هي عارفة نفسها ... و عارفة اني ما حأقدر أذكر اسمها عشان بخاف عليها من المجتمع الصعب .. و عارفة اني بحبها قدر كم .. لكن هي ما عارفة مدي روعتها .. لكن يكفي اني عارف .. عشان كده بحبها .. لكن هي ما بتحبني .. و ده بيحطمني .. لكن هي بتتحطم لما تحطمني .. عشان كده ما بظهر ليها اني محطم

و ده ملخص علاقتي بيها :

صوت الجيتار يدق أوتار قلبي بلحن حزين
التماع البرق يبرق عينيك و قلبي
كم أنت جميلة تحت المطر
و أنا
لحنك في هذه الليلة الماطرة
حين يخيفك الرعد غنيني
و حتي مطلع الفجر ضميني
ضميني حتي ينخفض الطوفان
فيعود الطير و تكتمل السمفونية
غنيني حتي تتشيث ذاكرتي
ببقايا صوتك
و ترد الروح الي أشجاني المنسية
فأنا احتاج للحظات تحت المطر
لأرد اللحن الي قلبي
و أغني عشقك في أعماقي أغنية


محمد قسم الباري

موديك

قصيدتان..لا قصيدة واحدة..المدخل يمثل في نظري قصيدة ولا أروع

وفي أنتظار المزيد

banadieha :
احساسك ده ان دل علي شيئ فهو يدل علي حسك المرهف و تذوقك العميق للمشاعر الانسانية
شكرا لك و دمتم
محمد

الأستاذ الكريم موديك
موضوع قصيدتك الرائعة هذه أوجزه في أبيات شعر رائعة للرائع نزار قباني:

الحب ليس رواية شرقية بختامها يتزوج الأبطال
لكنه الإبحار دون سفينة وشعورنا أن الوصول محال

almulaomar عزيزي

كلمة أستاذ دي كبيرة علي
حسستني بي نفسي زول كبير .. أنا زول صغيروني لسه ما دخلت في سن الخدمة الالزامية عاين لي صورتي
و تسلم علي الأبيات يا زول يا راقي

محمد

دى صورتك وبرضو تقول لى اختى؟


امك معليش

لكن عينى عليك باردة
نصيحتى ليك، ابقى عشرة على الحب،
حب فى كل الاتجاهات
تكون نبيا على السفهاء
وشاعرا فى قرى التبلد ومغنيا للصم
وهامسا فى فى وعر الضجيج،
وحاديا فى قوافل الزمن
وامنا وسلاما للمفجوعين والمفزوعين
وبلسما لجراح الحياة،

الحب هو كلمة السر للخلود


وانا احبك
يا عبقريتنا ونبوأتنا وهتافنا للغد
وجديدنا الآمل

انقدح فى السطور وليسيل مدادك انهارا من البدء والبكور

يا تماضر انتي صغيرة بالمناسبة ... في الصورة دي عمرك كم؟
18


علي كل الفكرة ما عدد سنوات عشناها .. الفكرة تجارب

عارفة في الصورة دي أنا برقص في حفلة عيد ميلادي الفات ..و مبتهج جدا رغم اني كنت تعبان .. عشان كنت راجع من قسم النظام العام عشان أطلع تصريح لاقامة الحفلة .. و عاكسوني و رفضوا يرجعوا لي باقي قروشي و فوق ده أحزنتي المناظر اللي شفتها هناك .. لكن الزول ما متوقع منهم غير كده ..

انتي كتابة جدا
عارفة ان حبيبتي اللي كتبت ليها القصيدة دي قالت شنو ؟
قالت انها الأيام الفاتت كانت بتدخل المنتدي عشان تقرأ اللي أنا بكتبه .. لكن حاليا بقت بتدخل عشان تقرأ موضوعاتك و تعقيباتك
شفتي ؟ قلت ليك ان المسألة ما مسألة حظ .. الناس كلهم بيحبوك عشان ذاتك

فقط كوني كما أنتي .. و املئي الأرض حبا و فنا .. و علي خطاك سأسير
لك كل ودي
و نــــــــــواصل
محمد

الصورة شهر ستة الفات

والموضوع دة احسن نقفلو هنا ما بستفيد منو اى زول،

والعجز دة انت قايلو حلو؟؟


لووووووول
شكرا لحبيبتك
وانا بكتب بس من اجل الحب
حب الله

حب وطن

حب ناس

حب الحياة

حب تسالى؟؟؟

شاى حب

المهم حاء باء

رائعه صادقه

DEAR MOHMED:

