لماذا فستان الزفاف ابيض ؟؟؟

لم تتفق كل نساء العالم على شيء
كما اتفقن على لون فستان الفرح
فالعروس الرائعة والجميلة هي التي تكون مميزة جداً في يوم الزفاف
بل عندما تدخل وهي ترتدي هذا الأبيض
تتوقف كل الأنفاس لبرهة ثم يستنشق الجميع الهوا مرة أخرى
لكنه هواء معطر جدا ويحمل نكهة خاصة
ترى لماذا لون فستان الزفاف ابيض
ولماذا يفضل الجميع هذا اللون
هل هي عادة
ام اسطورة
ام مزاج
ام ذوق ؟؟
اين الذهبي ؟؟ والوردي ؟؟ والتركوازي ؟؟ والأحمر المفضل لدى غالبية النساء
هل سيأتي اليوم الذي تتغير فيه هذه الموضة البيضاء ؟؟
وهل تفضل ان تزف عروسك بالأبيض ؟؟
وانتي ماذا تفضلين لون زفافك ؟؟
لكن السؤال الذي يخطر في بالي دائماً
لماذا نلبس فستان الفرح ليوم واحد
بل للحظات تمر كما الومضة
لماذا لايتم اعادة لبس الزفاف كل عام بمناسبة هذا اليوم التاريخي ؟؟
ولماذا لانحتفظ به كجزء هام من موروثنا العاطفي
انه بالتأكيد ليس قطعة قماش بل قطعة ثمينة من تاريخنا
افتونا يا أهل البورد من دخل منكم القفص ومن لم يدخله 00
مع تمنياتي للجميع بحياة زوجية سعيدة

أبو حراز
أيها السيكسفون المتفرد
مساء الخير
تعرف إنت قربت تبقى متعهد أفراح
طبعاً ما تفهمنى غلط ...قصدى بتفرحنا بى بوستاتك
لكن إنت يا أبوحراز الظاهرطولت من السودان
المسأله كانت فى الأول أسطوره ذى ما قلتا
أما الآن أصبحت موضه
الآن أصبح اللون الفضى أو الرمادى هما بطلا الساحه
والبرونزى له أيضاً نصيب
أما الأحمر والتركوازى فهم شواذ
وفى نظرى نوع من الشتاره
طبعاً أنا ماعارفه حا أعمل شنو لان أسئلتك دى
ما فكرت فيها قبل كده يا دوب حا أبدى أفكر
موضوعك المره دى رومانسي شديد
بعيد عن آى تكل يفسد هذه اللحظات الجميله
آحكى ليك نكته
مره مشينا عرس فخم
بهرجه ماعاديه ما بتوصف... العروس فى قمه السعاده
وبعد الإنتهاء من مراسم تقطيع الجاتوه
والعريس والعروس فى هجيج ونقزى ما عادى
فى واحده واقفه جمبي شكلها زهجانه
بترددمع وقع الموسيقى
الحلل...الشفع ...التكل...الكسره
الخضار...الملاح
قلت ليها ما كنتى تكلميها من قبيل
بجيك راجعه يا أبو حرازموضوعك شيق

ابو حراز ازيك

عاجبني غنية ابو عركي دي و من قبيل نفسي انزلها في البورد..مالقيت لي حتة ..بس لقيت موضوعك ممكن يناسبها

لماذا نلبس فستان الفرح ليوم واحد
بل للحظات تمر كما الومضة
لماذا لايتم اعادة لبس الزفاف كل عام بمناسبة هذا اليوم التاريخي ؟؟
*****

ابوحراز سلام
اعلم مضمون وابعاد عبارتك الجميلة لكن اعلق على ظاهرها
كدي اقدر على ثمنه اول يوم اولا
وبعدين البعوس ليك منو مع الفستان الطويل دا حسب وصفك لشريكتك
والله الا تخلي الشغل وتقعد لي مسك ورفع الفستان
حالتك متاخرة جدا
لك الود

لانو زى لون الكفن

فى امريكا هنا بقولوا التلاجة والبوتاجاز والغسالة والعروس، كلها
للراجل حاجات بيضا ، وبتسهل المعيشة والحياة اليومية

سلامات ابوحراز

لماذا لايتم اعادة لبس الزفاف كل عام بمناسبة هذا اليوم التاريخي ؟؟

كدي جرب اقرا هنا امكن تلقي اجابة بعد سنة ولا اتنين
شوفو تاني بتلبس

الى فاكهة البورد:ابو حراز
موضوع ظريف،لكن عندي ليك معلومه
من المعروف انو عاده الفستان الابيض عاده غربيه،والفستان الابيض ده يا سيدي من الاساس كان احمر اللون وفي نهايه القرن ال 18 تقريبا اصبح لونه ابيض ليدل على براءه العروس
وقالو في تفسير تاني انو العروس تلبس ابيض علشان تكون بدايه بيضا عليها،والعريس بلبس اسود لانو دي نهايه حياة بالنسبه ليه(ودي سمعتها في برنامج) اما ليه ماتلبسه كل سنه احتفال بالمناسبه؟
والله دي فكره جميله,ورومانسيه لكن للاسف في كل سنه في حاجات كتيره بتتكون تمنع تحقيق الامنيه دي

الحبيب ابو حراز

لك التحية

كما قالت وجن اخى فان فستان الزفاف تغير من اللون الابيض الى الوان اخرى كثيرة ..

