Post: #1
Title: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-26-2002, 08:29 AM
لماذا أنتم رائعون ؟
والله أحس كأني أعرفكم فرداً فرداً منذ أزمان طويلة
تحياتي وحبي للجميع أهديه لكم مع وافر التقدير
لأنكم سكنتم في وجداني وجوانحي
لكم كل المحبة
|
Post: #2
Title: Re: يا ناس البورد، هل تشرفت بمعرفتكم قبل الآن ؟
Author: almulaomar
Date: 12-26-2002, 10:05 AM
Parent: #1
الأستاذ الكريم ود شاموق
لأنك رائع ترى الجميع رائعين وأحسب أنك تبرهن للجميع صدق قول الشاعر:
والذي نفسه بغير جمال لا يرى في الوجود شيئاً جميلاً
لك التقدير والتحية
|
Post: #5
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-26-2002, 10:29 AM
Parent: #2
عزيزي الملا عمر
دا بس من ذوقك يا غالي
والله معزتكم فاقت كل الحدود
وحاسي إني لقيت لي أخوان
جداد من أمي تانية وأبو تاني
لكن أخواني يا ناس
|
Post: #3
Title: Re: يا ناس البورد، هل تشرفت بمعرفتكم قبل الآن ؟
Author: Yasir Elsharif
Date: 12-26-2002, 10:22 AM
Parent: #1
يا ود شاموق
لقد تشرفت أنا بمعرفتك. وأنا لا أجاملك. فقد عرفتك شجاعا وشاعرا رقيقا. وهذا يكفيني. فلك الود والمحبة، وأتمنى أن نلتقي في كل مواضع الجمال ومنها الوطن الحبيب ولا أطلب على الله محالا.
ولا أعيش بآمال اللقاء وحده فأنا أعيش الواقع وأحس جماله
وكما قال الشاعر
قد يكون الغيب حلوا
إنما الحاضر أحلى
أغدا ألقاك
==
الله هنا الله الآن
====
|
Post: #4
Title: Re: يا ناس البورد، هل تشرفت بمعرفتكم قبل الآن ؟
Author: بكرى ابوبكر
Date: 12-26-2002, 10:29 AM
Parent: #3
ونحن الاسعد بمعرفتك من خلال شعرك و مداخلاتك القيمة واهديك هذه الاغنية يا رائع
|
Post: #8
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-26-2002, 10:36 AM
Parent: #4
ياسلام عليك يا بكري يا منبع الفرح
أنت من جمعنا هذه الجمعة
لك الشكر الجزيل
|
Post: #6
Title: Re: يا ناس البورد، هل تشرفت بمعرفتكم قبل الآن ؟
Author: HAMZA SULIMAN
Date: 12-26-2002, 10:31 AM
Parent: #3
يا ود شاموق تعرف اول ما جيت واتجادعنا بالدوبيت
قلت للورده زوجتى انا ود شاموق ده ذى البسالمو واقالدوا والمطايبه الفرحه وذى احساس الزول بالعوده ولمه الناس بى وصولوا
يا خى انت زول اصيلا تب ود قبايل
|
Post: #10
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-26-2002, 10:41 AM
Parent: #6
والله يا أستاذ حمزة
أنا طبعاً اول ما خشيت البورد دا
بتلفت مطير عويناتي زي البرلوم الجديد
في الجامعة، شفتا منظرو بيكون كيف
بس داك كان منظري
الأسماء قدامي كبار كبار
وما فارز ليك الناس
لميت فيك في بوست الدوبيت
-بالمناسبة الليلة فتحتو هو مالو وقف ؟-
حسيت اني لميت في زولاً قريب مني بالحيل
وبدت المجادعة وتمت، من اليوم داك
فعلاً حسيت أنو دا صاحبي السنير
امسك فيهو قوي
ومن اليوم داك عاضي فيك
مكنكش قوي، بالله ما تتخيل بفرح كيف
لم القى اسمك في الناس الأونلاين
ياسلام عليك يا حمزة يا رائع
فعلاً كان يوم سعيد يوم سجلتا في البورد دا.
