الأنثى بين نور العلم ونار الرجل ؟؟؟

.
.

[qb]



تتفق معظم شرائح المجتمع ان لم تكن كلها على اهمية اكمال الفتاة
لتعليمها .. خصوصا حينما يتقدم لها عريس فى سن مبكره .. حينها يقوم
الرجل بكل مسمياته من اب واخ وقريب باسداء النصح للفتاة وتزويدها
بما يؤلف كتابا من اهمية التعليم وان شهادتها هى حماية لها من غدر الزمن والكثير مما نحفظه من انشاء

وفى ظل قصور فى السلم التعليمى لدينا مع القهر الاقتصادى الفظيع
تتخرج الفتاة من الجامعه وقد تجاوز سنها ال 25 او ال 26 عاما
وان لم تكن مرتبطة بشخص ما كان عليها الانتظار عام او اثنين املا فى ود الحلال .. ليتجاوز عمرها ال 28 مما يضعها فى ضغوط نفسية رهيبه من المجتمع

فى ذات الوقت يكون الرجل ( العريس ) وبقية الرجل بكل مسمياته يمنون انفسهم بزوجة ذات 18 ربيعا لابنهم او له شخصيا ان كان العريس
وان كان على علاقة بزميلة دراسه او حبيبة صبا متقاربه معه فى العمر
غالبا ما يجد معارضة شديده من بقية الاسره لاعتقادهم بكبر سن الفتاة
وقد يوضع فى اختيار يصعب معه التصرف او الانحياز لكفة دون الاخرى


السؤال هو

لما نقف فى طريق الزواج المبكر لهن عندما نكون الرجل ( الاب +الاخ ) بدعوى التعليم ونرفضهن ونختار سواهن عندما نكون الرجل ( العريس + والد العريس+ اخ العريس )0؟؟؟

لماذا يقف الرجل فى طريق زوجته حين ما تود اكمال تعليمها بعد الزواج فى حين انه وعدها مسبقا بذلك ؟؟

كيف نوفر للانثى فرصة التعليم الكامل مع ضمان حقوقها فى الزواج ان كان مبكرا او متاخرا ؟؟

كيفية معالجة هذا الخلل الواضح فى مجتمعنا ؟؟

وحتى لا تكون الانثى الاخت .. والانثى الحبيبه .. والصديقه والزوجه
والام ضحية لتقلبات الرجل الحياتيه .. وانانيتة ارجو ان
نناقش الموضوع بجديه



ولكم الود من بعد ومن قبل


ديك الجن

[/qb]

الناس دى صايمه ولا شنو


ديكو

Salam Ya Deko,
Am busy but let me put the 2 facts as I know:
1. Ladies are going further in education up to M.Sc and Ph.D and more and more,
2. Men are not keen to have an educated ladies ...
Age is not the problem but men are not trusting educated ladies
nice to say it by A MAN..

الاخت سودانيه تحياتى

اذن لما لايثق الرجل فى الارتباط بالانثى المتعلمه او الحاصله على درجات علميه عليا ؟؟؟
هل هى مسالة غيره ؟ ام حب الرجل للانثى المنقاده؟
وهل للنساء الحاصلات على درجات عليا يد فى عزوف الرجال عن الارتباط بهن ؟؟

قد اختلف معك فى عامل السن معظم الاسر يكون تبريرها لرفض انسانة ما
عامل السن وهناك مقوله يقولونها للسن المناسبة لزوجتك
وهى ان تقسم سنك على اثنين ثم تضيف اليها النص يكون السن المناسب لزوجتك
اى ان كان عمرك ثلاثون على 2 الناتج 15 وتضيف اليه 7
اذن السن المناسبه لزوجتك 22 عاما

لووووول

يبقى عامل السن ما مهم؟؟؟


ديكو




ديكو

سلامااات
خ ارد على اسئلتك سوال سوال
الاب و الاخ يعرفان غدر الزمان لهذا يخافان تزويج صغيرتهما قبل ان تكمل تعليمها .
خ تعمل شنو لو زوجها مات او طلقها او فى احسن الظروف احتاج \الزوج نفسه لمساعدتها \
لو اكملت تعليمها اصبح فى يدها سلاح فى وجه الزمان
اما العريس لماذا يتزوج واحده فى سنه \ و ذى ما بيقولوا اهلنا نتاقروا \ احسن واحده صغيه و جاهله يربيها على مزاجو
او قد يفكر ان بنات الجامعات صعبات و مفتحات و غلابويات
و اصلا ما دام هو عندو طريقع يعرس واحده صغيرونه مالوا و مال الكبيره
اما الرجل و اكمال زوجته لتعليمها فهو من اصعب الاشياء
ليس لان الجال ما عاوزه زوجاتهم تتعلم بالعكس هو عاوزها احسن زوله فى الديا
بس لازم بيتو يكون نظيف و مرتب و اولاده نظاف و شاطرين فى المدارس و اهلوا مبسوطين منها لانها مجامله و و تكون طباخه يتحدث بطبيخها الجيران و تكون مهتميه بروحها و شياكه و لو كل ده حصل ما المانع ان تكمل تعليمها ؟؟؟؟؟

عزيزى سمارت .. تحياتى


هل هذا يعنى ان العله تكمن فى بنات الجامعات ومقاوحتهن كما اسميتها


وهل تصحيح الوضع يبدأ من الجنس الاخر نفسه؟


وما العيب فى زواج انسانه تماثلك سننا ؟




ديكو

---

هااااى
ماذا سوف يحدث لو خطبت فتاه فرفضت و قالت انها تريد ان تتم تعليمها \ مع العلم ان العريس مناسب جدا جدا ؟
ماذا سوف يحدث لو تنازل الرجال عن بعض من الاشياء التى يظن انها حقوقه ؟
هذه اشياء بسيطه جدا لكنها لا تحصل عندنا فى السودان لانها ليست من ثقافتنا .
الفتاه اذا تقدم لها عريس مكسب و رفضته دى مصيبه تتكالب عليها خالاتها و عماتها و هاك يا نقه لحدى ما توافق
اما الرجل فدى قصه تانيه

