رنــــــــــدوق

رنــــــــــدوق


01-02-2003, 01:12 AM


  » http://sudaneseonline.com/cgi-bin/sdb/2bb.cgi?seq=msg&board=5&msg=1041466332&rn=32


Post: #1
Title: رنــــــــــدوق
Author: وضاح
Date: 01-02-2003, 01:12 AM
Parent: #0

لغة الشارع... او الرندوق زى ما انحنا
بنسميها. اللغه الكانت غريبه مريبه
لغه بنخاف ندخلها بيوتناونتعامل معاها.بقت الليله اللغه لغه حيه
اضافه للغات الحيه التانيه ومابتقل عنهم اهميه..انا ما بتكلم على رندوقنا انحنا بس ..طلعو الناس كلهم
بيواجهو نفس اللغه ونفس الهاجس والخوف منها...وامثل حل انو الواحد يتخلص من الخوف انه يواجهه وده الحصل
لو ملاحظين اخوانا المصريين بقو فى اى عمل درامى ليهم بيحاولو يخلقو حوار ويستخدمو فيه اللغه دى .ده
لو ما كان عمل كامل مبنى على الفكره دى ؛وبالمناسبه بتكونو ملاحظين النجاحات البتحققها جنس الاعمال دى
والامثله كتيره واحدثها اللمبى وغيره وهم كتار..وطبعا ما المصريين براهم العندهم رندوق كلنا بنرندق
وعشان كده قلت ليه مانطرح الفكره دى عندنا هنا ...بدون تكاليف انتاج وتوزيع وكده ..ونعمل بوست الكلام فيه رندوق عشان اغلبيه الناس
هنا من الناس الغايبه من السودان نديهم فرصه يكونو مواكبين
واهو نعلم ونتعلم ..بحيث انو الواحد يقوك كلامه ويعمل مفتاح
تحت ..عشان الناس تفهم ليه كلامه
اها انا هسى (قادى) لكن بجى تانى.
اخوكم الوضاخ

Post: #2
Title: Re: رنــــــــــدوق
Author: مشتاق
Date: 01-02-2003, 01:47 AM
Parent: #1

العزيز وضاح

لكم الدرفه وقول ليهو سك الكشر وارميلك فوقو كليبتين

______________________


الدرفه:هو الفرده بمعنى صديق

لكم:بتشديد الكاف بمعنى كلم او حدث


سك:بمعنى اغلق

الكشر:وهو قفل الباب

كليبتين:مثنى كليبه بمعنى قفلتين اثنتين وهو توكيد

Post: #3
Title: Re: رنــــــــــدوق
Author: اساسي
Date: 01-02-2003, 06:50 AM
Parent: #2

وضاح يا تفتيحة وماسك مفاتيحها
لكن كان انت مفتح الجماعة ديل
مولودين في مستشفي العيون
قاموس لغة الشماشة

Post: #5
Title: Re: رنــــــــــدوق
Author: قرشـــو
Date: 01-02-2003, 07:23 AM
Parent: #3

الأخ أساسى

يعجبنى حضورك الدائم ما شاء الله عليك ومتابعتك وقد ضحكت كثيرا من ردك الذى لا يخلو من رندقة ايضا..

الاخ وضاح لا تغضب اخى لان الناس طرقت الموضوع ربما قبل دخولك وهذا لا ينفى اهمية الفكرة التى طرحتها ودعنا نرى الجديد من الذين يعلمون اما نحن فمن اولئك الذين يُدقّسون من المطار..

لكم جميعا تحياتى

Post: #14
Title: Re: رنــــــــــدوق
Author: وضاح
Date: 01-02-2003, 05:11 PM
Parent: #3

الاساسى اكتر من الكراسى فى طربه

اخوك عامل الكحلاوى للبوست داك لكن
قلت اخلى الناس اب ديت بحنك الرندوق
لانها لفه متجدده

وثم تانيا حبيت اثنى على اسم البوست الكان لغة الشماسه
واتغير او فى واحد من الاخوان رد عليه باسم لغة العصر
لانو مفروض يكون من الاول اسمو لغة العصر ..وانا عشان الفت
النظر للنقطه المهمه حبيت اطرح البوست تانى باسم اللغه
الحقيقى

