يشكله ويدربه قرشـــــو

يمكن للقاء الجمعة القادمة او التي تليه

حسب ما يراه المدربان واللاعبين

وستكون المباراة مصورة فيديو

وذلك لعرضها في برنامج

تلفزيوني اسمه حتى هؤلاء يلعبون

وهو يعنى بنشر الرياضة في اوساط الجلك

ياناس جدة كيفكم
يا زول يا زول ويا قرجة ويا العمدة والله مشتاق ليكم كتير
وبالمناسبة نسبة لان المبارة حامية الفطيس حافكر اسوق العربية واجيكم هناك واكون شاهد علىالمبارة وومثل من بورداب الرياض
تحياتنا للجميع

المهندس

غريبة

في شوق عظيم ليك يا باشمهندس

بس خايف الجماعة يكسرو ليك الكاميرا

سلامات

لو دايرين محترفين ، نحن جاهزين.

دمتم بخير

كحلوش

طلبك محول لمدربي المنتخبين

رسل سيرتك وتاريخك الكروي

وهناك خانة باك لفت في منتخب يازول يازول

الرائع قرجة

التحية لكل الكباتن العمدة قرشو

والكابتن الريس يازول يازول يازول

والله دي فكرة كويسة ، ونحن جاهزين ، بس شوفوا كان عاوزين ليكم حكم

قولوا لينا عووووك

قال كورة قال

الجعلي

الجعلي اخوي

كنا عايزنك جوة الميدان

وحكاية التحكيم دي تهرب من المواجههة

كان دايرين بجي بس كرة يد
دي اتعلمتا في البحراوى و في مدرجات الفرجة اها كل ما الكورة تجي المدرجات بفنها
معاكم طواااااااااالي
بس من هسه ممنوع التسالى و قصب السكر

ياعزة

ممكن نقبلك في فريق الاسعاف الطبي

حيث نتوقع حالات خشونة

وضرب وقبقبة

ودماء للركب

جيبي معاك طاقة دمورية لزوم التجبير والتربيط

وهذه دعوة للاحباب

مهاجر

وليم اندريا

طمبور

بركات

ودالجزيرة

وحروزة طبعا اصبح له حق الفيتو

من اخبار المبارة
تجري خلف الكواليس مناورات من اعضاء الشرف
بفريقي يازول و العمدة لضم اللاعب ابو حراز
حيث عرض علية اعضاء الشرف بفريق يازول
شيلة عرس كاملة
بينما يصر اللاعب علي ان يشمل العرض حق الفندق و فطور الصبحية
و مازالت المفاوضات جارية
و سنوافيكم بآخر المستجدات

فالكون

اتم ليك نشرة الصباح

اعلن سنتمنتال بان له تارات قديمة

مع يازول يازول وانه قد حان تنفيذها

واقترح على قرشو اعطاءه كابتنية منتخبه

ولا زال يازول يازول يبحث عن كابتن مناسب لمنتخبه

الأستاذ الكريم قرجه
تحياتي وتقديري
أرى فيما أرى أن تكون المباراة في جر الحبل حيث أن كرة القدم فيها الكثير من الفن والحرفنة واللياقة البدنية العالية والتي أحسب أن يا زول يا زول وقرشو كلاهما يفتقدان لها وإن رأيتم في شد الحبل أو جره مشقة على أولئك النفر الكريم فأقترح أن تكون المنازلة في الضمنة بشرط أن يتم وضع تختها الأبلكاشي على لستك عربية تايوتا هايلوكس موديل ثمانية وسبعون وبشرط أن يكون اللستك مقاس أربعتاشر كما يقول البنشرجية وذلك حتى يأخذ اللاعبون كامل راحتهم في اللعب ويساعدهم في ذلك تجويف اللستك عند ضرب قطع الضمنة على ذلكم التخت الخشبي الأبلكاشي محدثاً دوياً هائلا تماما كخدع ما يعرف بالمصارعة الحرة الأمريكية للمحترفين ويمكن نقل المباراة على الهواء مباشرة وعبر الأقمار الصناعية والطبيعية إن شئتم وأخوف ما أخاف عليكم من التشفير لا التحكيم والذي يعني حرماني وأخي أهل العوض من متابعة المباراة لعدم تجديد إشتراك أهل العوض من جهة ولعدم إقتنائي لجهاز تلفزيون من جهة ثانية.

