Post: #1
Title: دا كلمتك تماضر
Author: azza
Date: 12-28-2002, 01:30 PM
هسي انا في المكتب براااااااااااي و في غربة و زنقة شغل موووووت و مع انو الشغل الكتير بلهي
الا العبرة خانقاني و بفتش في السبب اذكرت كلمتك و ما عارفها في ياتو بوست كان المفروض ارد من هناك | Quote: الدنيا مالها مسيييييييييييييخة |
داخلة علينا سنة جديدة
تعرفي في لحظات كثيرة حزنك بغلبك اها دا حصل لي العيد دا
العيد وراس السنة
في كلام كتير بس بعدين
اها ودعتك الله
ما بتعررفيني اي
جديدة اي
بس بحسك ... حتة راحت فيني من زمان
و معليش دخلت كدا شمال بدون القاب
ماهو انتي استاذة ما دايرها ليها اتنين تلاتة
دي واحدة من مشاكلى المغتسة حجرى
بس ما اشوف سودانية في الشارع كان بعرفهاو لا ما بعرفها بجري اسلم
و مرات بصروا لي عارفة الغربة مرات بتخرب الطبع
يلا ها اترفد كان واصلتا
تحياتي لاي واحد بخش هنا
|
Post: #2
Title: Re: دا كلمتك تماضر
Author: Tumadir
Date: 12-28-2002, 02:02 PM
Parent: #1
لالالا يا عزة الدنيا ما مسيخة
دة كلام فاضى ما تقريهو
الدنيا حلوة
شوفى البورد دة
محل ما تتلفتى وعلى مد البصر
الفة وحب وشعر وجمال واسماء ساطعة واسماء شاختة كبريتة السطعة واسماء بتتاوق لمحل السطعة
وبرق
وغيوم
وزرع وخدار وشدر
انكتى الحب القديم
شوفى الناس البيحبوك
ناس امك ابوك
اخواتك اخوانك
راجينك، تجى بالعافية
شايلة شهادةوفخورين
بيك بيها وبلاها
مقدما ومؤخرا
حب ما عندو شروط
ونحن هنا فى البورد متابعينك ومتابعين ابداعاتك وراجينك تكبرى كاتبة وانسانة وفعالية جديدة،
تقعدى تبارى لى البوستات بتاعات الدبرسة المدمرة وناس محبطين وناس داير استقيل وناس مافى زول بعبرنى ديل
لالالالا
ياعزة
اسمك
دليل كبير على احتمالاتك اللا نهائية
وعشمنا فيك كبير
امشى امسحى البوست اللعين دة والدنيا ما بمسخها الا السلبية وعدم الابداع
وعدم الحلم والعيش على تحقيقو
لك محيط حب
|
Post: #3
Title: Re: دا كلمتك تماضر
Author: حنين
Date: 12-28-2002, 02:09 PM
Parent: #1
يا عزوزه انت ما براك
مرات كتيره الواحد بتقفل قدامه وبحس انو ما في حاجه عندها طهم لكن كدي اديها صنه وفكربكل الحاجات الحلوه في حياتك بكل الناس المتواجدين حولك بنفسهم او بزكرياتهم انا متاكده انك حتلقي مساحه كبيره جدا مليانه حنان ودفء تنو ر لي العيد دا والعيد الميه من دا وكل سنه وانت طيبه والسنه الجايهاحلى واحلى
يلا خلينا نشوف ابتسامتك يا عسل
|
Post: #4
Title: Re: دا كلمتك تماضر
Author: azza
Date: 12-28-2002, 02:44 PM
Parent: #1
حنين اسمك حنين و كلامك حنين و الحنية دي ذاتا بتبكي ...اها ابتسمت معنو الدموع مالحة و دخلت في حلقي
تماضر كلماتك الزول ما بقدر .....بدون تعليق
هو كما لقيتكم في البورد كان لي هسه عايشة
و الناس البتقولي عليهم هم زاتم لما القاهم في البورد بخاف ...احييييييييييييي ياريت كان كلنا نتلاقى في شارع النيل و لا في قصر الشباب و لا نشوفك في المسرح عارفة انا عمري ما شفتك فوق الخشبة مباشرة اها بالله عاين مش خسارة
احييييييييي اقول ليك عليك الله ما مشتاقين
لي جلسات المساء
مالو الكهرباء قاطعة نجر سرايرنا و نطلع الحوش
و بعد شوية نصرخ الكهرباء جات
نفترش النجيلة و نتغطى بالسماء و النجوم تتدلى
و كباية القهوة في الشارع تحت الشجرة
وااااه اه
حتي صوت سموم المروحة
اقسم و ما طالبيني حليفة اعشق السودان بكل ما فيه كل ذرة من تراب الوطن
ان وطننا به رائحة مميزة
منذ ان تطا مطار الخرطوم
حتى طعم مياهه و طعم غباره
ياخ اقول ليك
يصل بي الياس الى حد الموت
اخاف ان اعود للسودان في صندوق
اخاف ان لا تطا قدمي تراب وطني
و المشكلة البلد الانا فيها طريقة صندوق ذاتو مافي
اخاف ان اموت و لم يبتل ريقي بموية النيل
دا الدايرا من السودان
و الدايرو السودان مني كتييييييييييييير و ما بتوفى
اخاف اكتر ما اخاف اموت مديونة
ما تنشنوا معاي عادي نوبة و بتعدي و لا تردوا ماشة اشم هوا في شارع النيل ما البورد دا ريحتو ريحة النيل
سلام
|
Post: #5
Title: Re: دا كلمتك تماضر
Author: ازرق
Date: 12-28-2002, 03:19 PM
Parent: #1
عزة
لك السلام
التفكير المستمر بهذه الطريقة يقود الى السوداوية , ونصيحة من مجرب طالما انت فى الغربة اصلو ما تسرحى بى غنم ابليس
|
Post: #6
Title: Re: دا كلمتك تماضر
Author: azza
Date: 12-28-2002, 03:26 PM
Parent: #1
شكرا ازرق
ما قلنا حالة مرة في السنة
خلاص و الله اسفة
اها الموضوع بتحذف من اليورد كيف
بديك الباص ورداحذفوا
شكرا حميما
|
|