اخر تطورات ازمة الحمى القلاعية بالسودان ومشكلة الالبان واللحوم

تحية لكل الاخوة
مازال اللغط دائرا وصار الموضوع حديث الكل بعد ان اتسعت دائرة المتضررين
بائعو الالبان من اكثر الفئات تضررا
كان سعر رطل اللبن 600 جنيه
الان يباع خمسة ارطال بالف جنيه والمشترون قلة
المستفيدون من الاشاعة هم : ا
هناك المواطنون الما مصدقين الاشاعة اشتروا الالبان بكميات كبيرة وصنعو الزبادى والمش والجبنة
صغار العجول الذين كان وقت حلب امهاتهم يبعدون عن الرضاعة حيث ان اللبن صار يحلب بكميات صغيرة حتى اصيب العجول بالتخمة بعد ان كانوا لا يشبعون بسبب بيع اللبن
تجار لبن البودرة حيث ارتفعت نسبة مبيعاتهم بكميات كبيرة وظاهر فى السوق كميات كبيرة من لبن البودرة بالجوالات تنتهى مدة صلاحيته يوم 28 / 12
وانا متكد ان استمر الحال بهذه الطريقة سوف تباع كل الكمية

---------------------
نتحول الى الجانب الاخر
اللحــــــــــــــــــــــــــــــــــوم
------------------
ايضا عزف الناس عن لحوم الابقار مما سبب تدنى الاسعار
كان الكيلو ب 6000
الان يصيحون عبر الماكرفونات بسعر 4000 و 3500 ولا مستجيب
--
على النقيض تماما
كان كيلو الضان 7000
ارتفع السعر الى 8000
لان الضان - كما يقولون - لا يتاثر بالفيروس
ولارتفاع سعر لحم الضان وعدم قدرة الكثير من المواطنين على الشراء
نتج من ذلك ارتفاع نسبة مبيعات (مرقة ماجى) و العدس
--------------------
احتجاجات عالية من فئة الاطفال
( ماما انا داير شاى بلبن )
(يا ولد ابوك مشا يجيب لبن بودرة اصبر شوية)
(لا لا انا ما داير لبن بودرة ما بريدو انا داير حليب)
( حليب يطلع عينك ما قالوا ليك فيهو مرض)
( طيب حمادة ود عشة بشرب حليب وانا ما بشرب ليه)
( خليهو مالك ومالو )
------------------
فئـــــــة الاطباء : ا
لا اظن ان هناك فترة مرت على السودان اختلف فيها راى الاطباء مثل هذه الايام
بعضهم يامنون على وجود المرض وصدور توجيهات لهم بعزل كل من له تلك الاعراض
اخرون يكذبون الاشاعات وياكدون خلو السودان من هذا المرض
يدعمون رايهم بان هيئة ابحاث الثروة الحيوانية اكدت سلامة ابقارنا من هذا المرض
بعضهم ياكد خبر وفاه الكثيرون لكن يقولون انها امراض عادية
------------------
وزارة الصحة :ا
صدرت بيانات فى الصحف اليومية تطمئن المواطنين وتدعوهم الى معاودة حياتهم الطبيعية وعدم تصديق الاشاعات
-----------------------

اخوتى الاعزاء

اعذرونى لكثرة كلمة قالوا فلا احد يستطيع التاكيد الان
لكن اوعدكم ان اوافيكم بالتطورات اول باول



ملحوظة :ا
نسيت فئة النسوان وحبهم للزيادات فى الاخبار حيث وجدوا راحتهم هذه الايام
(مشيتى لى ود حسين فى المستشفى )
( هى يا بت امى قالو زيارتو ممنوعة عندو حمى)
( والحمى بتمنع الزيارة؟)
( وحات الله قالو متهمنو بالمرض الجديد ده بتاع اللبن)
( سجمنا يعنى الكلام طلع صاح )
وانتى قايلاهو شنو انا امبارح متشاكلا مع ابو الوليدات ودفقت منهم ملاح امبارح عشان فيهو لحم بقر وبشربهم الشاى الايام دى ساده ساى وقلت ليهو يا تجيب بودرة يا تشربو ساى
( سجمى انا واللاى الليلة مشرباهم لبن بقر عاد كان كده يسمهم تانى)

مع تحياتى للجميع

شكرا على فتح ملف الفساد والصحة فى السودان

ولجوءك للسيناريوهات الداخلية اضفى على التقرير حيويه كبيرة
عندى ليك سؤال

سمعت بالصدفية؟؟
فى حساسيات وامراض جلدية كتيرة متفشية فى السودان لما انا كنت هناك

من ضمنها الصدقية دى،

زى الزول المتشتش بالنار فى جسمو كلو

يا الله

منظر قاتل..
دى شنو واشبابها شنو؟؟؟
عندك فكرة؟؟

مرحبا وشكرا للتعقيب
سمعت بالصدفية من بعيد لبعيد لكن اوعدك بانى اجيب ليك خبرها
اما الامراض الجلدية فوافقك الراى فى تفشيها خاصة الاكزيما

ارجو ايضا من الاصدقاء الذين لديهم معلومات اضافية عن هذا الموضوع مد الجميع بها

ود الحلفاية تحياتي
بتنا اكثر ضبابية في الرؤية بالرغم من معلومات الثرة التي تساعد علي التحليل السليم لهذه الاحداث . سمعنا من بعض الاخوة والاخوات ما يتسق مع تحليلك للظاهرة وخاصة فيما يتعلق بتجار لبن البدرة . اقترح ان تذهب الي د.عقيل سوار الدهب للتاكد من الحقيقة وبالتحديد
حول نسبة الوافيات بهذا المرض إن وجد ولا زال القلق مستمرا