الحبيب

الملا

الجماعة ديل الضمنة بتقوم نفسم

خليك من الدافوري

لو قريب نرسل ليك تذكرة تجينا

ياقرجه لو بين الشوطين فيها سمك انا ح اجيكم من يوم التلاتاء هههههههههههه يكه معسكر مقفول وكده
غايتو اللاعب معاهو اساسي هو الفائز سيرد باك زي الجن البيفوت يموت ده شعارو ههههههههههه يكه
اها قلتو شنو انا طبعا كنت لاعب محترف زمان زمن الصبا قبل ما نخطب

ياقرجه بس حق الطيارة والله اجيكم

زاتوووو

افتكر المباراة دى لازم يكون فيها حكم دولى

انناقش التكاليف

ولاشنو

طبعا يا العمدة ويازول يازول انتو عارفين انو انا هو ميزان اي مباراة تتم .. يعني الفريق الغالب لازم اكون انا احد افراده عشان يغلب .. عشان كدا العايزني في فريقوا لازم ارسل المناقصة قبل موعد كافي من بدء المباراة ..

الحبيب قرجة

ما شاء الله عليك سيدى لا تنضب افكارك الثرة ابدا وما زلت كل فينة واخرى تفاجئنا بفكرة مجنونة كالمجنونة التى تدعو للمبارزة عليها وانا شخصيا اوافق بشرط ان يكون اساسى وودمدنى والجعلى هم نص الفريق الخاص بى ولكن قبل ذلك انا اطالب بعدد من سيارات الاسعاف وقبل ذلك عدد من المشجعات اللائى يطلقن الزغاريد مبتدأ حتى تتدفق الدماء الحارة فى الشرائيين وطبعا هذه المباراة لابد لها من ملعب خاص جدا لا يدخله سوى البورداب ويمتنع غيرهم تماما فالدعوة خاصة وليست عامة حتى لا تشمت بنا صحف المعارضة فى طبعات منتصف الليل..
بعدين يا قرجة انت قايل شنو انا لحدى قريب ده كنت من اهم رواد فريق ادارة الاموال فى الدورات الرمضانية فى المجموعة عندنا حتى تم حل قطاع الاموال كله وبعدها حردت اللعب ولكنى احرص على اقتناء الملابس الرياضية لزوم الفشخرة ولبسها عند اللزوم حتى لا يخطر لبعض الحريم ان قطارنا قد عدى وفات من زمان وحتى يتشجع العيال على الرياضة ويعرفوا انها ليست حكرا على اولئك الذين لا شغل ولا مشغلة لهم الا الجرى وراء كرة واحدة بينما هم اكثر من عشرون شخصا .. شوف مسوين ليها عزة قدر شنو مع انها كلها ما تسوى عشرة ريال..

لك التحية عزيزى وانا اعلن موافقتى واخشى من الريس يا زول ان ينسحب قبل ابتداء المباراة وعلى كل انا بقول ليه من هسع ممنوع الاستعانة بالاشبال والاصدقاء وقدامى اللاعبين فانا اعرف كل اوراقه التى يمكن ان يستخدمها ولذا اقفل عليه الطريق واللعب فقط باعضاء البورد النشطين وليس الذين سجلوا ولم يدخلوا البورد اطلاقا..