وشنو عامل لى اخوك حسام الدين كده
اخوك الوضاح
------------------------------------
الكحلاوى=شايق
طربه=حفله
حسام الدين=حسم

Post: #4
Title: Re: رنــــــــــدوق
Author: Ridhaa
Date: 01-02-2003, 07:22 AM
Parent: #1

سلام ياوضاح


الخرصانة هي الفول
الجلكين ــ العجوز
نمشي كدنكة ــ كداري


Ridhaa

Post: #6
Title: Re: رنــــــــــدوق
Author: سكرا
Date: 01-02-2003, 07:24 AM
Parent: #4

العزيز وضاح
تحياتي
سوال ..هل الرندوق مقصور علي فئة معينة
ام لكل الشباب؟؟يعني البنات ممكن يرندقوا؟؟
تحياتي يا سردفة(اعني فردة)ههههي
سكرا

Post: #12
Title: Re: رنــــــــــدوق
Author: وضاح
Date: 01-02-2003, 05:10 PM
Parent: #6

السكرا
ياسردفه الرندوق ده ما حنك الشارع ... يعنى حق السان
كلهم ..


الوضاح

Post: #7
Title: Re: رنــــــــــدوق
Author: قرشـــو
Date: 01-02-2003, 07:25 AM
Parent: #4

الاخ رضا

سلام يا الحبيب

انت باين عليك ياخوى دفعة
دى كلماتنا زمان وكان كبارنا يستهجونها اى ما استهجان حينها ويرمون باقذع النعوت ..

رحم الله الزمان اخى
ولكن اين انت ولماذا كل هذا الاختفاء

Post: #13
Title: Re: رنــــــــــدوق
Author: وضاح
Date: 01-02-2003, 05:11 PM
Parent: #4


حداشر خ= كدارى
جمره= سمحه
ويتا=شينه

Post: #8
Title: Re: رنــــــــــدوق
Author: Ridhaa
Date: 01-02-2003, 07:35 AM
Parent: #1

سلام ياقرشو

لقد جالست الحبوبات والاجيال التى تكبرني
ولو تحدثت ليك الآن عن امدرمان حاتقول عمري مية سنة

look at this one :

ماتعمل فيها فريد الاطرش
معناها ماتصهين


Ridhaa

Post: #9
Title: Re: رنــــــــــدوق
Author: قرشـــو
Date: 01-02-2003, 07:40 AM
Parent: #8

سلام يا رضا يا حبيب

سعيدبقدومك ثانية ويا سيدى قعاد الحبوبات ما متعة وضخ للمعرفة بلا انتهاء فى مسائل التراث والتاريخ الذى يحكى بصورة غير صورة الكتب..

جاءت نسيبتى من السودان ونحن نتحدث عن الاكل وكيف ان النفس هنا مسدودة من الاكل فقالت لى ان الجماعة هنالك عندما يضعوا الاكل يقولوا ليك اهم شىء زيدان وطبعا كنت خالى ذهن تماما عن زيدان حتى شرحت لى ابنتها لاحقا ان زيدان يعنى الزيادة ..

تعلم بعض المفردات ليس ضارا بل ينقذك من مواقف قد تجعلك كالاطرش فى الزفة ..


حدثتنى حبوبة والدى رحمهم الله جميعا عن المهدية وتصرفات عسكر المهدية ما لم اجده فى اى كتاب ابدا وانا واثق فى حديثها وانها لم تكن تهزى او تخرف ..

من كان بين ظهرانيه كبير فلا يفرط فى الاستفادة من مخزونه من المعلومات ابدا..

