يا نسيبي انت داري بالعذاب الانا فيه

البارح قاعد بسمع في برنامج اصوات وانامل

وهو علي فكرة البرنامج الوحيد الباقي بطعمه ونكهته الخاصه
بفضل الرجل الفنان الذي يقف خلفه من الفه الي يائه

لكن ما اضحكني جدا هو واحد من الناس الجدد البيتغنو باغاني الغير
وكان بيغني في اغنية لعثمان حسين

حبيبي قلبي فاكرك وانت ليه خالي قلبك خالي

وفي النص دخل ليه كوبليه هو المضحك

يا نسيبي وانت داري بالعذاب الانا فيه
وكرر هذا الكوبليه مرتين
طبعا الاستاذ عثمان حسين بيكون جاهو ضغط لو بسمع

اها يا الموصلي وحمزة وسيف وسمندلاوي
رأيكم شنو

انا شخصيا اري ان مع الراجل حق خاصة اذا كان متزوج؟؟؟؟؟

انت عارف يانزار

لو سالناهو حيقول دي اضافة للاغنية السودانية

ومواكبة لتطور الحياة

ودور النسيب المتعاظم في التدخل في حياة اسرنا الصغيرة

اغلطو انتو يا مغنين

ونجيكم نحن بالاعزار

نزار
البرنامج دا دسوهو مننا
كنت أتابعه بانتظام .. لكن بقوا يجيبوه في وقت نحن بنكون لسة في مكابسات لقمة العيش
حقوا يعيدوه أو يجيبوهو لينا في المكاتب
على فكرة البرنامج دا مشاهد من قبل ناس ما سودانيين
في بعض الدول العربية

شكرا قرجة


اهل العوض نفهم من ذلك ان نسيبك راضى بالعذاب النت فيه؟؟؟؟
ومع خالص ودي

نزار
والله كان راضي ما بعرفو، لكن بسألوا
هو قاعد معاي في البيت
تفتكر أسألوا ولا أخليهو لي بكرة
ات نسيبك كيف؟

يا اهل العوض اذا قاعد معاك في البيت
ده ما بيحتاج يسالوه
لانو في الحالة دي بيكون شايف
العذاب الانت فيه

انا نسيبي مو راضي بالعذاب الانا فيه
عشان كده اتفقت معاه نتقاسم تربية الذرية

اولاد بتو

نص هنا ونص هناك

وذلك نوع من عدم الرضا بالعذاب الانا فيه

وبرضو فى واحد كان بغنى اغنية عثمان حسين اسمها

عشرة الايام
وبتقول
عشرة الايام
ما بصح تنساها
كانو ما عشناها
وضمانا احلى غرام


والراجل دة واقف
وبردد عشرة الايام
واللازمة الموسيقية ترد عليه

وفجاة

لابس احسن ساااعة
لابس احسن سااااعة


ويؤشر على يده محل الساعة

بدل ما بصح تنساها

ها ها ها

صدقت يا نزار
لكن هو ذاتو البرنامج بجي متين؟؟ مواعيدو غريبة
تماضر تحلفى بالغتي عدييييييييييل هاهاهاه
احسن ساعة لا جد هو قاصد و لا ما قاصد

تماضر شيخ الدين

والله لابس احسن ساعة دي ضحكتني ضحك
وذكرتني بواحد يدعي الفن من فريقنا
ومواظب علي شراء زهرة الاغاني
في اي سماية بنقشط بي زهرة اغانيه
ويغني



خليني جنك يا حبيبة قلبي ما تقولي الوداع
والقافات تنطق بالطريقة اليمنية

وصرت كل ما افتح الهوتميل اتذكر زامر حلتنا
الطلب قبل اكثر من عشرين سنة ان تخليه حبيبة
قلبو
JUNK

بدل ان تقول الوداع

عزة شكرا
ما صادفتك هترشات زي دي؟؟؟؟؟

السلام عليكم يابورداب
تعرف يانزار يااخوي نسيبو باين عليه مجننوا عشان كده قعد يغني ليه
اما نسيبتو مابعرفها مالو مادخلها في الاغنيه الا يكون غايتو جاب خبرها
بالمناسبه اغاني الفنان عثمان حسين دي الظاهر عليها صعبه شويه عشان كده الناس بتحرف فيها ويبقوا زي حلاق الجامعه
مرة سمعت واحد بيغني
ياحبيبي ..لولا ربي وجهنم لقتلك ودفنت نفسي
هههههههههههههه

سلامنا لنسيبك يااهل العوض
قصة الساعه رهيبه ياتماضر
لكم تحياتي

الدكتورة ماك طيبة
وينك الحي بيك
يعني الواحد لو اشتهى ليه ونسة معاكم إلا يكون عندو بال توك؟
الله كريم علي عوض الكريم
عموما تحياتك لنسيبي ما حا أوصلا
تعرفي لي شنو

الدكتورة بنت الجزيرة

الراجل شكي لي نسيبو
بس

لان من الارجح ان النسيبة زاتها تكون مشمولة بالشكوي

اما زولك الغنا يا حبيبة لولا ربي وجهنم لقتلتك ودفنت نفسي
ان شاء الله ما يكون مفكوك لا هسي
في زمن رياح الجنة الهابه من التلفزيون قبلي وساحل
ولن يتردد في القتل بعد الان

اهل العوض ياخوي
البالتوك لسه ماقدرت تجيه؟؟أسأل اخيتي الجندريه قول ليها دخلتي ليه من ياتو باب
اما حكاية سلامي لنسيبك دي غايتو انا عرفت السبب لكن قالوا السلام امانه اها بتوصلها ولا لا؟؟؟