.
.

[qb]
ودمدنى الاصاله والتحدى


لكل اهل ودمدنى الطيبن وكل ابورداب جميعا
[/qb]

الغالى ود بلدنا ود الجزيره
تظل مدنى عشقا يدندن فى الوجدان
تظل سحرا مستكين بين الاجفان
كلما فتحت الماقى رايناها فى كل مكان
وتظل الجزيره دواء مزاج مابين رائحة الدعاش
وبين طيبة اهلنا الغبش دواء نستشفى به كلما
ثقلت علينا جرعات الغربه القاتله لك ولك اهلنا
فى الجزيره اسمى ايات الحب والاحترام

كانت اشراقة علم ومعرفة
كانت مشعل نور الوطنية
كانت تجود بابنائها للوطن العزيز
كانت انطلاقة الوعي السياسي منها شلالا افرز مؤتمر الخريجين
كانت دوحة شعر ما جاد السودان بمثلهم حتي الان
كانت معزوفة حيرت العالم بعبرقية مبدعيها
كانت نور سادتنا الصوفية وملتقاهم
كانت تعطي ولا تاخذ مثل المدن الاخري
اما الان قصدوها لانها قوة الشرارة التي ربما لو تركوها ما بقوا في الحكم
لذلك جهلوها وقصدوا ذلك ابعدوا اهميتها لاقصي درجة
لكن ستعود ودمدني الاصالة والقوة
بقوة ابنائهاووطنية من قبضوا علي الجمر وما زالوا
وستجود ودمدني بمن يكون اسم لها واهل لها
فهي المدينة الولود الودود
شكرا ودالجزيرة

وليس من التاريخ بل من الحاضر أن يأتى البشير زائرا لوادمدنى وواليها الشريف الذى ضاق الناس منه ذرعا فتصوروا كيف كانت هتافات اهل مدنى تحية للرئيس قبيل القاء خطابه.. كانت هكذا:


الشريف قبل الخريف


يقصدون بالطبع ازالة الشريف كوالى قبل قدوم فصل الخريف

ماذا اقول فى اولئك ؟؟؟؟

الليله اتذكرتو الغالية .. ما قصرت ياود الجزيرة .. عن اذنكم خلوني النهجج مع صديق متولي

تسلم و تسلم ودمدني و السودان كلو

ود مدنى

Quote: ما له اعياه النضال بدني روحي ليه مشتهيه ود مدني ليت حظي سمح واسعدني طوفه فد يوم بي ربوع مدني كنت أزوره ابويا ود مدني واشكي ليه الحضري والمدني آه علي حشاشتي ودجني وحنيني ولوعتي وشجنى دار ابويا ومتعتي وعجني يا سعادتي وثروتي ومجني حين سألنا حاوي الوصب من خمايل قرية القصب قالوا جات سيرتك علي النصب ونحن بين الروضة والقصب صنفه بعرها قالن إن تصب تربط الأحلام مع الخصب كان حبيبنا وحاشا ما نصبي ومن زمان فارقنا وهو صبي تاني ما سمعنا انقطع خبره يا حليلم طشوا ما اتخبروا واحدة فيهن قالت انجبروا فقر ابونا وخدمة النبرو الكنانة أكرمت نزلي واغدقت من خيره كل زلي إن حييت أو مت في الازل ده مقدر طبعه في الازل غايته بختم نفثتي الخطرت بي تحية من حشاي شطرت للتدور والطايره والما طارت وسلاما ما الغصون خطرت

خليل فرح

مشكورين يا شباب على حبكم الى ارض الوطن الصغير والود لكل ابنا ودمدنى الغره ام خيرا جوه وبره الى احلى الاوقات ودالجزيره SAdo7 مهاجر قرشـــو madani azza SAdo7 مهاجر قرشـــو madani azza yasiko مشكورين يا شباب على حبكم الى ارض الوطن الصغير والود لكل ابنا ودمدنى الغره ام خيرا جوه وبره الى احلى الاوقات ودالجزيره

