Post: #1
Title: في مقابل ان يمسك لسانه السليط...في صفقة الموسم انتقال ابحراز من جدة للرياض
Author: garjah
Date: 10-14-2002, 03:15 PM
Parent: #0
شهد دوار العمدة بمدينة جدة توقيع عقد انتقال اللاعب ابحراز من بورداب جدة لبورداب الرياض
وقع عن ب/ جدة العمدة قرشو وعن ب/ الرياض خالد عويس
وذلك وسط ارتياح اعلامي ساد الاوساط الجزارية بمدينة جدة حيث تخلصت من لاعب شارف الاربعين من العمر وكان اداءه في المباريات الاخيرة يتسم بالخشونة التي افقدت الفريق العديد من المباريات جراء احتساب الحكام لضربات جزاء اخرجت الفريق من دوري الثمانية
ولقد ودعت جماهير جدة لاعبها المخضرم حتى اطراف المدينة حتى يتاكد لها ذهابه في رفقة السيد / عويس وان لا يعاوده الحنين لجلسات الكرنتينة ورفاق بني مالك
وكان اللاعب ابحراز قد هبط مستواه في الاونة الاخيرة مما جعله يتجه للهجوم على العمدة وباقي البورداب الذين اكرموا وفادته للمدينة العملاقة.
وكان اخرها ماشهده البورد من انتقادات شملت حتى العطر الذي يتعطر به احد اللاعبين
قام اهل جدة بالتبرع لصالح العمدة حتى يدفع للاعب جميع مستحقاته ووداعه الى خارج المدينة
هذا ولقد استقبلت الاوساط الاعلامية في الرياض خبر انتقال ابحراز باراء تراوحت بين الترحيب وعدم الارتياح حيث شهدت للسانه صولات وجولات هذا بالاضافة للاعوجاج الذي اصاب ساقيه بعد تقدمه في العمر
وفي اول تمرين له مع بورداب الرياض ارتدى اللاعب ابحراز الفانلة رقم تسعة التي البسها له ود غريبة والكوتش بناديها
وفي حفل تبودلت فيه كلمات الترحيب ابدى ابحراز اسفه الشديد على مغادرة جدة التي عرفت بسودانيتها حتى النخاع وندمه على فراق سوق السمك وام فتفت التي لا تعرف الا بجدة بعد الخرطوم
وبعد التمرين خرجت الجماهير وهي تقذف اللاعب بالبيض الفاسد والزجاجات الفارغة امله في ذهابه الى حيث اتى
|
Post: #2
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: brakat
Date: 10-14-2002, 03:34 PM
Parent: #1
يا قرجة
أخذتوه لحم ورميتوه عضم بعدين أبو حراز ما بستاهل يا أخي فقد كان لا عباً متميزاً و هدااااااااف خطير أوي
بركات
|
Post: #18
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: ابوحراز
Date: 10-15-2002, 06:52 AM
Parent: #2
بركات
الله يخليك
والله فعلاً زي ماقلت هداف خطير جدا
لكن بس للأسف ما في الكورة
|
Post: #3
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: يازولyazoalيازول
Date: 10-14-2002, 03:35 PM
Parent: #1
loooooooooooooooooooooooooooooooooooool
لاعب فشنق
fashang
looooooooooooooooooooooooooooooool
|
Post: #19
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: ابوحراز
Date: 10-15-2002, 06:58 AM
Parent: #3
قال fashang قال
غايتو يازول يازول لو ختوك حارس مرمى تكون زي فريق مكاو
ديل جو لعبوا تصفيات كاس العالم اقل مبارة أدوهم 10 صفر
المشكلة المدرب كان بقيف من المدرجات وكل ما يجي قووون يزعل
كيف بالله الجماعة السألتهم وقلت ليهم انتو ناس البورد