شكرا للسيد وزير الصحة بسودانيز اون لين
ليست اساة لكنها محبة
عمر

رايك شنو اعينك وكيل للوزارة
الايام دى كايس لى وكيل
لكن يكون ما وكال

سلام من الله عليكم
فى ظل الضبابية ومرور الزمن وضعف مقاومة منع الابان واللحوم اضافة الى الحملة التى قادتها وزارة الصحة لتكذيب الاشاعات
فان الكثير من المواطنين قد عاودو حياتهم الطبيعية مغلقين اذانهم امام الشائعات ومدعمين موقفهم بتصريحات وزارة الصحة وتاكيدات مركز ابحاث الثروة الحيوانية
وبدات الشائعات تخبو رويدا رويدا
نتمنى السلامة والطمانينة لكل ابناء بلدنا

اخوتى
كانما تم سكب ماء على نار الشائعة
عاد تجار الالبان الى معاودة نشاطهم ورجع السعر الى ما كان عليه
وعادت اللحوم الى المنازل
لكن؟؟؟؟؟؟؟
مازال بعض المتشددين يواصلون ضغط عائلاتهم ويمنعونها
----------------------------------------------------------
ساستمر فى موافاتكم باى تطور

http://www.who.int/inf-fs/en/fact207.html
هذا الموقع به بيان باللغة الإنجليزية عن المرض

============
وهنا نشرة من وزارة الصحة إلى الأطباء عن كيفية التعامل مع حالات الحمى الغريبة والأعراض والعلامات الغريبة.

Ministry of Health-State of Khartoum
General Directorate of preventive Medicine
Deaprtment of Epidemics

Warning

Dear Doctors:

Any case with suspesion of sudden onset of fever & one or more of the following symptoms:
1. bleeding from gums, eys, nose & subsutaneous at the site of injection or blood stained vomitous or stool.
2. deterioration or loss of vision of sudden onset (unilateral or bilateral).
3. deterioration of consciousness with convulsions,coma, & paralysis. Please follow the following steps:

1. do the supportive management.
2. take 5 ml of blood in a special container & give it to preventive medicine coordinator on duty before starting any treatment.
3. write down full information about the patient clearly & acurately.
4. report down the case in the registration from found in the medical director's office.
5. fill up the followup sheet every 6 hours.
6. call the department of epidemic diseases at these numbers
779557
012903497
012235329
012258112

شكرا للمعلومات المفيدة
ونواصل من اجل الفائدة العامة

........................

الأخ ود الحلفايا
لقد كنت أنا من أول المبادرين بإعلان الحمى القلاعية من خلال هذا البورد، وأعتقد بأني قد تسرعت كثيرا في ذلك الأعلان حيث أتضح لي الآن عدم وجود الحمى القلاعية بعد أن جمعت عنها بعض المعلومات منها أنها تضر بالأبقار وهي غير قاتلة للإنسان ولكن هذا النقدالذاتي الذي أقدمه لا يعني أن الأمور سليمة 100% والسودان أو الحيوانات خالية من الأمراض . فهناك مرض وهناك فايروس وهو خطير وقاتل للإنسان ولكن حتى تتضح الحقيقة لا بأس من القبول بأعلان براءة اللحم واللبن
أتمنى أن تصدق الحكومة يوما حتى نصدقها فيما تعلن .. ولكن مع هجم النمر .. هجم النمر وها ها ها مع محمود الكذاب لا أامل في لحظة صدق واحدة وفاقد الشئ لايعطيه وكان الله في عون الشعب السوداني

اخى عاطف
احترم جدا نقدك الذاتى وياريت نكون كلنا بالصدق ده مع انفسنا
سلم انشاء الله السودان من كل الامراض الخبيثة
ويتم ذلك انشاء الله بصدق ونقاء وطيبة اهلنا الطيبين

Wad el7alfaya and all,
salam, thanks for the update about this serious disease, the government and the Ministry of Health are to blame for the spread of rumours and lack of information about the outbreak, unfortunately this is usually the case in Sudan, people are left to speculations and the government does not interfere until things become out of control.

Tumadir:
Alsadafiya is called Psoriasis, it is a chronic skin disease and is not transmitted from one person to the other, the cause is unknown but it is due to some immune responses of the body, I do not think it is common in Sudan but as we do not have reliable statistics my opinion is as speulative as yours. Thanks

Foetus
لك كل الشكر على تعقيبك

وللاخت تماضر معلومات عن الصدفية

اها يا جماعه نضرب على مسوليتكم واالا شنو؟؟
غايتو انا بقول بسم الله الذي لا يضر مع اسمه شي في الارض ولا في السماء
لانو والله المصايب بقت كتيره وما عارفين نلقاها من وين واللا من وين
واذا كانت دي اشاعه ساكت فحسبي الله ونعم الوكيل لانو في ناس مساكين بيوتهم اتخربت من ورا الكلام دا
الله يعافينا ويعافيكم

والله يا اختنا حنين
انا شخصيا
وناس بيتنا
ما وقفنا اى شى
واللبن لم يغيب يوما واحدا
-----------
فى حاجات كتيرة الله حافظنا منها
والله يوم شفت الموية البنشربها ايام الفيضان
نقول ما نعيش يوم واحد قدام
------------
ربنا يعدى الازمة على خير