Post: #1
Title: كنت مترددة بس بعد كلمة تماضر اوتكلت و ضغت سند
Author: azza
Date: 01-02-2003, 06:13 PM
ارجوكم اقراوها حتى النهاية ربما يبدو سردي سخيفا و لكن دقيقة تكفى
حادثة
كنا بمرحلة دراسية..
و كانت مديرتي بقدر هيبتها... نحبها
و ذهبنا يوما لمكتبها قدمت لنا حلوى فسالتها لماذا ؟
قالت اخي خرج من السجن اطلق صراحه ابتسمت هنائتها كنت اود ان اقبلها و أحتضنهاو لكن الهيبة و المكان...لا يسمحان...و
أحسست و كأنه أطلق صراحي أنا خرجت وزعت الحلوى
صمت قالت: زميلة لي خرج من السجن و تقولها هكذا عادي
كنت اعرفها و اومن بهذه المراة المعجزة
فان كل دقيقة وقفت أمامها تعلمت منها حتى مشيتها فيها شموخ و كبرياء
تحاكي القمح في لونها
تطاول النخيل في كبريائها
حتي النخيل اهسه انحنى بس هي لسه واقفة!!نعم
ملامحها حفر الصمود فيها علاماته
لو عاينت لي عيونا بس بتتعلم
اعطتني درس في اربع كلمات
وزعى الحلوي لصديقاتك خرج أخي من السجن
حينها عرفت ان السجن شرف
لم أكن اعرف أخاها و لم اكن قد قرأت أناشيد الثورة بعد و لكني تعلمت
كم نحتاج لنساء بقامة هذه المرآة الوطن
كان عمري لا يتجاوز الثانية عشر
و كانت اول مرة امسك كتاب ثورة شعب
كم احبها
هل ففكر أحدكم ان يرسل بطاقة تهنئة او يتصل بأحد أساتذته في المرحلة الابتدائية يبدو جنونا و لكني فعلت
اتدرون من كان اخ مديرتي انه الأستاذ / محمد إبراهيم نقد
|
Post: #2
Title: Re: كنت مترددة بس بعد كلمة تماضر اوتكلت و ضغت سند
Author: فجراوى
Date: 01-02-2003, 06:38 PM
Parent: #1
عازه فى هواك
انتى حداثه وعودك موعود وواعد اتمنى انك تواصلى
وفى انتظارك
موضوع شيق وجميل
نحاول نذكر ونوافيك
|
Post: #3
Title: Re: كنت مترددة بس بعد كلمة تماضر اوتكلت و ضغت سند
Author: Modic
Date: 01-02-2003, 06:51 PM
Parent: #1
السجن للرجال يا عزة .. فما بالك برجل بهامة وطن كمحمد ابراهيم نقد ؟
في بلادنا السجن ليس للمجرمين .. فبلادنا يحكمها المجرمون
مديرتك دي فايزة ابراهيم نقد مش ؟
لو كانت هي فأنا برضو عندي موقف مشابه معاها ...هي انسانة رائعة بكل المقاييس .. أذكرها في وفاة جدتي حين حضرت هي و أختها سعاد و باقي العائلة .. أحاطتني بابتسامة واسعة حين سألتها :
أين أخوك محمد ؟
قالت لي : محمد مسافر و حيرجع في يوم من الأيام ..
قلت ليها : لو رجع عرفيني عليهو
ابتسمت .. ابتسمت
الوكت ده كان عمري 9 سنوات علي ما أظن
مودك
|
Post: #4
Title: Re: كنت مترددة بس بعد كلمة تماضر اوتكلت و ضغت سند
Author: ba7ar
Date: 01-03-2003, 05:27 AM
Parent: #3
المدرسين يا عزة بنوا فينا قيم عمرها ما تتهدى
وبتفضل تأثر في سلوكنا بدون ما نشعر
كان عندنا مدرس تاريخ في الابتدائي مهؤوس بالشجر والزهور والخضرة
اها لم فينا خلانا زرعنا المدرسة كلها ويقعد يتكلم لينا عن الشجر و الخضرة والزهور وعلاقتها بالجمال وسلم كل واحد مننا شجرة يكون مسئول عنها لحدي ما تكبر...واتخرجنا من الابتدائي ومن الثانوي ومن الجامعة والقصة دي اخذت مكانها في الكنبة الاخيرة في الذاكرة
لكن مغزي القصة في انو حب الزهور والشجر الغرسو فينا المدرس ده ..جرا وراهو شنو؟
اخلي الباقي لفطنتك
ودمتي
|
Post: #5
Title: Re: كنت مترددة بس بعد كلمة تماضر اوتكلت و ضغت سند
Author: sharnobi
Date: 01-03-2003, 05:42 AM
Parent: #1
عزه
لولا اصابتنى رعشة من اتهام التحيز