ديكو

سلامات

بعيدا عن التحيز للانثى ..او التظاهر ضد الرجل

فى راى ان زواج الفتاة بعد اكمال تعليمها هو الانسب

اعتقد انه ده بيساهم فى الاستقرار النفسى لها ولاسرتها

ما عشان هى متعلمة وبس ..لكن فهمها فى انها ما اتحرمت من حقها فى التعليم ممكن يخليها راضية جدا

بعكس الاتزوجت مبكرا ..ح تفضل رغبة انها تتعلم موجودة جواها ويمكن ظروف اسرتها تمنعها من الاكمال حتى لو زوجها وافق

وكل ما تتطلع لزميلاتها وتلقاهم اتعلموا واشتغلوا قد تحس بشئ من الحسرة واكيد ده ح ينعكس على اسرتها وتعاملها معاهم وحاجات تانية كتيرة



هسه انا مستعجلة ..برجع تانى

اوكى

تسلم

وكل ما تتطلع لزميلاتها وتلقاهم اتعلموا واشتغلوا قد تحس بشئ من الحسرة واكيد ده ح ينعكس على اسرتها وتعاملها معاهم وحاجات تانيه كتيره

يا دريمز

طيب كل ما تتطلع لزميلاتها وتلقاهم اتزوجو وانجبو تحسى بى شنو؟؟؟؟


انا عن نفسى بشوف انو البنت يجيها عريس مناسب وعندو كفاءه ما تتردد وتواصل تعليمها بعد الزواج والتعليم هو الملحوق وليس الزواج وفى بنات كتار كانو معانا فى الدراسه وبى اولادهم واتخرجو معانا وهن الان موظفات فى شتى المجالات وده عمر بينقص عشان كده البنات يلحقو نفسهم قبل ما يفوتهم القطر بعدين واى واى ما بيخارجكم بعدين بتبقو على بدفع ليك حق الشيله واوضة النوم علىُُ وحاجات تانيه كتيره وتانزلات ما ليها داعى

والتحيه لاخونا ديكو



بكاش

صديقتى دريمز

نعم اتفق معك بان البنت تنضج بعد التخرج و تكون حينها اصلح للامومه

ولكن الست معى بان الخريجه الان تواجه مشكله فى الزواج .. وخصوصا ان تبعه تحضير ؟؟

اذن العوج وين ؟؟

ولا شنو


تحياتى

ديكو

ديكو

سلامات

ممعليش ياددوب شفت ردك ده

اذا كان هناك عوج فهو ليس فى البت ورغتبها فى اكمال تعليمها

بل العقل اللى لسه بفكر بعقلية الخمسينات وعايز واحدة ست بيت وبس تربى الاولاد وخلاص ..وعشان كده احسن ليه الصغيرة ويختار من البلى على حد قولكم!!؟

معقول فى رجل متعلم بعيش فى القرن العشرين لازال كل طمحاته فى زوجته كباية شاى بمزاااااج يا ديكو

طيب ليه ما تكون هى ذاتها المزاج ..بمعنى تكون الانسانة البتقعد معاك وتناقشك وتبادلك التفكير وتشاركك كل شئ

اذا كانت غير متعلمة هل ستكون قادرة علىالنوع ده من التوافق!؟

بعدين ابدا التعليم مما كان حاجز للمراة فى انها تكون ست بيت بالعكس اعتقد انها بتكون اكثر وعى وادراك لدورها ومسئوليتها تجاه اسرتها


فكروا فى نفسكم واسالوها بصراحة ..هل العيب فينا العايزين نتعلم ولا فيكم العايزين ترجعوا لعهد سى السيد!؟

ونواصل

ديكو

سلامات

ممعليش ياددوب شفت ردك ده

اذا كان هناك عوج فهو ليس فى البت ورغتبها فى اكمال تعليمها

بل العقل اللى لسه بفكر بعقلية الخمسينات وعايز واحدة ست بيت وبس تربى الاولاد وخلاص ..وعشان كده احسن ليه الصغيرة ويختار من البلى على حد قولكم!!؟

معقول فى رجل متعلم بعيش فى القرن العشرين لازال كل طمحاته فى زوجته كباية شاى بمزاااااج يا ديكو

طيب ليه ما تكون هى ذاتها المزاج ..بمعنى تكون الانسانة البتقعد معاك وتناقشك وتبادلك التفكير وتشاركك كل شئ

اذا كانت غير متعلمة هل ستكون قادرة علىالنوع ده من التوافق!؟

بعدين ابدا التعليم مما كان حاجز للمراة فى انها تكون ست بيت بالعكس اعتقد انها بتكون اكثر وعى وادراك لدورها ومسئوليتها تجاه اسرتها


فكروا فى نفسكم واسالوها بصراحة ..هل العيب فينا العايزين نتعلم ولا فيكم العايزين ترجعوا لعهد سى السيد!؟

