Post: #1
Title: ]مقترح للمهرجان...............رايكم يا جماعة[/B
Author: مهاجر
Date: 01-14-2003, 08:38 AM
Parent: #0
السلام عليكم
اولا لدي مقترحين للمنتدي والمهرجان
1)اقتراح ثلاث ليالي شعرية يشترك فيها شعراء المنتدي ودعوة للمبدعين من وطني حسب راي الاعضاء في ذلك
2)نقوم بتكوين لجنة تقوم بعمل مسودة لليالي الثلاث لاي نوعية من الشعر لليوم الاول والثاني والثالث
وعلي ضوء هذا تقوم هذه اللجنة بجمع كل المشاركات الشعرية في المنبر لاخذ الجيد منها لعمل كتيب صغير نقوم بطبعه في احدي الدول العربية لانوا الطباعة رخيصة في مصر وسورية
3)تكوين لجنة سياسية ايضا لعمل منتدي لمدة ثلاث ليالي ايضا وربما تكون اكتر من ثلاث ليالي او يمكن عمل مؤتمر مصغر لمنقاشة القضية الساخنة عند وقت المهرجان
ايضا تفنيد كل قضية تمت مناقشتها وتجميعها وممكن عمل جريدة من صفحات كبيرة اكثر من 35 صفحة باسم سودانيز اون لاين
4) تكوين لجنة خدمية تناقش قضايا الصحة والبيئة والعادات السيئة في مجتمعنا وعمل كتيب او وضع المواضيع في الجريدة ايضا لانها ما حاتكون كثيرة ويا دكاترة شدوا حيلكم من دلوقت
5)تكوين لجنة مسرحية لتقديم اعمال قديمة لها وقع في المجتمع السوداني ومحاولة تقديم عمل مسرحي جديد تظهر منه الاستاذة تماضر مواهب المنتدي
6)عمل لجنة موسيقية واتمني عمل كورال موسيقي وطني يهز الوجدان ويحرك كل احاسيسناوشدوا حيلكم يا مبدعين
7)تكوين لجنة ادارية تتابع كل اللجان طيلة هذه الفترة وتقديم يد المساعدة لها
 تكوين لجنة مالية تجمع التبرعات وتقوم بالتنسيق مع كل الاخوة
9) تكوين لجنة الداخل وهذه مهمتها اذا كان المهرجان بالسودان كبيرة وتحتاج جهد مقدر في متابعة الحجز لكل عمل والتحضير وتقديم الدعوات
10) لجنة تقييم الموقف قبل المهرجان تكون مهمتها متابعة راي الاعضاء في اقامة المهرجان في اي بلد وتفنيد المعطيات المتاحة
واخر لجنة هي اللجنة الاعلامية ودي اخر لجنة انشاء الله لادارة فعاليات المهرجان
واتمني اني اتوفقت في تكوين هذه اللجان وما تقولوا دا زي سيدنا الصادق
التخصص دائما يخرج العمل بصورة قوية وممتازة وبعدين ندي الخبز لخبازوا
ولكم خالص شكري
|
Post: #2
Title: Re: ]مقترح للمهرجان...............رايكم يا جماعة[/B
Author: مهاجر
Date: 01-14-2003, 10:47 AM
Parent: #1
ما في زول في المنبر ولا شنو
|
Post: #3
Title: Re: ]مقترح للمهرجان...............رايكم يا جماعة[/B
Author: مهاجر
Date: 04-05-2003, 12:05 PM
Parent: #2
من قبيل يا عمدتنا ويا قرشو
ويا قرجة
دا كان اقتراح لكن لم يناقشه اي شخص ولا حتي الادارة
|
Post: #4
Title: Re: ]مقترح للمهرجان...............رايكم يا جماعة[/B
Author: مهاجر
Date: 04-06-2003, 08:30 AM
Parent: #3
العمدة شفتك اون لاين
ودا المقترح
|
Post: #5
Title: Re: ]مقترح للمهرجان...............رايكم يا جماعة[/B
Author: garjah
Date: 04-06-2003, 08:53 AM
Parent: #4
مهاجر
العمدة شوفو بقى طشاش
لكن الفكرة جميلة
وانا اقترح
عمل مؤسسة
باسم
مؤسسة سودانيس اون لاين للابداع
