|
!!! شتات يافرده
|
كانت فى عمرالسبعين تمتطى دفارا من دفارات العاصمه الحضاريه. اتاهاالكمسارى..اخرجت له ديناريه فئه المائتين وخمسين جنيها وعند نزولها طالبت بالباقى. ابتسم لهاالكمسارى بمكر وتشعبط علىالباب ودق علىالحديد ودق معه الكناش وصاح قائلا شتات يافرده.. فماكان منهاالا ان رفعت يديهاالى السماء وقالت
بركه الله والخلفا تجيك الدوشه والرجفه اريت الباقى فيك يبين قبل ماتمرق السفه يضرب ليك لستك تك يبرد نارى واتشفه لضحت الباقى قلت شتات اريت نيسان مع اللفه تشتت انت ودشرفى والقوالقاسى فى ام جلفه
اريت الميه بس تبراك تغشى جزلانك ابوصوره تقرقر فى دنانيرك تبقيها قلعه مهجوره تعاين ليها تتفقدتلاقى مرايه مكسوره تقطع جاز وتتلفت زى بنيه مشروره وتاخد ليك جداده تمام تقول غدوتنا مبهوره ينط كلب الفريق تلب يخلى غداك عجوره
اريت النومه بالباقى تلحق نومه اهل الكهف وبكره يجبو زول غيرك ويختوك انت فوق الرف ولما تضيق عليك شديد تقابلك وحده قاويه كف تقول ليك قمت بالباقى وحق الناس يجيك بالصف
وياالكمسارى مابنساك وفوق دفار بنتلمه تعاين لى وتضاير تجيك الرجفه واللخمه تسيح وتنز عرق خيران تقول بس انت داندرمه تكشف بى طرف عينيك وترجع تانى فىالزحمه واريت الباقى فيك يبين وبيك تتشمت الامه
|
|
|
|
|
|
|
|
Re: !!! شتات يافرده (Re: 3asoola)
|
لم تترك هذه العجوز شاردة ولا واردة إلا ذكرتها في دعوتها على هذا الكمساري والذي لحس باقي دنانيرها غير موقرا لشيخوختها ، وأحسب أن دعوتها تلك لن تنزل أرضا دون إستجابة ولو بعد حين وذلك الحين ربما يكون تقاطعا أو تقاطعين أو حتى إشارة مرور واحدة ونقول لتلك العجوز الجاتك في باقي الدفار سامحتك.
| |
|
|
|
|
|
|
Re: !!! شتات يافرده (Re: almulaomar)
|
الاخت عسولة
لا شك انها محن اهل حلمنتيش فهم لا تفوت عليهم شاردة ولا واردة الا وصوروها بشكل جميل جدا يضحكك ويسبر بك غور المعاناة فلا تملك الا ان تعجب بهم كثيرا..
هاتى المزيد من ذلك عزيزتى فهو جميل بحق
لكن الكماسرة بعملوها والله
| |
|
|
|
|
|
|
Re: !!! شتات يافرده (Re: 3asoola)
|
الاخت عسولة والعمدة قرشو والجميع : تطرقنا في حديث بعد إفطار رمضاني أمس عن موضوع مشابه فقال محدثنا إنه تجري محاكمة في أمريكا لشخص يعمل في بنك وتمكن من برمجة نظام الصرف في البنك بحيث يحول لحسابه الخاص كل مبلغ يقل عن دولار من كل عملية مصرفية . فكان أن جنى ثروة من هذه الفراكشنات . فعلق أحد الظرفاء قائلاً لو كنت في مكانة فسأقول للمحكمة أنا جاهز جيبو لي أي واحد فقد من حسابه عدة سنتات وليطالبني وسوف ادفع له . هذا تشريع جديد في السرقات
| |
|
|
|
|
|
|
Re: !!! شتات يافرده (Re: Ahlalawad)
|
الأخ اهل العوض
ياخى الامريكان ديل رغم بلاويهم الكثيرة لكنهم دقيقين جدا جدا وده شىء يعجب الواحد فيهم.. تعرف نحن عندنا فى السودان الصرافين اى فكة ما بدوك ليها طوالى فى جيوبهم وخاصة صرافين الجيش لانهم بصرفوا كل اسبوعين يعنى فى الشهر مرتين شوف بالله البواقى البلموها وفعلا فى كثيرين غنوا والناس كلها عارفين لكن وحاتك مافى زول قال ليهم تلث الثلاثة كم.. صاحبك ده مكار .. يعنى فعلا العاوز باقيه خليه يجى وهى سنتات لا راحت ولا جات ..