ونواصل

دريمز سلامات

اتفقنا مع نهى ان التوافق الفكرى مطلوب

ولكن مع مسؤليات الرجل الكثيره والمفروضه عليه من قبل المجتمع
كرب للاسره ومسؤول عن كل احتياجاتها يوضع تحت ضغوط رهيبه تحتاج الى
زوجه بمواصفات معينه وللاسف بدل ان تكون الزوجه المتعلمه هى اقرب
للزوجه المطلوبه الا انهن اكثر تعقيدا للحياة الزوجيه من غيرهن
من النساء لذا يهرب الرجل لانصاف المتعلمات واللائى يسمح لهن تعليمهن بان يعطن عطاء طيب فى بيت الزوجيه

والله اعلم


ديكو

ديكو

سلامات وعيدك سعيد

اتفقنا برضو انه العلم بصقل السلوك اولا

تفتكر انه حكاية اكل طازج (يعنى مطبوخ فريش وهسه دى) مش برضو نوع من التعقيد

وان كان كلامك ده باكد ضوروة اكمالها لتعليمها اولا حتى لا تنشغل عن بيتها وزوجها بعد ذلك بغية اكمال التعليم او غيره

وبرجع مرجعونا لكلام انه الرجال غير متعاونيين فى مسالة المهمام المنزلية دى مما يعنى انه الوعود بانه ( ح اخليك تكملى بعدين) دى ...كلام ساى

وتاتى استثناء

تسلم

DEEK_ALJIN


تحياتي

أنا مع الرأي الذي يقول بأن تتزوج الفتاة بعد إكمالها تعليمها

التعليم سلاح لها ضد الزمن و المجتمع إذا ما غاب عنها ذلك الدرع الذي يقيها سواء كان ذلك أبا أخا او زوجا

و عندما تتعلم الفتاة تزيد قدرتها على التعامل مع الرجل و مع الأسرة بمنطقية ليس من خلال المحاضرات فقط بل إن الدراسة الجامعية تعطيها ابعادا أخرى من خلال التطور العقلي لها و اختلاطها أكثر بالمجتمع الخارجي و معرفة كيف يفكر الجنس الآخر الشيء الذي قد لا يتنسى لكثيرات من خلال الدراسة ما قبل الجامعية

ربما أجد أن الرجل أحيانا لا يتنازل عن طبعه الشرقي في أن يرى امرأته تأخذ منه النور لا من خلال تعليمها لذا يفضلها و هي لم تكمل ما بدأته من تعليم
و لكني أعترف أن الزمن قد تغير و قد نكون نعرف بعض النماذج التي يشجع فيها الرجل زوجته على الاكمال و التعليم

و ربما هو يريدها ان تتفرغ له و لبيته الحجة التي يبينها الرجال على زوجاتهم فيما إذا رأوا أنها تنحاز إلى عملها

و في النهاية اعتبرها مسألة موزانة و معادلات على الطرفين أن يحسباها
و في أي وقت أحسا اختلال هذا التوازن بين التعليم العمل الاسرة او غيرها عليهما ان ينظرا كيف يتعاملان مع هذه الأشياء

يا بكاش

اها نهى ردت عليك


بحسابات ديكو قال البت لما تكمل تعليمها وتنتهى بكون عمرها 26

المانع شنو انها تتزوج بعد كده

وزى ما قالت نهى تكون شخصيتها اكتملت وفهمت الدنيا احسن

خصوصا فى العصر البنعيش فيه الان ده

لازم تكون متعلمة عشان تكون مفيدة لنفسها ولاسرتها وكمان للمجتمع

شوفوا تفكير الشباب الايام دي في موضوع زي ده كالاتي
لو داير تتزوج شوف لك واحده بتاعت ثانوي عالي يعني
لسه بتقرا بشرط ما تكون وصلت الجامعه
عشان تقدر تعجنها زي ما انتا داير
والجامعه بعد داك ملحوقه
ده ما كلامي انا.......
ونصحيتي انا لو البت وجدت زوول تمااااام...
الدراسه ماسبب والله
لو هي جاده في موضوع الدراسه
ممكن تكمل بعد الزواج

المانع شنو تتزوج لما يكون عمرها 26 سنه ؟
دي ما خلاص القطر فاااات زماااان وفرصتها بقت ضيقه
ما زي ناس 20-22 سنه
ما سمعتوا بي البلي الجديد ولا شنو

أهلا ومرحباً بالديك العوعاي
خلي بالك أنت بطلت جنك وبقيت ديك مؤذن وعاقل
والله موضوعك ده موضوع مهم جداً بل في غاية الأهمية
لأن هذه الموضوع يخص نصف قطاع الشباب في المجتمع
وكما ذكرت التعليم مهم بالنسبة للمرأة والرجل كذلك ونمكن لفتياتنا الزواج في سن مبكرة ودون حرمانها من مواصلة التعليم
وأنا أختلف مع الأخت نهى مع تقديري العظيم واحترامي لرأيها
لأن الإستعداد الطبيعي نفسياً وفسيولوجياً للزواج والإنجاب بالنسبة للفتاة تبدأ من 18 وحتى 23 وهذا رأي الاطباء وعلماء الاجتماع
ولكن ليست هذه قاعدة والفتاة يمكن أن تحافظ على نضارتها وشبابها حتى مشارف الاربعين وتجد فرصتها للزواج ولكن بكل أسف مع ضيق الفرص وكذلك مع أزواج ربما لم يكونوا في مستوى طموح وتطلعات البنت التي يفوتها قطار الزواج وبالعربي كدي ربما تقبل (ضل راجل ولا ضل حيطة) تمشياً مع مثل إخوانا المصريين
وكل الذي أرجوه لحل هذه المشكلة أن تتاح للفتيات ظروف أفضل لمواصلة التعليم بعد الزواج
ويمكن بقليل من التضحية بين الزوجين أن تواصل المرأة تعليمها كتنظيم فترات الحمل وتنظيم الحياة داخل المنزل والتوفيق بين عمل الرجل والدراسة للزوجة والمجتمع مليئ بعشرات الأمثلة والتجارب الناجحة ويمكن الاقتداء بهم
نأسف يا ديكو على الإطالة وشكراً لطرحك هذا الموضوع القيم
وليد

