بعد اذنك يااداره...يااخواني هدوا اللعب شويه

يابورداب ياحلوين
السلام عليكم
ياجماعه هدوا اللعب شويه ونزلوا لينا البوستات واحد واحد عشان نقدر ندي كلو واحد حقوا من القرايه لانه بالجد الواحد بيكون عايز يقرا كل البتكتبوه وبقي ماقادر يحصل... لو سمحتوا يعني كل واحد ينزل لينا بوست واحد في الاسبوع وانا عارفه انكم تمتلكون الكثير والمثير عشان كده واحده واحده
ان شاء الله كلامي دا مايزعلكم
لكم تحياتي

طب المنبر

بت الجزيرة

هي ظاهرة حضارية

هل نقرا كل صفحات الجرائد اليومية

طبعا لا

كل منا يختار ما يروقه

بالمناسبة اختفت ظاهرة مشاركة كاتب باكثر من موضوع

على الاقل في الصفحة الاولى

صدقيني السبب هو هذا الحضور الفاعل للمشاركين الجدد

بت الجزيرة

ازيك يا بتنا والحمد لله على السلامة وكنتى وين انتى ليك فترة غائبة وكذلك ود الجزيرة .. الحكاية شنو ؟؟

مسألة تنظيم البوستات كما قال الاخ قرجة تصبح صعبة نسبة لتغير مزاجات الناس فى قراءة المواضييع وبالطبع ليس مقررا على العضو قراءة كل المواضيع ولكن انا مثلك احب قراءة كل ما كتب ولذا يضيع على زمن كثير بهذا الدفق الجميل من الاحباب ولكنى ارى ان هذا اجمل ولكن سيكون صعبا علينا بالطببع المتابعة مما يجعل البعض يظن ان هنالك شللية فى الردود والتفاعل بينما الحكاية كثرة مواضيع وطول بعضها بما يأخذ منك جل وقتك المخصص للشبكة ..

لك تحياتى عزيزتى وما تغيبى بالله علينا

طيب ليه ياناس الإدارة ماتحاولوا تقسمونا
يعني اسبوع للنسوان
واسبوع للرجال

غايتو لو تحقق ذلك
ايانا الأخدنا إجازة لمدة اسبوع من ناس عمو قرجة

عاين شنبك قدر شنو

وتقول عمــــو

العمى الما يقرب منك حروزة

مش كويس ماقلنا جدو

سويتوا لينا شنو في موضوع التقسيم دا
الكز عمو قرشو وكلموا معاك
الجعلي ماتسألوا
اصلاً أنا عارفو بيكون عاوز اللمة دي

اخوي قرجه
الله يديك العافيه
قلت مااقول ليك عمو عشان شايفاها بتزعلك بالحيل مع انه مرات العم بيكون اصغر عمرا من ود اخوه يعني لما يقولوها ليك ناس الجعلي وابوحراز ديل ماتزعل منهم فهمت قصدي طبعا
اما بخصوص البوستات انا اوافقك الراي وهي لنشاط المشاركين لكن برضو عايزين نقراها كلها نعمل شنو؟؟
الشمار كاتلنا
لك تحياتي ياعمو

العمده قرشو
الله يسلمك ياعمدتنا
اها شفت من سرعة تدفق الروائع البوستيه لم تتمكن من قرايه البوست حقي الكتبتو ليكم بعد رجوعي من الانقطاع الاجباري من البورد والذي فرض علي قسرا لاسباب فنيه في الاتصال..ولما رجعت سالت عن البوست حقك للانسات فقط ماحصلتو ولسه ببحث عنه... وانني لم اقل هذا الكلام الا لانني اتمني ان اقرأ كل مايكتب في البورد
الله يديك العافيه ياعمدتنا

العمدة ما يهوده جنبك

الكزو انت

يدك مجبصة

العمدة ما يهوده جنبك

الكزو انت

يدك مجبصة

هههههههههههههه ضحكتني والله ياقرجه يمكن تكون محننه ياقرجه الراجل يكون عايز يعرس في العيد وعملوا ليه الحنه من هسي ناس جده

ابوحراز يااخوي
مالك عايز تقسم لينا البورد رجال ونساء ...احسن تقول المقاعد الاماميه للسيدات زي ماعملوها قبل كده وتبقي البوستات في الصفحه
الاولي للسيدات فقط يعني الرجال يكتبو ويودوه الصفحه التانيه علي طول
لكن ياتري الرد بيكون مختلط ولا برضو ممنوع الاختلاط
لكم تحياتي

ازيك يا بت الجزيرة
بس قلت نسلم اها المواضيع كن وقفنا الرد ما بنقدر

عزه اخيتي
ازيك وحبابك
انا ماقلت ماتكتبوا انا اتمني كتاباتكم والله لكن عايزاها تكون بصوره بطيئه شويه يعني نلحق نقراها كلها وحتي لو ماكلها جزء كبير منها دا كان قصدي
اهلا بيك مرة تانيه ياعزيزة

بت الجزيرة
السلام عليكم ورحمة الله وبركاته
طبعا الموضوع ما فى يد الادارة انما فى يد الاعضاء وقبل كدة الخال قرجة كتب فى نفس الموضوع كورة واحدة فى الميدان وزى ما رد ليك اختفت ظاهرة المشاركة باكثر من موضوع فى الصفحة الاولى اها بعد كلامك ده البكتبو كل يوم حيكتبو يوم بعد يوم
وطبعا بعد ما كتبت الخال قرجة حيرد على خلال الشوك

دا كلام صحيح
لكن المقاعد الامامية دي كانت مجرد مزحة
عندك مثلا يكتب موضوع عن مصطفي سيد احمد
كل يوم موضوع
ليه ما يكونفي بوست واحد
لكن كل يوم يجيك واحد ياخوانا وين فلان
دي بتنزل المواضيع الجادة للصفحات الاخري
وحقيقي انا شايف البورد كلوا عاوز يبقي في مقام الادباء
مفروض ننوع يا جماعة
وفي ناس بتنقل ما بتقول تم نقل هذا الموضوع من منتدي كذا
او كتابة منقوووول
يا جماعة ما تزعلوا مرات الحقيقة مرة
عشان نستفيد ونفيد بعض واهلنا يستفيدوا نترك الاجتماعيات الكتيرة ودي زاتا الوقفت بلدنا
اي زول اختفي خليهوا غيب وتعال
ويمكن في ناس شاما ريحة شمار معين تقوم تسال من شخص
يعني من الاخر خفوا ايدكم من الكيبورد

يا ابحراز

حقو نعمل اتيام كلوا منطقة وعندها كبتن يعين كل يوم او يومين لاعب واحد ينزل الملعب ويحدد الموضوع
ونترك فرصة للاخبار والشمارات السخنة
بس النسوان ديل الضحية قربت خليهن يشوفن حالن والحج وكدا
هو الضحية دي ما اعراس
علهن انشغلن شوية
عاوز امزح يا جماعة ما تزعلوا

ابوالزفت

ما عارف يا خال دي شايفة معقولة

يمكن عشان عندي ود اختي اخر مرة اتصلت بيهم ورفع السماعة

قلت ليهو انت ضيف والا شنو

قال لي لا انا محمد

محمد منو

محمد سعيد

وليه يا ولدي صوتك بقى كده زي عادم العربية المشروط عيان والا شنو

قعد يضحك

وعرفت ان شنباته قد قاربت غمر بوزه العجيب دونما استئذان