الرباطاب

اهلنا الرباطاب
ما بريدوا
السؤال البايخ
عشان كده بردوا بي واحد ابيخ منو
كما اشتهروا بسرعه البديهه والذكاء الحاد
من اطرف الحكاوي
بابكر قاعد قدام الباب جاء واحد راكب حمار وما سلم عليهو لمن جا راجع من نفس الطريق قام سلم على عمنا بابكر
حاج بابكر رد عليهو(وقبيل مالك كنت مقفل القزاز)ههههههه
يلا يا شباب كل من يزكر طرفهعن اهلنا الرباطاب يكتبه لينا

رباطابي انقلب بيهو الباص في طريق مدنى وانقطع .... مر عليهو واحد حنكوش بي عربية مكيفة
لقى عمنا راقد جنب البص

الحنكوش : عمو ... الباص ده اتقلب بيك ؟؟؟
الرباطابي : لا يا ولدي .... تاكيهو اصنقر في ضلو

الرباطابي وملاح (البربور)


ملاح البربور وجبة تصنع من (العدسي) وهو حب شجيرة تزرع.. وهو ملاح لذيذ لكنه ينفخ البطن إذا أكل بكميات كبيرة.. صاحبنا الرباطابي بيحب ملاح البربور وأظن كتر فيهو لغاية ما نفخ ليهو بطنه.. المهم بعد ما اتعافى قال: (على الطلاق أنا تاني عمري ما آكل ملاح بربور).. بعد شوية اتذكر إنو قد لا يستطيع ذلك فاستدرك قائلا: (وإن أكلتو ما أكتر فيهو.. وإن كترت فيهو أشرب لي جردقة)

واحد رباطابي
ببيع جنازير مر عليهو واحد وقال ليهو يا حاج بابكر الجنازير ديل للبيع ،،،قال ليهو لا شارنهن ينشفن

رباطابية كبيرة في السن ، ركبت قطر كريمة وجلست وسط عدد من الشايقيات في نفس عمرها. حصلت ملاسنة بينها وبين الشايقيات:

- القطر دا ما قطرنا نحن (قالت لها إحدى الشايقيات)
- لكن الواطا الماشي فوقا قطركن دي ما واطاتنا(ردت الرباطابية)
- واطاتكن شن طعما، بتزرعو فيها شنو غير الحنة(قالت إحدى الشايقيات)
- لكن أنتن بلا حنة بتتقابلن (ردت الرباطابية)

احلى ناس
اهلى الرباط

واحد رباطابي مشى يخيط جزمته
قاليهو الولد الخياطه بي الف
الرباطابي قاليهو لشنو مخيته بي بنج

رباطابي ماشي يشترى راس نيفه .. لقى جزار رباطابي
قال ليهو اسمع عندك روسين
قال ليهو ايوة
قال ليهو الراس بكم
قال ليهو بـ 50 الف
قال ليهو ليه ؟.... دارس طب ؟؟
قال ليهو بلا قلة ادب .. داير ولا لا
الحبيب مضطر .. قال ليهو خلاص جيبو لكن صلحو لي

الجزار استغرب وقال .. يعني الفول بصلحوه بختو فيهو طعمية جبنه بيض .. ده البسو ليك نضارات ؟
************

رباطابي قال لي ولدو جيب لي الموية
الولد قال ليهو موية شراب يابا ؟
رد ابوه .. لا لبوس

***********

الرباطابيه قاطعه الزلط
جاء بتاع افرج مؤقت ايام حرب الخليج
وقرب يصدم الحاجه
قال ليها يا حاجه الزلط دا بتاع ابوك
قالت ليهو لا والله سارقاهو من الكويت

اتنين رباطاب ساكيهم كلب فواحد عاين للتاني وقالو اكشحو بي حبة ترابه التاني رد عليه انت مالك جاري في برش

انتوا نكتكم دي مالا كلها سامعاها قبل كدة؟؟؟

يمكن يا زولة انتي بتسمعي نكت كتيييييييييييييييييييييييييييييير

يلا يازوله سمعينا الجديد
ونحن في انتظارك على الجمر
وعلى الود نبقى