شبابنا ازيكم

اها يانهى ... ودريمز رايكم شنو فى كلام بخاف وحبيبو ده


؟؟؟؟؟؟؟


تحياتى


ديكو

الله والله يا ديك الجن ...كلامك بقول انت جنمسلط..أسألني تاني عليك الله..والله ما عارفة مزنقنها علينا كده مالن و ياقولك كل زول بقول بعدين يا روحي...لكن في النهاية انا مؤمنه انه دي ارزاق رغم العوارض..وعلي قولة العرب صح إلسانك
وتسلم ودائما شايل همنا يا ديكنا

تاجوج عاش من شافك

جن مسلط ؟؟ الحاله اليومين ديل الجن مربطنوا انا ديك ساكت الايام دى


لوووول

ديكو

DEEK_ALJIN


Bakhaf
و الله البلي الجديد دا ما سمعنا بيه

Habib bldo

اعتقد ان الاستعداد النفسي و الاجتماعي كما قلت ينشأ عند الفتاة فعلا في هذه الفترة و التي اعتبرها العلماء السن المناسبة للزواج

لكن يبقى الاختلاف في التنشئة و التربية و استعدادية الفتاة لتقبل فكرة الزواج ككل و الزوج و حقوقه و واجباته
و بعض الفتيات تربين على الاستعدادية منذ نعومة اظفارهن و تربين على أنهن في بيوت اهليهن إلى أن يأتي فارسهن لأخذهن

و بعضهن تربين على الا يكون هنالك أكبر أثر للرجل او الزوج في حياتهن و لذلك نجد الفئات تختلف

و ربما لي عودة للنقاش المستفيض

ديك الجن
الظاهر لي كدا الحساب فرق معاك
لكن يا صاحبي الحساب دا كان زمان زمن كان عمر الزهر عمر الغرام التسعه عشر سنه الزمن دا بقي عمر الغارم من 25 ولي فوق
لكن بيني وبينك انا حبيبتي امها استاذه دخلوها المدرسه عمرها خمسه سنه يعني لمن تتخرج بتكون عملت يا دوب22 سنه
لكن برجاها لمن تكمل الماجستير عشان تعمل 25 سنه
لوووووووووووووووووووول

الاخت نهى جى ... تحياتى



حسب ماورد فى ردك ان الزواج موازنات بين الزوجين

اذن هل هذا اعتراف ضمنى بمساندة الزواج المبكر مع اكمال التعليم
فيما بعد ؟ واين الضمانات فى ان تكمل الفتاة تعليمها بعد الزواج؟

هناك ايضا ملاحظه واضحه وهى ارتفاع سن الزواج بالنسبه للجنسين
فى السنين الاخيره نسبة للظروف الاجتماعيه والاقتصاديه بالنسبه للشباب

السؤال هل استفادت الفتاة من هذه الفرصه لاكمال تعليمها؟

وهل حقيقة ان هناك ارتفاع فى نسبة العنوسه بالنسبة للخريجات ؟ والسبب؟؟


ديكو

السلام عليكم يا جماعة الخير
انا زوجة مدنى ...وعجبنى شديد الموضوع المطروح للنقاش دا ...بس فى حاجة واحدة فاتت عليكم كلكم انو موضوع الاولاد اذا كانت امهم دى متعلمة ولا لا ...دحين باقى ليكم فى الزمن الفينا دا الاولاد الامهاتهم ما متعلمات هل حا يكونوا بنفس مستوى الاولاد الامهاتهم جامعيات او الحاصلات على الماجستير او الدكتوراة؟؟؟

DEEK_ALJIN


هل ورد في حديثي أنني أشجع الزواج المبكر
لا لم أقل هذا و لكني أعتقد أن الفتاة التي وصلت تلك السن التي تكون فيها جاهزة لاستقبال الزوج أو الاسرة و لم تكن لها رغبة في التعليم أو مواصلة الدراسة فمن الأولى لها أن تنشأ أسرة ليس لأن الأسرة تأتي بعد التعليم و لكن لأنهابذلك تدخل في دائرة تطورها المعتاد في وقت لا يشغلها عن ذلك شاغل
لا توجد ضمانات يا عزيزي غير الاتفاق الوارد بين الطرفين بانه فيما إذا اختارا الارتباط قبل ان تكمل المرأة تعليمها فإنها ستواصل ذلك لا يمنعها الزواج
و نسبة لتغير الظروف الاقتصادية كما أوردت و الاجتماعية كذلك نرى ان السن قد تقدم بالنسبة للزواج و لكن ما زال هنالك نسبة لا يستهان بها من الرجال من يفضلون الزواج من صغيرات السن

و فيما إذا كانت المراة قد استفادت من التعليم أو من الفرصة المتاحة لها فإنني اقول لك نعم هنالك من أخذن على عاتقهن إعالة أسر لم يكن لهن ان يفعلن ذلك إلا بالتعليم
و منهن من استفدن في فتح أفاق لهن ليلجن إلى العالم و يتابعن ما وصل إليه العلم و يشقن طريقهن في الحياة و لكن تبقى الأسرة ضرورة استقرار و ضرورة إشباع لعاطفة