MY NAME IS: MOHAMED I AM TUMADIR'S SON
I AM 10 YEARS OLD.WHEN I SAW YOUR PICTURE
YOU LOOKED LIKE THIS ACTOR IN DISNEY HIS NAME
IS TAHJ MOWRY.
MY MOM TOLD ME YOU ARE A YOUNG POET FROM SUDAN.I LIKE
THAT I THINK THAT IS COOL.
I LIKE TO DRAW AND DRUM.THAT MAKES ME FEEL
SPECIAL AND GOOD.
I WISH YOU A BRIGHT FUTURE,
MOHAMED ELKHITAM

Tumadir :

انتي آخر زولة تتكلمي عن العجز .. أولا لأن روحك شابة جدا .. و
ثانيا لأن عمرك برضو صغير .. و لا يهمك .. قفلنا الموضوع عشان الناس ما يلقوها فرصة فيك
ملاحظة : أضيفي الي المجموعة حب العنب ..
looool

Elmosley :

انت فنان و أنا أحترم فنك .. و كلماتك دي بتعني لي الكثير .. عرفتك من خلال موسيقاك و بسأل عنك كلما ألقي فرصة .. أحترم فيك روح الفنان الحقيقية .. و شفافية موسيقاك .. و رهافة حسك
فعلا .. انت الأروع و الأصدق

MOHAMED ELKHITAM :
First nice to meet you ..
You have a sensitive soul .. I can see it clearly in your hobbies .. Keep on Drawing and Drumming dear ..
* You said I look like this guy :

I think you like him so much .. I like him too .. He is nice .
You have a great mother Mohamed ..Respect her and take care of her ..
I wish you a bright future too ..
Just keep on working.. don't despair ..And never give up ..



و نـــتواصل
محمد

سلامات
العزيز
موديك
احيي اولا حبيبتك
احييها في روعة احساسك فهي تطل من بين سطورك وردة ربيعية الحضور
احييها في عفويتك وانسياب روحك بين الحروف وانت تسربل الكلمات علي سجية طاهرة
موديك
اعتز دائما بحبك
اعتز دائما بما تحمله روحك
ولاتكن يوما من الذين يخضعون للسكون
كن فاعلا وفعالا ومفعولا
وحتما لن تجني سوي الثمار
ولا تدع صوت الحب يسكت في عالمك واجعله ديدنا يمارس سطوه لكي يغطي كل حياتك
ولك مني عناقيد من العنب
ليست للاكل ولكن للتشفي والارتياح
عذرا
لن اوفيك
شكرا

salamz Modic, it's been busy and long since i last participated, but reading ur poem and the words b4 it made me reply it's really nice mashaAllah....... keep up the good work and good luck for u both

ودرملية :
و هي تحييك
و ما أدق وصفك لها .. فأنا لم أكتب عن الحب لسواها
و لاخوف علي
فأنا معتز بحبي
لست أخضع للسكون ..قد يخضعني السكون و تبلد المشاعر في بعض الأوقات .. فلا أجد صحوة للروح الا من خلال كلمات ككلماتك الرقيقة و المشجعة
و كما تقول عسولة : سبحان من وهب الجمال ... من قال للحب كن فكان
شكرا كثيفا
(لــن توفيك)
و نـــتواصل

3asoola :
تعقيبك الجميل يعني لي الكثير
و كما قلتي :
سبحان من وهب الجمال ... من قال للحب كن فكان
لك كل ودي ... و نــتواصل
محمد

ٍسلام مربع

محمد

قرأتك هناك
وفي كل الاتجاهات
انت مشروع حلم
لالحان عذبة
قادمات
مفردات اجنحتهن
..
غرد
غني
ترنم
دوزن فيني
الفرح

لك مودتي
وملمس حرف مرتنم

الاخ
الزميل
الصديق
محمد شكرا على قصيدتك الجديدة
و اتمنى أن تمدنا بالجديد المتجدد من قصائدك

الجميلة shiry

Quote: دوزن فيني الفرح

ما حتصدقي ان الكلمة دي أثرت فيني قدر كم

لك ودي

و نتـــواصل


ســـــــــــــاري الليل :
صديقي الرائع .... رفيق الامتحانات و الغربة و الليالي الجميلة ... سلامات يا زول يا رائع .. طولت ما شفتك
اتواصل معاي
لك ودي
محمد

الرائع محمد

مزيدا من الابداع

قصيدة رائعة

...............