قلت لي قالوا ليك نحن ناس النيل الأبيض
هسع لو عملتوه في صالة مغلقة مش كان أحسن
|
Post: #4
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: brakat
Date: 10-14-2002, 03:42 PM
Parent: #1
يا أبوحراز
والله موضوعك بايظ خالص الإدارة واللعيبة إتفقوا عليك
كان الله في عونك
بركات
|
Post: #5
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: عاطف عبدالله
Date: 10-14-2002, 03:57 PM
Parent: #4
يا جماعة قولوا بسم الله
أبو حراز لاعب كبير وفريق بورداب الإمارات دخل في الخط ومستعدين يدفعوا تقيل
وابو حراز في طريقه إلى الأمارات مع إنطلاق الموسم الجديد وحتشفوه بعد التلميع والتشجيع وما تنسوا فريقنا مختلط وبتاعين جاتوهات وملبس مش لحمة وأم فتفت .. لامن دايرين تقتلوا اللاعب
|
Post: #15
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: zola123
Date: 10-14-2002, 07:28 PM
Parent: #5
استاذ عاطف
بوردابيات الامارات تشاوروا وقرروا تأسييس فريق مشجعات على طريقة البيسبول الامريكية بس ابو حراز يجي الامارات وما يشيل هم
أظن بت الاحفاد موافقة
بعد دا في شنو تاني
|
Post: #21
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: ابوحراز
Date: 10-15-2002, 07:03 AM
Parent: #15
الزولة 123
اشكرك واشكر كل بوردابيات الإمارات على هذا التعاطف الكبير
طبعاً قرجة حايغتاظ
انتي مفتكرة النقل من شنو يعني ؟؟؟
ماهو من ناس الجاتووووووه ديل
انا سأعمل قصارى جهدي للدفاع عن بوردابيات الإمارات
وانشاء الله مافي اي خزلان حايكون
ناس السلطنة كيف أخبارهم ماعاوزين ينضموا ليكن
تحياتي ليك ولبنت الأحفاد وانسانا ورحيل وكل اهلنا الطيبين في الامارات
|
Post: #20
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: ابوحراز
Date: 10-15-2002, 06:59 AM
Parent: #5
الأخ عاطف
بيني وبينك الإمارات حلوة جدا
لكن بس عاوز أسأل حاتلمعوني بي شنو ؟؟
قال شية قال
نقول ليهم جاتوه يقول ليك مقرشة
|
Post: #6
Title: Re: في مقابل ان يمسك لسانه السليط...في صفقة الموسم انتقال ابحراز من جدة ل
Author: garjah
Date: 10-14-2002, 04:08 PM
Parent: #1
بركات اخوي
صاحبك جانا ناشف من اللحم
والشويه الفيهو من اجتماعتنا
كم وكمين زول
الفشنق مرات بيدوش
وهناك اتصالات جارية لعودة اللاعب
العزيز
عاطــــف
حلال عليكم ابحراز
ونحن نعترف بانو لاعب حريف
وننصحكم بان تلمو جكسيكم عليكم
ولا عذر لمن انذر
بس بعدين لمن يشيل حالكم ما تجونا جارين نرجعو
ياخي ام فتفت بتقتل والا بترم العضم
نحن الدقيق بتاعكم بيغلت علينا
قال جاتوه قال
هو زاتو عامل المشاكل مخصوص عشان ينضم لفريق الامارات
|
Post: #7
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: soma
Date: 10-14-2002, 04:37 PM
Parent: #1
لووووووووووووووووووووول قرجه..
خساره لى جده ومكسب كبير للرياض مش يا اب حراز ..
انتو قايلين اب حراز ده هين ولا يعنى هين ..
ولا هوين
تسلم يا عاطف والله ما قصرت مع ود الحرازا لوول
اسمع يا اب حراز ما قلت لى سوقك حاااار والله ..