Post: #10
Title: Re: رنــــــــــدوق
Author: Ridhaa
Date: 01-02-2003, 07:55 AM
Parent: #1

قرشو

الباسم هي النيفة رأس الخروف



Ridhaa

Post: #11
Title: Re: رنــــــــــدوق
Author: وضاح
Date: 01-02-2003, 05:10 PM
Parent: #10

شنو ياعمده ليك مده لا بتجدع ابوجالا بتكب فاسات
عامل لبتون تقيل ...يا خى اعمل ياحنونى وجكت
معانا شويه
----------------------------
جدع ابوجا= سلم
كب فاس=عاين
لبتون=غياب
ياحنونى=حن
جكت=اقعد




اخوك الوضاح

Post: #15
Title: Re: رنــــــــــدوق
Author: solara
Date: 01-03-2003, 04:34 AM
Parent: #1

كابي الجلسرين : متجرس
على ما اظن فكره زريفه معاكم

Post: #16
Title: Re: رنــــــــــدوق
Author: وضاح
Date: 01-03-2003, 11:55 AM
Parent: #15


شكرا يا سولارا

ودى اضافات
داقى جرس=كابى جرسلين=متجرس
عامل لفيت..بتشديد الفاء..=متخارج =ماشى
جحا=عامل نايم=مطنش
مضهب=متبعم=متكوكب=جاى بدون عزومه

مصطلحات الحفلات
القون= الفنان
الهجمه=الشوته=الحفله
الترزى=العازف..وشرطا يكون بناع اورج
ودى جديده لنج على لسان ناس الرقشات...الدقيق=الجكس=البنات


الوضاح

Post: #17
Title: Re: رنــــــــــدوق
Author: قرقر
Date: 01-03-2003, 01:51 PM
Parent: #16

طبعا اللشغه حقتكم دي حلوة ولطاوي ح نواصل

Post: #18
Title: Re: رنــــــــــدوق
Author: سكرا
Date: 01-03-2003, 02:04 PM
Parent: #17

العزيز / وضاح
تحياتي
يمكن اكون سالتك عن اللغة ومتحدثيها ..لكن احنا لقينا روحنا مجبورين نفهما لانها كانت لغة الشباب في الجامعة وحقيقي الواحدة مننا لو عملت ما فاهمة معناتا (فارة ) وبتعمل فيها حنكوشة فالسوال الحقيقي اللغة دي لغة الشباب المثقفين الجامعيين والا لغة الشماسة وعيب (زي ما بيقولوا اهلنا الكبار )نتكلم كده؟؟ والملاحظ انو بعد كل فترة وفترة بتطلع مصطلحات جديدة وحقيقي من غير حنكشة اللغة شديدة) وكمل يا وضاح واتمني انو البنات ما تخجل وتورينا رايا بصراحة
تحياتي
سكرا

Post: #19
Title: Re: رنــــــــــدوق
Author: وضاح
Date: 01-03-2003, 09:07 PM
Parent: #18


الغاليه سكرا
شكرا لمداخلاتك الرائعه
لغة الرندوق فرضة نفسها كواقع معاش فى حياتنا اليوميه
هى فى البدايه كانة لغه وليده نسبة لظروف فئه معينه عايشه
فى بيئه معينه...بقصد الشماسه..ولكن اللغه دى بصوره او باخرى
اصبحت جزء من العاميه الدارجه البتستخدما فئة الشباب ده كان فى الاول لكن لو ملاحظه الليله اليوم بقت مفردات كتيره من اللغه دى لو ماقلنا اغلبا بقة لغة الشارع فى السودان بين كل الفئات من شباب وناس كبار بل وحتى الاطفال وفى كل مكان يعنى بقى من المستحيل تجاهلها واعتبارا ظاهره وحتعدى وانا صادفت كتير من الباحثين
فى لغة الشارع يعنى الموضوع كمان اخد جانب اكاديمى وزى ماقلت انو المساله دى ما فى السودان بس والدليل انها بدت تتناقش وتنطرح للناس حتى ولو لسع ما اخدت الاهتمام الكافى والقدر الوافى من البحوث

اسف للنقه الكتيره لكن ده كان الهدف من البوس ده ..بالاضافه
للجانب المرح فيه طبعا ....
تسلمى يا السكرا وشكرا تانى وتالت
اخوك الوضاح

Post: #20
Title: Re: رنــــــــــدوق
Author: سكرا
Date: 01-04-2003, 06:42 AM
Parent: #19

العزيز وضاح
تحياتي
اشكرك علي التوضيح..وحقيقي هي فعلا مشكلة انو عندنا جيل قايم
اساس كلامو علي المصطلحات دي..وما بقت بس محصورة علي الشماسة
بل هو كلام العصر والشارع العام..واكتشفنا انو ما برانا بل في قطر في رندوق محلي
تحياتي
سكرا