تحياتى لكل الاحباب

الرائع الكابتن العمدة قرشو

والله لكن النص ما عندك


انا غايتو بضمن ليك انو نغلب ليك فريق الريس يازول


غلب عمرهم ما سمعوا بيه

بس ارشح ليك سنجاوي لحراسة المرمى


وبكده تاني نضمن الفوز ما يستخدم فريق يازول الكجور والدمبشة



وتحياتي

الجعلي

وهل يجرؤ أحد على هزيمة فريق يازول يازول ، فقد امتاز هذا الفريق باللعب النظيف والسريع خصوصا بعد تسجيله عدد من اللاعبين المحترفين مثل ود شاموق فى حراسة المرمى وود الباشا فى الدفاع مع زميله المايسترو بكرى أبوبكر وقدرتهم الفائقة فى صد أى كرات خطرة من أمام مرمى ود شاموق كما يوجد لديه فى الوسط اللاعب الكبير الملا عمر وود الدامر بامكانياته ومهاراته المتفوقة وفى الأجنحة تم تسجيل اللاعب الدولى ود عزة واللاعب الفذ ذو المهارات المتعددة الخواض ويوجد فى المقدمة أخطر المهاجمين فى المنطقة حيث تم تسجيل وسط أوساط حذرة ومترقبة اللاعب العالمى الموصلى وزميله رأس الحربة بدرالدين شنا وقد بدأ الفريق فى أوج استعداده عند آخر تمرين له وأعلن استعداده التام لدحر فريق العمدة قرشو وقد علمت مصادرنا أن فريق العمدة قد قام بتسجيل اللاعب الأجنبى أبوحراز بعد الإتفاق معه على شروط العقد كما علمنا أيضا أن سنتمنتال لاعب العمدة الدولى قد التقى وجها لوجه مع يازول يازول وشوهدت آثار قبقة واضحة فى أعلى رقبته وعند سؤال مندوبنا عن أسباب ذلك الكدمات الظاهرة على وجنات اللاعب الدولى سنتمنتال عزى ذلك الى أسباب عاطفية كما وجه يازول يازول فى بيانه قبل المباراة تحذيرا شديد اللهجة الى كل من قرجة وود الجعلى وبقية بورداب جدة المتخاذلين الذين سجلوا فى فريق العمدة أن يأخذوا الحذر والحيطة أبان قيام المباراة اذ فتحت بلاغات ضدهم بتهمة الثراء الحرام بسبب ضياع اشتراكات البورد

looooooooooooooooooooooooooooooooooooooool

الأستاذ الكريم يا زول يا زول
أشكرك سيدي على ثقتك الكبيرة في مقدراتي وإختياري لاعباً أساسياً لتمثيل فريقكم في تلك التظاهرة الكبيرة ، وأحسب أن هناك شروط يجب إستيفاءها قبل حضوري لتأدية المباراة في معيتكم الكريمة ، فأول هام هو أن تبعدو عني جماعة السى آي أيه أولاد الـ الشئ الثاني وهو لا يقل أهمية عن سابقة هو أن تسمحوا لي باللعب بالزي القومي الطالباني ويمكن نزع العمامة في الضربات الركنية فقط ، والشئ الأخير أن لا تكون هناك أى دعايات أو إعلانات في الملعب أو على قمصان لاعبي الفريقين لمنتجات أمريكية أو بريطانية وبخاصة بيبسي كولا وكوكا كولا وكنتاكي وما كدونالد. وحتى يكون الموضوع أكثر ديمقراطية لا مانع من منع الكبسة الخليجية والأنجيرا الأثيوبية والويكة السودانية.

اااااخ يا بطني

كتلتنا بالضحك

ليه كده يا ملا

شروطك دي الارسنال ما يقدر عليها

لا بد من التزام الزي الرياضي

يعني مافي واحد يجينا بعراقي

قلت لي اذا خلعت العمامة ياقون جاك بلا

في تصريح صحفي ادلي به لاعب فريق العمدة قرشو
الجعلي افاد ان الاصابة التي كان يعاني منها
قد تحسنت و هو في كامل استعدادة للمبارة و ذلك
بعد رحلة العلاج التي قام بها لمصحات الكرنتينة و بني مالك

و من جانب اخر يجري فريق يازول الاتصالات مع بعض القانونين
لمعرفة الجانب القانوني في مشاركة لاعبية المحترفين
الموصلي و بدر الدين شنا و بكري
و المتوقع حضورهم في اي لحظة

نسبه الي ان المباراه حتكون حاميه الوطيس جدا, حأجيكم بي هناك
لأكون من اول المشجعين.. ومعاي علبه اسعاف اوليه للاحتياط