هذا يقودنا الى ان المسائل الكبيرة قد تبدأ صغيرة وغضنا الطرف عن الاشياء التى لا يحسب لها حساب يمكن ان تقود الى مسائل كبيرة جدا .. يعجبونى اولئك فى دقتهم المتناهية
| |
|
|
|
|
|
|
Re: !!! شتات يافرده (Re: قرشـــو)
|
salamat ya almulaomar فعلا واحده من هذه لابد من ان تستجاب كان ماكلهالانها مادعوات ساهله ...الله بس يستر علىالكمسارى... تحياتى
| |
|
|
|
|
|
|
Re: !!! شتات يافرده (Re: 3asoola)
|
اهليييييييين يامرحب بى عمدتناودى فعلا من محن حلمنتيش معليش بس نسيت اكتب دا فىالبوست...اما حكايت بعملوهاياما عملوا فينى عمايل لما مشيت الاجازه لوول... شكرا للمشاركه ياعمده
| |
|
|
|
|
|
|
Re: !!! شتات يافرده (Re: 3asoola)
|
اهل العوض سلامات...سبحان الله نفس الحكايه دى ظهرت عندنا فى لندن لكن بس ماعارفاالحصل للراجل شنو... بجيبب ليكم شمارو قريب لكن لووول
| |
|
|
|
|
|
|
Re: !!! شتات يافرده (Re: 3asoola)
|
الاخت الفاضلة عسوله .
الله يكون في عون الكمساري الشرد شتات ولا لقي جداده والحاجه الله يجيب ليه حقها , مع ودي دقنه البجاوي
| |
|
|
|
|
|
|
Re: !!! شتات يافرده (Re: 3asoola)
|
بمناسبة قام جارى دى قاليك فى بص وقع فى البحر...غطس بى ناسو...بعد شوية واحد منهم قلع ....الناس الواقفين فى الشاطىء شافوهو يطلع واحد واحد ويغطسهم تانى فى الموية واحد من الناس البرة قالى والله انت زول عندك مروة قام رد لى : مروة شنو؟ ده انا بافتش للكمسارى عندى عندو باقى
غايتو يمكن تكون قديمة مع تحياتى لصاحبة البوست عسولة
ودعزة
| |
|
|
|
|
|
|
Re: !!! شتات يافرده (Re: wadazza)
|
loooooooooooooooooooooooooooooooooooooool ya wadazza raheeeeeeeeebaaaaa اتخيل ماسمعتها قبل كدا؟؟؟؟؟ زى مابقولو there's a first for everything تحياتى
| |
|
|
|
|
|
|
Re: !!! شتات يافرده (Re: 3asoola)
|
وياالكمسارى مابنساك وفوق دفار بنتلمه تعاين لى وتضاير تجيك الرجفه واللخمه تسيح وتنز عرق خيران تقول بس انت داندرمه تكشف بى طرف عينيك وترجع تانى فىالزحمه واريت الباقى فيك يبين وبيك تتشمت الامه
ابداع ياعسوله اخيتي لكن الحاجه دي ياربي حتعمل فيه شنو لما الكمساري المسكين يسيح وينز عرق ذي الداندرمه
لكي تحياتي ياعسوله ووينك ماباينه
| |
|
|
|
|
|
|
Re: !!! شتات يافرده (Re: 3asoola)
|
3asoola
where are you ? Really really missing you shadeeeeeeeeeeeeeeed. Starving to see you and hear from you again.
Taslami
| |
|
|
|
|
|
|
|