Post: #1
Title: ## بنادي عليك ##
Author: Elkhawad
Date: 12-27-2002, 05:09 AM
بي كل الطالع من حسي
وكل الشوق الفي وصفي
وكل البينا مخفي و حسي
بصرخ وانادي
انادي عليك
|
Post: #2
Title: Re: ## بنادي عليك ##
Author: hasan_6
Date: 12-27-2002, 05:30 AM
Parent: #1
الخواض ايها الراءع المتجدد المتالق
ليتهم يسمعون النداء
|
Post: #3
Title: Re: ## بنادي عليك ##
Author: osly2
Date: 12-27-2002, 05:50 AM
Parent: #2
الرائع خواض
لو صدا لى شكلو الحراز
ريح العوارض ولولت
سامعين نداءك ياجميل
وجية الحبايب قربت
ننادي معاك بكل ما فينا من حس
|
Post: #8
Title: Re: ## بنادي عليك ##
Author: Elkhawad
Date: 12-27-2002, 08:29 PM
Parent: #3
الحبيب اوسلي
لو صده لي ريحو الحراز
والمسافت قربت
والهمس يبقي كلام قريب
تبقي المناده
والمناجاه وصلت
|
Post: #6
Title: Re: ## بنادي عليك ##
Author: Elkhawad
Date: 12-27-2002, 05:45 PM
Parent: #2
نعم حسن ياليتهم
ياليتهم
ياليتهم يسمعون مناجاتي
ويصلهم همس كلماتي
|
Post: #4
Title: Re: ## بنادي عليك ##
Author: noha_g
Date: 12-27-2002, 10:20 AM
Parent: #1
خواض
ن: نداء تحمله الأنسام المسافرة يصل في زمن التعب يحمل كل ما في النفس من ثورة
ز: زمن صعب تغربنا فيه لكن أحلامنا باللقيا لم ترحل لحظة
ا: إن الحياة تلهو بنا لكن تبقى الأقدار هي التي تسير دفاتنا
ر: رزاز الأمل يساقط في أرض جفت فيعطيها أملا بغيث
|
Post: #5
Title: Re: ## بنادي عليك ##
Author: bint algazeira
Date: 12-27-2002, 11:32 AM
Parent: #4
خواض يااخوي
سلام
ننادي معاك لانه الصوت العالي بيكسب
ننادي معاك اذا كان نداءنا بيجدي
ننادي معاك الي ان يسمعك المنادي(بفتح الدال)..لعله يسمع نداءنا
بس بعدين كلمنا كان سمعك عشان مانكون بنكورك ساي
|
Post: #7
Title: Re: ## بنادي عليك ##
Author: WAD ELGAALI#4
Date: 12-27-2002, 06:00 PM
Parent: #5
الخواض آخوى انت متوك تب يا زول الحاصل شنو بتكورك مالك على اللطلاق يا الخواض انت الزيك ما بنادى حرم الزيك ينادو عليهو وبعداك يمكن يتعزز بس اتقل شوية
زولك بجى راجع براهو خلى الجرسة افو الجعلى
تسلم ياعزيزى وانت دوما تنقل لنا الدرر
|
Post: #11
Title: Re: ## بنادي عليك ##
Author: Elkhawad
Date: 12-27-2002, 08:58 PM
Parent: #7
ود دار جعل
هازول اسكت ساي
ماني متوك
حرم مرضرض تب
علا الكواريك دي همس مجنون وعشق مسكون
يديك العافيه ودعمي
|
Post: #10
Title: Re: ## بنادي عليك ##
Author: Elkhawad
Date: 12-27-2002, 08:55 PM
Parent: #4
بت امي
ن: نهتف ليك الليله بهمسه بكره يكون بالصوت العالي
ه:هتافك لي بريح قلبي بشيل الهم في دربي
ي: ياضلنا المرسوم علي ضل السافه وشاكي من طول الطريق
|
Post: #12
Title: Re: ## بنادي عليك ##
Author: مشتاق
Date: 12-28-2002, 00:49 AM
Parent: #1
العزيز الخواض
دى هى منو البتنادى عليها
لوووووول
ان شاء الله تكون سامعاك
حاجه جميله يامان والى الامام
|