تكون من ضمن اهتماماتها نشر الثقافة السودانية
ورعاية الموهوبين من الشعراء والموسيقيين والتشكيليين
والكتاب
ويكون موقعها في الخرطوم
يزورها اعضاء المنبر كلما جاءوا للوطن
وممكن ان تكون شركة مساهمة
يؤسسها اعضاء المنبر
|
Post: #6
Title: Re: ]مقترح للمهرجان...............رايكم يا جماعة[/B
Author: مهاجر
Date: 04-06-2003, 10:34 AM
Parent: #5
العزيز الستاذ قرجة
حقيقة الواحد ما عارف يقول شنو
لكن الريس ذاتوا قال اقترحوا للمهرجان وقمنا بالواجب ولا هو حتي عبرنا
لكن مرات الواحد لو ما بينظر لواجب الوطن والعمل العام ومتعود علي مثل هذه الاشياء ممكن الواحد يقول مافي روح تاعون من اجل البورد بس كلوا ظهور واشهار عضلات من نواحي سياسية واجتماعية وعاطفية ومجاملات بشكل غريب عني اديك مثال واحدة كاتبة موضوع قدم اكثر من خمس مرات وبرضو النحل جاري عليهوا ياخي بطلوا دجل
انا اسالكم كلكم من منكم راي البنات المعانا ديل ولا بس فاقدين حنان
اخي عاملوهم معاملة عادية زيهم زي اي عضو
شكرا علي اقتراحك اخونا قرجة
نتمني ان نري شيئا عملي من الاخوة
|
Post: #7
Title: Re: ]مقترح للمهرجان...............رايكم يا جماعة[/B
Author: garjah
Date: 04-06-2003, 11:10 AM
Parent: #6
زيهم وزي اي عضم كيف يعني
انه النحل وشغفه بالورود
|
Post: #8
Title: Re: ]مقترح للمهرجان...............رايكم يا جماعة[/B
Author: قرشـــو
Date: 04-06-2003, 11:19 AM
Parent: #7
الأخ الحبيب مهاجر
والله وهمتنى عديل كده
نفس الكلام ده نانقشناه قبل ثلاثة شهور تقريبا ولن تصدق اننى اقترحت مقترحات تشابه ما طرحته انت ولكن وحاتك يا غالى ولا فى زول هبب لينا مقترحاتنا..
عموما انا من حيث المبدأ اوافقك وكم سيكون جميلا لو خلقنا لهذا الموقع ارضية فى كل الوطن ولكل المواطنين ولم نكتفى بمن يشارك فقط بل نوصل لمن لا يستخدم الانترنيت مقترحاتنا واراءنا وهذه كانت فى جزئية لدعم الحفل السنوى المزمع اقامته فى العاصمة القومية باصدار كتيبات تحمل مواضيع معينة فى البورد تهم الوطن وشارك فيها الكثير من الاعضاء بصورة جادة وطرحها فى الاسواق ..
يا سيدى ولا يهمك الناس الايام دى مشغولة بالحرب خلينا نشوف اخرها شنو ونرجع ثانى لموضوع المهرجان وكم اتوق اليه عزيزى ان يكون حقيقة ..
لك تحياتى
يا قرجة الراجل قال عضو تقوم تقول ليه عضم كيف يعنى ؟؟؟
يازول انت مشتاق للمقرشة ولا شنو ؟؟؟
هاااااى يكة
|
|
Post: #9
Title: Re: ]مقترح للمهرجان...............رايكم يا جماعة[/B
Author: مهاجر
Date: 04-06-2003, 12:19 PM
Parent: #8
الاخوة الافاضل قرجة
والعمدة قرشو
والله انا طلعت البوست دا عشان كلامك مع قرجة في البوست بتاعوا
وقلت نحي الموضوع تاني لكن الناس دي بحبوا الشمار
وكان قامت الاشياء دي يجوك وكانوا شاركوا بكامل جهدهم في المهرجان
عموما الله المستعان
|
Post: #10
Title: Re: ]مقترح للمهرجان...............رايكم يا جماعة[/B
Author: kofi
Date: 04-06-2003, 12:55 PM
Parent: #9
الأخ المهاجـر
الشـباب فاكـرين انه المـوضوع يكون فيه احتمال دفع وكدة فقاموا كابين الزوغة.