يافراشـــات دوري بينا نمشي لي مدنى الحنيــنه
ننســـا بين خضرة ربوعه غربه كم طالت سنينه
^-^-^-^-^-^-^-^-^-^-^-^-^-^-^-^-
اصـــلو نحن غلطنا مره سـبنا ارض الطيبه فتنا
فارقنا احضـــانه ومشـينا فى دروب الغربه تهنا
عشـنا بين آهــه وأسيه وياما فى غربتنا شــفنا
لاعرفنا نعيــــش بدونك لا السـنين داوت جرحنا
^-^-^-^-^-^-^-^-^-^-^-^-^-^-^-^-
لما تجمعنا الليالي ونبدأ نســـــرح فى ملامحك
دون ارادة نقيف عشانك وفى الخيال بالايد نصافحك
نشكي ليك بعد المسافة وبى لهيب الشوق نصارحك
ما انت اصلك حاجه تانى والبزورك كيف ابارحـك
^-^-^-^-^-^-^-^-^-^-^-^-^-^-^-^-
من سنين بتمنـــــى ارجع امشي للقبه وازوره
اطوف بيوتك حاره حاره واغشــا حبوبتى البدوره
اغازل المســــــاح بكلمة اهدى للكاشف شعوره
والقا فيك يامدنــــى روحى والليالي يضوى نوره
^-^-^-^-^-^-^-^-^-^-^-^-^-^-^-^-

ياسلام عليك ياود الجزيرة خففت علينا من وطاة الغربة والبعد عن مدني وجزاك الله خيرا

في مدني يا اخواني.... أهلي وأحبابي

شكرا لك اخي ود الجزيرة ...
و التحية لمدني الحنينة وأهلها الأكثر حنية

شكرا الى الاخ كينق

والشكر موصول ايضا الى الاخت
Rose

للشاعر : قصي مجدي سليم

اشتقت ليك

اشتقت ليك

وسط السنين المره

والخوف والضنا

اشتقت ليك

يا كل امالي البعيشها

وفرحة الروح

يا انا

اشتقت ليك

لما السحاب شكل

بيوت من الشعر

ليك ردده
ونضم النجم

من ضو بريقه

خــــــيوط ســـــلام

واجمل غنا

حتى السهاد الطال معاي

جابك خيال

زاد الشقا

اشتقت ليك

يا ضو مصابيح الاهل

يا فرحة العيد واللقا

يا بعض من واحات جميله

وبعدك الخوف والاسى
وشرفك شقاي ..... انك بعيده

و علا زايد في الغنا

لما البروق تشلع جنوب

اتزكرك

لما الشمس تشرق شروق

اتشهدك

لما الحنين امسك تلاليبي

واقع
اتنفسك


ما بكره جاي

رغم العذاب

اتعلمك

مـــدني
مدينــتي الفاضـــلة
اعشـــق هـــذه المدينــة حتــى النخاع
هـــذه المدينـــة المعطاءة ذات الرحــم الولــود الودود
لك حبــي ود مــدني ولك التحيـــة

