الزي القومي..بين مطرقة الحداثة ..وسندان الفقر

في
الماضي كان الرجل السوداني يتميز بالجلابية
والعمامة ،،والمرأة السودانية تتميز بالثوب
السوداني المعروف..اما اليوم اصبح هذا الزي
القومي والذي كنا نتميز به عن سائر الجنسيات
الاخري..لم يعد ذو اهتمام من قبل الكثيرين..اصبحت
المرأة السودانية ..ترتدي ازياء اخري بحجة ان
الثوب لم يعد عملي ..مع ايقاعات الحياة العصرية
السريعة ..اما الرجل السوداني ،حتي وإن ارتدي
الجلابية ..لا يهتم بوضع العمامة او حتي
الطاقية علي رأسه ...والتي يعتبر تخلّى عن واحدة من المظاهر
التي كانت تميز السوداني عن غيره..

بالطبع
هنالك اسباب قد يسوقها البعض ..بحجة ان
الجلابية او الثوب مكلفة ماديا وللظروف
الاقتصادية الحالية لا تسطيع الغالبية
شراءها....

عموما ..اغنيية
وردي والتي تقول " يا بلدي يا حبوب*** يا ابو
جلابية وتوب" لم يعد لها معني في وقتنا
الحاضر لأن البلد لم تعد ابو جلابية وتوب.

السؤال:
كيف تسترجع ماضي بلادنا ونعود لزينا
القومي؟نتجلبب ونتعمعم ..حتي نشير ومن علي
البعد ..داك سوداني ..داك زول

أعلم ان
هذا الموضوع يمكن تناوله من جوانب كثيرة ..لذا
نرجو من الاخوة والاخوات التفاعل وكل يدلى
بوجهة نظره...

< لاهمية الموضوع ..نرجو التداخل ..لان زينا القومي آيل للأندثار والتلاشي..>

يا جماعة ..يا بوردات ..قولوا حاجة ...الموضوع محتاج توم وشمار

العزيز
AL GURAIR
تحية طيبة
الحقيقه انه موضوع مهم جداً وخصوصاً ان معظم من فى البورد هم فى الشتات فلابد من سماع آراء سديدة وموضوعية من الجميع لأن اللجلابية والعمه والتوب مميزين بالضم ومميزين بالفتح للأنسان السودانى داخل وخارج الوطن والتركيز كمان أكثر على الشباب فى هذا الطرح, لأن مدى قناعتهم بالزى وأنعكاساته هو صمام الأمان الوحيد لعدم زواله واننى أتالم جداً حينما ارى الموضه ينساق وراها كبارنا وصغارنا كالجلاليب الملونه والعجيبه.
فى أحد المؤتمرات العلمية كنت ألبس الجلابيه البيضاء والعمّه بين أكثر من جنسية وعرف الكثيرين بأن هذا هو الزى القومى السودانى وكم كنت فخوراً خصوصاً وان الكثير منهم لم يكن يعرف ان هناك بلداً أسمه السودان
امّا بالنسبه لموضوع التوب دا فيكفى ان يرى الواحد منّا توب معلق فى شماعه تلخبط يومه كلو....ما أجمل التوب السودانى وأن كان البعض يتذرع بغلائه ولا أرى ذلك سبباً لأنه وببساطه المفروض يكون له الأولوية فى شراء الملبس
ولك الشكر على طرح الموضوع...

والله انا كلما القي فرصه
والقي زول مسافر السودان ولا الخليج بحاول اخليهو يجيب لي جلابيه
اول حاجه انها مريه ومميزه لينا
لكن نعمل شنو مع شتانا الطويل في ايوا
غايتو نرجا لينا حبة صيف

والله انا عايز لي سروال وعراقي

[URL]http://

< الاخ " انور " ..كثير من الناس يحبون التميز ..بالجري احيانا وراء صيحات الموضة ..والتي غالبا ..ما تكون احيانا ..غريبة جدا ..والهدف من كل ذلك هو ..لفت انظار الآخرين ..طيب بهذا المفهوم ..ممكن يكون الرجوع لزينا القومي ..حتي يكوت التميز ..وما لفت انظار الحضور ..في المؤتمر العلمي..الأ لأنك ترتدي الزي القومي ..التحية لك اخ انور..وتحية لك خاصة وانت توثّق للفن السوداني ..من خلال موقعك العامر ..وتلك ايضا ..حفاظ علي تراث بلادنا..

الاستاذ الموصلي : لك التحية والود ..وشكرا علي الزيارة ..ونورت البوست ..وارجو ان يمتد زينا القومي للخارج ..لانه ..بالفعل يعني الكثير ..ودائما ما يكون مدخلا للسؤال ..عن الوطن ..والتفاصيل الاخري..والتي نتمني جميعا ..ان نقولها للآخرين بفخر واعتزاز..

الاخ "سمير ابراهيم"
لا شك ان السروال والعراقي ..هما ايضا من صميم الزي القومي السوداني..لكن عند الخروج من المنزل ..وفي المناسبات لا بد ان يكون الزي مكتملا..تحياتي لك ولقدام..>[/URL]