Post: #21
Title: Re: رنــــــــــدوق
Author: وضاح
Date: 01-06-2003, 06:11 PM
Parent: #20

شكرا السكرا

امبارح الرندوق موضوع النقاش فى قناة دريم
مع هاله سرحان ...شايف الموضوع بقى يطرح بصوره
جاده شويه....ودى اضافات وفى انتظار اضافاتكم

-----------------------
زول زعاط=زول قداد=زول دمو تقيل
زول فانوس=زول مغمت=زول الله ساى

الوضاح

Post: #24
Title: Re: رنــــــــــدوق
Author: قرقر
Date: 01-07-2003, 08:43 AM
Parent: #21

طبعا يا وضاح وجدت بحث ممتاز خالص من طالبة بجامعة الاحفاد تناولت موضوع الردنقه بصورة شاملة وبه قاموس ممتاز جدا لكل المفردات المستخدمه مع العلم أن الدراسة كانت فى أوساط (الشماشة) الأطفال المشردين وح أجتهد واجيب ليك القاموس كامل .

ولك تحياتي.

بعدين أسمي قُرقُر بضم القافين

Post: #22
Title: Re: رنــــــــــدوق
Author: abas
Date: 01-06-2003, 07:22 PM
Parent: #1

سلام


اتخيلو معاي انو الواحد جاي داخل البيت
يلقي ابوه منتظرو والدنيا اخر شهر
يقول ليه يا فرده شنو يعني عامل نايم الشهر ده ولا كبيت الزوقه ادينا الشرتيت

Post: #23
Title: Re: رنــــــــــدوق
Author: سكرا
Date: 01-06-2003, 07:40 PM
Parent: #22

والله لزيزة يا عباس

والالز تسمع امك بتتكلم مع نسوان

تقول ليهم : والله انا (دقيت جرس ) من الطبيخ كل يوم


واختك الصغيرة تقول لابوها:يا بابا( خليك فردة منقرضة)..و


تحياتي

سكرا

Post: #25
Title: Re: رنــــــــــدوق
Author: اساسي
Date: 01-07-2003, 10:42 AM
Parent: #23

تعرف يا وضاح البوست دا اخوك ما كحله الا الليلة من اليوم داك
وشايفك لميت الدقيق كله في شوالك
شنو يا عصب ما سك الطارة براك بتاعة البوست
يعني جلابي وجوكي في البوست
خليك فردة واعمل ابو القاسم مع اخوك
انشاء الله جوكي طاير يجر معاك البوست دا
اخوك ما نمرة اربعة يا معلم
بعدين شوف لينا بلف سنين عشان يخلص البلكات الطافية دي كلها
تعرف مرة كنت مجوك لي واحد داقس كدا
البلف طلع دبيب جرة السليقة في جيوب الدقوسات
لكن اخوك كان ماسك مفاتيحها لميت منه الشوربة كلها
والجيك قال لي نعمل ابو القاسم
قلت ليهو يامفتح انت
ودقيت جرس كنيسة
صحبك عمل كرضم وشتت
وبقي من يشوفني يعمل شتات خالي محطات

Post: #26
Title: Re: رنــــــــــدوق
Author: قرشـــو
Date: 01-07-2003, 11:54 AM
Parent: #25

الأخ وضاح

اظنه اساسى بتكلم علينا عديييييل كده وانا ما فاهم اى حاجة من كلامو ده ؟؟

بالمناسبة قبل سنوات خمس تقريبا كنت اول مرة اسمع كلمة شتات فقال لى محدثى ان كبار رجال الدولة اصبحوا يتحدثون هكذا وحكى لى كم رواية تثبت صدق قوله ذلك..

لكن ما حكاية يا جماعة
نحن عاوزين فى مؤتمر الموقع القادم فى السودان واحد يعمل لينا دليل عدييل كده لكل الكلمات المتداولة هنالك اى المصطلحات بصورة اصح..

