Post: #1
Title: مدخل
Author: dabeep
Date: 01-06-2003, 09:15 AM
Parent: #0
مدخل
نحترمكم, و بحسب ماتمليه الذاكرة المخرخرة والوجدان المخرب والمغرب فإنكم تمتون إلينا بصلة.
نحترمكم, ومرة واحدة, ودونما حذر أحشد أجود مشاعر الأنتماء وأجيئكم مغروقا بالوطن أنهمر عليكم نيلا حجمه العمر كله, شظاياى تساقط على وجهكم المهموم , وعلى بوردكم المترع بالمواعيد الأمل نتصافح بعنف ونهتف سلاما
مرة واحدة ودونما حذر أجيئكم مكرفسا مغبشا بالكسرة والآبرى القديم داير نشارك, فأعذرونا أذا إختذلتنا وسامة الزول المرتب وعذرا إذا أمعنا التسول فى دراما الرغيف وجدولة الهتاف, يا الطلعتو من نفس البلد و بينى بينكم ذى قرابه
ونتمنى أن نكون خفافا أو لا نكون فوجودنا بينكم مكسب وقيمة نتمسك بها وهذا أضعف الإيمان , فعلمونا قوة الإيمان وبهجة الضحك المعافى.. فعداة علينا أن نولد حين نموت, وعلى هذا الزمن أن يخلع عباءة الرماد , ولنشترى عن ظماء الشفاه إبتسامتها ونسترسل فى النشيد:
ياوطن عز الشدائد ... ياوطن عند الشدائد
التحيه لكل اهل البورد واستاذنا بكرى الذى وفر لنا إمكانية الزحف فى هذه الحديقه
-----------------------------------------------------
سمبتيكو العزيز:
مافات علي بوستك عن الدبيب وكنت متابع بحزن الأبكم
حديث الولادة وأنت تغازل فينا الخواطر بتقديمك للدبيب فى هذة الحديقة الفخمة, فعذرا .. عذرا على التاخير, ولعمرى إنها شاعرية فيك وأدب تتهمنى به وتسجننى برئيا فى حومة الشعراء, ليس تواضعا وكراهية فى الاضواء ولكن إمعانا فى الهلامية ونرجسية فى الفقر, ويستحضرنى الرضى فى هذه اللحظة ويسحبنى الى:
ما أشبه الليلة بالبارحة
كل ما كنا نغنيه على
شاطىء النيل تغّيب
وانطوى فى الموج منسيا
حطاما فى المرافىء
أو طعاما للطالحب
فى إنزلاق الصوت للقاع
وفى صمت المسافات القصيه
نحن في ساعة الحزن
ومقيات الفيجعة ، والفراغ العاطفيِّ
الوطنيِّ
الآن لن نبكي
ولكن مَنْ يساوم بالغدِ الآتي
!وماذا سوف نخسرُ؟
نحن بالغربة رتبنا بلاداً
لا تشابه غير وجه الذات بالمرآةِ-امرأة
هى اللغة - الرماد
شكرا غزيرا يا صديق
.............................................................
سوميتا العزيزة :
يا غابتان من ضحك .. وشارع وذاكرة
ياخاطرة ..
تداعب المشاعر الجميلة المحاصرة
بذات شعب
يقاوم الدموع, يصارع التعب
ويبتسم لنا.. لك.. للجموع
ويسكن العصب
بغير ما مغادرة
ياقمة المبادرة
ونصف نيلنا
ياأخر الشموع
وثورة الغضب
تسلمى سوميتا...........وأهديك نهايات البحر...سبتيين مطر... وشبط جديد
...........................................................................
نصار العريس: يامجلبط بالوطن ومجبور تدافع عننا
مبروك ... مبروك
بيت مال وصغار
يفرتقوا حاسة مطرك وشوفك
ويملو حنانك بالأنهار
مبروك للسمحة الشرقت شوقك
وغطت نيلك بالامطار
النازلة تغنى
ست الدار جاينك جوغة
سودان أون لاين وناس سنار
نبارك فرحك يا مسموعة
نوزع خبرك للأشجار
يا نصار ..
