Post: #1
Title: هاك نكتة ......شرط تخت بــــدلا
Author: garjah
Date: 10-18-2002, 03:32 PM
الرباطابي اشتاق يضرب كمونية
مشى الجزارة واشترى الكمونية
لاقاهو ادروب وقال ليهو
انت يا الرباطابي عازم كلاب
الرباطابي قال ليهو
كرتك ما وصلك؟؟
.
|
Post: #2
Title: Re: هاك نكتة ......شرط تخت بــــدلا
Author: اساسي
Date: 06-03-2003, 06:42 AM
Parent: #1
يا قرجة حيرتك صاح
تعرف امس اتزكرت لي نكتة واعتقد انها معروفة لكن برضو حاحكيها لانها عاجباني
الولد قال لابوه يابا انا عاوز اتزوج ابوهو قال ليهو طيب كويس النختار ليك رايك شنو في بت خالك قال ليهو الولد دقيقة يا ابوي انت كان بتعرف تختار امي دي في زول بعرسها
|
Post: #3
Title: Re: هاك نكتة ......شرط تخت بــــدلا
Author: garjah
Date: 06-03-2003, 07:22 AM
Parent: #2
اساسي
عرفنا دكين طلع بت قضيم
انت تطلع منووووووووو؟؟؟؟
|
Post: #4
Title: Re: هاك نكتة ......شرط تخت بــــدلا
Author: قرشـــو
Date: 06-03-2003, 07:31 AM
Parent: #3
حبيبنا قرجة
صباح المرح والفرح والضحك القرقراب
قلت لى ادروب كرته ما وصله بقى
حبيبنا اساسى
والله دى بالغت فيها عدييييييل كده
الرباطاب يا جماعة والله ناس ظريفين جدا وحلوين خالص وعشريين بس حاضرين البديهة ولعل معظم سكان البادية كذلك فهم لا يتعثرون فى ابداء الرد فورا ولعل الاخرين يختلفون فى انهم يبحثون عن الردود الدبلوماسية بينما هم لا يكترثوا لذلك ويطلقون الكلم كما يخطر على بالهم ..
وطالما كانت الموجة هكذا وكان الشرط ذلك فاليكم واحدة قديمة ..
رباطابى فارش جنازير للبيع وحتى نهاية اليوم لم يشترى احد منه وقبيل ان يلم جنازيره لاعنا سنسفيل الاسواق جاءه احدهم سائلا : يا خينا الجنازير دى للبيع
الرباطابى : لا شاريهن عشان ينشفن
لكم تحياتى وحبى
|
Post: #6
Title: Re: هاك نكتة ......شرط تخت بــــدلا
Author: garjah
Date: 06-03-2003, 07:38 AM
Parent: #4
العمدة الحبوب
قرشـــــــو
رباطابي راكب القطر وقاعد جنبـــــو واحد
الرباطابي قدم ليهو شاي
الراجل اعتذر قال ما بيشرب شاي
الرباطابي ولع سيجارة ومد ليهو واحدة
الراجل برضو اعتذر وقال ما بيدخن
اداهو حقة التمباك
برضو اخونا اعتذر وقال ما بيسف
الرباطابي اتلفت عليهو وقال ليهو
وراسك الكبير ده بس عشان تتلفت بو ؟؟؟
|
Post: #5
Title: Re: هاك نكتة ......شرط تخت بــــدلا
Author: اساسي
Date: 06-03-2003, 07:38 AM
Parent: #3
انا بطلع في راس البورد
لووووووووووول
يازول خليني انا انت عارفني انا كنت رومانسي وهناي داك
لكن المشكلة انت القالوا في اشاعة انك بتكتب باسم غدي
|
Post: #8
Title: Re: هاك نكتة ......شرط تخت بــــدلا
Author: SalahDirar
Date: 06-03-2003, 07:45 AM
Parent: #5
بورداب جدة .. سلام
إنتو ليه ما في زول خارج جدة دخل معاكم في المعمعة دي ؟؟ قرجة بني مالك كيف؟؟
