ضل النهار صاحى

ضل النهار صاحى
يافع مديد سرو
ممدود يعيد الضو
لسحرو من اول
قبل السير تنداس
والنجمة تكفي غناها
فى ليل سكن طول
ذنب الرحيل مكتوب
مرسوم عناوينا
يبعد من الخاطر
كم من شهيق منهوب
والحيرةنفس الصوت
باهت مودر وقاس
ضل النهار ممدود
يرسم ميادين شوق
لى لقيا واغنية
شاى والنفس مرتاح
والضلمة منسية
سامع هدير النيل
يدي النخيل عمرو
والدنيا حرية

جميلة و رائعه يا اخ زمراوي

فيها احساس بالدفء و الحرية و فيها نغمة تصلح نموذجا لاغنية

زمراوي
جميل
النص حق منو

مهدى
تسلم ياعزيز وكثير من القصيد ياتلق فى الخاطر راجى
الحبر شكرا على وصفك للقصيدة
الجندرية
القصيدة لى وارجينى فى بوست الطيب صالح

العزيز زمراوي
قصيدتك جميلة و هادفة .. و مهما أقول عنها ما حأضيف لي رونقها المزيد
ما اتعودنا منك الا علي كل شيئ هادف و جميل
تسلم لينا
و بركه اللاقيتك و اتعرفت عليك
لك كل الود
و نتواصل
أخوك محمد

ياتو هم اتنين
بس في اي واحد مرحب

يا ضل وقف
دافر
شيل الهموم
سافر
ليلك نهار
واصل
واكتب
كلام
آسر
القصة
ما فى الكون
ولا الحزن بدوم
القصة فى الاحساس
ضل النهار
وافر
نحن بنشيل الشمس
فى الكتف
وبنواصل
لليل نهيم بيه
لكن نهار
جاهر
زمراوى غلبنى العربى عديل لو كان بالنوبى
كنت قلت ليك
عن الحصل

العزيز محمد
كلماتك مشجعه اكثر واكثر وكم انا فخور بك وباصرارك
سعيا لمناخ ثقافى ضاج ساواصل الكتابة
الجندرية
فى ادهما فقط اعطينى مهلة

شرنوبى
شفيف الكلمات منك يزجى الخاطر بالمودة وروعة كتابتك تزداد الى الامام
عارف انو بغير الرطانة الوصف صعب