نتمنالك كل الخجة التدى حياتك معنى الرجة
وتمل شوارعك بالثوار
البشبهو صوتك وصورتك
وبدو ملامح لنصار
ود خالتى نفيسة
البينا وبينم شارع الغربة
وكم ترتار
وذى دايرين من نوعك عشرة
يفرخو مية ويبقو كتار
ونضمن حتة بكرة نغنى
مهما طال بينا المشوار
مبروك ... مبروك
والتحية للعروس........
مع التحايا لكل الاعزاء
|
Post: #2
Title: Re: مدخل
Author: zico
Date: 01-06-2003, 10:54 AM
Parent: #1
الدبيب
عادة ما بكون عايز مدخل
بجيك خاشي تووووووووووش
من غير تحس بيهو
عشان كدة سموهو دبيب
وانت فعلا ما محتاج مدخل
بالرغم من كدة مدخلك جميل
ومرحب بيك
ارجو ان يطيب لك المقام
|
Post: #3
Title: Re: مدخل
Author: Tumadir
Date: 01-06-2003, 10:58 AM
Parent: #2
يادبيب
انت سام
لسعتنى كلماتك فى المدخل
وصورة الولد الضاحك دة
ووكلامك لى ودخالتك نصار
انت سام
كدى ازحف لى جوة شوية؟؟
|
Post: #4
Title: Re: مدخل
Author: azza
Date: 01-06-2003, 11:09 AM
Parent: #1
[rihgt]
يا مرحب بيك
|
Post: #5
Title: Re: مدخل
Author: Ahlalawad
Date: 01-06-2003, 11:57 AM
Parent: #1
أهلا بيك ومرحب
|
Post: #6
Title: Re: مدخل
Author: hasan_6
Date: 01-06-2003, 08:52 PM
Parent: #1
غاب أصدقائى واحبائي واحدا بعد الآخر.
غاب "ملامح" بدون أسباب وأصبح" بشار" (أبو مهجه) قليل الظهور واذا جاء يتكلم وهو يتلفت يمنة ويسرة ويتحدث بسرعة خوفا من وقوع مكروه!!
وغاب "دبيب" بعد أن حظر عليه الكلام فتوقف عن الكلام الجميل الذى كان يسعدنا ويطربنا وترك مساحات خالية فى حياتى.
يا مارقنى من آخر مدى
ضهر الدواليب والصدى
وحاشدنى قدامك جديد
تلمع جحافل ريدى ليك:
صدقنى قدرتك شديد كونك رضيت تهتم بى
انا احترم كل الطيور الفرخت
سوسيوه ماشه اتعترت
شكل الموسيقى الفترت
أنغامه نص الليل بكت
دايره كباية لبن
اديتا من عمرى الزمن
وانا احترم مليون شكل قفص الحمام بيت النمل.
