Post: #1
Title: انهم يشوهون الاجنة في السودان 1
Author: azza
Date: 12-27-2002, 06:19 PM
انظر الى التلفاز و ما يبث فيه
المدارس و ما يدرس فيها
النشاطات الثقافية في المدارس
الدورات المدرسية و ما تفرز
رغم اني اعلم مجهودات العديد من الاساتذة الذين كانوا و ما زالوا يناضلون لتدريس تلك المادة المفقودة
مادة التربية الوطنية استخدام لفظ مادة مفقودة لا يعني ان يطبع لها كتاب و تدرس كلا بل انها قدوة تراها في من امامك انها عمل ولا تدرس بل تلقن
و لا نريدها مادة لكي لا يحدث معها مثلما حدث مع مادة التاريخ فقديما كنا ندرس مادة التاريخ و في اخر الدرس
كان يسالنا الاستاذ فهمتوا ايوه فهمنا لكن ما وعينا
كان الاولى يقولوا وعيتو الدرس
واضعنا حصة التاريخ
ان ابنانا يستيقظون بي المارشات العسكريةو دفاعنا الشعبي
الماعارفين ذاتو بدافعو عن منو
انهم يشوهون الاجنة
ومن ينجو من مرحلة الاساس و الثانوي
و يصل الجامعة
يجد القهر و قطع الحبال الصوتية
جعلوا لقمة العيش هي الهم و وووو وللحديث بقية
نواصل
|
Post: #3
Title: Re: انهم يشوهون الاجنة في السودان 1
Author: ABUKHALID
Date: 01-11-2003, 05:45 PM
Parent: #2
مالكم يا جماعة عايزننا نفتح نار شاملة
القصة اعقد
المشكلة انهم بشوهوا الاجنة والناس الكبار على حد سواء
ديل بشوهوا فى تاريخنا كله
فى زول فكر قبل كده يغير اسم جامعة الخرطوم
ولا فى زول فكر يغير اسم كوبر
ولا فى زول فكر يغير اسم السوق الافرنجى
ولا فى زول فكر قبل كده انه ميدان الامم المتحدة فى الخرطوم ممكن يكون ما ميدان الامم المتحدة
ولا فى واحد كان متوقع انه ناس نكرات زى الموجودين فى الحكومة دى يكونوا جزء من تاريخنا
ممكن نعمل مسابقة بمليون جنيه ونسأل عن اسم وزير المالية فى السودان تكون الاجابات الصحيحة خمسة و الباقى كله غلط لانه مافى زول عارف اسماء الجماعة ديل
الله يهون
الله يهون
|
|