ياشباب بقولوا لو حبيبك بقي لك عسل ما تلحسوا كلوا رايكم شنو ياشباب لو اصبح الاشتراك في البورد بقروش ما كتيرة حاجه كده رمزيه شهريا انشاء الله دولارين بس سيبوا الجلدنه ياناس اليد الواحده ما بتصفق نمشي ونجيكم بعدين ونشوف رايكم
01-11-2003, 10:13 AM
Bakhaf Bakhaf
تاريخ التسجيل: 03-06-2002
مجموع المشاركات: 2434
غايتو منه العوض والله يقولوا ليكم دفع كلكم تزوغوا يقولوا ليكم قولوا كلمه عن بكري والبورد الصغير قبل الكبير يجي جاري يتكلم ده حالنا نحنا السودانين كده انانيين - اتكالييين - وبتاعين كلام
01-11-2003, 10:21 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 51663
و الله مرة بيني و بين نفسي بفكر في قصة السيرفر و الاشراف و اتمنيت لو كنت في اريزونا كنت ها اطوع انشاء الله 5 ساعات في اليوم بس عشان اساعد الناس ديل في العمل الكبير دا و هسه مافى مشكلة بس قصة التحويل و الكريدت كارد و الكلام دا حلوها عشان الدفع بالنت دا صعب شوية طوالي من دولار لي 3 بس اوع لما اغب شهر القى اسمي اتشطب
اهل العوض ... ما قلنا تبرعات ... قلنا اشتراك سواء كان شهري او سنوي. موضوع التبرعات سبق وان تم طرحه هنا لكنه لم ينجح { اتكاليه } وبعدين انا ما بخاف .. وارجع لناس الماسنجرات عشان يدوك فكرة. OFF POINT
قريبي الدكتور ياسر الشريف... الاخ بكري لن يقول لنا ياجماعه التكلفه بتاعت الشغلانه دي كم وصدقوني الموضوع ده مكلف وياريت ناس ادارة البورد هم يتولوا الموضوع وممكن يطلعوا بصيغه ترضي الجميع .
عزة ... مشكورة وما بتقصري ... طلعتي زي قلب البورد ..مبروك لينا بوجودك معنا في البورد.
سودانيه ..انا معاك انه هنا الكثير من اخوانا الطلبه ودي ممكن تتعالج بس ناس الدراسات العليا ديل ما معانا ولا شنو ؟
فعلا الموضوع عاوز مشاركت الكل وانا اقترح بان يكون في مندوب في كل منطقه او بلده وهو يتولي الباقي الموضوع سهل بس عاوز ترتيب اها رتبوها وانا مستعد وكمان راي من راي الاخت عزه ودمتم احبتي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Bakhaf
Yasir Elsharif
doma
Ahlalawad
willeim andrea
فيس بوك
تويتر
انستقرام
يوتيوب
بنتيريست