Post: #13
Title: Re: ## بنادي عليك ##
Author: Elkhawad
Date: 12-28-2002, 01:03 AM
Parent: #12
عزيزي مشتاق
عارف البلد دي ما بدسه فيها كلام
عشان كده تعال لي قريب
وش وش وش وش وش
تمام يلا نادي معاي
|
Post: #14
Title: Re: ## بنادي عليك ##
Author: hasan_6
Date: 12-28-2002, 01:38 AM
Parent: #13
ما احلا البوح البوح عزيزى الخواض راحه للنفس البوح هو الطريق الوحيد لهناء النفس واستقرارها البوح هو التخلص من المعاناه من شر الكتمان الذى يجلب كل الامراض النفسيه بوووووووووووح ايها العزيز و حتما ستسمعك لان الشفافيه و التواصل الروحى حتما سيسمعانها النداء لا تتوقف عن البوح والكلام الجميل حتى نملا الدنيا الجميله بازهار وورد حتى نعمرها با لحب و الموده و نجعلها مكانا صالحا لتعيش فيه الملائكه
|
Post: #15
Title: Re: ## بنادي عليك ##
Author: Elkhawad
Date: 12-28-2002, 02:24 AM
Parent: #14
نعم ما اجمل البوح عزيزي حسن ودعني استعير كلمات ود البلد
علها تشفع لي وتغازل صوت زيدان لتحلق بنبضات قلبي في سماء هذاالكون
وتحط رحالها عند من اهوي
بواديك
ود البلد
بناديكِ
وبقول ليكِ
زمان يالحلوه كان صوتك
مسربل لحنو بالترحال
مسطَّر شهقه في جواي
ومتوسِّد سلك طنبور
نغيمة حب غناوي الفال
بناديك وبلاقيكِ
بعيده وعنِّي تتخفِّي
وقَدُر ما كانت الأيام
تباعد بينّا بستنَّاك
وكان وعدِك اكيد توفي
بناديكِ ولمحتين منِّك
تغازل من بعيد قلبي
وانا المن ذمن كايسِك
وراجي خُطاك تجي بقربي
أو في لحظه نتلاقى
ونمازج دمنا البنزف
عشان نعزف
لحون الشوق كمان نعرف
دروب الفرحه وين تمشي
ومتين نهتف
نناديكِ
واناديكِ انا المسكون سجاياكِ
وداير لحظة الميلاد
توافي سمانا في لحظه
نبل اشواقنا بالأحضان واناديك
تعالي نغني لي بكره
وكت اصبح والاقيكِ
وكت تشرق شموس الكون
شعاعا يحوم
وتتخدَّر جفونَّا الناعسه
لما تهل بواديكِ
ولما يضوِّي فينا فجُر
شعاع رسمِك
ولون حلمِك
طعم اسمِك
كمان تتعانق الكلمات
وتتَّرجم عقد يرسم معانيكِ
واناديكِ
قصيده حزينه في الداخل
مسربله بي معانيكِ
وانا اتعذب
واناديكِ
ود البلد
|
Post: #16
Title: Re: ## بنادي عليك ##
Author: Soumeta
Date: 02-15-2003, 06:46 AM
Parent: #1
هل كان جديراً بطيور النورس أن تحط رحالها علي أرض لا تسع لأكثر من حبيبين،، الأول المحب المرتحل و الثاني هو المحبوب؟ أو لم يعد حتي الآن؟ أم أن المسافات أدخلت أنفها وأثرت في أن تعود و معها صوت الصدا الذي وصل إليها حين النداء،،،،
هل سئمت النداء؟ أم هو العشق الطروب يجوب في الأسحار كي تأتي إليك بنفح من صباح الورد و قدح ماء للوضو أو لإغتسال الوجه من دمع الفرح،،،،
الله إلمكم
سوميتا
|
Post: #17
Title: Re: ## بنادي عليك ##
Author: Elkhawad
Date: 02-17-2003, 02:43 PM
Parent: #16
سوميتا
متين يا الله تاني تلمنا
قريب يالله انشاء الله يلمنا
قريب يامسافر لي حبيب يعود
نعيش ليالي بالجيتار والعود
ونغني ليك الرائع المنشود
واشوف في خدودك حمره الورود
|
|
