Post: #1
Title: الحب فى مملكة الشواطين
Author: الشرغوف
Date: 01-13-2003, 07:32 AM
فى كافتريا اللهب المتعالى التقى شيطون بمحبوبته شيطونه , كان شيطون قد غاب طويلا" مهاجرا" فى بلاد مملكة الانس بحثا" عن الرزق الحلال وليكون نفسه ماديا" ويصير مؤهلا" للتقدم لخطبة شيطونة . التقى الحبيبان بعد غيبة وراح شيطون يبث اهاته واشجانه لشيطونه وكان قد تعلم مسبقا" من شباب مملكة الانس لغتهم السوقية .... تعرفى يا شيطونه الشوق جواى تلجة بس , تخجل شيطونه وتغطى وشها بلفحة لهب من طرحتها النارية . يواصل شيطون سرد اشجانه ...انا لمن مشيت مملكة الانس كنت فاكر انو امورى حتمشى زى ما انا عاوز ,,, لكن للاسف لقيت ليك فى ناس بقو اشطن من الشواطين زاتم , ديل ما خلوا لينا حاجة نعملا , اى حاجة سيئة فى اعلى مستوياتها , اى مجال كنا بنشتغل فيه زمان هسع خلاص ... اتئنسن وما كان غير انو اجى راجع لى مملكتى
بالرغم احتراق كل شئ حوالينا ....شوفى جمال الجمرة دى كيف ؟ وشوفى كمان حر السموم دى جميل كيف ؟ فاكرة زمان لمن قلت ليك احسن ما اهاجر واقعد فى مملكتى ونبنى مع بعضنا نارنا شرارة شرارة ؟؟ كان بتقولى لى : الشواطين كلهم غيروا نارهم لنار الغاز والميكرويف انت دايرنا نبدا حياتنا بنار منقد !!! تستعر بينهما لحظات صمت حارقة , يطرق فيها شيطون براسه ويسرح بنظراته بعيدا" مع مارج نار ازرق , يطول استغراقه وتفكيره ... تلكزه شيطونه ..يلا نمشى .. كب ..بسم الله ... تختفى شيطونه ...يختفى شيطون ... تختفى القصة باكملها
الشرغوف
|
Post: #2
Title: Re: الحب فى مملكة الشواطين
Author: قرشـــو
Date: 01-13-2003, 07:43 AM
Parent: #1
حبيبنا الشرغوف
اصبح بالله ياخى يعنى تختفى كده وتجينا بحب شيطانى ؟؟
الفكرة رائعة فالانس اصبحوا يا صاحبى اكثر شيطنة من الشياطين نفسهم فكثيرا ما تسمع وترى اشياء لا يستطييع الشيطان ان يفكر فيها ولكن يأتى بها بنو الانس ..
بالامس سمعت فى الاخبار تعليقا على القوات الامريكية المتوجهة للحرب ضد العراق وعند سؤالهم قالوا انهم سعداء بذلك لانهم يدافعون عن وطنهم..
بالله الشيطان ذاتو قال كلام زى ده؟؟
تسلم لينا يا غالى
|
Post: #3
Title: Re: الحب فى مملكة الشواطين
Author: نادر
Date: 01-13-2003, 10:24 AM
Parent: #1
الشرغوف
أخرج الآن
ليس من جلدي
ولا نهري
ولكني أطير اليوم مغبوناً
دمت وما تحرمنا من كتاباتك الشيقة دي
نادر
|
Post: #4
Title: Re: الحب فى مملكة الشواطين
Author: Ahlalawad
Date: 01-13-2003, 11:24 AM
Parent: #1
الشرغوف
حمدلة على السلامة
كويس إنك خليتنا نذكر الله ونسمي قبل قراءة هذا البوست
|
Post: #5
Title: Re: الحب فى مملكة الشواطين
Author: azza
Date: 01-13-2003, 11:25 AM
Parent: #1
الشرغوغ من متين بي جاي
ما بالغت عدييييييل
و سخنتا بينا
لكن حلوة
|
Post: #6
Title: Re: الحب فى مملكة الشواطين
Author: الشرغوف
Date: 01-13-2003, 12:38 PM
Parent: #5
اخونا قرشو ...من يحتار من الاخر ؟
نادر ... صديقى الملتهب اتخيلك تضحك حتى تغمض عينيك , فاذا كان الضحك خروجا" فاخرج خروجا" نهائيا
اهل العوض ... ياعزيزنا الشوق بحر
عزة ..فى هواك , من زمااان
لكم جميعا" الود الصافى
مع تحياتى
الشرغوف
|
Post: #7
Title: Re: الحب فى مملكة الشواطين
Author: كحلوش
Date: 01-13-2003, 01:12 PM
Parent: #1
ايها الشرغوف
ابداعك ..شيطاني عديل كده!! لول.
بسم الله حولك وحواليك .
دمت للابداع ولي.
|
Post: #8
Title: Re: الحب فى مملكة الشواطين
Author: الشرغوف
Date: 01-13-2003, 02:47 PM
Parent: #7
كحلوش..... اسمك غريب كما انا ...طوبى لنا
مع تحياتى
الشرغوف
|
Post: #9
Title: Re: الحب فى مملكة الشواطين
Author: الشرغوف
Date: 01-13-2003, 02:48 PM
Parent: #7
كحلوش..... اسمك غريب كما انا ...طوبى لنا
مع تحياتى
الشرغوف
|
Post: #10
Title: Re: الحب فى مملكة الشواطين
Author: كحلوش
Date: 01-13-2003, 02:55 PM
Parent: #1
الشرغوف:
لا غريب الا شياطينك
.
.
دمت لي
|
|