Post: #1
Title: في يوم واحد 95 بوست متين اقراهم كلهم
Author: ba7ar
Date: 01-01-2003, 07:54 PM
اكيدالواحد لو قرا معظم البوستات بقدر يميز بين الناس ويعرفم احسن..ويتواصل معاهم علي خلفية المعرفة دي ،زي ما عمل اخونا مشاكس
لكن بالنسبة للناس الجديدين زيى كده ولسة ما قرو للناس كلهم بقومو يحاولو يقرو البوستات العليها اكبر اقبال، من باب اهل مكة ادري بشعابها- ونسبة لضيق الوقت ..وفي الوكت ده بتضيع عليهم معرفة ناس تانين
وطبعا طبيعي جدا انو الواحد يقرا للناس البتفقو معاهو في حاجات كتيرة .. لكن الاجمل تسمع راي مخالف وتتمعنو كويس
الاختلاف ملح الحياة
الاختلاف مدرسة رائعة بتخرج ناس فاهمين
اتخيلو لو كان كل الناس زي تماضر
ولا زي مشاكس
ولا زي السنجك
ولا زي نهي ج
كان البورد حيكون مسيخ كيف
كلهم ناس لذيذين، في اتجاهات مختلفة
لو كانو متشابهين كانو استهلكو من زمان
هل تسني لجمل الصحراء معرفة الفرق بين القرش والدولفين
اختلفوا ..عشان نتعلم منكم كل يوم جديد
لو ما وليد اختلف بطريقتوالخاصة - في موضوع الريس والقبلية
ما كان استشفينا كل المشاعر الدفينة الظهرت من خلال ردودكم
اختلفوا ..عشان نعرف نحن منو
اكتبو في كل المواضيع ..حتي البتبدو انها تافهة
وخلونا نقراها ونختلف... ونتعلم
يللا يا يحي ابنعوف والعطبراوي
اكتبو عن شكوك العرب فينا
يللا يا نهي ومودك وغدي
دفقو خواطركم المفعمة
يللا ياتماضر ونسينا
يللا يا انسانة قولي البتشعري بيهو بدون تزويق
يللا يا ودعزة رد علي الناس كلهم وشعرم انك موجود عشانم
اختلفوا ..عشان تدوم للبورد نكهتو
ودمتم
|
Post: #2
Title: Re: في يوم واحد 95 بوست متين اقراهم كلهم
Author: wadazza
Date: 01-02-2003, 07:31 AM
Parent: #1
عزيزى بحر
وجهة نظرك مكانها الاحترام والتقدير ، لكن فى رأيى المتواضع لن نستطيع التحكم فى عدد البوستات فى منبر حر يقصده أكثر من 1300 عضو وعضوة...وحتما سيكتمل التفاعل بين أسرتنا هنا ويتم التنسيق...وفعلا ملاحقة هذا العدد الهائل من البوستات يومياًعملية شاقة ...وقد يكون هذا هو السبب فى توفر الردود للبعض وتعذرها للبعض الآخر...
تحياتى
ودعزة
|
Post: #3
Title: Re: في يوم واحد 95 بوست متين اقراهم كلهم
Author: قرشـــو
Date: 01-02-2003, 07:46 AM
Parent: #2
الأخ بحر
تعدد البوستات فعلا يجعلك مشدودا فانت لا تملك كل الزمن وفى ذات الوقت تود قراءة والمشاركة فى كل بوست وبعد ذلك بعضها تود متابعتها وكل الردود بشأنها ولكن هيهات ..
جميل ان نجد كل هذا التنوع فى مكان واحد
لك التحية
|
|