صلــحة

شكـــــــــــــــــــــرا الاستاذه صلحه
ولكى خالص تحيا تى

الحنينة السكرة
مدينتي الرائعة
اعشقها و اعشق كل ما بها
اشكرك يا ابن بلدي
ودمتم

مدني

يا ألقا بلون احب القاك

ويا وجها بنور الشمس محياك

ويا عطرا بطعم الورد احياك

ليتني في الشعر بارعا لكتبت فيك يامدني

قصيدة بطول معاني الحب الذي هو انت

العزيز ود الجزيرة

بالرغم أنني من أمدرمان، إلا انني لا أذكر مكانا عشت فيه إلا الجزيرة، كنا في حنتوب الجميلة حيث عمل والدي معلما بمدرستها العليا لمدة سبع سنوات ثم مكثنا فيها لحين انتهاء دراستنا قبل الجامعية وغادرناها للقاهرة،
عندما زرت السودان العام الماضي ذهبت إلي مدني وحنتوب ، لم أجد إلا أطلال وجالت في خاطري فكرة.. وانا أؤمن ان الاعمال العظيمة دائما ما تبدأ بفكرة أو حلم.ز لماذا لا نعمل كلنا أبناء الجزيرة. من ولد فيها ومن تربى أو تلقى تعليمه هناك، نعمل على إحياء تلك المدينة الساحرة التي كانت دوما مصدر إشعاع لكل ما هو جميل في بلدنا السودان؟ أيدي على كتفكم لنعمل من أجل مدني التي رأيتها تحتضر بعدما احتضر مشروع الجزيرة وهاجر كل أبنائها إلى مختلف بقاع العالم أو قل السودان.
الجزيرة أذكرها كلها وليست مدني فقد كنا نقضي أعيادنا في مكاتب مشروع الجزيرة مع خال لي عمل فيه حتى انتهى المشروع..
هناك رائحة لاتوجد إلا في الجزيرة، وهناك شجر لا يوجد إلا في الجزيرة وهناك نيل ثائر لا يوجد إلا في الجزيرة وهناك سحر لا يوجد إلا في الجزيرة.. إنه ليس تحيزا ولكنها الحقيقة المجردة
لقد وقفت على أطلال كلية المعلمات حيث تلقيت جزءا من تعليمي قبل الثانوي، ثم زرت مدرستي الجميلة مدني الثانوية ، ولقد وجدت انهما أشبه بتلك الأطلال التي كتب عنها لبيد بن ابي ربيعة في معلقته الشهيرة

رجــاء
أحببـــتك وأنت بحنتـــوب عشــقي الأول والثاني والأخيـــر
واقتفيتـــك وأنت بكليـــة معلمــات ودمدنـــي حيث مدرســة(أ) الثانويــة العامــة التي شهــدت أجمـــل سنــوات عمــري
ومــدني الثانـــوية
أيــن أنت مني يا زمــان الوصـــل بمــدني الثانـــوية
وكــأني أرانـــي معــك في حلـك وترحـــالك
وشـــكراً إن حركـــت ذكـــريات رائعـــات ما تزال تزداد ألــقاً وجمـــالاً عنــد كل سانحـــة يطـــل منهــأ وجــه مــدني وحنتــوب النائـــمة على ضفـــة النيل الشـــرقية في وداعـــة تحاكـــي جمـــال أهلــي الطيبيــن
لك منــي كل الود
صلــحة الكارب

الغالية صلحة وأخواتها

أنا أسعد منك بمعرفتي ودوما أؤمن بأن مصير الحي يلاقي، وها نحن نتلاقى على صفحات البورد.. شكرا لكل من جعل هذا ممكنا، واتمنى لقاءك وباقي افراد اسرتك الكريمة في تلك المنطقة التي جمعتنا سماءها وشربنا من ماءها وجلسنا على نفس كنبات دراستها..
لك كل الحب
رجاء العباسي

.
.

[qb]
مشكورين يا شباب
والشكر موصول الى الاخت رجاء ولكل
البورداب جميعا والى اهل ودمدنى خاصه
مع احلى امنياتى دالجزيره[/qb]

العزيز ود الجزيرة
مع كل مشاركة لي في هذا الموضوع استمتع بالأغنية التي تجلب لي ذكرى ورائحة أجمل مكان في السودان.ز فهل ممكن نكون جميعا في حفل ما ونستمتع بها كما تعودنا دوما؟؟؟!!!
وما زال في مدني يا أخواني.......

الشكــــــــــــر للجميع ولى كل محبين ومحبات ودمدنى الجمال
والعشق كل العشق ليك ياارض الحبايب
شكرا الاخت رجاء
ولاخت صلحه
والاخ ودمدنى لكم خالص ودى

غضب الله على البحر
وجعله مالحاً
تعرف لماذا ؟؟
لأنه تزوج أكثر من اربعة
تزوج جدة وبورتسودان
وعدن ومصوع وغيرها كثير في الخفاء
لكن النيل لم يكن مالحاً في يوم ما
كان عذباً
لأنه يقبل شفاه مدني في الصباح والمساء
يعانقها
يلتف حول خصرها
ويتوه في خصلات شعرها
مدني
مدينة المدائن
في اي لحظة ستحترق لو اشعلت فيها سيجارة
لأنها معطرة بأنفاس أهلها
وطيبتهم
وبساطتهم

التحية لكل أهلى المدناب
أهديكم ود مدنى بصوت الرائع ود الأمين

http://www.anwarking.com/music/song_town/AnwarKing.com-...alamin-wd_madney.wma
من باب أغنيه ومدينه
http://www.anwarking.com/music/song_town/song_place.html