|
Post: #7
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-26-2002, 10:33 AM
Parent: #3
الغالي دكتور ياسر
لك الود يا عزيزي ووالله تعجز الكلمات
عن وصف مشاعري في هذه اللحظة فعلاً
أنتم أخوتي وكفى لا أجد معنى أشمل
من هذا المعنى
|
Post: #9
Title: Re: يا ناس البورد، هل تشرفت بمعرفتكم قبل الآن ؟
Author: Tumadir
Date: 12-26-2002, 10:38 AM
Parent: #7
كدى ارفع راسك شوية اشوفك؟؟
الوش دة ما غريب على
لووول
صاح انت عشان فنان شايلنا كلنا برااااحة
ادخل قلوبنا فيها متسع ليك
يامرحبا
|
Post: #11
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-26-2002, 10:49 AM
Parent: #9
تماضر تماضر
فاكهة البورد
تتقزم القامات
أمام فنك يا رائعة
بتهيب والله لمن أقرى كلامك
جد بتخيل إني ياربي
حأقول كلام أحسن من
كلام صاحبتي دي كيف ؟
أخير أسكت
كل مرة أقول أرد
بعيد أقول أحسن أسكت
بحس اني انا بتعب
عشان أكتب حاجة أسميها
مجازاً قصيدة، في حين
تماضر كلامها العادي
أجمل من شعري الافتراضي
لحدي أمبارح
ما صدقتا عينيا
لمن قريت تعليقك
اتشجعتا
قلتا وكت بت جيرنا
جاتنا في حوشنا
ما في عوجة
بسم الله خليني أرد
بعدما ارسلتا الرد
حسيت بحالة التقزم
قدامك تاني
ما عارف ليه
لكن جد يا أستاذة تماضر
كنت ناقصاً قبل معرفتكم
واليوم أكتملت بكم
جد سعيد سعيد سعيد
بمعرفة رائعين مثلك
|
Post: #12
Title: Re: يا ناس البورد، هل تشرفت بمعرفتكم قبل الآن ؟
Author: يازولyazoalيازول
Date: 12-26-2002, 11:07 AM
Parent: #11
صدقى يا تماضر هذا الرائع فيه الكثير من الوافر شيخ الدين أدبا وأخلاقا وعلما فى هدوء ظاهر وملامح تكاد تطابق شخصية ذاك الهمام
سبحان الله
|
Post: #14
Title: Re: يا ناس البورد، هل تشرفت بمعرفتكم قبل الآن ؟
Author: Tumadir
Date: 12-26-2002, 11:20 AM
Parent: #12
ازيك انت يازول
الوافر دة طبعا ولى او نسمة طيبة هبت علينا
قربت لى المسافة بوصفك ليهو كدة
شكرا
وتحياتى للاسرة
|
Post: #15
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-26-2002, 11:22 AM
Parent: #12
دا منو يا هشام ؟ أوعى بس يكون القاصدو دا أنا ؟
بالغت والله في حق شيخ الدين
صاحبي هشام
غايتو فلاورز دي أظنها الحسنة الوحيدة في حياتا
انها عرفتني بين يا غالي
|
Post: #13
Title: Re: يا ناس البورد، هل تشرفت بمعرفتكم قبل الآن ؟
Author: Tumadir
Date: 12-26-2002, 11:10 AM
Parent: #11
ليه يا ود شاموق عملت فينى كدة؟؟؟؟
جريت على اضافرينى لقيتم فيهم منكير،
وشى اتلفح كف من الخجلة،
انا بس بحاول
وبتعلم
كل يوم من كتاباتك وكتابات المبدعين التانيين فى البورد دة
العفو
وشكرا المابتكفى دى، هاك ليها اتساعد بيها لمن القى كلمات تسوى تقديرك لى دة
وخلينا نتعالى على الشعور دة ونعاين سوا لى قدام وللوطن ةالاخرين، امكن نقدر نطلع لى بر
|
Post: #16
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-26-2002, 11:24 AM
Parent: #13
الغالية تماضر
ما قلته لم يكن
عشر معشار ما
أقدره لك من أحترام
ومودة وتقدير يا تماضر
|
Post: #17
Title: Re: يا ناس البورد، هل تشرفت بمعرفتكم قبل الآن ؟
Author: يازولyazoalيازول
Date: 12-26-2002, 11:29 AM
Parent: #16
نعم يا ود شاموق القاصدو ده هو انت لأنك فعلا شبه شقيقى الوافر شيخ الدين الخالق الناظر كما يقولون وأنا أتعامل معك كأنك هو
بلا فلورز بلا لمة
|
Post: #18
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-26-2002, 11:35 AM
Parent: #17
LOOOOL @ بلا فلورز بلا لمة
والله بضحك من الأعماق با هشام
التعبير مبالغ فيهو والمعبر عنه
يستاهل التعبير
فعلاً لمة
|
Post: #19
Title: Re: يا ناس البورد، هل تشرفت بمعرفتكم قبل الآن ؟
Author: Tabaldina
Date: 12-26-2002, 11:36 AM
Parent: #1
..
.
والله يا ود شاموق
انت زول اصيل ورائع
بس اقول ليك بالجد ..انا شكلك دا ما غريب على
وزى ما قالت تماضر يا ريت ترفع رأسك شوية
عشان اتأكد انت بيطرى ولا صيدلانى
بعدين مالك يا اخوى متمحن كدا؟؟
ولا بتكتب ليك فى قصيدة ولا رميه دوبيت
بس احلف يمين انو اتلاقينا يمكن صدفة
ولا فى دفار ولا طريق الجامعة
بس ما تقول انا قدرك انا اصغر شوووووية
تحياتى
بلم فيك ان شاء الله
|
Post: #20
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-26-2002, 11:45 AM
Parent: #19
العزيز تبلدينا
قال صلى الله عليه وسلم
الأرواح جنود مجندة، ما تعارف منها إئتلف، وما تناكر منها اختلف
صدق الصادق الأمين
عادي والله ممكن نكون في حياتنا ما تلاقينا، لكن الاحساس بالألفة أحياناً يكون أقوى من أي شي، تشوف زول تقول والله الزول دا بعرفو شديييييد، تطلع في حياتك ما لا قيتو في أي حته، لكن أنا لا صيدلاني لا بطري.