تعرف نحن زمان اتخمينا اشترينا القماش وتوابعه وفصلنا فستان الزفاف وهى لبسة لساعات قليلة وبعدها وضع بعناية تامة فى اقصى ركن من دولاب الملابس

اما الشباب المفتحين الان فيقومون بتأجيره ولذا لا يلبس ثانية البتة لانه يعود لاصحابه..

ياخوى ما تشيل هم للفستان اصلك الحكاية تتأجر ويرجع زى العجب ولا من شاف ولا من درى..

انت بس ياخوى دق صدرك وقول يا عرس والله تلقى جنس دعم ما تتصوره اصلك

حفاظا على صحتي النفسية حلفت إني ما يلمني معاك بوست فأنا أعيش هذه الأيام في جو صارم صاري وجهه من طبيعة العمل ودغالة الروتين في المأمورية المكلف بيها اليومين ديل، وقمة الإنفصامية بتجي هنا، تلامة الشغل بتاعي والإنشراحة المرسومة على جضوم ولدك دا يا أب حراز

وتعرف أنا حققت ليك واحد من مستحيلاتك، فقد كان فستان زفاف أم الأولاد
زهري اللون، وقبل سنين طويلة لما كنت بشتري في الشيلة وبلف على المحلات دخلنا لينا محل فساتين بالصدفة بس ولقينا فيهو كمية من فساتين الزفاف البيضاء وعلى ركن خجلان كدا كانت هناك كمية من فساتين الزفاف الملونة كبدي وكحلي ولبني وزهري وبأسعار أقل من خمستاشر دولار بينما كانت أسعار البيضاء ثلاثة مرات قدر أسعار الملونة، وما كان في البال نشتري فستان زفاف ولا حاجة جاهزة إلا اللانجيري والستيانات والأحذية بس، لكن صاحبي الكان معاي قال لي تعرف فستان الزفاف في السودان بستأجروه بمبلغ وقدره في الليلة الواحدة وأحسن نشتري دا داما السعر شوية كدا وكسور من حق الإيجار في السودان، واشترينا الفستان، ولكن ما أتلبس لبسة واحدة بس، وأخر مرة أتلبس فيها كان قبل شهرين في العرس الخامس ولا السادس، وهو بقى ما حقنا وبقى لافي من عرس لعرس، لكن لو عاوز تعرس بيهو قول لي عشان أحجزه ليك من هسع دي

لماذا فستان الزفاف ابيض ؟

صباح الخير استاذي ابو حراز

لم افكر ابدا في اجابه لهذا السوال

اللون الابيض لون جميل وصافي لا ارى العروس جميلة الا وهي تردي الابيض

لكن مع الموضه اصبح هناك الوان غيره

لكن بقي اللون الابيض هو الجميل

لم اعلم انه اسطوره

جميل ان يلبس في ذكرى الزفاف

لكن احيانا زحمة الحياه قد لا تعطينا فرصة لذلك

لك تحياتي

وانت اليوم بموضوعك هذا غير

هو فعلاً اللون الأبيض في ثوب الزفاف شئ له تاريخ وهو تقليد غريب ودخيل على جميع المجتمعات العربية وإن كنت شخصياً لا أرى فيه عيباً وهو تميز لشخص مميز في ليلة مميزة لكين المجنن بوبي يا أبو حراز الطرحة الطويلة المن شارع الجمهورية لي شارع البلدية دي لزومه شنو يعني في داعي ليها وشوف عيني عاد وما قالو لي في عروس ماشه و2 شايلين الطرحه ده غير في أنواع من الفساتين زي القطيه بالضبط من فوق منزره ومن تحت منشره يعني من فوق ضيقه شديد ومن تحت زي شمسية أم الحسين الدايه تظلل معها أكثر من خمسة أشخاص من المرافقين لها تقول راكوبه. وأنا شايف إنها عادة وأسطورة وخوف من التغيير يعني المسألة ولف وبس.
أما حكاية لماذا تلبس العروس فستان الزفاف ليوم واحد فقط والله يا أبو الشباب هريتني بالضحك يعني معقول ما عارف ، المهم أنا حا أتوكل على الله وأقول ليك بالرغم من إن قولي هذا سوف يسوقني إلى حتفي وعلى كل حال من لم يمت بالسيف مات بغيره فهنالك سببان وجيهان لا يختلف عليهما إثنان السبب الأول هو أن الجسم بعد الزواج تحصل له بعض التحويرات والتغيرات التي تؤدي إلى ظهور نتوءات وكرضمات في مناطق مختلفة من الجسم وبالتالي يتعذر معه مرور مكالمتك عفواً مرور فستان الزواج حتى لو مسحت العروس جسمها بفازلين بفعل التضاريس الوعرة والمرتفعات الشمالية الشرقية، والسبب التاني حا أقولو ليك في التلفون ولا أقول ليك أسأل عكسو.
أما لماذا لا نحتفظ به يا عريس الغفله فأعلم سامحك الله أن نسبة تسعة وتسعون وتسعة وتسعون بالمائة في المائة من فساتين الزفاف يتم تأجيرها من صوالين التزيين في العاصمة وعشان كده يصعب عليك الإحتفاظ بعجلة الإيجار عفواً فستان الزفاف لأنه ليس ملكاً خالصاً لك وفيهو تأمين زي قزازة الفانتا زمان. وده اليوم الدايرنو ليك ويا أبحراز مبروك عليك