لك التحية

ازيك ياديكو ياخى مالك هابش الجماعة فى الوتر الحساس .. لكن موضوع جميل تشكر عليه
انا غايتو مع الآراء البتأيد زواج البنت بعد الجامعة بحيث إنها تكون وصلت قدر عال من الوعى والمعرفة مما يساعد فى تكوين اسرة مستقرة ومتحضرة . وبعدين انتوا عارفين نحن كويسين انه فى بعض الآباء بيرفضوا تزويج بناتهم قبل الجامعة . هنا فى المملكة تفشت ظاهرة وخاصة فى الآونة الأخيرة التى أصبحت فيها نسبة البنات المتعلمات كبيرة نوعاً ما حيث أن غالبيتهن يعملن التدريس وطبعا معروف انه راتب المعلمات هنا راتب مغرى . ولما يتقدم أى عريس لأبو البت يرفض أبوها دون الرجوع الى رأى البنت حتى لايفقد الراتب والمسكينات ديل يبدوا يقلقوا على مستقبلن . إن شاء الله ماحالكن يابناتنا .

ـــــــــــــــــــــــــــــ
أنا بلدى بلد الخير والطيبة

Badri

هل ما زالت نسبة الآباء الذين يغضون الطرف عن آراء بناتهن في مسائل جوهرية تخصهن كبيرة؟

نهى الندى

صباحك ورد يا غالية

ديكو

سلامات كتار

الناس الهنا

ازيكم


كويس انه الموضوع اخد حيز كبير من النقاش

انا بوافق نهى فى كل كلامها ..ولسه مصرة انه البنت احسن ليها تكمل تعليمها اول ..لانه التعليم ما الف باء تاء ثاء بس..فى نواحى تانية مهمة بتتصقل ..منها المسئولية اللى هى اساس اى بيت عشان يقوم ويستقر ..ثانيا النضج ..الفترة البتقولوا عنها مبكرة دى تجربة البت فيها بتكون لسه بسيطة ..تجربتها فى الحياة ..فى التعامل مع الناس ..مع المجتمع ..كلها بتكون لازالت فى اطار ضيق ..الا وهو حيز الاسرة ..لما تكمل تعليمها وتنتقل من مرحلة لاخرى اكيد ح تتعلم حاجات اكتر ..ح تتعرف على ناس اكتر وربما افضل ..حتى فكرتها عن الشخص العايزة ترتبط به ممكن تتغير

اذا التعليم مهم ..لصقل كل الجوانب دى ..عشان لما تختار ..تختار بثقة المدرك والمتحمل للمسئولية


ونواصل

لكن يا جماعه انتو معاى انو الخريجات وذوات الماجستير وكدا

فلسفتهن فى الحياة المنزليه اكثر من اللازم ؟؟؟

تحضرنى تجربة دكتور معروف مع زوجته حيث يقول ان حياتهم تحولت
لسباق محموم بينه وبين زوجته لنيل الدرجات العلميه
وان حياتهم الزوجيه اصبحت فى خبر كان ... وكانت النتيجه الانفصال

رايكم شنو


؟؟؟؟


ديكو

يا ديكو

دكتورك ده كان يعمل ليه واحده تانيه ويخليها هى فى الرف لتنال درجاتها العلميه

وانا ايضا اوافق على كلام الدكتوره نهى





بكاش

DEEK_ALJIN

هذا نموذج لا يأخذ به كقاعدة

ياسيدي هذا مثال لا يؤخذ كقاعدة إذ أننا نرى كثيرا من المتعلمات اللواتي ينجحن في إنشاء الأسر و تربية الأبناء دونما صراع على نيل الشهادات العلمية

و لكن كما قلت تبقى الموازنة بين البيت و التعليم أو العمل متروكة للمرأة و عندما تحس أن هنالك اختلال في المعادلة لها مطلق الحرية في أن ترجح كفة على الأخرى فيما إذا تعذر أن يحتمعا في توازن على الكفتين


لك التحية

اصلا فى كل الاحوال انا مؤمنة جدا بالمثل القائل ..القلم ما بزيل بلم

والتعليم اول مهامه انه يصقل السلوك

فلما يتحول العلم لسباق سلبى بحت يبقى ما له معنى وزى ما قالت نهى ده نموذج واستثناء ..ليس قاعدة

فى رايكم ايهما اكثر سلبيات المرأة المتعلمة ام ايجابياتها فى كونها ربة اسرة


وللقائلين ممكن تواصل بعد الزواج خلونا نقلب الحوار ده على جنبه التانى ونسالكم

هل فيكم من يتعاون فى المهام المنزلية ..هل فيكم من يرعى الاولاد فى انشغالها ..ولا كل ما يكون عندها امتحانات تمشى بيت ناس امها او تكلم اختها تجئ تقعد معاها

نواصل

بكاش ونهى واحلامز ازيكم


طبعا دى مش قاعده لكن شئ حاصل .... ولكن اعتقد انو الرجل
بيرجع البيت بعد عناء طويل لتامين لقمة العيش .. هنا يمنى
نفسه باكل طازج ( مش من التلاجه ) وكباية شاى عليها القيمه
وبيت رايق واطفال مرتبين وغير مزعجين
مش اطفال تربية الخادمه ... ؟