اها ناس الرياض دفعوا ليك كم ؟؟ بس اوعك تبقى دنى وترضى ليك بصحن شيه ..تبقى فضيحه بى جلاجل
تسلموا تسلم يا قرجه والله ضحكت من اعماقى
لوووووووووووووول
|
Post: #10
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: DEEK_ALJIN
Date: 10-14-2002, 05:05 PM
Parent: #7
الاخ قرجه
بعد الانباء التى اتتنا من الرياض .. وبعد ان اشترى بورداب الرياض الترماى ... باحر التعزى لبوداب الرياض
وبنقول للكوتش بناهديها الجاتك فى مالك سامحتك
واقترح على بورداب الرياض ان بفكفكو ويفرتقو ابو حراز اسبيرات
عسى ولعل يستردوا بعض اموالهم الضائعه ... وباتصال باحد
مؤسسى التشليح وافق على شراء باقى ابو حراز حيث هناك معرض خرد
عالمى يعرض فيه ابو حراز بجوار الهليمان 60 والهنتر الصن بيم
واليكمبعض هتافات جماهير الرياض
ابو حراز يافته ... جدعوك ناس جده وشتتته
ابحراز الراكوبه كشفنا عيوبا
وبعد اول تمرين فى الرياض نقل ابو حراز للمتحف
ديك الجن
|
Post: #23
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: ابوحراز
Date: 10-15-2002, 07:13 AM
Parent: #10
ديك الجن
كدي اول حاجة زي ماقالت ليك تماضر اشتريت ملابس المدرسة للسواسيو
قالوا لي ديك الجن خطب صحي الكلام دا
بس ماتكون الجدادة المعلقة في الحبل ديك
يعني طلعتني سكند هاند
بالمناسبة واحد قبل فترة طلع ليهو عضم بتاع شية وأداني ليهو
الراجل طبعاً بتاع مقالب
قلت ليهو بس مايكون عضمك دا سكند هاند
تصدق خنقتوا ليك اللحمة
والله الله ستر علينا
الراجل ضيف طبعا وقعد يزبد ويرفس
غايتو بعد صعوبة سلينا ليك اللحمة منو
قال تشليح قال
|
Post: #22
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: ابوحراز
Date: 10-15-2002, 07:09 AM
Parent: #7
سوما الكلمة
طبعاً ناس الرياض جزاهم الله خير بتصلوا علي كتير جدا
أظرف شيء بناديها دا ماعارفو مخرف وللا شنو
اتصل علي قبل مدة وهاك يانقة يمكن نص ساعة من الموبايل
وبعداك انتهت المكالمة
الظاهر عاوز يضرب لي واحد تاني
دق الجرس عندي
اها الاقيهو ليك هو
قام قال لي : اب حراز تااااااااااااني
ياخي انت حكايتك شنو
اها عويس دا برضو كم مرة قال لي ياخي سيب ناس جدة ديل كلهم عجائز
تعال لينا في الرياض
والله بيني وبينك مرات الواحد مابيقدر يتونس معاهم
قرشو قال سلم على الفريق عبود
ويازول يازول قال في ثورة أكتوبر كان شايل عصايتو مع الجماعة
قرجة قال سنة 52 كان بدق الشفع البجو ماشين السينما
انا بي صراحة عاوز لي ناس موديل حديث شوية
قال ون مان شو قال
|
Post: #8
Title: Re: في مقابل ان يمسك لسانه السليط...في صفقة الموسم انتقال ابحراز من جدة ل
Author: garjah
Date: 10-14-2002, 04:52 PM
Parent: #1
شاعرة البورد الرقيقة
ســــوما
صاحبنا اشترط على ناس الرياض
الزواج من احدى حسناوات المدينة
السكن في فيلا في مدينة العليا
لكن بعد اول مباراة ودوهو بيت عزابة بتاع محس
الغرفة فيها عشرين مرتبة
والغريبة الجكس مكسر فيهو
هل عندكم رغبة في تسجيله ضمن بورداب السلطنة
كدي شاوري ناس السلطنة
|
Post: #9
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: soma
Date: 10-14-2002, 04:58 PM
Parent: #1
لووووووووووووووووووووووول
عليك الله بعد كلامك الاخير ده ..دحن لو شفتو حايم بى جاى بقول بعرفو ؟ بينى ما بينك يعنى ..