وبعدين شنو قصة أصغر مني، شرطاً أنا الأصغر مني في البورد دا أصحابي ساري الليل وموديك بس، انا مولود 78، يعني الوكت داك يا تبلدينا احتمال تكون انتا قائد ليك مظاهرة ولا بتدفر في الكورة مع اولاد الحلة، لوووول.
لكن بس شكلي كدا بيديني عشرة سنين زيادة في عمري، أتذكر قبال 4 سنين مشيت الحج معا أمي، وكنا في حملة كلها من اخوننا المصريين، وضعتا من أمي في عرفة، قعدت تبكي والمصريات يهدن فيها ما تخافيش يا أستاذة سميرة قوزك علاء انشاء الله حيرقع دلوأتي، أمي خلت البكاء بقت تضحك، قالوا ليها مالك ؟ قال دا ولدي، المصريين يعجبوك، بدل ما يقولوا ليها شايفين شكلوا كبير، قالوا ليها : دا انتي والله شكلك صغيرة أوي كنا فاكرينو قوزك. شكيتكم لي الله يالمصريين.
|
Post: #21
Title: Re: يا ناس البورد، هل تشرفت بمعرفتكم قبل الآن ؟
Author: dreams
Date: 12-26-2002, 12:08 PM
Parent: #20
شفت الخاطر ده عجيب كيف ياود شاموق
انا بالنسبة لى اصبح شبه يقين انى بعرف الناس ديل نفر نفر
خصوصا بعد ما قابلت البعض منهم ولقيتنى بتعامل معاهم كانهم صحبة سنين ..سلامات واشواق وونسة
سبحان الله
تسلم
|
Post: #22
Title: Re: يا ناس البورد، هل تشرفت بمعرفتكم قبل الآن ؟
Author: عزيز
Date: 12-26-2002, 01:39 PM
Parent: #21
الاخ الحبيب ود شاموق
لك التحية والحب
اهلنا بقولوا القلوب شواهد
احساسنا ببعض حقا أصبح اخوى وترابط محبة لا فكاك منها الا مزيدا من الحب
ولانك نظيف وناصع بياض السريرة تحمل كل هذا الكم من محبيك فى قلبك الطاهر
والكل يحملك رمزا للطهر والنقاء والاصالة والمحبة وصدق الاخوة
فاليحفظك الله ياكريم الاصل
|
Post: #37
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 02:43 AM
Parent: #22
يا سلام عليك يا عزيز
فعلاً القلوب شواهد والله
أخجلتي تواضعي بكلماتك الجميلة
تسلم يارب انشاء الله
|
Post: #36
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 02:40 AM
Parent: #21
آي والله يا دريمز
رغم اني لي هسع ما قابلتا زول
من ناس البورد في ارض الواقع
لكن ما حيكون في فرق
لأنو اكتر من كدا عرفة
ومودة ما ظنيت في
تسلم
|
Post: #23
Title: Re: يا ناس البورد، هل تشرفت بمعرفتكم قبل الآن ؟
Author: Tabaldina
Date: 12-26-2002, 01:46 PM
Parent: #1
loooooool@ 78
شفيق يا رااااااااجل
عليك الله يا شاموق دى دقن 78 ولا النظارات ؟؟
فى ذمتك غيرتهم كم مره ؟؟
بس لكن المصريين ما ليهم حق مفترض يكونوا صريحين وكدا
على العموم انا مصّر انو اتقابلنا
بس بشرط تكون انت من مواليد الستينات
يعنى 66 ، 67 ، 68
لانى انا اصغر منك شووووووووية
تحياتى وربنا يديم الالفه والمودة
|
Post: #38
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 02:45 AM
Parent: #23
ههههه
شفيق يا تبلدينا
والله ياهو دا كلامي ما عندي غيرو
دا آخر كلام زيادة تاني ماعندي
66 دي وكت جات كان عمري
-12
تكون صاحب أبوي يا تبلدينا ولا حاجة كدا
أبوي ما بعيد منك 42 وكدا يعني 20 سنة بس
|
Post: #24
Title: Re: يا ناس البورد، هل تشرفت بمعرفتكم قبل الآن ؟
Author: Modic
Date: 12-26-2002, 02:19 PM
Parent: #1
يا ود شاموق أنا بقول ان الأرواح اتعارفت علي بعضها من زمن سحيق نعجز نحن حتي من تذكره .. و ده بيفسر التجاذب بين بعض الناس أو انك تحب فتاة من أول نظرة
و بعدين أنا برضو عندي احساس زي ده بيراودني
يا ربي شفتك وين ؟؟
قبل النظر يبلي ..