ارجوك فهم الأخوان انه الموضوع ملح
ودمتم
|
Post: #11
Title: Re: ]مقترح للمهرجان...............رايكم يا جماعة[/B
Author: مهاجر
Date: 04-06-2003, 01:37 PM
Parent: #10
اخونا كوفي
حقيقة الشباب هنا بيمشوا بالانطباع الاول
الدفع جاي عليهم هما حايمشوا وين
شوف الناس قرات البوست كام شخص 89
|
Post: #12
Title: Re: ]مقترح للمهرجان...............رايكم يا جماعة[/B
Author: Elmosley
Date: 04-06-2003, 03:25 PM
Parent: #1
العزيز مهتجر انا من ايدك دي لي ايدك دي
|
Post: #13
Title: Re: ]مقترح للمهرجان...............رايكم يا جماعة[/B
Author: مهاجر
Date: 04-07-2003, 08:52 AM
Parent: #12
استاذنا انتوا اهل الساس ةالراس
نحنا نقول وانتوا اهل البناء والابداع
نحن نقوي بكم وبكل عمل وطني تقوموا به من اجل سوداننا الحبيب
نتمني مشاركة الجميع
|
Post: #14
Title: Re: ]مقترح للمهرجان...............رايكم يا جماعة[/B
Author: kofi
Date: 04-07-2003, 09:18 AM
الأخ مهـاجر
طالما الأسـتاذ الموصـلى دخل على الخـط فالناس على دين ملوكهم.
نحن معكـم حتى النهاية ظالمين كنتم او مظلومين.
ودمتـم
|
Post: #15
Title: Re: ]مقترح للمهرجان...............رايكم يا جماعة[/B
Author: Elmosley
Date: 04-07-2003, 11:03 AM
Parent: #14
الاعزاء كوفي ومهاجر
لكما الود وارجو ان ينجح المشروع باجنهادكما والجميع
|
Post: #16
Title: Re: ]مقترح للمهرجان...............رايكم يا جماعة[/B
Author: مهاجر
Date: 04-07-2003, 12:08 PM
Parent: #15
شكرا اخونا كوفي
استاذنا دوما سباق
ما هو رايك في عمل موسيقي يجمع شكل وطني ومرثية او ذكر بعض الاعمال الوطنية لبعض الفنانين المبدعين في بلدنا الحبيب جميعهم الاحياء والاموات
ايضا لدينا شعراء وكتاب نطلب منهم عمل وطني فريد وتقوموا انتم بتلحينه ويشارك في هذا الكورال كل البورد او جله
ايضا المسرحيين ولا واحد جانا لافي ساتك بالغلط
وينكم يا جماعة
|
Post: #17
Title: Re: ]مقترح للمهرجان...............رايكم يا جماعة[/B
Author: Elmosley
Date: 04-07-2003, 12:20 PM
Parent: #16
جميل ومافي مانع تب
|
Post: #18
Title: Re: ]مقترح للمهرجان...............رايكم يا جماعة[/B
Author: مهاجر
Date: 04-07-2003, 12:56 PM
Parent: #17
نتمني من الادارة
الشكل العملي
ويا استاذنا حرك الجماعة ديل شوية ولا نكون زي منتديات تانية نعديها كلها شكاوي في الادارة
انا اقترح انك تبداء تحرك لجنتك الموسيقية ونتحاور في بوست لجنة الموسيقي ونخلي كل البورد يقدم اقتراحاتوا وانتوا كمحترفين تقيموا الصالح من الطالح
الاستاذة تماضر اون لاين شرفينا
|
Post: #19
Title: Re: ]مقترح للمهرجان...............رايكم يا جماعة[/B
Author: مهاجر
Date: 04-09-2003, 09:18 AM
Parent: #18
يلا يا جماعة
ناس المسرح ابدوا اللجنة حقتكم
ناس الموسيقي مع استاذنا الموصلي
|
|