بعدين مباراة شنو البلعبا اب راس ده ..اقصد اب حراز .. ده عدم التوازن بى راسو وباقى جسمو بعمل خلل ..واكيد لعبو كلو آوووووووت .. لكن حلوه حكاية سكنوا الاخير ده ..
اها قلت لى الاكل كيف فتاااااااااات ساااااااى الله يكون فى عونك يا اب حراز
انا غايتو بعد كده بقوم جاريه من البورد ..هسه بجينا ناطى ومنطط عينى ..وعاد هو الكلام ما بفتش ليه ..زى ما قلت اب لسان سليط .. لكن الحق يقال دمو خفيف وده النافعو لوووووول
تسلم يا قرجه
|
Post: #11
Title: Re: في مقابل ان يمسك لسانه السليط...في صفقة الموسم انتقال ابحراز من جدة ل
Author: garjah
Date: 10-14-2002, 05:16 PM
Parent: #1
ديكو الجميل
كتلتنا بالضحك
فكرة التشليح خطيرة لو ما طلعت القطع مبوشة
سومـــأ
يعني ناس السلطنة مادايرين ابحراز
ممكن بعد ما يتمسح بجردل زيت سمسم يتصلح شوية
ناس امريكا
كيف دايرنو
والا نفككو
|
Post: #12
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: soma
Date: 10-14-2002, 05:17 PM
Parent: #1
ديك الجن ..سلام
لووووووووووووووووووول
والله العظيم بالغت فى وصف جدنا اب حرازا الليله ..
لوووووووووووووووول
لميت الجيران بالضحك
يديك العافيه
|
Post: #13
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: خالد عويس
Date: 10-14-2002, 06:54 PM
Parent: #12
اب حراز زى بيبيتو الجابوهو ناس الاتحاد
مدته منتهية لكن بس الاسم
قسم
نعمل شنو
قلنا نفرح جماهير الرياض شوية
هسع انا خايف ناس المعارضة يستغلوا مسألة اب حراز ويشيلونا من ادارة النادى
سوما يا اختى ما تشتروهو بى راس ماله
وتفكونا من الجوطة دى
اها بدينا من اليوم الاول فى فتشوا لينا محل المطعم الفيهو شية كاربة
والكمونية السمحة وين
وياتو مستوصف فيهو دكتورات
قرجة نقول ليك اديهو بى عصايتك فوق راسو الماكن ده تقوم تغشنا ؟
مزاااااااااااااااااااااااااد
اب حراز للبيع
الوسطاء يمتنعون
فرص متوفرة
قطعة كاملة
او بالتجزئة
|
Post: #24
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: ابوحراز
Date: 10-15-2002, 07:20 AM
Parent: #13
عويس
الله يجازيك
انت مش قبل شهر كنت بتحنس فيني وبتقول لي لازم تنضم لبورداب الرياض
اها مميزاتكم شنو
انتو فاكرين الإنتقال بالبساطة دي
لازم اعرف كل حاجة
وطبعاً في حاجات تاني في شروط الإنتقال
حا اقولها ليك بالمسنجر
|
Post: #14
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: cola
Date: 10-14-2002, 07:01 PM
Parent: #1
ابو حراز اخوى
ناس جده ديل خايفنك تختهم كنب
عشان كده قايمين عليك
|
Post: #16
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: عاطف عبدالله
Date: 10-14-2002, 08:40 PM
Parent: #14
أبو حراز
يا أخوي أسرع وتعال بلا فك تسجيلات بلا فك تسجيلات
يأخوي بقى فيها فريق مشجعات زي الجماعة الأمريكان .. يعني ما جاتوه وبس .. آه رأيك شنو تجي ولا لأ ؟؟
|
Post: #27
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: ابوحراز
Date: 10-15-2002, 10:04 AM
Parent: #14
كولا