و قبال ما أبقي جنين ..
و عظامي و تتبلي
قول لي شفتك وين ؟؟
قول لي عليك الله
القصيدة دي طبعا اتذكرتها أول ما قريت كلامك .. و اعذروني لو كان فيها خطأ لأني كتبتها من الذاكرة المجردة .. هي كتبها عاطف خيري مش ؟
علي كل أعرف بس انك زول رائع و ان الجميع سعيدين بمعرفتك
تسلم لينا يا ود شاموق
و نتواصل
محمد
|
Post: #25
Title: Re: يا ناس البورد، هل تشرفت بمعرفتكم قبل الآن ؟
Author: alsara
Date: 12-26-2002, 02:31 PM
Parent: #24
ود شاموق
أنت بروحك النقية من جعلت تبذر الجمال في كل القلوب
حب الجميع لك هو حصاد عملك الطيب
فهنيئا لنا بك
|
Post: #26
Title: Re: يا ناس البورد، هل تشرفت بمعرفتكم قبل الآن ؟
Author: degna
Date: 12-26-2002, 02:48 PM
Parent: #25
الرائع الفنان الاخ ود شاموق
اتريد ان تخجلنا بكلامتك الغاية الجمال والاحاسيس الاخوية
النادرة ام ماذا ,? وعلي فكره كلامي ده مامجامله تقول
عرفت لي الف سنه او اكثر ,اي دخلت قلوبنا دون تاشيرة دخول ولا يحزنون لانك تحمل جوازا اقوي من الجواز الامريكي والبريطاني وهو جواز الطيبة وروح اهلنا البسطاء وقيمهم , فلك مني التحايا والتقدير
دقنه البجاوي
|
Post: #42
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 02:55 AM
Parent: #26
دقنا دقنا دقنا دبايوا
ياخوي
ما بالغتا في حقنا ياخي
ليه بس بتعمل كدا ؟
والله حرام يا ناس
خشيت البروفايل بتاعك
كايس إيميلك ما لقيتو
قلتا ارسل ليك بالمسنجر
خفتك ما تكون قاعد تخش
وينك غايب ومجافينا
ما تنقطع ياخي
والله يا دقنه أنا زاتي
استغربتا لمن جيت هنا
لأني شرطتا جواز سفري برا
وخشيت بلا جواز سفر
لقيت الحدود مفتوحة
والقلوب عمرانة بالخير
ما محتاجين جواز سفر
تسلم يا رائع
|
Post: #27
Title: Re: يا ناس البورد، هل تشرفت بمعرفتكم قبل الآن ؟
Author: Elkhawad
Date: 12-26-2002, 02:57 PM
Parent: #25
ودشاموق
عارف انا فاتح البوست اكتر من ساعه عشان ارد
غالبني اكتب
بس
|
Post: #28
Title: Re: يا ناس البورد، هل تشرفت بمعرفتكم قبل الآن ؟
Author: garjah
Date: 12-26-2002, 05:34 PM
Parent: #27
العزيز
ودشاموق
كل يوم يمر على هذا المنبر
واحساس الاسرة يتجذر فينا اكثر
لهفتنا على شرنوبي
ودعمنا لعبدالرحمن عبدالله
هي البدايات
وفي بداية رمضان اخواتنا قامن بعمل وصف لوجبات لزملائهن العزاب
فنحن نحس ببعضنا البعض
وكلامك لامس شغاف القلب فدلف الجميع لبوستك لرد التحية بمثلها
فاهنا اخي برفقتهم فنعم الاخوة هم
|
Post: #29
Title: Re: يا ناس البورد، هل تشرفت بمعرفتكم قبل الآن ؟
Author: 3asoola
Date: 12-26-2002, 06:14 PM
Parent: #28
وانت كمان سكنت قلوب الكل... والواحد محتار ومالاقى كلام يعبر بيهو مع الابداعات الفىالبورد.. يديك الف صحه ومزيدا من التقدم والازدهار انشاءالله
|
Post: #45
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 03:00 AM
Parent: #29
عسولة يا غالية
يكفي الصمت أحياناً ليكون أجمل الردود
أحياناً انا بصمت لمن أشوف كلام زي كلامك دا
لكن المرة دي رديت عشان أقول ليكي
لو أنا صمتا وسكتا كان أخير لي
لأنو ما قادر أرد عليكي، بس أقول ليكي شنو
ولا أرد كيفن بي ياتو حروف ؟
كلها 28 حرف ما ظنيتا تكفي
محتاج لي 1000 حرف أقل حاجة عشان