يا لزيز ممكن تشيل صورتك ؟؟

بس عشان ما يسحروك

مع انو صورتك رائعة زى كتاباتك

hanouf56 :

تعقيبك ده عن القصيدة لفتة جميلة منك ..

Quote: يا لزيز ممكن تشيل صورتك ؟؟ بس عشان ما يسحروك

loooooooooooool
يسحروا لي شنو
لكن ممكن أشيلها عشان سبب تاني .. عشان الجيكس ما يهربوا مني

و بالمناسبة : الصورة دي كانت كبيرة شديد لكن الله يخليهم صغروها لي كده مريحة أكتر .. كنت كل ما أعقب .. أدخل ألاقي صورتي مالية الشاشة

و تراهو كلهم بيختوا صورهم
و نتواصل

محمد

روعـــــــــــــه فى شكل ابداع
ولك حبى
الرائع محمد

alhabeb :

رأيك يعني لي الكثير

كنت سباقا الي التعقيب .. و اضافتي علي المسنجر
لا أدري كيف أوفيك حقك

لك كل الود

و نتواصل

محمد

غنيني حتي تتشيث ذاكرتي ببقايا صوتك و ترد الروح الي أشجاني المنسية فأنا احتاج للحظات تحت المطر لأرد اللحن الي قلبي و أغني عشقك في أعماقي أغنية تحياتى محمد وكلماتك تختلف عن كل الكلمات

وانت تعنى لى الكثير الكثير
ولك كل وخالص حبى
ودمت لنا

waleed500 :

فعلا الخلفية أثرت فيني .. تصميم جميل من شخص جميل
لك كل ودي يا وليد الرائع
حأرسل التصميم ده الي حبيبتي عشان تشوفه و أنا متأكد انه حيعجبها

لك ودي

و نــتواصل

محمد

مــوديك يا ود يا كتاب
و ردودك شهد و قيافة
الف مرحب بيك معانا
و امطرنا بشعرك
اتحفنا بفنك
و ازهرنا بظرفك

سلام محمد

صفر : فاتني أن أرحب بك في بوردنا العامر فحبابك عشرة والبورد بوردك رغم التأخر الشديد في الترحيب الذي كان سببه بعض المشاغل اللعينة.

واحد : قصيدة رائعة تدل على روعتين

ألف : روعة الكاتب الذي اختار الكلمات.
باء : روعة المكتوبة إليه.

اتنين : واصل ربنا يوفقك جد بتمنى ليك التوفيق والنجاح في مشوار حياتك الطويل والمشرق بإذن الله.

شاموق

اسامة الخاتم :
الله يسلمك علي التعقيب اللطيف .. لك كل ودي

ود شاموق :

أولا تعقيبك جميل جدا .. و كلماتك مشجعة بشكل كبير
ثانيا : حبيبتي اللي كتبت ليها القصيدة دي دخلت تقرأ الموضوع.. شافت صورتك و اتكسرت فيك .. ضربت لي تلفون و قالت : في زول وجيه جدا عقب علي الموضوع .. جيت جري دخلت أشوف الزول الوجيه ده منو .. طلع ود شاموق .. لكن ما تخاف أنا ما من نوع الناس اللي بيغاروا
لك مني كل الود و نتواصل

محمد

جميلة ومعبرة

خصوصا الايام دي في مطر في الامارات

موديك .... يا لذيذ يا رايق...
الله يحفظك

موديك
يا ود يا شقي انت
قلت لي الجكيس بقى عديل كدة في النت وعلى عينك يا تاجر؟ طيب ما انتو جيل محظوظ تعرف الفرق بيني وبينك في العمر يجي زي دبل كدة يعني بفارق الاجيال ما كبير يعني قدر جيل او جيلين بالكتير، والكلام ده هسة كان قريب كان في آوارخ الثمانينات ولا أوائل التسعينات ما اقول ليك، لكن صدقني كلام زي ده لو ساكت جاني في الحلم اقوم ناطي ومفزوع واقول انشاء ما يكون في زول سمع؟ لوووووووووووووووووووول