اها عرض مقبول والا ممنوع دخول النساء؟


زهره

العزيز فالكون

كيف يا حبيب وين الزمن بيك والله مشتاقين كثير

وفعلا ، بتوصية من كابتن الفريق العمدة قرشو قد زرت كل من بني مالك

حيث السمك الطازج ، وقال لي بأنه مفيد جدا للكسور بجانب الأقاشي


في الكرتينة وقمنا بعدة جولات في أحياء الكرنينة في رحلة البحث عن


الأقاشي الجيد وفي تلكم الرحلة رصدت كاميرا الكابتن العمدة قرشو

الكابتن يازول يازول وهو خارج من أحد البيوت الشعبية ، وعندما

سألنا بعض الأطفال عن من يسكن هذا المنزل تبين أن هذا المنزل

يخص حاج عبد الله وهو (شيخ مشهود له ) وتلقت مصادرنا بان ابوحراز

كان حٌّوارا لهذا الشيخ وقد أتم لديه عدة دورات متقدمة في

البرامج التالية


1- كيف تهرب من كفيلك دون أن يلاحقك

2- كيف تجعل الناس تقبل على بوستاته

3- ممارسة الحب عن طريق الماسنجرات

وسنوافيكم بكل جديد عن هذه المبارة الهامة


الجعلي

ترقبوا اخر اخبار المبارة
ماذا قال الحاج عبد الله ليازول ؟
اين ذهب اللاعب سنتمنتال قبل المبارة؟
قصة كدارة قرجة الجديدة؟؟
ماهي حكاية الديك الاسود و الارز؟؟

و الكتير المثير حول هذه المبارة
ترقبونا في العدد القادم!!!!

قالوا العمدة في البلد سلطتوا اقوي من الريس
عشان نضمن وجودنا في جدة مرتاحين
لازم ننضم لفرقي العمدة طبعا

ويا ريس نحنا عندنا كمية من الشباب
والناس لسة ما شافت مهاجر
وما عارفة تاريخه
عشان كدة اخوك اللاعب المفاجاة لهزيمتكم

ونحنا جاهزين عشان نستعد لدفر الحج وكدا

قالوا العمدة في البلد سلطتوا اقوي من الريس
عشان نضمن وجودنا في جدة مرتاحين
لازم ننضم لفريق العمدة طبعا

ويا ريس نحنا عندنا كمية من الشباب
والناس لسة ما شافت مهاجر
وما عارفة تاريخه
عشان كدة اخوك اللاعب المفاجاة لهزيمتكم

ونحنا جاهزين عشان نستعد لدفر الحج وكدا

الزول زاتو

كده تعال الاول

وبعدين حساب التذكرة حسب الاداء

وسمك بين الشوطين

دي

الا تلعب الشوط التاني شايل زمزمية موية

مرحب زهرة

رافقي خيتك عزة في فرقة الاسعافات الاولية

وبعدين صندوق الاسعافات الصغير ده

بيكمل في اول عشرة دقائق

جيبي عربية اسعاف عديييل كدة

مرحب بيك مهاجر

يعني من زمان غاتس

ما تجيبك الا الكورة

اها

عايزين المدربين يحددو لينا الميدان والتاريخ

وانا اقترح الميدان في المطار القديم

مقابل لبالبيد

الا اذا توفر ميدان احسن

وفي انتظارك يا فالكون

ومرحب بيك

دونكي خوت

لو قريب تعال احكما لينا

يا اخوانا سنتمنتال وين

وكذلك

ز رين

شرير والبرتقالة

صلاح ضرار

اساسي

جمال السنوسي

بحراوي

الليندي

يا جماعة الكلام دخل الحوش

اول حاجة يامهاجر على الطلاق انت فى فريقى والبرضى واليابا ما عندنا كلام معاه..

آخر خبر جاءنا على الموبايل انه يازول استعان بشيخ آخر فى غليل اسمه شيخ آدم وانه دفع له مقدما مبلغا كبيرا وتعهد بتموينه بالارز حتى يغادر المملكة وقد عرف عن شيخ آدم انه يطعم الجماعة بتاعنه رز ..

عموما نحن محصنين وكل لعيبتنا شايلين حجبات قوية وما همانا ما دام حجابنا معانا..