قالوا في واحد في كسلا ، وفي مناسبة زواج كده ، وبعد ما اتغدى طلع عشان يغسل يده، وطبعاً معروفة قصة الأولاد البغسلوا الايدين ديلك والأسئلة التقليلدية ليهم
قال ليه : اسمك منو يا شاطر
قال: اسمي فلان الفلاني
قال: بتقرأ في سنة كم
بقرا في سنة خامسة
انت من وين يا شاطر
من أبو حمد
طيب وكت من أبو حمد الجابك كسلا شنو
قال ليه جيت عشان اغسل ليك إيدياتك ديل
|
Post: #24
Title: Re: هاك نكتة ......شرط تخت بــــدلا
Author: شرير والبرتقاله
Date: 06-03-2003, 09:44 AM
Parent: #3
صباحاتكم بشكل
التبادلية والتوافقيه
ياقرجه عارف اساسي منو؟
اساسي = دكتورة بيان
قرجه : وجن
يازول يازول = تماضر
ابو حراز = عديلة المتوهجه
كولا = غدي
ازيد ولا بلااااش
|
Post: #25
Title: Re: هاك نكتة ......شرط تخت بــــدلا
Author: garjah
Date: 06-03-2003, 10:07 AM
Parent: #24
بتاعتي كضبا كاضب
اساسي.....ممكن واحتمال كبير
يازول يازول........سعععععععبة
كـــــولا ......ما اظن
ابحراز........متوهج لكنو اعوج
|
Post: #7
Title: Re: هاك نكتة ......شرط تخت بــــدلا
Author: sentimental
Date: 06-03-2003, 07:42 AM
Parent: #1
قرجة
واحد زهجان من مديرو. اليوم داك جاء الشغل متأخر. المدير سالو: مالك متاخر ما عارف الدوام بيبدأ الساعة 8? قال ليه عارف لكن كنت نايم . نايم!! ده عزر ليك. ااىى... يعنى دايرنى اجيك نايم
لووووووووووووووووووووووووووول
|
Post: #10
Title: Re: هاك نكتة ......شرط تخت بــــدلا
Author: garjah
Date: 06-03-2003, 08:00 AM
Parent: #7
اساسي
حرام عليك يا راجل
ومن اين لي رقة غدي وقاموس لغتها الخاص بها وحدها
فهي رقم لا يتكرر
الاستاذ صلاح ضرار
بني مالك كانها حي من احياء من امدرمان
ففيها تلاقت عمم يا مرحى
ومنها نشتري كسرتنا وخبزنا
تسلم على الطلة
|
Post: #9
Title: Re: هاك نكتة ......شرط تخت بــــدلا
Author: Sobajo
Date: 06-03-2003, 07:51 AM
Parent: #1
قبل كل شى الاعتذار لكل قبايل السودان...
بعد السلام والتحية ,,,,
قالو شايقي ... صالح جداً ....
قام خش الجنة ... و ادوه كمان بيتين في الجنة ...
قام باع واحد ...و اجر التاني .... و مشى سكن مع عزابة في النار ....
و استغفر الله العظيم لي و لكم .....
للللللوووووووووووووووووووووووووووووووووووووووووووووووول
|
Post: #11
Title: Re: هاك نكتة ......شرط تخت بــــدلا
Author: garjah
Date: 06-03-2003, 08:05 AM
Parent: #9
سوباجو
اعمل ساتر
شايف لي جماعة شايلين عكاكيز
وجاريين عليك
|
Post: #14
Title: Re: هاك نكتة ......شرط تخت بــــدلا
Author: Ahmed Poison
Date: 06-03-2003, 08:17 AM
Parent: #11
قالوا رباطابي مسكوه في السعودية سكران.. قال ليهو الاخ سوداني؟ رد قائلا : لا لبناني مظلل
|
Post: #12
Title: Re: هاك نكتة ......شرط تخت بــــدلا
Author: Sobajo
Date: 06-03-2003, 08:09 AM
Parent: #1
يا قرجة ...