بعدين انا قاعد يا فردة يا منقرضة.. لكن فردة عرفناها منقرضة شنو يعنى ؟؟؟

وسلمون

Post: #27
Title: Re: رنــــــــــدوق
Author: Shinteer
Date: 01-07-2003, 12:03 PM
Parent: #1

لا حكت و لا بقت .. بالله العظيم قريت البوست ده كلو و الردود التقول نازل امتحان فيه .. ما مرقت الا بالقليل القلييييييييل

يا وضاح .. يا زول انت غرقان في اللغة دي .. عشان كده بسألك تشرح لي مصطلح شفتو هنا في البورد ده كتير جداً .. هو كلمة شمار أو شمارات أو شماران أو كسبرة . غايتو واحد من ديل .. والله ما عارف معناه شنو؟

Post: #28
Title: Re: رنــــــــــدوق
Author: قرشـــو
Date: 01-07-2003, 12:11 PM
Parent: #27

حبيبنا شانتير

الحمد لله على سلامتك
وين يازول انت كنت

معقول يعنى ما عارف الشمار ولا عاوز ليك شمارة حااااااارة كده ؟؟؟

Post: #29
Title: Re: رنــــــــــدوق
Author: Shinteer
Date: 01-07-2003, 12:43 PM
Parent: #1

احلف ليك بي منو يا قرشو؟ اخلف ليك بي ود المقلي؟ اها وحات ود المقلي و هباني لا اعرف شيئاً عن هذا المصطلح. ياخي انا متخلف جداً جداً

Post: #30
Title: Re: رنــــــــــدوق
Author: سكرا
Date: 01-07-2003, 01:29 PM
Parent: #29

شنتير
تحياتي
طيب انت ما بتعرف شمارات..قصدك يعني احنا شماسة والا شنو؟؟
دي لغة العصر الحديث واي زول(تفتيحة)بيفهما
ازا عملت فيها (نايم)بتكون شكلك زول(فانوس)...والله كتر
خيرك يا وضاح علمتنا حاجات جديدة
وتحياتي
ننتظر المزيد
سكرا

Post: #31
Title: Re: رنــــــــــدوق
Author: Shinteer
Date: 01-07-2003, 01:44 PM
Parent: #1

و هو انا مرقت من الشمار و الكسبرة عشان تجيبي لي فانوس؟ و الله كان كده القطرين فاتن .. لكن وخياتك ارجع السودان اسبوع بس الا اجيب ليك خبرها كلها

Post: #32
Title: Re: رنــــــــــدوق
Author: مشتاق
Date: 01-13-2003, 03:07 AM
Parent: #1

يافرد(بكسر الفاء جمعه فرده)ه

الليله الوهمه شنو ؟

انا مجهز العضه من الصباح

ومافى واحد عبرني

الجماعه عملوا شتات خالى محطات

والشريحه عامله فيها زعلانه ليها اسبوع ماشدت سلك

ماتكسرو التلج؟؟وتخلونا نكربن

يلا انا فى انتظاركم

فهمتونى؟

ــــــــــــــــــــــــ
الوهمه:مصطلح شماسى جديد لنج بمعنى الموضوع المراد عمله

العضه:بمعنى الاكل

الشريحه:هى القلب أو الجكسويه أو الحنان وهو ايضا مصطلح جديد


تكسروا التلج من مصطلحات البلاد البارده

نكربن: من كربن يكربن فهو مكربن وهو الزول لمن يزعل

Post: #33
Title: Re: رنــــــــــدوق
Author: وضاح
Date: 01-14-2003, 01:03 AM


الشفوت الحلويين


قرقر ...عباس...سكرا.......اساسينا
قرشو..شنتير..........مشتاق

سورى يافرد وكده...انا قلت الشفوت ديل عملو سكو للبوست بتاعى
وقلت افتح ليك معاهم كتاب لكن كاحلكم نظام مدخلنى فى خوجلى
عثمان وكده.