أقدر أعبر ليكي عن سعادتي بيكي
تسلمي
|
Post: #44
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 02:58 AM
Parent: #28
قرجة يا ملك
فعلاً والله
بقينا أكتر من أسرة
يعني الواحد زي حالتنا دي
ما عندو اهل جنبو في المنفى
ما حيكون عندو أساساً أسرة غيركم
يا رائعين
تسلم يا قرجة انشاء الله
ربنا يديك قدر نيتك
يارب
|
Post: #43
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 02:57 AM
Parent: #27
الخواض يا غالي
مرات الصمت بيكون أبلغ من الكلام
وصمتك الآن أوصل آلاف الرسائل
لو اتكلمتا يمكن ما كانت وصلت
تسلم يا ملك ياخي وانشاء الله
ربي يبارك فيك ويسعدك
قدر ما قاعد تسعد في قلوبنا
|
Post: #40
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 02:52 AM
Parent: #25
الساره يا غالية
والله ما قدر دا
جد يعني فتحتا البوست دا
بعدما رجعتا من الدوام
دموعي جرت من قراية الردود
ليه يا ناس قدر دا
أنا لا أسوى هذه الزمن
الذي اضعتموه في الرد
تسلمي يا السارة
بالمناسبة عندي خالتي بريدها شديد
اسمها السارة، لكن ما تخافي يعني ما كبرتك
لأنو خالتي دي أصغر من بي سنتين
وكانت برلومتي في الجامعة لووووول
|
Post: #39
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 02:49 AM
Parent: #24
يا محمد كيفك ياخي
جاء وفد من الصحابة الى خليفة المسلمين لحاجة لهم
وكان معهم على ما أظن عبد الله بن عباس
الذي كان صغير السن يعني Teenager كدا
فقال الخليفة من هذا الذي قدمتموه على كباركم
فرد احدهم قائلاً : هذا فتى الكهول ذو قلب عقول
ولسان سئول
تحياتي لك أخي محمد Modic
وتسلم يا خي على باقة الزهور هذه التي اهديتها لي
لأن كل كلمة من كلماتك أراها الآن أمامي كزهرة يانعة
جميلة لها وقعها على القلوب قبل العيون
لك الود يا رائع
وشد حيلك امتحانات قربت ما تجيبا
ضقلها يكركب
|
Post: #30
Title: يا ود شاموق
Author: كيمو
Date: 12-26-2002, 07:22 PM
Parent: #1
يا ود شاموق
كل الناس قرايب
كل الناس اهل والما هم قرايب
قربهم العمل
فالبورد اصبح بيت للجميع وكل الاعضاء اهل البيت
والبيت بشيل مليون لو النفوس اطايبت
ما بين زمن متمنيهوا وزمن ذادنى منك اسية
|
Post: #46
Title: Re: يا ود شاموق
Author: ود شاموق
Date: 12-27-2002, 03:01 AM
Parent: #30
كيمو صاحبي
كيفنك ياخي ؟
والله مشتاقين
وينك كدا ماظاهر
ولا أنا الما ظاهر ياربي ؟
دا ارذل العمر ياخوي
بقت الذاكرة تعبانة شديد
والله فرحان بيك وبي طلتك البهية
وتسلم يا رائع
|
Post: #31
Title: Re: يا ناس البورد، هل تشرفت بمعرفتكم قبل الآن ؟
Author: solara
Date: 12-26-2002, 07:33 PM
Parent: #1
العزيز ود شاموق
بدايه ...........اشكرك لانك عبرت عن مشاعرك الجميله و اتحت لغيرك فرصه التعبير.................
..كثر من هم يحسوون بهذا الاحساس الجميييل و اولهم انا......
يعجز الشخص عن التعبير ........الواحد افتخر بوجودو ضمن الكوكبه دي........اديك العافيه يا ود شاموق
تحياتي
Solara... ...
|
Post: #47
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 03:03 AM
Parent: #31
يا سلام عليكي يا سولارا
والله فعلاً فخر للزول أنو يكون هنا
يا ربي مرات بسأل روحي ..
لو ما كنتا هنا
كنتا حأكون وين
في حته أحسن من هنا ؟
ما أظن ..