انت معاهم ... ولة ناوي تجري معاي ....
ما كان تورونا انو البورد هيئة دبلماسية ....
يا لطيف ... خلاس التوبة ... جني و جن المشاحنات الزي دي ....
|
Post: #13
Title: Re: هاك نكتة ......شرط تخت بــــدلا
Author: sentimental
Date: 06-03-2003, 08:17 AM
Parent: #1
garja,
a minsIter from the North has asked the following question to his colleage minsiter from the South:
What is the difference between girls in the south and girls in the north?
the Southern minsister answered:
The only difference b/n girls in the south and girls in the north is that girls in the north use something called TOKA...
LOOOOOOOOOOOOOOOOOOOOOOOOOOOOL
|
Post: #15
Title: Re: هاك نكتة ......شرط تخت بــــدلا
Author: nasiradin
Date: 06-03-2003, 08:29 AM
Parent: #1
ياخى انتو ناس روووووووووووووووووووووووووووووووعه
هوى روعه دى ما اسم بت عشات الحكايه ما تجيب ليها مقصات تمام
مسطول وقف تاكسى .. و قال للسواق: " يا إبن
"..العم .. تودينى وين .. و أدفع ليك كم ؟
.. بتاع التاكسى زاتو طلع مسطول
".. فقال ليه : " أنزل هنا و أدفع البتدفعه
------------------------
واحد الدنيا ضارباهو ومعصلجة معاهو
جاتوليلة القدر كان فى نفسو يقول عايز ابقى زي
صلاح ادريس من اللخمة قال عايز يكون زى ادريس صلاح ..
اصبح من الصباح لقى عربة كارو بى حمار واقفة جنب الباب
-------------------------------
مسطول دخل مطعم .. قال للجرسون:" عايز واحد
".. فول .. بس يكون من غير سلطة
الجرسون قال ليه:" السلطة الخضراء
.. العندنا شطبت
"..ما عندنا غير سلطة طحينة
المسطول قال ليه:"ما فى مشكلة .. طيب أعمله من غير
".. سلطة طحينة
------------------------------
واحد مسطول بيشرب سجارة وبيرجع البيت يفتح الباب بالمفتاح و يرقد ينوم
مرة كان مقرش اشترى سجارتين
ولع واحدةونسى التانية لما رجع البيت عاوز يطلع المفتاح طلع السجارة التانية
استغرب و قال ياربي أكون أنا شربت المفتاح
-------------------------------
ولد مشى لى سيد الدكان .. و قال ليه:" عندك
"حلاوة؟
"..سيد الدكان قال ليه:" أيوة
! "الولد قال ليه طيب أدينا ببسى
الولد مشى و جاء راجع تانى ..و قال ليه :" عندك
"طحنية ؟
".. قال ليه:" أيوة فى
! "الولد قال ليه:" طيب أدينا سكر
سيد الدكان زعل و مشى كلم أبو الولد
و قال ليه:" ولدك دة عذبنا.. يسأل من حاجة و
".. يقول داير حاجة تانية
أبو الولد زعل و قال ليه:" دة ولد قليل أدب
"و لازم يتجلد .. عندك بسطونة ؟
".. سيد الدكان قال ليه:" أيوة موجودة
"أبو الولد قال ليه:" طيب أدينا سوط عنج
---------------------------------
مسطول عملوا معاه لقاء فى التلفزيون
"المذيع سأله:" ماهو أصعب موقف مرّ بيك فى حياتك ؟
المسطول قال ليه:" يوم ما كنت بحلق فى دقنى
".. و بلوك لى فى لبانة
يلا سلااااااااااااااااااااااااااااااااام
|
Post: #16
Title: Re: هاك نكتة ......شرط تخت بــــدلا
Author: Sobajo
Date: 06-03-2003, 08:36 AM
Parent: #1
يا ناس البورد ما تتصنتو ....