قر قر يا حفتيتى اخوك كاحل الاسم وقانشو لكن يامان
الواحد بعد مرات بعمل حميل...ويازول القاموس بتاع
الرندوق ده جازف لينا منو كنتات لكن تكون كرت كرتونه
واجدعا للمخوائى بتاعك فى البوست ده يا سردفه..وما
تربط لينا هبابات

عباس....شكلك ياحبه السمينه عاضه معاك
زى اخوك ، الله يجيبك يا آخر الشهر..وبعدين قسيم
الريد بتاع الضحك ده ساهل...وحاسب ماتقطع وش
وتخلط زيت من السخانه

السكرا..... انا والله خايف امك تدق ليك جرس
اكان شافتك معانا فى الرندوق ده

اساسى.....انت ياحبه انا ماشايفك اليومين ديل
فى اخر محطه...مرعب يا اساسى فى الرندوق
انت زاتك يا سابى زول تغميته البلف بتاعك ده
مطرزن فى اى بابور..ومعرووف بتاع تصابين الجلابى
بتاعو طوالى عامل ليهو طرناده واول مايوسع
بجر واطى ويجر الشارع مع الجوكيه الطيارات الزيك
خليك زل تنج وقوم بالفرده عمودى ياخش ليك فى
هبابه.....لووول والله يا اساسى اتخيلتك سواق
دفار من حقات سوق ليبيا...قال محاسب قال
عملات كلام ابو حراز

قرشو ...وين يا ميين ، الله يحيينا للزمن داك
وكلام المؤتمر ده كلام ++بلح شلم++وعندى جائزه
للبعرف معناها لانو حيكون..مسجل خطر فى البورد
تعال طوالى ياقرشو وما تقاطعنا ياخ

شنتير ...شيخ العرب شخصيا...سيد النضم السمح
بيسانى انا عن معانى؟؟؟؟...والله ياشنتير
مجيتك لينا بالدنيا كدى انت اقعد معانا
وما بتمرق الانكون جبرنا خاطرك..مبدئيا
شمار ده مصطلح يفيد الخبورات..كزلك ماشابه
الشمار من بهارات..ويوصف الشمار حسب نوع الخبر
فهناك الشمار الاخضر للخبر الجديد الطاااازه
والناعم للشمار الدقاااق وهكزا...والله لمن
صدقت نفسى . يامان خليك معانا طلنا مره مره
ونوعدك بالكثيز والجديد المفيد ..وتسلم يا
شنتير

مشتاق ....الفرده المنقرضه مطول مننامالك
يا مان القاليك كسير التلج من كصطلحات البلاد
البارد سلبا فيك دى حقت البلاد الاستوائيه
الدياميه زاتو ياحبه...اسال اساسى اكان ما
وراك معناها تعال ادخلا ليك فى جمله مفيده
ما تعمل لفيت خليك قريب..لو فى اى لبطه
يدك معانا.....تسلم ياحبيبنامشتاق

الوضاح



Post: #34
Title: Re: رنــــــــــدوق
Author: Shinteer
Date: 01-14-2003, 01:57 AM
Parent: #1

يا وضاح المصيبة .. غايتو التاني و التالت ما بعرفو لكين انا شبعت ضحك .. و مرقت كيت .. بس البركة في الشمار العرفت معناه و انواعه كمان .. باقي كلامك ده و الله الا أجيب ليه ترجمان يا فردة بس ما منقرضة

واصل يا حبة .. لكين فانوس ده شنو؟

Post: #35
Title: Re: رنــــــــــدوق
Author: سكرا
Date: 01-14-2003, 08:05 AM
Parent: #34

يا شنتير يا (سردفة) انت الظاهر عليك
كسبرة) وكدا ما ممكن بتعرف ( كيت ) وبتعرف ( فردة ) وما بتعرف(
شمار ) و( فانوس) انت الظاهر عليك (تفتيحة لكن عامل فيها ( ميت)لقيتني كيف؟؟؟

تحياتي
سكرا

Post: #36
Title: Re: رنــــــــــدوق
Author: Shinteer
Date: 01-14-2003, 08:11 AM
Parent: #1

لا حول و لا قوة الا بالله .. انت يا سكرة الظاهر عليك جااااااواكواك .. ما خليتي لي صفحة انوم عليها .. و الكلام ده الظاهر عليك نجرتيه من راسك. انا ح أسأل الخبراء الاجانب

و الله أنا كنت تفتيحة لكن قبل ما تظهر اللغة الرندوقية دي .. تفتيحة على النمط القديم

كردوسة .. كبروسة؟ نسعل الله السلامة
.. ألحق يا وضاح أنا كتلت

Post: #37
Title: Re: رنــــــــــدوق
Author: الجعلي
Date: 01-14-2003, 08:17 AM
Parent: #1