كلام صاح قرجة دا برمي لي بعيد
قلت لي كنت بتوديهو السينما
عاطف
اها انا استعديت طالما الحكاية فيها بيسبول
والله كلامكن كبار خلاص ياناس الامارات
نحن هنا ناس حرت وشدت ولمن مانلقى اولاد بنقلبها شد الحبل
|
Post: #17
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: ابوحراز
Date: 10-15-2002, 06:51 AM
Parent: #1
قال الرياض قال
يعني من جامع في جدة
الى جامع في العليا
لحنتها يعني وللا شنو
بناديها سألتوه
غايتو للشفتو دا
أول ما أمشي السودان بطلع طوالي أقرأ ليهم خطبة الجمعة
|
Post: #25
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: garjah
Date: 10-15-2002, 07:40 AM
Parent: #17
ابحراز ظهر بعد ما فتشوهو في جمعيات المحس في منفوحة لقوهو متغتي
بمرتبة خايف من المشجعين
حكايتك بقت زي شعيرية
ما قلت لي اخترت ياتو فريق
اوعا تقول لي الامارات
قال جاتوه قال
|
Post: #26
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: banadieha
Date: 10-15-2002, 08:22 AM
Parent: #25
هلا هلا هلا..بس ما عارف بكتبوها كيف..لكن هي في المثل البقول
من بره هلا هلا ومن جوا يستر الله..اب حراز المنشور في حبل البورد
دا هو حراز ولو جانا هو يانا الزغردنا وقدلنا وشبلنا ولكن أبوه
دا خلوهو قاعد حارس باصات الميقات والسيل الكبير لأنه ما حيقدر
على مشاوير الرياض والطرق الدائرية وإنتظار سودانير في مطار خارج المدينة بخمسة وعشرين كيلو..وعموما الرياض تستقطب النجوم كلها فقد أنضم لنا بنبوني وخلا الشرقية خلاء، ديك يعوعي ولسان مدلدل من خشم ملح ملح ومريخ بدون كمال عبدالوهاب وبشرى وبشارة وسانتو وحموري وجاد الله..ولا أفشي سرا إن قلت لكم أن الإتصالات شغالة شو شو مع جنيف وسويسر عشان نضم الحريف المفخرة ودعزة..وياقرجة يا هو دا حالكم خوتكم خربشة وريدتكم شحوطة ولو انت نسيت أنا ما نسيت عمايل سنتمنتال في يازول يازول يازول لما قعد يشرك ليهو بالقعونج الفي الموية الوسنانة عشان يرجع ليهم في البورد التاني..يعني أنت عاوز تحندقنا بأب حراز؟ أب حراز الشناف قدمتوا ليهو الزيتون والطحنية والجبنة وما شكركم وشكر شيري على كباية الشاي بس، وأب حراز الشرفان وقع في اللحمة هبر هبر ولما اللقمة وقفت ليه في حلقه من الشرفة سردب وما لقى اللبعة وقال لحمتكم شرقتو..لا أطيل..لكن اخطها ليكم عديلة وما مايلة حراز عاوزينو وفارشين ليهو نني العين لكن أبوه..بررررررررررررررررررررررررررررري
|
Post: #28
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: ebrahim_ali
Date: 10-15-2002, 10:48 AM
Parent: #26
قرجة والله اول حاجة نحن بنعترض على الصفقة هذه التي تمت بنقل ابوحراز من جدة للرياض لانو تربى وتالقم على اجواء بني مالك وباب شريف واذا انتقل للرياض سوف يصاب بنوع من الذهول والشرود الذهني وعدم التركيز في الهدف لانو في جدة انوار بورسودان بشوفها ولو ما شافها يمشي بس الميناء يعاين للناس للجاين من السودان بذكر اهله وبكون في قمة الانبساط وتاني حاجة جدة بالنسبة له ملتقي لكل قادم ونزال معتمر حاج لابد ان يطوف على ابوحراز فهذه النقلة سوف تصيب الكثيرون بنوع من الاحباط اتنى ان لا تتم هذه الصفقة المريبة