جيب اضانك يا ناصر ....
بالمناسبة النكات دي كلها مرت على البورد ارجع ورة و بتلقاها .... كمان اسأل بويزون و هو يوريك ....
ما تكلم زول بس .... خليه سر ....
يا برلوم ...
|
Post: #26
Title: Re: هاك نكتة ......شرط تخت بــــدلا
Author: nasiradin
Date: 06-03-2003, 10:07 AM
Parent: #16
اخخخخخخخخ منك انت وراى وراى ولا يهمك بس خلى بالك ماتبقى زى مجنون ود الامين :
يا زول قالوا ليك واحد جنو ود الامين طوالى كل مل يسمعوا تلقاهوا بيقول ود الامممممممممميييييييين يااااااااااا.
ود الامممممممممميييييييين يااااااااااا.
ود الامممممممممميييييييين يااااااااااا.
ود الامممممممممميييييييين يااااااااااا.
المهم لحدى ما يوم جا ود الامين فى حلتم فقاموا الجماعه قدموا الاستاذ للامامه فى صلاة المغرب وصاحبنا كان فى الصف الاول فلما ود الامين فى نهاية الفاتحة قال ولا الضاااااليييييين صاحبنا اتكيف وطوالى شبكم ليك ود الامممممممممميييييييين يااااااااااا
|
Post: #17
Title: Re: هاك نكتة ......شرط تخت بــــدلا
Author: albagir altahir
Date: 06-03-2003, 08:44 AM
Parent: #1
قرجة هاك دي
الرباطابي فارش طواقي في السوق العربي فوق شوال في عز السخانة الساعة اتناشر العرق ينقط منو زول قالو عينك في راسك مافي زول قالو دي بي كم مافي
المهم بعد شوية جاهو واحد من اخوانا الجنوبين الدينكا الطوال ديل
عريان زي م الله خلقو بس شايل ليهو عصاية في ايدو
بالعصايا رفع الطاقة من قدام من قدام الرباطابي وقال ليهو
أه طاقية دي بي كم
الرباطابي عاين ليهو من فوق لي تحت
قال ليهو الطاقية خليها
انت قروشك خاتهن وين
هههههههههههههههههههههههههههههههههههههههههههههههههههههه
|
Post: #19
Title: Re: هاك نكتة ......شرط تخت بــــدلا
Author: garjah
Date: 06-03-2003, 08:49 AM
Parent: #17
الباقر
يمكن يكون داير يفتح حساب جرورة
|
Post: #18
Title: Re: هاك نكتة ......شرط تخت بــــدلا
Author: sentimental
Date: 06-03-2003, 08:47 AM
Parent: #1
مسطول مسطول مسطـــــــــــــــــــــــــــول
يا جماعة كرهتوا المساطيل السلطة والسطلة
ما معقول
|
Post: #20
Title: Re: هاك نكتة ......شرط تخت بــــدلا
Author: garjah
Date: 06-03-2003, 08:54 AM
Parent: #18
شديدة يا سنتمنتال الصباحية دي
كم كرت ؟؟؟
بويسن
لبناني مظلل
زي
حبشتي كبشتي
نصري
انزل هنا وادفع نكتة جديدة
|
Post: #21
Title: Re: هاك نكتة ......شرط تخت بــــدلا
Author: اساسي
Date: 06-03-2003, 08:58 AM
Parent: #20
يا قرجة عاوزين رسوم نفض الغبار
|
Post: #22
Title: Re: هاك نكتة ......شرط تخت بــــدلا
Author: السفير
Date: 06-03-2003, 09:01 AM
Parent: #1
اتنين كذابين شديد اتقابلوا جنب جبل
الاول قال: شايف الذبابه الفي الجبل فوق
