يا--المحامين --والقانونيين---صحى المغتربين عووووراء --ومغفلين؟؟؟؟؟؟؟

البورداب الاعزاء
تحياتى
اريد ان اسأل المحامين ورجال القانون الموجودين معانا فى المنبر الحر بعض الاسئلة
1-ما هى قانونية فرض ضرائب على المغتربين السودانيين؟
2-وما هى الضوابط القانونية التى تحدد قيمة الضريبة المفروضة ومداها الزمنى؟
3-هل معاملة الطالب السودانى المغترب فى جامعات بلده كأنه طالب غير سودانى قانونية؟
4-وبعد ان نسمع اجاباتكم نرجو منكم توجيهنا ومساعدتنا فى رفع قضية-لاسترداد حقوقنا كمواطنين سودانيين-موجودين خارج حدود الوطن
ملاحظات:-
الضرائب المفروضة علينامباشرة بمسميات مختلفة كالمساهمة الوطنية والزكاة وضرائب الخدمات(ونحن لا نتلقى اى خدمات مجانية من الحكومة)
او غير مباشرةمثل:الرسوم العالية لاستخراج اى وثيقة من السفارات السودانية او استخراج او تجديد الجواز والتى تفوق كثيرا ما يدفعه غيرنا من مواطنى الدول الاخرى المغتربين(واسألوا الهنود والفلبينيين والمصريين وغيرهم)
كلمة اخيرة للمغتربين:-صحى انتوا ساهمتوا وقطعتوا من جلدكم للبلد لما كانت محتاجة لكن الحمد لله البلد خيراتها ظهرت .واحسن ليكم تلحقوا تلغوا الضرائب دى وتاخدوا حقوقكم وكان سكتوا كدى ما فى زول سائل فيكم،وحنظل المغفل النافع والبقرة الحلوب للحكومة دى ولغيرها
وما تقولوا لى الجاليات او جهاز المغتربين بتعمل ليكم شى-كل زول جارى وراء مصالحه الخاصة ومستغلين قضاياكم فى اغراض تانية
اخوانا المغتربين المصريين قبل كدة رفعوا قضية ضد الدولة فى قصة الضرائب دى وكسبوها
رأيكم شنو يا مغتربين؟؟؟؟؟؟؟؟؟؟؟؟؟؟
وفى انتظار رد اخوانا المحامين،مشكورين

الاخت مهيرة
تحية طيبة
اولا انا كتبت اقتراح عامود الي وزير العمل
واقترحت انوا الناس تتطرق لمشاكلهاوبدات بمشاكلنا نحنا المغتربين وكتبت كل هذه النقاط لكن لم يعلق احد ما عارف الحاصل شنو
الظاهر كتبتوا باللاتيني
والي الامام

سلام يا المهاجر
بوستك عملي و وواقعي و تساؤلاتك منطقية،
لا اتوفع ان تجد ردودمشجعة على ما تطرحه من تساؤلات و ان وجدت فلن تكون هناك اية تحركات ايجابية لنيل هذه الحقوق، هذا ليس لتكسير مقاديفك لكننا شعب لا نحب العمل المنظم. و هسه لو عاوز تعمل اية تحركات ايجابية محتاج ليك لجنة لادارة العمل و المطالبة عشان تنسق مع محامين لرفع قضية ضد الدولة الخ و دي برضو عايزة ميزانية مما يعني انها برضوا عايزة ناس يتبرعوا لهذه المنظمة وهكذا لن تجد من يدعمك في هذا النضال الا ان تقوم به وحدك او مع مجموعة محدودة من الاصدقاء، و بعدين الناس يرجوا النتيجة عشان في النهايةلو فشلت يضحكوا عليك، ولو نجحت يجي واحد يدعي البطولة و يسرق ما ستفعله انت من انجازات
تحياتي و اتمنى لك التوفيق في مسعاك
امجد

الاخت مهيره لست بمحامى ولكن احد الضحايا المغلوبين على امرهم الذين افنوا سنوات شبابهم فى الغربه حاملين على اكتافهم هموم اهليهم وذويهم....وفرض الضريبة والزكاة ليس المقصود به المغتربين بل المقصود به اقاربهم لان مانكسبه فى غربتنا هو مكسب لاهلنا واقاربنا يعينهم فى حياتهم الكئيبه....كان الله غى عون الجميع..

شكرا اخ امجد
انا كان قصدي انوالاخوة بناقشوا المشكلة ويرفعوا صوتهم عاليا وما نقول ديل بعرفوا كل حاجة لا لكن ممكن نصحي ضمائر نائمة ممكن نوعي ناس في اشياء ما يعملوها
وبرضو الوزير بيصلوا الكلام دا وممكن لو عرفوا حجم الصوت يتحركوا
اديكم مثال لما رتفع صوت المعارضة بالهند حضر الهند جمع غفير من الوزراء والقيادات الكبري ورصدت ميزانية عالية لكبح جماح المعارضة وتكسيرهاليه لانوا صوتهم وصل
ونحنا حا نوصل صوتنا انشاء الله وبقوة

الاخ مهاجر
تحياتى
الحقيقة لم اقرأ بوستك لكن دة ما بمنع انه نوحد جهودنا عشان ناخد حقناوقالوا ماضاع حق وراه مطالب .ولا اتفق مع الاخ امجد اننا مانتحرك عشان ما فى زول حيتحرك معاناوما فى داعى لتثبيط الهمم،اى مسيرة لا بد ليها من ناس شجعان يمشوا فى المقدمة
وايد على ايد تجدع بعيد
انا معاكم وما فى حاجة بتجى بالساهل وكل شى داير تخطيط وصبر
ما زلت فى انتظار مساهمات اخوانا المحامين