برضوه نرفع ده هنا


تحياتي ابو حراز

فستان الزفاف دائما بكون ابيض عشان مانتعب نفتش العروس في بيت العرس من بعيد نعرفه .بالزات في السودان مع زحمة الالوان.وان انشاالله انا حا البسه بعد زواجي من والله نسيت اسمه الولد الفي البوست بتاع العرس.

اسمو شمهروش الظبط الشاكوش

شكرا ليك ياشماسي ....عريسي ده بنسي اسمه طوالي ماعارفه ليه

أب حراز..تفاحتنا..كما قالت زهجانة..ردودنا هنا وما في
زول حيطبق شباشبه تحت أباطو ويقعد يحاحي بيها بين البوستات
كدى حاول مرة أخرى وخلينا نقبل على أكل عيشنا

اخي ابو حراز

الفستان ابيض تفاؤل بان الله يجعل كل ايامهم بيضاء ،، لكن سؤال انتي بتسئل ليه انتى عاوز تدبل ولا ايه بكلمها ....... لووووووووول

وانتي يازهجانه

عاملى ماعارفة اسم زوج المستقبل بردو كده ولا دلع بنات يعني ماحفظه.

الله اكون في عونه النسو اسمه من الان ..... نصحيتي غير رايك ياراجل قبل ........

العربي

الغربيون بلبسوهو ابيض عشان ما يبقو زي الرتوار لو لبسو اسود واحنا بنلبسو عشان نظهر
انت الظاهر مش طولت ساي انت طولت طول وعرض وارتفاع حسع نسبة لغلاء في موضة اسمها البلدى اي جدلة العروس مع فستان ملون واحلاهم الاسود والازرق والاحمر وايضا يعني بالاضافة للغلاء العرس بكون بدون عريس (العروس طرد) والحفلة بالنهار والعزومة غدا وطبعا ما ممكن تلبس فستان ابيض كبير في عز السخانة اما لماذا لا تكررالعملة دى كل سنة لانها ما بتكون فاضية من القطيعة والمجاملات وهو ما فاضى للمهزلة دي اقصد الحب بعد الزواج دا عندنا في السودان ام خارجه فالطلاق يتم قبل ان يأتي عيد الزواج اي قبل ان يتم السنة اما اذا تم فهم يحتفلون به ولكن فقط بالنظر اليه نسبة كما قال الاخ..... ولكن مكن انت تجربها وتحكى لينا يو

______________

الاخ ابوحراز

طبعا انا بشوف انا اللون الابيض يدل
علي النقاء والعفة وكل شي جميل
لذلك كل النساء اتفقت عليه
يعني مستحيل الواحدة تلبس فستان زفاف احمر مثلا
وكمان اللون الابيض بيمشي مع كل الوان البشره
يعني البيضاء والسمراء حيكون لائق علي الاثنين
وكمان هو موجود كده والسلام
يعني ذي بعض الاشياء الموجوده في العادات والتقاليد وما ممكن ان نغيرها
ولا شنو ؟

ٍسلام مربع

عشان العريس يفتح عيونه قدر
الريال
ويعرف ان هنالك رابط مقدس
مابين فكره الزواج نفسها
واللون الابيض

اذن المعادلة تصبح كالاتي
لون ابيض=زواج سعيد

ويتعلم الحذر وحسن معامله النسيج الابيض
ومثلما اللون الابيض حساس من سوء المعاملة
واللمس الغير مؤسس وغير نظيف
كذلك العلاقات الزوجيه
يجب ان يكون ملمسنا لها نظيفا
حساسا .. مهندسا
شفافا
مساويا لهذا النسيج الابيض

واهم شيء طبعا الكلام دا
للرجال الذين يعتمدون اللالعاب الخشنه ان يفتحوا عينهم قدر الريال
ويغسلون ايديهم كلما ايعز لهم الشيطان
ان يزوغوا كده ولا كده

والله كلو بقى جايز الان بالحاصل في السودان ، يعني ممكن نلقى بعد شوية فستان زفاف اسود ،
لكن يظل الابيض له جماله
وفي الاخر لون ابيض ولا بني المهم يكون في تفاهم بين الطرفين وهم مقتنعين ببعض وبيحبوا بعض

لان البدلة بتاعة العريس سوداء