|
Post: #32
Title: Re: يا ناس البورد، هل تشرفت بمعرفتكم قبل الآن ؟
Author: singawi
Date: 12-26-2002, 08:16 PM
Parent: #1
العزيز ود شاموق
نعم .. نعم .. صلى الله على المعصوم وآله وصحبه
هو التعارف والتآلـف
والكلمة الطيبة في الاتفاق والاختلاف
يحرس كل ذلك عبق السودان وعمقه
أنا سوداني أنا ... واأسفاي كان ما جيتا من زي ديل .. وا مأساتي واذلي
|
Post: #48
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 03:04 AM
Parent: #32
سنجاوي يا سيد الناس
فعلاً هو التآلف
يارب يدوم علينا التآلف والتعارف
وانشاء الله ما يغير علينا ببركة
من صلى وقال يالله
تسلم يا ود سنجة
|
Post: #33
Title: Re: يا ناس البورد، هل تشرفت بمعرفتكم قبل الآن ؟
Author: ابو تميم
Date: 12-26-2002, 09:08 PM
Parent: #1
ود شاموق
وجودي هنا
لمجرد التواصل
واحساسي بيقول
بنتعارف
|
Post: #49
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 03:05 AM
Parent: #33
أبو تميم يا غالي
والله أسعدتنا شديد
وحبل الوصال ممدود دايماً
تسلم
|
Post: #34
Title: Re: يا ناس البورد، هل تشرفت بمعرفتكم قبل الآن ؟
Author: حنين
Date: 12-26-2002, 09:32 PM
Parent: #1
تسمح لي؟؟؟
كلماتك جميله وبسيطه وما عارفه احسدك علها واللا احسدها عليك
ببساطه انت عبرت عن كل ما يحمله ناس البورد من مشاعر طيبه لبعض امكن ما عندي الكتير اللي اديهو للناس هنا او اشارك بيهو لاني زوله على قدر حالها لا انا شاعره ولا اديبه ولا حتي اتخرجت لسه لكن انا جد سعيده بتواجدي وسط الاسره الكبيره الدافئه دي
هنا بدفن احزان يومي ومشاكلي وبسعد للحظات بالشعور بالانتماء
لك كل حبي
حنين
|
Post: #50
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 03:07 AM
Parent: #34
أسمح ؟ هو انا من زاتي عشان أرفض ؟ ولا أفكر ما أسمح ؟
حنين يا نبع المحنة
أحس بك أختاً لي صغيرة
أكن لها كل المودة
والمحبة والاحترام
أسعدتني والله
وكم انا فخور بمعرفتك
تسلمي
|
Post: #35
Title: Re: يا ناس البورد، هل تشرفت بمعرفتكم قبل الآن ؟
Author: bit barber
Date: 12-27-2002, 00:11 AM
Parent: #1
والله انت الرائع يا ود شاموق ,,, الله ما ضراك
|
Post: #51
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 03:08 AM
Parent: #35
بت بربر الغالية
يا سلام عليكي انتي يا غالية يا روعة
انشاء الله تدوم المودة أبد الدهر
بجاه سيدنا محمد يا قادر يا كريم
تسلمي يا بت بربر، وانشاء الله لاعدمناك
|
Post: #41
Title: Re: يا ناس البورد، هل تشرفت بمعرفتكم قبل الآن ؟
Author: مشتاق
Date: 12-27-2002, 02:52 AM
Parent: #1
الاخ ود شاموق
اذا احب الله عبدا حبب عباده فيه
فاشهدك انى احبك فى الله
مع تحياتى
|
Post: #52
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-27-2002, 03:13 AM
Parent: #41
اخجلت كلماتي عن الرد عليك
لك كل المحبة والود يا مشتاق يا غالي
وأقول لك
احبك الله الذي احببتني فيه يا مشتاق
|
Post: #53
Title: Re: يا ناس البورد، هل تشرفت بمعرفتكم قبل الآن ؟
Author: الجعلي
Date: 12-27-2002, 04:31 PM
Parent: #1
العزيز ود شاموق
التحية ليك يا حبيب
بس أنا من زمان بسال نفسي ود شاموق ده شفته وين ؟؟؟
لكن يادوب لقيت الاجابة
دحين ياود شاموق يا اخوي إت ما كت ألفتنا في مدرسة
وادي سيدنا الثانوية سنة 51 ؟؟؟؟
لووووووووووووول
والله أنا بس بحب أمزح معاك
لكن حقيقي الواحد بيحس انو الناس الرائعين مثلك ديل بيعرفهم من
زمان
ولك مني أجمل تحية يارائع
الجعلي
|
Post: #54
Title: Re: يا ناس البورد، هل تشرفت بمعرفتكم قبل الآن ؟
Author: وضاح
Date: 12-27-2002, 04:42 PM
Parent: #53
يا مان شايف ....مابراى؟ الناس دى كلها مشبهاك
لكن قالو المالقا شبهو الله قبحو...وانت شبهك
باين عليه كتير ...يا مان الله يديك العافيه وانحنا
فى انتظار المزيد المزيد
اخوك الوضاح
|
Post: #55
Title: Re: يا ناس البورد، هل تشرفت بمعرفتكم قبل الآن ؟
Author: اساسي
Date: 12-27-2002, 05:00 PM
Parent: #54
يا ود شاموق
بس اعمل معاك شكلة وبعدين قول لي شفتني وين بتقول شفتني عشرة عشرة
لووووووووووووووووول
تسلم يا غالي والله الاحساس دا حقيقة لما كان اول لقاء لرابطة جدة دخلنا في الموضوع طوالي كاننا بنتعارف لينا دهور
وكان ان سهل لنا الحديث كثيرا هذا التلاقي الاثيري
وكان من التقيتهم منذ لحظات تعرفهم منذ دهور كما قالت دريمز
الحقيقة يا ود شاموق مشبهك علي واحد بس لو رفعت راسك شوية زي ما قالوا ليك
|
Post: #56
Title: Re: يا ناس البورد، هل تشرفت بمعرفتكم قبل الآن ؟
Author: ودرملية
Date: 12-27-2002, 11:24 PM
Parent: #55
سلامات
ودشاموق
مابعرفك
وماعاوز اعرفك
لان الدمع الذي انزفه الان يؤزيني يؤلمني ويشجيني انت وكل بوردابي تدب في اوصاله روح البلد وريحة الدعاش مع طلت شمس الصباح
ماعايز اعرفكم
الفاضل من دموع والله العظيم عاوز اكشحو فوق تراب بلدي وانتو هنااااااااااك قاعدين متوسدين كل وريد فيني وكل نقطة دم تزح وترح من خلية لي قلب تزرع فيني الحياة وانا بموت مليون مرة
اول موتا للبلد وتانية للمساكين الهناك والاخيرة للبلد والقبلها للمساكين الهناك
وكلهن للمساكين الهناك
انا بحبكم ياخيييييي بحبكم بحبكم
والله يعلم مافي البواطن والظهور
......