تسلم يا لذيذ يا رايق
اتحفنا
كان نقدر نشوف فيك ايامنا
مع كل الحب

الرائع المرهف محمد

سلام لك ولحبيبتك المحظوظة بك وبحسك المرهف هذا وانت محظوظا لكونك تحتفظ بحبيبتك الرائعة وهي تستحق تلك
الكلمات الجميلة المفعمة بالحس الراقي الجميل
قصيدة رائعة جدا ,
ودمت
دقنه البجاوي

ba7ar :
و الله ده بس من احساسك المرهف بالقصيدة
و هو مطر الامارات ده مطر ؟؟ أنا ما بقتنع بالمطر لو ما كان زي مطر جوبا أو مطر الاسكندرية الشتوي
تسلم و نتواصل

Rose :
يا لذيذة يا رايقة تسلمي لي

atbarawi :

بل بالعكس تماما .. انت ما عارف جيلنا ده كويس معناها .. جيلنا و أستثني منه البعض جيل مقفل جدا .. الجبهة الاسلامية قدرت تمسح المشاعر الجميلة منهم كمشاعر الحب و زرعت مكانها مشاعر الكراهية و مشاعر تأييد الحرب عشان يأخدوهم كوقود لحرب لا تنوي الجبهة الاسلامية ايقافها .. جيلكم انتوا كان أجمل من جيلنا كتير و أكثر تحررا مننا .. نحن مساكين .. اتولدنا مع الجبهة السلامية .. في دولة مقفلة و قوانين طوارئ و نظام عام و غيره
علي كل ما أطول عليك ما دام وصلتك فكرتي
تسلم علي التعقيب
و نتواصل
degna :
تسلم يا صديقي و هي حتفرح جدا بكلماتك الرقيقة دي
اتواصل معاي .. عندك كل سبل الاتصال بي

محمد

محمد أيها القادم فينا .. بعفوية وقدرات إبداعية تثير الدهشة
لكني لن أندهش من قدرات الشبل لآني أعرف أي عرين أسود أنجبه
دع عنك الوالد قسم البارئ فهو مدرسة بذاتها فهناك الخال الأستاذ المناضل الجسور كمال عبد الوهاب والخال الفنان نور الدائم والشاعر المبدع محمد المهدي عبد الوهاب و .. و ..و ..0
فيا محمد .. يانيل يا سليل الفراديس .. أمتطئ صهو الكلمات وأسرح وأمرح في هذا البورد تتبعك الدعوات الصالحات وربنا يحفظك

العزيز الصغيروني موديك
جميله والله وبختها جكستك دي انا لو كنت اصغر شويه كان يبقى لي معاك كلام تاني لووووول
اكون سعيده لو اعتبرتني اختك وصحبتك
مع كل حبي

عاطف عبدالله الرائع

عندي احساس بانك ما غريب علينا .. كأنك من العائلة .. انت فعلا من العائلة .. لأنو ناس امدرمان كلهم عائلة واحدة ..
فعلا بتمني أقابلك و الأمنية دي حأحققها بعد امتحاناتي المقبلة .. حأسجل ليك زيارة في أبوظبي و لينا حديث

حنين :

لي شرف انك تكوني صاحبتي و أختي .. أصلا انا كنت بتمني أخت
دمتي لي و نتواصل

محمد

عـــــــــــــــــزة
صديقتي الرائعة .. اهداء ليكي

مودك

لازالت الارض حبلى
تبشر بك
احفظ الكلمة تجدها تجاهك
انها وقودالمصابيح فى الظلمات
وانت امسكت باول خيوط الضوء
دعه يتوهج
دعه يتوهج
ولك الايام الواعدة

ABUKHALID
كلماتك المشجعة في هذا المساء الهادئ تجعلني أشعر أن الدنيا ما
زالت بخيرها .. أشكرك فعلا علي التعقيب و ان كانت كلمات الشكر لا توفيك حقك
دمت لي

محمد

بالمناسبة عندى قصيدة نزلتها فى البورد
عايزك تقراها
عنوانها قصيدة

Modic,
wooooooooooooooo, beautiful.
Keep up with excellent work

ABUKHALID
أتمني أقراها بس لو أديتني لينك مباشر ليها بكون شاكر جدا لأني ما حريف في التفتيش و بالمرة أكتب ليك رأيي حولها
شكرا ليك .. و بانتظار اللينك علي فارغ الصبر


sudani

يسعدني جدا انها عجبتك .. أشكرك جدا علي التعقيب الجميل
keep in touch ..


محمد

على البورد الصفحة التالتة او الرابعة
امشى اسفل الصفحة وراجع 3 او اربعة

العزيز أبو خالد قرأت قصيدتك الرائعة و الجميلة في آن
تجد تعقيبي عليها في هذا اللينك :
قصيدة
لك كل الود
محمد