وانا احترم نوم الحلم
زى أغتنم فرصة مشاعري الفرهدت
وأقوله ليك هزيتنى جد
دبيب
هذا ما كتبته قبل ايام
فجاة
وجدتك زاحفا الي هنا
لى عوده
]
|
Post: #7
Title: Re: مدخل
Author: altahir_2
Date: 01-06-2003, 09:10 PM
Parent: #1
اهلا بيك شمعة في نص الضلام . هذه الكوكبة كلها شموع .فمرحب بانتمائك اليها
|
Post: #8
Title: Re: مدخل
Author: noha_g
Date: 01-06-2003, 09:17 PM
Parent: #1
dabeep
نحن في ساعة الحزن
ومقيات الفيجعة ، والفراغ العاطفيِّ
الوطنيِّ
الآن لن نبكي
نعم لن نبكي
و لكن سنحمل أرواحنا
و نحوم حول وطن تشتت
حتى نعرف له مدخلا
لك التحية
و مرحبا بك نازفا جديدا من جرح بلادي
|
Post: #9
Title: Re: مدخل
Author: moniem2002
Date: 01-06-2003, 09:44 PM
Parent: #8
صدقونى اكثر الناس سعادة
بطلة هذا الزول الجميل الشفيف المتواضع روحا المتالق فنا وشعرا
اخى الحبيب
دبيب
كما عطرت اسماعنا بعذب الحديث والقصيد
ها نحن نقراك بكل الالق
شلال من الروعة ينهمر
مرحبا بك ايها البحر دون ساحل
اهلا بك حامل المشعل المزهر دوما
فعلى هذا الضوء نهتدى
عزيزى دبيب
لك مودتى واحترامى
|
Post: #10
Title: Re: مدخل
Author: dabeep
Date: 01-07-2003, 01:28 AM
Parent: #1
شكرا ياأعزاء
zico ياكريم
أشكر حفاوتك, وكلامك سليم لأنى بجى حلتكم العامرة دى لي زمن, لكن عشان تاخد راحتك لابد من مدخل. شكرا ياسليم
------------------------------------------------------
تماضر العجيبة:
ماذا أسميك أيتها الرهيبة,
تتسللين الى المفاصل بدون دعوة
وتحاصرين الروح ... يابنت بلادى و يا كل الوطن
تتلمذت عندك يوما فى بيت (وليد عبد الرحيم), تمنيت أن أخطف وهجك لكن المعايش كانت جبارة
شكرا على الحفاوة .. وكونى كما أنت
والله ماسام أسئلى منعم وحسن ستة وهم دبايب برضو
-------------------------------------------------------
azza:
إسم خرافي يوحى بالتوازن والطمأنينة
شكرا على الحفاوة و يشكرك أخر دماغنا على الصدى والزكريات
--------------------------------------------------------
أهل العوض
ياملامح صوتنا فى سوق النبيح فارش العسل ,شكرا يا ود الخال
-------------------------------------------------------
حسن6:
وما أدراك ماحسن6
وبقيت أعاين فى الوجوه
أساءل عليك وسط الزحام
إمكن ألاقى البشبهك
وتعرف وأنا بكتب أمبارح فى البورد كنت مذكرك تماما أنت والعزيز منعم , لكن كان من الصعب تفريغ ما إحتشد في الصدر
فالتحية لك أيها الكثير الموحد , والشوق كرادم .. كرادم
يسحبنا الى الزمن الجميل وذكريات أعزاء نخصهم بالشوق ملامح.. بشار .. وردة .. وكثيرين
شكرا يا صديقى الشديد
---------------------------------------------------------
الطاهر
أحسن الله عزائكم, وأتمنى أن تقبل تعزينا وأن جأت متاخرة وللفقيد الرحمة
فقط أعرفك أن الصورة المرفقة أعلى البوست هى للطاهر وأترك لك مساحة المبدع ليستشف ما يمثله لنا هذا الاسم
سلمت يا فنان وأشكر حفاوتك
-----------------------------------------------------------
نوهاnoha
يا مارقة بالتوب الجديد
إتفردى وأملىالبصر
خلينى أسمع من بعيد
وأرجع مسافة أجمعك
أتلبس أمطارى وأجييك
ألونك
مداخلة فى منتهى الرفاهية, تدى إحساس بالعشم
شكرا نها ...............
-------------------------------------------------------
منعم
الصمت أبلغ
وخذ جزيرة توتى كلها وأجلس لوحدك
أيها المفعم بالنيلين
فأنت كل الذين دخلو السجون بدون رجعة
وأنت كل الذين فقدو أحبتهم فى سطوة الموت
ترحل فى كل يوم
وتقول هنا مرفئ
لتطلق طير الطفوله من قيده
شكرا يا ضخم والود يمتد بنا مساحة
|
|