الاخ مهاجر
تحياتى
الحقيقة لم اقرأ بوستك لكن دة ما بمنع انه نوحد جهودنا عشان ناخد حقناوقالوا ماضاع حق وراه مطالب .ولا اتفق مع الاخ امجد اننا مانتحرك عشان ما فى زول حيتحرك معاناوما فى داعى لتثبيط الهمم،اى مسيرة لا بد ليها من ناس شجعان يمشوا فى المقدمة
وايد على ايد تجدع بعيد
انا معاكم وما فى حاجة بتجى بالساهل وكل شى داير تخطيط وصبر
ما زلت فى انتظار مساهمات اخوانا المحامين

الاخت مهيرة
متعك الله بالعافية
وليتنا نجد اصوات قوية مثلك لاستطعناان نغير في اشياء كثيرة
وعندنا مثال عشرة ممكن يحركوا مائة ومائة يحركوا الف
ويلا نبدا الخطوة بكلمة ومنها الي حركة منظمة تنتزع حقوقنا الضائعة
ومعاك يا مهيرة

عزيزتي مهيرة
على ما اعتقد , كان هناك تحرك من بعض افراد الجالية السودانية في الامارات
لرفع قضية بخصوص معاملة الطلبة ابناء المغتربين عند الاتحاق بالجامعات السودانية
ما عندي تفاصيل كثيرة بس اعتقد انها قضية سترفع او رفعت فعلا
وقبل اعلان الشهادة جاهم زول يهديهم ويسكنهم بوعود واهية
بس اتمنى انهم ما يكونوا هدوا
وانا فعلا معجبة بالعملوه المصريين
تحياتي
زولة123

سلام جميعا
الحقيقة انا ما بحاول ان اثبط الهمم لكن من الافضل عند الشروع في مثل هذه المواضيع معرفة حجم المعاناة الممكنة،
الخطوة الايجابية الان هي دعم مجهود ناس الامارات لانه عندهم خبرةفي الموضوع و حقوا الاخت زولة توافينا بعنوان ممن كانوا يتابعون هذا الموضوع عشان يكبروه و يدخلو داخله ايضا موضوع المغتربين اللي نحنا كلنا من ضحاياه بصورةاو بأخرى، ايضا حقو الناس يدعموا هذا الاتجاه
امجد

الدكتورة مهيرة

اضم صوتى لصوتك واضيف تساؤل عن كيفية اختيار افراد ورؤساء الجاليات الذين يتبرعوا بمقترحات الضرائب وما حذا حذوها من اعمال نهب وسلب تؤخذ عنوة من المغتربين المغلوبين على امرهم ؟؟

تصدقى ان بعض المغتربين عاجزين عن العودة للوطن بسبب الضرائب ؟؟؟
هل يعقل ان يحرم انسان من العودة الى وطنه وأهله لانه لا يملك دفع الاتاوات ؟؟؟

سبق واقترحت فى بوست اخر رفع عرض حال للرئيس البشير يحمل توقيعات المتضررين ولذا اضم صوتى لصوتك وارجو من اخوتنا القانونيين امثال الحبيب بحيراوى ان لا يبخلوا علينا بالنصيحة

مع تحياتى لك

فـــــــــوق

يا مهيرة الحاجات اللي بندفعها للحكومة من ضرائب و خلافه لا أساس لها من المنطق و الصحة و بخصوص قبول أبناء المغتربين في السودان و الدرجات اللي بتتخصم منهم دي مشكلة كبيرة فانا ممتحن للجامعة السنة القادمة و ماعارف ممكن يقبلوني ولا لأ حتى لو جبت مجموع 99% فأنا بايع القضية لا يجب علينا ان نرفع مذكرة أحتجاج للحكومة في السودان على معاملة المغتربين و يوقع عليها كافة أعضاء البورد

مهيرة
فارسة كورتي الابية
لا ادري لماذا يحاربونك
ارجو ان تصمدي وتعودي من جديد
ربنا معك

يا مهيرة الحاجات اللي بندفعها للحكومة من ضرائب و خلافه لا أساس لها من المنطق و الصحة و بخصوص قبول أبناء المغتربين في السودان و الدرجات اللي بتتخصم منهم دي مشكلة كبيرة فانا ممتحن للجامعة السنة القادمة و ماعارف ممكن يقبلوني ولا لأ حتى لو جبت مجموع 99% فأنا بايع القضية لذا يجب علينا ان نرفع مذكرة أحتجاج للحكومة في
السودان على معاملة المغتربين و يوقع عليها كافة أعضاء البورد


ملاحظة : أنا كان غلط في الكتابة فدا التصحيح

الأخت مهيرة

حمدالله على سلامة العودة

أرى أن نتوجه مباشرة بالخطاب لرئيس الجمهورية ، سواء عن طريق الإيميل أو بنشره هنا على البورد وكذلك المداومة على ذلك حتى يسمعوا لنا ويستجيبوا
لايضيع حق وراءه مطالب
ولابد من المطالبة والكتابة لإصحاب الأعمدة فى الجرائد اليومية التى تصدر فى السودان مثل الكتابة للدكتور عبد اللطيف البونى أو عثمان ميرغنى فى جريدة الرأى العام

لا بد من الجهر بالقول

والسلام