قلت ياابوحراز لناس الامارات يضمو ناس السلطنة لكن ما باااااااالغت عديييييييييييل كده الدوحة ناسيها مالك ولا عشان نحن ..في حاجات تانية حاميني
|
Post: #29
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: ghariba
Date: 10-15-2002, 11:08 AM
Parent: #1
نيابة عن بورداب الرياض
نرحب بك في الرياض
وما تسمع كلام الشماتة
وترحب بيك الرياض
واهل الرياض
وحتلقانانحن يانانحن
|
Post: #30
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: garjah
Date: 10-15-2002, 03:41 PM
Parent: #29
بناديها
ياخوي مالك خرمت للجد
نحن ما عندنا لاعب نبيعو ليكم
ابحراز ده جيمس عارض فيه مبلغ يسيل له اللعاب
للعمل موزع بالعجلة للخراف والعتان
ابراهيم علي
صاحبك باع القضية
وبقى ما يمشي البحر
لمن يجي الرياض حيقيف يشوف صفوف عواميد النور ويحسب فيهن لامن راسو يلف
غريبة
ياكوتش كلامك ده مناقض لما تناقلته الصحف عن معارضتك لتسجيل ابحراز
على العموم الادارة تنظر في عرض جيمس
|
Post: #31
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: سولارا
Date: 10-15-2002, 06:42 PM
Parent: #30
هيييييي هو الناس بتبيع وتبدل ساي شنو ياعمده من أول كدا طوالي تبيع ابو حراز ياربي البعده منو طيب استشيرونا .
ما تخاف يابو حراز ذي مافي ناس مطالبين بي انتقالك في بقيه مصرين على بقائك ناس جده باقين عليك .
|
Post: #32
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: ابوحراز
Date: 10-15-2002, 06:51 PM
Parent: #1
الرائع بناديها
ابراهيم علي
غريبة
سولارا
اشكركم اولا على الترحيب بي
وعلى اهتمامكم الكبير جدا بوجودي بينكم
واهم شيء على إغاظتكم للجماعة القائمين على النقل
ولكن لتعلموا أنكم جميعاً في قلبي الصغير
والذي يزداد كل يوم مساحة بفضل حبكم لنا
لكم كل التقدير
|
Post: #33
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: betalghaly
Date: 10-15-2002, 11:44 PM
Parent: #1
ابوحراز سيب الناس دي كلها وتعال عندنا
والله ناس اناناس ساكت
|
Post: #34
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: ابوحراز
Date: 10-16-2002, 05:58 AM
Parent: #33
بت الغالي
واضح انكم أناناس
ولقد اتينا اليكم عبر اقلامنا المتواضعة
بس فضل لي ناس امريكا الماقالوا لي تعال
والله بوست قرجة دا اتقلب عليهو
أهم شيء وراني جب الناس
اشكركم جميعا على هذا التجاوب
الراجل امبارح اتصل علي مغتاظ جدا
قال لي مامفتكر انك حاتلقى الترحيب دا كلو يا ابوحراز
لك التحية ايتها الرائعة
|
Post: #35
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: almohndis
Date: 05-16-2003, 08:04 PM
Parent: #34
شهود ابو حراز
فى تمرين ريال زقلونا
|
Post: #36
Title: Re: في مقابل ان يمسك لسانه السليط...في صفقة الموسم انتقال ابحراز من جدة للر
Author: ghariba
Date: 05-16-2003, 09:18 PM
Parent: #1
سنة
|
|