الشباب الرائعين الوضاح ، عباس ، اساسي ؟؟؟؟ ، عندتنا ،،،، السكرا
وشنتير

ياشباب والله الظاهر انه اساسي ده عامل نظام (خيانات) الزول ده معانا

طوالي أنا ما عارفو (نقش ) الرندوق ده متين

ولا كمان حتى عمدتنا طلع راجل (تفتيحة) والظاهر عليهم اساسي

والعمدة بيذاكروا من وراي

ولكم التحية يا أحلى شباب واحلى رندوق


بس انت يا أساسي اصبر لي (بشدها ليك )


الجعلي

Post: #38
Title: Re: رنــــــــــدوق
Author: كحلوش
Date: 01-14-2003, 09:03 AM
Parent: #1

ازيكم يا فرد

انشاء الله مافي جلع

سمعتو بالوهمة الجديده
مفهرس = محتار او متعجب ومنها فهرسة = حيرة
طليبة = مشكلة او شكلة
رافع كتاب احمر = داقي جرس
رافع كتاب ازرق= مناقشة او حنك
اها انا عامل لفيت بس ما تلوقو لي وهمتك واطه ، هسي بفتح ليكم كتاب احمر هنا. واسناك غاق لاتخن اخاك.
جاو الله والرسول.

Post: #39
Title: Re: رنــــــــــدوق
Author: سكرا
Date: 01-14-2003, 09:30 AM
Parent: #38

الاخ شانتير
ما قاطعاها من راسي دي معروفة ياخ حتي اسال المعلم وضاح
كسبارة :كسبرة : تعني فشااار او كزاااب
مع الاعتزار

لكن لا ..لا ...انا شكلي حانسحب دخلو معلمين كبار
وانا معلوماتي ضعيفة اخاف (يدقسوني ) الله معاكم

تحياتي
سكرا

Post: #40
Title: Re: رنــــــــــدوق
Author: اساسي
Date: 01-14-2003, 09:45 AM
Parent: #39

اخر وهمة في شكل قلبة وصلتني
مظللة ورافعة القزاز
تقال للمراة المنقبة اللابسة اسود

Post: #41
Title: Re: رنــــــــــدوق
Author: وضاح
Date: 01-14-2003, 10:55 AM
Parent: #40


اوووو...البلد اتملت حفاتيت
الاحبه...والاخوان
شنتير ....السكرا...الجعلى....كحلوش...اساسى

تسلمو ياحلوين وصباحاتكم بيض وكده

شنتير......يامان شايفك كابى الرندوق الف ،عامل
فيها حميل من زمان ومصرج فينا اللوح....ياماااان
قلتلى كيت ااااا.بقيت تمشى درس العصر يا صاحبى
ماشى كويس يا حبه...وفانوس دى مصطلح يفيد الناس
المغمتين المازيك كده

سكرا....يافرده خليك قريبه ويدك معانا..شكلك ناقشه
الوهمات كلها.......لا ناس بحيرو جماعه ده ؟؟؟؟
وتسلم لينا مداخلاتك

الجعلي....يا حبه ابوجا...شايفك كنت راشى الواطه
وين من زمان عامل لينا الفاتح حسين..المهم جكت
ياقلب...انت زولك اساسى متاكد انو ببيت فى البيت؟؟
ياحبه صاحبك ده شكلو بخلص الدوام ويمشى يجر
الشارع فرد وكمان البلف بتاعه عامل ليه درامات..
تقول لى بزاكر بوراكم ده قالب قلب جد

كحلوش المفتح...يا حبه الليله الحلب كيف معاك
اخوك امبارح عمل استاك اووك ورراروك كده..دقيت
الحديد ده لامن آآآمن ...وعملت ليك وهمات مع الجلابى
قمت ليك عمودى بالسمنه...ياحبه مالك ومال مشاوير
اكياس الخدار والشوالات_النساوين والرجال_الدقيق
لزيز وعندهم البرطه صاح....نسيت اسالك ياحفتيت
انت البابور بتاعك الزمان داك زاتو ولاركبت ليك
واحد تانى....غايتو انا كحلتك يومتامجوك السودا
المشمعا اصفر.......كحلوش ماعارف ليه من كلامك
بقيت لى سواق رقشه ، يمكن عشان الكتب الكتيره
القلتها وعند سواقين الرقشات افتح كتاب=اتشاكل
كحلوش يا فرده ما تفوتنا تانى اها

