Post: #1
Title: بريه على الماشى كدا
Author: حنين
Date: 12-28-2002, 01:47 PM
كان يا ما كان يا احباب اسره من السلاحف المسالمه.السلحف الاب والسلحفاه الام وسلحوف الصغير...... وفي يوم من الايام قرروا انهم يقوموا برحله جميله.....اها الجماعه فضلو اكتر من اسبوعين يتناقشو في مكان الرحله لحد ما وصلو اخير لاتفاق. ومشت الام تحضر اكل الرحله. وبعد شهر خلصت منو وقامو يلبسو ويقفلو بيتهم تلاته اسابيع وبدوا الرحله. اها الجماعه فضلو ماشين وماشين وماشين.....وعد اربعه شهورعجبتهم شجره وقعدو تحتها يتونسوا ...وبعد ماماجاو قامت الامت ورصت الاكل .. وفجأه اكتشفو انهم نسو فتاحه العلب؟؟
اها اتبريتو؟؟ لسه الحكايه خلصت
الجماعه قعدوا يتشاكلو وكل زول يحنس التاني يرجع البيت يجيبها ويجي...واخيرابعد خمسه شهور اقتنع سلحوف الغير انو رجلو اخف وقام بس اشترط على امو وابوه انهم ما ياكلو قبلما يجي راجع وهم وعدوه بكدا
وراح سلحوف وبعد شهر ماجا
شهرين.....عشره....والجماعه خلاض ضربهم ليكم الجوع
وبعد سنه ونص الابو خلاص ما قدر يستحمل وقال لمرتو فطيره واحده بس هو زاتو ما حيعرف انو اكلناها
وفي اللحظه دي طلع سلحوف من ورا الشجره وقال :
اهو انا كنت عارفكم ما حتقدروا تستنوني عشان كدامن اساسو ما مشيت
..............................................................
ارجوكم يا جماعه ما تكرهوني لوووول
بس الليله جن البري قايم علي وحسه اخليكم لناس البورد الباقيين يكملوكم وانا امشي الجامعه اتبري بمزاااج
|
Post: #2
Title: Re: بريه على الماشى كدا
Author: zola123
Date: 12-28-2002, 05:40 PM
Parent: #1
حنين عارفة لو شفتك حاعمل فيكي شنو؟
بس احمدي ربك انك في السودان حسي لووول
زولة123
|
Post: #3
Title: Re: بريه على الماشى كدا
Author: waleed500
Date: 12-28-2002, 06:23 PM
Parent: #2
Never argue with a woman when she's tired -- or rested
|
Post: #4
Title: Re: بريه على الماشى كدا
Author: حنين
Date: 12-28-2002, 07:18 PM
Parent: #1
والله يا جماعه اقوليكم حاجه:
مشيت الجامعه واخدت لي محاضره مسخنه بشكل. الردكتور تقول فاكنو بنبله من ما دخل فتح خشمو وما قفلو والمزعج اكتر انو دي الماده الانا من سنه اولى كيشه فيها
قعدت اقول ياربي انا الليله عملت شنو عملت شنو عشان اتبري كدا
صدقوا ما عرفت
لوووووول
|
Post: #5
Title: Re: بريه على الماشى كدا
Author: ابو تميم
Date: 12-28-2002, 08:11 PM
Parent: #1
اسجل حضوري
وانا اتبريت
|
|