زهرة
حبابك عشرة بس خليك فى السايد بتاعنا واهم شىء يكون عندك حلقوم كبير يعنى لما تزغردى ناس مكة يسمعوا ويقولوا ليك ابشرى بالخير ..

طبعا شرير والبرتقالة تبعنا ومافى اى شخشخة خالص

العزيز فالكون حدد موقفك ياخوى ما تبقى عصا نايمة وعصا قايمة
عموما نحن موافقين على ميدان المطار القديم وجاهزين جاهزين ..

تحياتى لكل الاحباب وفى انتظار ابوحراز السيرباك بتاعنا

الريس يازول

زمان ما قلنا ممنوع الاستعانة باللعيبة من خارج البورد والمتقاعدين.. واذا اخليت بالعهود فكابتن سانتو قاعد فى بنى مالك وهو زولناوبلدينا كمان ..

قرجة خليك متابع كل التطورات كويس وانا بديك كرتونة كروت حمر اى عين زايدة تديها كرت احمر طوالى ..

قرجة اخوى كيفك مشتاقين

اها انا جايكم عديل بس، نتفق على العداد من اسي لانو بصراحة الفريق البلعب معاهو يا هو الفائز عشان كده الموضوع ح يكون مسألة عرض يا اخوى قلتو شنو

.

لقد فرغ كأسي فمن
يملأ كأس أحلامي

السنجك اخوي

نحن بس خايفين من صفقة زي حقت بيبيتو

مع نادي الاتحاد الخاسرة

الجماعة ناس منصور البلوي فاكرين بيبيتو لسه زي

زمان طلع مبلبط

انت اصل الاول ياخي عليك الله الشوفة دي بتتقدر بقروش

عايزينك تشيل القناع ونشوفك


الجمعة القريبة دي كيف يا اخوانا

عايزين مشاركة من الجميع

الاخ ابو قرجه

والله انا بعيد لكن بجى

شوفوا العداد

وعشاء الحكام

الاخ ابو قرجه

والله انا بعيد لكن بجى

شوفوا العداد

وعشاء الحكام

مفاجاة اللقاء

كـــــــولا

خلاص يا اخوانا اتفقنا

الجمعة 17/1/2003

الساعة الرابعة عصرا

المطار القديم الفسحات المقابلة لبالبيد

بشارع ولي العهد

اتغدو خفيف

ما تخزلونا

تلقيا مكالمة هاتفية من الزميل كــــولا

واكد بانه سيكون بجدة مساء الخميس ويمكنه المشاركة في اللقاء

ويعتبر كولا من قدامى لاعبي بحري

حيث شهدت له الملاعب صولات وجولات

لا ندي ان تبقى منها شئ


الاخوة الذين سيحضرون الرجاء التكرم بالتاكيد

بالتوقيع في هذا البوست

تصريحات قبيل المباراة

قرشو يصرح:

معنا ودمدني والجعلي واساسي
ودفاعنا حيقعد في الكراسي


الجعلي يستنكر:-

ودشاموق؟؟؟ لن نحس بوجوده


اساسي متحديا:-

ستكون قاسية للاسف
بواقع لكل لاعب هدف


ودمدني مصرحا:-

حاول معي يازول كثيرا
ولكن لن ارضي بغير العمدة بديلا

الرائعون بورداب جدة

أوقع بالحضور


الجعلي

ونبصم بالعشرة على الحضور وعلى الغلب

بس أربعة دى شنو يا قرجة ما بدرى شوية؟؟؟؟

اقابلك بكرة في الموعد

تصور روعة المشهد

سلام لى اهلى بورداب جده
فرصة سعيدة ان التقيكم غدا
ومجهوداتى معروضة للكتش يازول يازول والكتش قرشو
ومن يختارنى هو الفائز
بس يا اخوانة الفرقة الفيها ودعمتى قرجةانا ما دايرها انا ضده
لان لى تارات معه وبعدين انا عارفه الكورة لما يتفرج عليها ساكت نفسه بقوم فما بالكم وهو لاعب
لوووووووووووووول

وللاتصال والتنسيق

موبايل 059303224