لافسحت لمدادى ان تنساب محازية لنهر ابداعك
ولكن تيار نهرك فاض واكتسح المجارى الطرفية التى كنا نحاول ان نتمدد فيها
فلك حزم كل الشعور ولمها فى صف من الاحترام كصفوف المدارس ا بعد جرس الصباح
|
Post: #6
Title: كنت متترددة
Author: mohmmed said ahmed
Date: 01-03-2003, 07:31 AM
Parent: #1
عزة صباح الخير
بعد كتابت تماضر عنك قلتا كدى اشوف البت دى شكروها لى فعلا تستاهلى وتماضر بوصلتها لاتخيب
فى هذا الصباح الجميل انعشنى بوست اشراقة ووشوشنى بالعبير بوستك واصلى
|
Post: #7
Title: Re: كنت متترددة
Author: ابويوسف
Date: 01-03-2003, 08:34 AM
Parent: #6
عزه السودان
مبروووووووك
وعقبال للباقين
|
Post: #8
Title: Re: كنت متترددة
Author: Tumadir
Date: 01-03-2003, 12:07 PM
Parent: #7
كنت فخورة بك وانا اقرا العنوان
نافذ وفى الصميم
كنت مترددة
حمدا للظرف الذى جعلنى اتسبب فى شحنك بالشجاعة
والطاقة للكتابة
صديق آخر لفت نظرى الى كتابتك ، اشكره على ذلك لانى
تابعتك وحبيتك
يللا امشى القشة ما تعتر لك
وابقى عشرين على الكتابة المسئوليه
والكتابة التحريض
والمتابة الانسان
والكتابة تحريك الساكن
والمتابرة
والخلق واعادة تصوير الحياة وابتداعها من جديد، حلوة وفيها متسع لكل الانسانية
ويعم فى ارض نصك السلام
الى الامام يا عزة
|
Post: #9
Title: Re: كنت مترددة بس بعد كلمة تماضر اوتكلت و ضغت سند
Author: azza
Date: 01-11-2003, 04:50 PM
Parent: #1
فجراوي
عازة في هواك لها مكانة خاصة في نفسي
مودك
اصبت انها هي و لا يمكن ان تكون غيرها الاستاذة المربية فايزة
بالله عليك ارايت البرق الذي في عينيها
بحر
يالك منك رائع بس اتمنى بعد البوست دا انها تكون نطت الكنبة الاولى
الرائع شرنوبي
و من الذي يجرو على اتهام رائع مثلك
لا تعلم ماذا فعلت كلماتك بنفسي بس لا لست بنهر
و لا تدري ماذا اثارت بنفسي كلمة طابور الصباح لقد اعادت الي اشياء افتقدها ورتبتني
عارف المزعلني شنو؟؟
انو فات علي اني اكون واحدة من تلميذاتك خاصة انو مجالاتنا متقاربة (بس طبعا انا في اولى) جد خسارة كنت ها اتعلم حاجات رائعة
محمد سيد احمد
طبعا تماضر زولة ما هينة ابدا انا ذاتي لما لقيتا كتبت عن عزة اتخلعت و قلت كدي نراجع الكلام الكتبتو تاني و لي هسه ما مصدقة بس كتر خيرا الجابتك هنا
ابو يوسف
شكرا و السودان و عزة بيكم
اشكرك و اشكر الصديق النبهك شوفي يا تماضر صعب اكتب ليك أي كلام يعبر عن دواخلي تجاهك بس اها مكسسسسسسسسسسسسسسسسرة فيك و الله عسل عديك براءة و خفة دم و علم بكسر العين و فتحح العين
ولو ما شفتك في مسرح عين العين بمووووووووت متين نرجع
|
Post: #10
Title: Re: كنت مترددة بس بعد كلمة تماضر اوتكلت و ضغت سند
Author: SAdo7
Date: 01-11-2003, 06:41 PM
Parent: #9
عزيزتى عزه
كم كنا نتعلم من استاذتنا دون ان نعلمهم بذلك
فقد كان احترامنا لهم يفوق اى تصور والسجن
احيانا لا يدخله الا رجال لهم مبادئ دفعوا لها سنين
عددا فى غياهب السجن لا نملك تجاههم الا ان نحفظهم
فى زاكرت الوطن كمناضلين تحياتى لك ولمعلمتك التى
كانت لك غدوه فى يوم ما
|
|
Post: #11
Title: Re: كنت مترددة بس بعد كلمة تماضر اوتكلت و ضغت سند
Author: Modic
Date: 01-11-2003, 06:56 PM
Parent: #1
| Quote: بالله عليك ارايت البرق الذي في عينيها |
و هل يخفي القمر ؟
كل الود
محمد
|
|