اساسى ....ياشفت كانت حكاية رافعه القزاز دى فى
وبقولوها للدامه الشايغه روحا ومتقندفه...لكن
التظليل دى جديده...وحلوهمنك يافرده
شايف الشارع الجديد الورا السوق المركزى..ده
ياصاحبى ترقد معاه عاااااااااادى كده واصلو
ماتقول غريب ياقريبك...ده يااساسىكلام سمعته
يومتا وهو ما جزءجزء لا كله كده بدى معنى
واحد والله حيرنى ليك فى حنانى قلت اقوله ليك
يمكن تعرفه النى سمعته من بلف لووول
تسلم لينا مداخلاتك




اخوكم الوضاح

Post: #42
Title: Re: رنــــــــــدوق
Author: Shinteer
Date: 01-14-2003, 11:04 AM
Parent: #1

واك واك واك واااااااااك .. وضاح انت طايرة ليك حمى في راسك .. اكان ما اخلف الله. و بعدين انت عارف كلمة مارق كيت دي لا راندوق و لا حاجة .. و الله دي من زمن التركية السابقة موجوده

انا لست كسبرة يا سكرا . ليتني كسبرة في العمر مرة .. يا سقاة الكاس من عهد الرشيد. يا وضاخ الواحد لو داير يهترش زيك كده كلامو بجي عديل .. لكن بعد شوية حتلقاني يا فردة قرد كبير أدقسك انت و سكرا و ناظر المحكة الشرعية بتاعة كمبوديا الجنبنا

سووا سووا آ العيال .. و الله الكلام ده وقع لي تب

Post: #43
Title: Re: رنــــــــــدوق
Author: سكرا
Date: 01-14-2003, 11:35 AM
Parent: #42

لا حولااااااااااااة

ده شنو ده يا وضاح ؟؟؟

والله انا طلعتا لا ناقشة النومة ولا حاجة

طلعتا داقسة ساكت ...الله يسالني ما فهمتا غير ربعو

ده كلام كبار ..وما فهموا الا زول شفت وملخبط بالزفت

وشانتر القايلنو فانوس طلع تفتيحة وشايل مفاتيحا..ورندوقو الف عديل

هههي والله ظريفة واصل عايزين نفهم حاجة

الله مع السودان
سكرا

Post: #44
Title: Re: رنــــــــــدوق
Author: كحلوش
Date: 01-14-2003, 05:09 PM
Parent: #1

وضاح :
يا سان كحلتك في بوست الوجع مكنتي قسمت طوالي . بس اخوك كان منظرو مخستك للدين ، وعثمان حسين اخوك ماعندو اي شريعه معاهو ، يامان حوته وكده
واخوك بابورو ياهو زاتو ، وكاتب فيهوdont falow me im lost to طبعا اخوك كاتبه بالنيشن عشان الفارات يفهرسو ، وديني اخوك بكب النيشن ده لمن الفارات يطلعوا الدكشنري . بس زمني الخاين وكده.
اخوك داير يجكت معاكم بس هسي مشتت ، لانو رابط زمن مع ديناريه ، ولو زمني فرق ، هي بتكبر ملف.
جااااااااو

Post: #45
Title: Re: رنــــــــــدوق
Author: وضاح
Date: 01-14-2003, 05:27 PM
Parent: #44

كحلوش الفرده
ياحبه كان لازم اصرج فيك اللوح داك لانك ياحبه كنت دافن دقن مع
الدبرسه وكده...ومافرقت حوته ابو عفان يابصحى انا ماعندى اى
قشه مره مع المزيكا اى حاجه بتضخ بنحته معاها
وبابورك ده انا شايفه منمر يومتا لاكين انت كنت عامل لفيت
غايتو انا نزلت من شرط للدين.. اليومين ديل سايق تراقيع
يامان امشى شوف الشريحه ما توسع ملفاتا ..توسع بيك بعدين
الله معاك ياقلب لكن ما تتطول

الوضاح