يعنى هو حيكون طوالى بالحاله دى ؟

بعدين اهتمامها بدراستها وشغلها حيكون اكتر من البيت

الا يتزوج ليهو واحده تانيه تريحهم هم الاتنين

ولا شنو ؟


ديكو

DEEK_ALJIN

أتراك تنادي بأن تترك المراة تعليمها من أجل كباية شاي بمزاج؟

هههههههههههههههههههههه

على العموم يا سيدي بات من الواضح أن على الطرفين التضحية من أجل أن يؤمنا حياة زوجية مستقرة و مريحة لكل منهما
و لما لا يضحي الرجل قليلا من أجل تنال المرأة بعض ما تدرجه داخل إطار كينونتها
و إذا كنا نتحدث عن أولاد مرتبين مربيين فإننا نرى من نماذج غير المتزوجات ممن نرى أولادهن و ما يفعلونه من إزعاج و شغب
إذن المسألة ليست مقرونة بالتعليم أم مواصلته
إنها مسالة مسؤولية يتحملها كل من الأبوين تجاه تربية أبنائهم
المشكلة يا عزيزي أنكم أنتم من يغض الطرف على أن مسئوليتكم تجاه هذه التربية تتعدى دوركم في تأمين الحياة الكريمة
أي أن الأم و رغم أنها عماد الأسرة إلا أنها ليست العماد الوحيد و يجب ان يرفع كل من الطرفين أعمدة الأسرة

نهى تحياتى

من حق الذى يكد طوال يومه لتامين اساسيات الحياة للاسره
ان ينعم بكباية الشاى ... وبمزااج

وريسين غرقوا المركب


وان كانت جل مسؤليات الرجل خارج المنزل الا ان هذا لاينفى
دوره داخله ولكن بصور اقل من الانثى .. والعكس بالنسبة للانثى
حيث ان جل مسؤلياتها داخل البيت وقليلها خارجه

وده كلو بيطلعنا من اصل للموضوع للنقاش حول الانثى العامله



اى ان الانثى العامله ربما تكون احدى اسباب هروب الشباب
من زواج ذوات الدرجات العلمية العليا


ولا شنو ؟

ديكو يا مجنون


تحياتي

أنا غايتو ما شايفةأنه في عزوف من الشباب عن الزواج من المتعلمات بالعكس الظروف المادية و ظروف الحياة حدت بكثيرين للزواج من متعلمات و ممن هن لهن وظائف ثابتة

و إذا كان من حق الزوج الذي يكد أن يجد له طبقا و شاي
فمن حقها هي إذا ما اختارت أن تؤدي دورها كاملا و سمعت من يقول بأن الأعباء المنزلية ليست في الأصل وظيفة الزوجة و لها أن تأجر عليها حتى إرضاع الأطفال تأجر عليه و أتمنى ان يكون هناك من يفتيني في هذا الأمر

و لا يصل الأمر إلى ان يكون هناك ريسين للمركب
أنما هي شراكة
و لكل منا دوره في هذه الحياة التي تمتد بامتداد العمر لو أراد لها الله ان تمتد


هههههههههههههه
دي اظنها مناكفة المتعلمات
أنا بقيت الرد بالرد

هههههههههههههههه

العزيزه نهى


تحياتى

Quote: الأعباء المنزلية ليست في الأصل وظيفة الزوجة و لها أن تأجر عليها حتى إرضاع الأطفال تأجر عليه

ده المجنن بوبى زاااتوووو يا دكتوره


لووووووول


ديكو

لأكن يا ديكو الكلام دا ما عشان انا متعلمة أو القاله قاله من منطلق العلم


الحكاية دي قالوا افتاء من الدين و نسأل أهل العلم إن كان منهم من هم بيننا ليفتونا في الأمر

العزيز ديكو ساكت

موضوعك حلو زي الكركدي بتاع الليله هههههههه يكه

يازول شوف كدي عليك الله عاين لي اهلك وناس الحلة وحتى ناس البورد زاتووو
بتلاقي ان معظم اهلهم لم ينالو حظ من التعليم وتزوجوا مبكرا ونجحوا في تربية جيلنا الحالي مابعده نجاح
انا في ارئ انو خريجة الثانوي قادرة على تحمل المسئولية وتربية اطفالها على اكمل
المشكلة ياديكو في الشباب يعني نحن دايرين نتعلم ونخلص الجامعة ونشتغل وتساعد اهلك وتكون نفسك وتتزوج ح تلاقي عمرك راح شمار في مرقة يعني البنات ماعندهم اي ذنب في ذلك والمسالة مسالة عرض وطلب زي مادرسوك في الاقتصاد يعني البنات شافو تاخير الشباب عن الزواج وواصلو تعليمهن بدلا من الجلوس في البيت ويشكلو عبء على الاسرة

الدكتورة نهى لا شك انو التعليم مافيهو كلام بس لمن نجي في حتة البيت والطبيخ وتربية الاولاد تقريبا مابيكون في فرق كبير وده راي شخصي مع اخذ كم عينة من الاسرة والحي بتاعنا

ياحبيب الكل والله انت الفيهم لكن طيب حبيبتك دخلت عمرها خمسة سنة و اتخرجت وعملت ماجستير وعمرها ح يكون خمسة وعشرين سنة اها انت في الفترة دي بتكون بتعمل في خطوات تنظيم ولا شنو هههههههههههههههه يكه يعني انت مابتكبر يازول قع قع قع

بالمناسبة انا خطيبتي قالت مادايره تقرا جامعة قالت دايره العرس

زاتووووووووو

يازول يازاتووووو عاش من شافك


تقصد شنو يعنى انو البنات البوره بس هى الخلتهم يواصلوا
فى التعليم لنيل الدرجات العليا؟

طيب ماعندك برضو بنات كتار جدا رفضو الزواج من اجل اكمال تعليمهم؟؟


ولا شنو

ديكو

ديك الجن والمناقشون
العيد جاااانا كل سنة وانت طيبين
والله انا مستمتعة بالنقاش (بكضب ساي مغيوزة من نقاش الأولاد) ومتابعة المناكفة
قال بورة قال
انتوا بس قولو مااااابتقدروا على الاحساس بالهزيمة في النقاش خاصة لما تجي الهزيمة من واحدة