واقف براك والهم عصف
|
Post: #63
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-28-2002, 09:25 AM
Parent: #56
ود رملية
والله ذرفت الدموع
آلاف المرات وانا
أقرأ ردودكم في هذا البوست
حقيقة العواطف الجياشة
المكبوتة في دواخلنا
هي عزاؤنا الوحيد
بعد أن قتلت الغربة
كل جميل في حياتنا
وما أندر الفرص التي تظهر
فيها هذه العواطف
الى الوجود في شكل
دموع وأشجان
فدعها تخرج
فكلنا قد فعلنا
|
Post: #62
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-28-2002, 09:23 AM
Parent: #55
يا سلام عليك يا أساسي
الله لا جاب شكل ولا زعل
انشاء الله نلاقيكم في اللقاء الجايي
العيد الجايي عندكم لمة زي الفاتت ؟
بجيكم والله
بالنسبة للصورة
انشاء الله النية
موجودة، بس لو
لقيت لي سبب واحد
يخليني ما اتمحن
طوالي تاني يوم
الصورة بتتعدل
الله يعدل المايلة
الصورة هينة
آآآآآآمين
تسلم يا غالي
|
Post: #61
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-28-2002, 09:20 AM
Parent: #54
العزيز الوضاح
قصة الشبه دي
جاية من المحينة
لكن لو الصورة
كانت عديلة
يمكن يقل الالتباس
لأنو الشعب السوداني
كلو متمحن
عشان كدا شبهي كتار
لوووول
شكراً ليك يا غالي
|
Post: #60
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-28-2002, 09:18 AM
Parent: #53
وادي سيدنا سنة 51 ؟ الجعلي شكيتك لي الله
أنا بالله أقول شايفك وين
تكون الشافع الصغير الكان واقف
جنب الأزهري لمن رفعو العلم ؟
هههههههههههه
تسلم يا غالي والله انا الأسعد
بي معرفتك يا ود جعل
|
Post: #57
Title: Re: يا ناس البورد، هل تشرفت بمعرفتكم قبل الآن ؟
Author: Elmosley
Date: 12-28-2002, 06:40 AM
Parent: #1
نحن البنعرفك من زمان يا جميل
|
Post: #58
Title: Re: يا ناس البورد، هل تشرفت بمعرفتكم قبل الآن ؟
Author: wadazza
Date: 12-28-2002, 07:15 AM
Parent: #57
عزيزى ود شاموق
نعم نعرفك..ونعرف حتى آخر من سجل هنا..
...
فهنالك صلات تنو وتنمو ...ولا ندرى كنه أسرارها ..هل هى صلات الروح أم الكيمياء ...أم التمام وتحلق حول غمامات واقعنا فى هذا المتسع الشتاتى؟
انها فقط صلات تنمو ولن نسأل كيف تكونت...
