Post: #1
Title: لاعب دولي سابق يقبض عليه بجريمة السرقة
Author: cantona_1
Date: 01-12-2003, 03:14 PM
القبض على لاعب دولي
في جريمة سرقة
الخرطوم: الرأي العام
اجرت ادارة المباحث الجنائية امس طابور شخصية للاعب كرة قدم دولي ( لاعب سابق بالهلال العاصمي) بمباني رئاسة المباحث، في بلاغ خاص بمحاولة سرقة احد المنازل.
وقد عرضت الشرطة اللاعب على الكلب البوليسي حيث تعرف عليه من خلال حذاءه الذي تركه لحظة هروبه بعد فشل محاولته سرقة المنزل الواقع بمدينة الخرطوم.
يذكر ان اللاعب تم ضبطه وهو يحاول السرقة ويقوم بتكميم افواه اطفال المنزل بقطع قماش حتى لا يفضحوا امره.
=============================================================
هذا هو هلال الملايين ... ما هو رأي أخواننا الرشاشات...
|
Post: #2
Title: لاعب دولى
Author: mohmmed said ahmed
Date: 01-12-2003, 03:48 PM
Parent: #1
دى فضيحة للسودان مش للهلال
|
Post: #3
Title: Re: لاعب دولي سابق يقبض عليه بجريمة السرقة
Author: Shinteer
Date: 01-12-2003, 04:07 PM
Parent: #1
يا باشمهندس كباشي .. حرام عليك ياخي ترمي الجريمة فوق راس الهلال .. و الا فحاكم السودان بجريرة ما سمي بـ "جزار صنعاء" .. الزول ده يا كباشي انت عارف بكون خاتي ليه في راسو حاجة لمن قام بالمغامرة دي
و الله تعلم
|
Post: #4
Title: Re: لاعب دولي سابق يقبض عليه بجريمة السرقة
Author: shiry
Date: 01-12-2003, 04:44 PM
Parent: #3
سلام مربع
شنو الحصل يعني
?
عادي لاعب اخذ الف الفين
واكلهم .. وخلص المولود
مضي العمر ولقي نفسو في الشارع
الناس الكانو بصفقوا قبلوا وشهم غادي
والايد الكانت بتدي
انقطعت
عادي ..
شنو حصل يا كنتانا
سرق بترول
سرق
وزارة
سرق
حكومة
سرق
عمر ناس
سرق عمر اطفال
سرق قوت ناس
....
...........
............
حرامي عليك كنتانتا
عينك في الفيل وتطعن في ظلو
وشفنا الماسي عيان
الزمن الردي
حكمونا فيهو الكيـــزان
وعجبــي
وسلام مربع
ليك يا ايهـــاب
|
Post: #5
Title: Re: لاعب دولي سابق يقبض عليه بجريمة السرقة
Author: Shinteer
Date: 01-12-2003, 04:51 PM
Parent: #1
و الله يا شيري كلامك ده ذكرني باستاذي الجليل الدكتور شريف الدشوني. في حرامي سرق من بيت الدشوني شوية سراير و مخدات و حاجات كدي ما عندها قيمة مادية كبيرة .. و الحرامي للتسجمو قبضوه .. و ودوه المحكمة و استدعوا دكتور الدشوني عشان يجي. استمع الدشوني لكلام الحرامي و انو محتاج و ما عنده اي حاجة في الدنيا دي. قام الدشوني وقف و قال ليهم الزول ده فكوه و انا ما عاوز اي حاجة .. الناس سرقوا طوب الارض زاتو مافي زول قال ليهم اقيفوا . المسكين ده سرق ليه سراير لا تسمن و لا تغني من جوع .. فكوه و انا متنازل عن حقي .. و فكوا الحرامي .. و ذهب الى اهله يتمطى
القصة على لسان دكتور شريف الدشوني كما رواها لنا
|
Post: #6
Title: Re: لاعب دولي سابق يقبض عليه بجريمة السرقة
Author: cantona_1
Date: 01-12-2003, 11:35 PM
Parent: #5
سلام مربع للرشاشات.... شنتير... شيري ... محمد سيد أحمد..
إنتو يارشاشات عارفين انه عمر البشير والترابي وعلى عثمان وعوض الجاز وعبد الرحيم محمد حسين وبكري حسن صالح كلهم هلالاب ... وبرضو ما قادرين تعترفوا ان المصايب كلها من ملايين هلال الملايين...
لو كان الحرامي دا من الصهاينة كان قلبتوا علينا الدنيا .. مش مهم تكبروا وتأخدوا غيرها..
|
Post: #7
Title: Re: لاعب دولي سابق يقبض عليه بجريمة السرقة
Author: nazar hussien
Date: 01-13-2003, 10:38 AM
Parent: #6
يا كانتونا
مع احترامي ليكى
لكن بس انا عاوز افهم علاقة الهلال بالسرقة شنو؟؟؟؟
والله امكن يا ربي دي احدي مؤثرات العولمة الجديدة
وان كل من هو عربي ارهابي وكل ما هو فلسطيني انتحاري
وكل
من هو هلالابي حرامي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وكل من هو كانتونا حر في اطلاقاته
|
Post: #8
Title: Re: لاعب دولي سابق يقبض عليه بجريمة السرقة
Author: azza
Date: 01-13-2003, 11:14 AM
Parent: #1
فقط توارد الى ذهني
حليلك بتسرق سفنجة و ملاية
و غيرك بيسرق خروف السماية
في واحد تصدق بيسرق ولاية
زي سمعتا ايام انتفاضة 85 في التلفزيون
طبعا دا مبرر لنط الحيط
بس و الله حزنانة ببكي مال الحال
دا كان لاعب ايش حال ال....
دي ما قضية هلال و لا قضية فرد
امكن يكون الفاعل منحرف و حينها لن اعلق
واذا كان لا.. لك الله و نحنا يا بلادي
|
|