الاخت رمانه

كل سنه وانتى طيبه

وانشاء الله السنه الجايه البايرات كلهم يتزوجو


لووووووووول




بكاش

رمانه ... وانتى طيبه


الانهزاميه ان تتجنب فتيات البورد الحديث فى الموضوع

مع تحياتى لدكتوره نهى واحلامز وشجاعتهن فى تناول الامر
بموضوعيه


نحن معشر الرجال نعيش فى وسط اسرى ملئ بمثل هذه الحالات
ونعرف تماما اكتواء ذوات الدرجات العلميه العليا بهمزات وغمزات الاهل والحبوبات مما يصرفهن للتفرغ للتحضير اكثر واكثر
والتفرغ للعلم والعمل ولكن تبقى الام تتحرك فى دواخلهن واشتهاء ممارسة حياتهن الطبيعيه كزوجات تؤرق مضاجعهن

فلما السلبيه فى تناول الموضوع ؟


لك التحايا


ديكو

ديكو
أنا قريت البوست ده مما نزلته والحقيقة اني شفت الموضوع اصلا موجه للرجال لابداء الرأي أما تعليق العنصر النسائي فممكن يجي لاحقا تعليقا وتعقيبا على رأي الرجال في الموضوع
طبعا الحصل غير كده البنات الحلوات هن البدوا التعليق واستمروا في المناقشة
يعني الانهزامية ما بدت من طرفهن

رمانه تحياتى


يعنى تقصدى الرجال هم الزاغوا من الموضوع ؟

هم اساسا اصل المشكله فى اعتقادى عشان كده الكلام كان موجهه ليهم

بس الظاهر نهى واحلام عندهم حق


ديكو

rummana
DEEK ALJIN


هي ليست إنهزامية ربما لكن التنظير في هذا الموضوع ربما نظري اكثر من أي شيء و من يعلق هنا لا بد له من التعايش الحقيقي مع المشكلة باعتبار أنه إما على علاقة بامرأة متعلمة او ينوي الارتباط بها او انه ارتبط فعلا بها و سوى معها الأمر سلبا أو إيجابا

لذا فإن الخوض فيه متروك للنظرة الخارجية أو التجربة الواقعية


نحن انبرينا لأننا نراها مشكلة واقعة و تهمنا على أساس اننا قطاع المتعلمات المفلهمات المتطلعات
ربما إن جازت هذه الألقاب

نهى تحياتى


قلتى لى المتفلهمات


فلهمتكن دى زاتها ما الجايبه ليكم الكلام ومخوفه الجماعه


لوووووول


ديكو

………….
موضوعك المطروح شائك
وإن استفزتني فيه برغم طرحه الجاد تلك الوصاية اللتي يضعها
الرجال أنصافنا علينا ..
وكأن تلك اللتي أكملت تعليمها أو اختارته طريقا أو لم تكمل تعليمها واختارت الزواج شريعة
أو تزوجت ثم أكملت أو لم تكمل
أو اللتي تزوجت ثم بدأت مشوار العلم
لا تملك من تقرير مصيرها إلا ما يفرضه عليها أي ذكر بالغ ذوقرابة بها………
والمشكلة ليست في الزواج المبكر من عدمه..فكل ذلك يعتمد على إرادة الأطراف اللتي تنوي الزواج وصلابتهم ونضجهم ومدى فهمهم لكل التحديات والظروف اللتي سيواجهونها..
المشكلة في حصر تكوين أسرة بسن أحد طرفيها!!!!!!!
المشكلة في ربط إرادة الأنثى بإرضاء الأطراف الذكورية
المشكله كل المشكلة ألا تكون الفتاة مدركة لكل ذلك ولا تلقي له البال……
المشكلة حين يبحث كل رجل عن أنثاه بتلك الطريقة
إنها ليست مشكلة سن أو زواج
بل مشكلة الوقوع في شرك الرجوع للخلف أجيالا
والرضى بالعيش بذات عقلية من سبقونا وإن سبقونا بعقد
لنا الله إذا وإيمان بتغيير قادم



ولا يكفل أحد لأحد حقه في التعليم…
بل تدرك قيمته المؤسسات وتدعمه الدول
ليصبح كالماء والهواء…..
مشاعاً وطريقا يسلكه الأحرار..
ولسنا أخي نحن النساء من العازفات عن العلم ..
بل كل شرائح المجتمع
التحريض على العلم
مسؤلية جبارة
وتلك مسألة أخرى..
وفي نظري
لا تعارض سافر بين العلم والزواج فكلاهما ذا نفس إستمراري
ولكن الأطر الموضوعة في جعلهما في تنافر
أطر متخلفة
لا تنتهجها عقول بصرت النور…

DEEK_ALJIN


تحدثت اليوم إلى إحداهن
قالت أن كل من يصادفها يسألها فيما إذا كانت قد تزوجت أم لا


قالت أنها الآن تريد أن تتزوج فقط لتسكت ألسنة الناس عنها

تخيل ان يحاصر المجتمع الفتاة و يلجمها فلا تستطيع إلا تفر بتقديم تنازلات لترضى بأي كان في سبيل أن تحصل على لقب متزوجة
صدقني أحسست بغصة في حلقي و هي تكلمني


نار الرجل
ليست وحدها
بل نار المجتمع
لاذعة الحرارة

و ها هي ذي تحس أن لا دافع لها حتى لتواصل ما بدأت من تعليم
ليس لعدم إيمانها بأنه مهم
و لكن لأنها أضحت تحس بأن تقييم المجتمع لها كفرد قائم بذاته لا أرضية واقعية له
و إنما يجب عليها أن تكون تحت جناح الرجل