تحياتى
ودعزة
|
Post: #65
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-28-2002, 09:28 AM
Parent: #58
ود عزة الأديب الأريب
فعلاً والله العرفة موجودة
من زمان، بس البورد دا
سلم كل واحد فينا المفتاح
وقالينا أفتحوا الخزن
الجواكم، تلقوا حبانكم
وأخوانكم ساكنين في
دواخلكم، وكان أن فعلنا
فيالروعة الدواخل
|
Post: #64
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-28-2002, 09:26 AM
Parent: #57
أبي البوردي الأستاذ الموصلي
لولاك ما عرفناك ولاعرفنا ما عرفناه
ولا كان ما كان ولا هذا البوست
ظهر إلى حيز الزمان والمكان
|
Post: #59
Title: Re: يا ناس البورد، هل تشرفت بمعرفتكم قبل الآن ؟
Author: Badri
Date: 12-28-2002, 09:17 AM
Parent: #1
اخى وعزيزى ود شاموق
لك التحية وعارف احساسك دا هو
الحملنى لاتعرف بيك
وتسلم ياغالى وزى ماقال دريم اغرب
حاجة انو الواحد يتعرف على واحد من خلال
البورد ولما يشوفوه لاول مرة يسلم عليهو كأنه بيعرفو من
زمن بعيد . والله الحقيقة كل الاخوة فى البورد رائعين لهم
ولك اخى ود شاموق التحية وخالص الاحترام
بدرى
ـــــــــــــــــــــــــ
أنا بلدى بلد الخير والطيبة
|
Post: #66
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-28-2002, 09:39 AM
Parent: #59
يا سلام عليك يا بدري
شرفتي قدري والله
فعلاً ياخي الخوة والمحبة من الله
كان بي بورد ولا بي غيرو
هي هبة من الله يمنحها لنا
كيفما يشاء
فأدامها الله هبة ومنحة
تسلم يا ملك
|
Post: #68
Title: Re: يا ناس البورد، هل تشرفت بمعرفتكم قبل الآن ؟
Author: waleed500
Date: 12-28-2002, 05:38 PM
Parent: #66
ما عارف اقول شنو لكن بالجد انت رائع
|
Post: #69
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-30-2002, 05:06 AM
Parent: #68
وليد أخجلت كلماتي عن الرد
لك كل الود والمحبة
|
Post: #67
Title: Re: يا ناس البورد، هل تشرفت بمعرفتكم قبل الآن ؟
Author: azza
Date: 12-28-2002, 05:19 PM
Parent: #1
لسه لي يومين هنا و مالاقاني غير 2 بوست من بوستاتك
لكن روعتك باينا من العنوان
و عمق كتاباتك...و نخلي الكلام لي اسيادو
لكن و الله في اليومين ديل اصلك ما غريب علي
و الشموخ ياهو واضح
لك
|
Post: #70
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-30-2002, 05:09 AM
Parent: #67
العزيزة عزة
لك كل الود وانت تشدين من أزري
وتقدمين لي الدعم المعنوي هذا
أخجلتي تواضعي وما عارف أقول ليك شنو
لك كل الشكر والود والمحبة
|
Post: #71
Title: Re: يا ناس البورد، هل تشرفت بمعرفتكم قبل الآن ؟
Author: الجندرية
Date: 12-30-2002, 11:46 AM
Parent: #70
تعرف انت اول مانزلت بوست الحريم داك وانادخلت فيك شمال
قت خلاص الوليد دا جديد وهسع حيكب الزوقة
بس اثبتَ انك ديمقراطي اصيل
قلت 78 يعني براحة تقول لي ياخالتو الجندرية
|
Post: #72
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-30-2002, 11:58 AM
Parent: #71
العزيزة الجندرية
أعتز بمعرفتك وصداقتك لأنها كانت من أوائل الصداقات لي هنا، ورغم انه لا فرق بين الصداقات الأولى والأخيرة من حيث المودة والمحبة، إلا أن الصداقات الأولى دائماً ما تكون مميزة.
اما قصة خالتي دي فقصة جميلة، لكني لن أدعوك إلا أختي الجندرية، لأنك أقرب إلى أن تكوني أختي الكبرى من أن تكوني خالتي.
لك كل الود والمحبة
|
Post: #73
Title: Re: يا ناس البورد، هل تشرفت بمعرفتكم قبل الآن ؟
Author: الجندرية
Date: 12-30-2002, 12:02 PM
Parent: #72
دام الود
لكن تعرف كلهم ممكن يقولوا ياختي دا
انت تفرد بخالتي
حنينة
بعدين انا مابزعل قالوا الكبران حسنان ( الله يكبر العقل )
|
Post: #74
Title: Re: يا ناس البورد، هل تشرفت بمعرفتكم قبل الآن ؟
Author: منعمشوف
Date: 12-30-2002, 12:39 PM
Parent: #73
أزيك ياودشاموق وعلَّك طيب
أنت السكنت وجدانا براحةٍ وسلام
تحيات شحمانات ليك ولرفاق الخشبة
من خالك منعمشوف
|
Post: #75
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-30-2002, 01:34 PM
Parent: #74
تسلم يا خالي منعمشوف
LOOOOOOOOL @ شحمانات
تشكراتي المدردمات لك
|
Post: #76
Title: Re: يا ناس البورد، هل تشرفت بمعرفتكم قبل الآن ؟
Author: Ahlalawad
Date: 12-30-2002, 01:41 PM
Parent: #1
ود شاموق
معليش
دايما بنجي متأخرين
حبابك
|
Post: #77
Title: Re: يا ناس البورد، هل تشرفت بمعرفتكم قبل الآن ؟
Author: ود شاموق
Date: 12-30-2002, 01:48 PM
Parent: #76
ما سمعتا الفيتوري قال
فكن الأدنى تكن العلى فينا ؟
هسع انتا الأول لكين من نهاية البوست
وأي زول حيخش البوست دا
حيشوف ردك قبال الناس
كلهم
كدا كويس ؟
ولا كعب ؟
تسلم يا غالي
|
|