التاني قال ليهو : ما شايفها لكن سامع طنينها
______________________________________________________________
حكم كرة قدم جلس على مقهى طلب واحد صفر
|
Post: #23
Title: Re: هاك نكتة ......شرط تخت بــــدلا
Author: garjah
Date: 06-03-2003, 09:34 AM
Parent: #22
اساسي
انت عارف البورد ده عندو نفسيات
البوست ده فتحتو في عز تواجد المتواجدون
ومشى عدى من الباكات ومر للصفحات الداخلية
بدون مازول يهببو ليهو
جيت انت يا الفنجري نكتو لانك فتك وبتعرف نفسيات البورد
ونقشت انو الناس نفسها مفتوحة للتغيير
ولا عدمنا فوطتكم في رفع الغبرة
السفير
في مسابقة لامسخ نكتة طلع واحد وقال في نملة طالعة الجبل
طالعة وطالعة
لما قربت تحصل قمة الجبل جات واقعة
اخونا اخد الجائزة لامسخ نكتة
في السنة التانية وفي نفس المسابقة
طلع صاحبنا وقال
في نملة طالعة الجبل
طالعة وطالعة
لما قربت تحصل قمة الجبل جات واقعة
قامو ناس اللجنة قالو ليهو النكتة دي قلتها السنة الفاتت
قام قال ليهم
بس النملة واحدة تانية
|
Post: #27
Title: Re: هاك نكتة ......شرط تخت بــــدلا
Author: sentimental
Date: 06-03-2003, 10:39 AM
Parent: #1
|
Post: #28
Title: Re: هاك نكتة ......شرط تخت بــــدلا
Author: garjah
Date: 06-03-2003, 10:56 AM
Parent: #27
سنتمنتال
انت عارف الوردة الخاتيها تحت جدنا دي
طويلة شوية
بتخلينا نمشي ونجي بالماوث شان نقرا كلامك
قصها ياخي
انت زاتك الورد العليك شنو
خطيبتك لما تديها وردة تقعد تلوك فيها وتتف
وتقول ليك
سنتمنتال ما كان تجيب ربطة ملوخية بدل الشي الاحمر ده
|
Post: #29
Title: Re: هاك نكتة ......شرط تخت بــــدلا
Author: sentimental
Date: 06-03-2003, 11:50 AM
Parent: #1
قرررررررررررجة
انت مالك ومال حبيبتى
كل حاجة بس تجيب سيرتا
التقول حبيبتك انت
مااااااااااااااااااااااااااااااااااااام ما بقص الوردة بس امشى وتعالوا لمن راسكم يلف
|
Post: #30
Title: Re: هاك نكتة ......شرط تخت بــــدلا
Author: فتحي البحيري
Date: 06-03-2003, 12:01 PM
Parent: #29
انا غايتو قاعد من قبيل داير اشيل
غلبني
ياقرجة ورينا النكت دي اشيلن كيف؟؟
|
Post: #31
Title: Re: هاك نكتة ......شرط تخت بــــدلا
Author: alfatih
Date: 06-03-2003, 12:45 PM
Parent: #1
قالوا الترابي مشي النار ما لقي إسمو
مشي الجنه لقاهو....داير يدخل ...في ملك
قال ليهو معاك الكاميرا الخفية
|
Post: #32
Title: Re: هاك نكتة ......شرط تخت بــــدلا
Author: فتحي البحيري
Date: 06-04-2003, 11:35 AM
Parent: #31
نكتتتتتتتتتتتتتتتاة
واحد متعود كل يوم اطلع الصباح القى مافي مواصلات
يضطر يركب ماشي وجاي
يوم المواصلات صعبة شديييد
مالقى ولاحتى ماشي وجاي
قام يضطر يركب جاي وماشي وجاي
|
|