و في الجهة الأخرى رأيت أمرأة عرفتها زمنا
رسم الزمن و الحياة على وجهها تجاعيدهما
و بقيت هي
كشجرة أجتثت من جذورها
بدت لي شاحبة
مهمومة
و فكرت في نفسي أتراها تفكر أنها ربما أضاعت عمرها هدرا بلا زوج و لا أولاد؟

أم أن الله اعطاها من الصبر و القناعة ما يدخل السكينة على قلبها
و يكون لها سببا في دخول الجنة
و يبقى السؤال:
هل على المتعلمة في وقت من الأوقات أن تقدم تنازلاتها لتحصل على واجهة إجتماعية توقف بها لسع المجتمع من حولها؟

السلام عليكم ورحمة الله وبركاته

موضوع النقاش شيق جدا كما أعجبنى ردود نهى ودريمز

كما أطمن نهى أن ما تقوم به المرأه من أعمال فى بيت زوجها ليس واجبا عليها وأنما تفعلها بأرادتها وتؤجر عليها والله أعلم

سأعود لاحقا للتعليق فى هذا الموضوع بأذن الله


وفى أمان الله

لا اله الا الله

إفتقدناك يا ديكو

رؤيه شخصيه
أُفضل إرتباط بناتى قبل دخول الجامعه
إرتباط مقدس يبنى لهم مزيداً من الإستقرار
والطمأنينه فى مستقبل حياتهم
مع إشتراط إكمال التعليم
وإن كان هناك بعض التخوف من التخازل
يكون الإرتباط دون تبعات الزواج الكامل
فلابد من مواصله التعليم حتى أعلى درجاته

وأنا أكتب هذا الكلام فكرت لو أن أبو البنات
إستخدم حقوقه كرجل وقال
ماعنديش بنات بيرتبطوا قبل ما يكملوا تعليمهم
أنا فى الحاله دى أقبل وين
أستخدم سلاح النقه كزوجه متعلمه ونبدأ نختلف
هل يرتبطوا بناتى قبل الجامعه ولا بعده
ثم تتأجج نار الفتنه ويركب رأسه
وأركب رأسى
والعرس يطير فى السما

هى يا حلوين حلُّو المُعضله دى سريع عشان نبقى على بينه
ونقول لآبو العيال ما تمخطت عنه المُحادثات والإثباتات العلميه


عزيزتى نُهى
نار المُجتمع لعينه
و الأدهى والأمر نظره الإنسان المتعلم والجاهل سواء
أحييك على أسلوبك المُقنع والجميل فى النقاس
أنت وآحلام الجميله
ودمتم آعزاى

bint alahfad

وجن


لكن التحايا
bint alahfad

منتظرنك

و نرفعه تاني للناس الجديدة عشان تشارك

العزيز

ديكــــو الجميل

اخواتي الجميلات

افتكر الموضوع بسيط جدا.....وتجاربنا وتجارب اخواتنا واخوانا حولنا بتدينا الواقع الصحيح....ممكن جدا تكون مقتنع بمواصلة المدام لتعليمها بعد الزواج....ولكن بدون تدخل واضح منك بمنعها
هي تجد نفسها في ظروف جديدة....فيها حمل وولادة....وبيت...وقد تقرر تغليب اسرتها على اكمال دراستها...وهذا نموذج متكرر

ومجتمعنا السوداني بصراحة في الناحية دي نظرتو للمراءة متقدمة جدا عن باقي المجتمعات العربية.....ففي بعض الاسر تكون الشورة والقرار النهائي لمراءة معروفة برايها السديد وشورتها الحكيمة...فالمراءة عندنا لها مكانتها في المجتمع....ومنهن من قاد النضال ضد الاستعمار...وساهمن بقوة في البرلمانات المختلفة

وتعود الرجل والشاب السوداني ان تكون المراءة رئيسته في العمل...او استاذته في الدراسة
وكلنا يعرف اسر عديدة تقوم المراءة بكل اعباءها المالية رغم وجود رجال في تلك الاسر

فمجتمعنا لا يحمل عقدة تجاه المراءة

افتكر كلكم بتوافقوني انو المولى عز وجل خلق المراءة وبها غرائز لا نريد تشويههاوابرازها كثانويات امامرغبة المراءة في تحقيق ذاتها

الامومة

مظهرها ومظهر مملكتها المتمثل في بيتها

زوجها ورغباته

نوع من الحضور في المجتمع يختلف حسب وضعهاالثقافي والاجتماعي

فالمسالة في نظري بسيطة ولا تحتاج قومة نفس


ولي عودة

ديك الجن.......... اتوكلت عليك يا الله....... وقل لن يصيبنا الا ما كتب الله لنا........... يا اخوي السمحات قاعدت يعرسن بدري ولا بيتمن تعليمن ولا شي....... البيتمن تعليمهن ديل الشينات

هل لمس سجيمان الحقيقة

سجيمان

ود العمدة

وجهات النظر تختلف

وكل يرى فى نظرته انها الحقيقة

اذا لا اختلاف وليتمسك كل برأيه

تسلمو

العزيز ديك الدجن

احييك علي هذا البوست الرائع



انا اظن ان تحصيل التعليم اهم من البحث عن زوج

بمعني اخر

القرايه اولاً..




العزيز سيجمان

منو القال انه الشينات هن من يسعن لتكميل تعليمهم علي عكس الجميلات..

انا اظن ان الواعيات الفاهمات هن من يسعن لتكميل تعليمهن


و لا اظن ان هناك رجلاً متعلماً يرغب بالارتباط بجاهله حتي لو كانت اجمل الجميلات

وده راي شخصي



لكم التحيه

و

لى قدام