Post: #1
Title: المدرسة الما جاده في الشعر السوداني
Author: 7abib_alkul
Date: 10-12-2002, 08:10 AM
تاسست هذه المدرسة في عهد الفرنجه بتاعين كوستي في القرون الجوارسيه ومن اهم ما اهتم به من الشعر شعر الشعيريه باللبن ومن ابرز شعراها محمد بن عز الدين الهلالي المشهور(بكتاحه) وطارق شا ومحمد نت واهتمت المدرسه بعدم وجود القافيه والاوازان الثقيله والخفيفه والمتوسطه وجسدت حاله الخوف الشديد من دفاري الكشه والحياة اليوميهالمليئه بالمطبات واعتمدت علي خطه4-4-2
ومن اهم قصائد هذه المدرسه والتي تدرس للمبتدين في المدرسه لاعتباره اساس في المدرس قصائد
غشاني عباس بالمساء للشاعر الجهبص محمد عزالدين
وقصيده الشوق زبادي
وقصيده كتاحه من زمن الرومان للعلامه طارق بشي
وقصيده رطل ايسكريم كيلو زيت للنابغه محمد علي بتاع نسرينسميت هذه المدرسة بالمدرسة الما جادة لان لك قصيدة فيها يجب ان تنتهي
بعبارة والله بالجد يقول الدكتور كارلوس زعبوله وهو احد المتخصصين في
نقد هذه المدرسة ان ذلك بسبب ان معظم شعراء هذه المدرسة بتاعين مكن
كما نقدها الشاعر الكبير سيد فله بقوله انها افضل المدارس المتخصصة في
منح شهادة لندن ودبلوم المكنيكا في الشعر المفكك
والعهده علي الراوي
لو ما فهمتو حا نتظرق لبعض النمازج الشعريه لهذا المدرسه الحديثه
ودي قصيده رطل ايسكريم بالزيت والبقول العلامه محمد علي بتاع نسرين في مطلعها
في مرافي سكون حمير اللبن
اشتقت ليك يا حمام الدار
في زمن الودار
واكتشفتك ضهب نار الزمن
يا عرس المصايب للمحن
ونتشيت بخفة الجكس البوار
كل الكلا رقص في سلك الكهربا العريان
وينهم ناس زمان؟
يا دقسة الريد العوير
في زقاقات حلتنا والخور الكبير
كل المشاعر جرت مننا في فزع
يا حلة ملاح القرع
بقينا زي قرد ساكيه شافع بنبلتو
ينطط من فرع لي فرع
خايف حجر الهوى الشرفان يغدرو
انخفض صوت الغنا
والفنان ختم حفلتو
وما لحقناك يا زمن الضهب
وما لحقنا حتى العشا
يا زمن الخفوت والوشوشا
وين القبيل خطفوا القليب
وينهم ناس رشا؟
اختلط الامر علي بالمسا
في زمن الشواطين والوسوسا
كل الكوابيس شاركت
وفي الحفلة جات باركت
لابسه جرايد مهلهلة من زمن اخبارها انتهت
ونا في الطريق انتهيت
اشتريت رطل اسكريم
من ناس نعيم
وتلاته صابونتين
وكيلو زيت ومشيت البيت
نمت وبعدين اتعشيت
ويا ريتني ما كنت جيت
دا شنو
والله بالجد
وانشاء الله يتواصل النهل من فيض تلك المدرسه الشعريه
|
Post: #2
Title: Re: المدرسة الما جاده في الشعر السوداني
Author: Tumadir
Date: 10-12-2002, 08:22 AM
Parent: #1
االملاحظ انه القارىء بتنتابو فرفرة وغنتسة وهشهشة وهو يمربصورة الشواطين وهم لابسين الجرايد المهلهلة،
الشاعر قدر يصور حالة انعدام الوزن الناتجة عن الارث المتوارث فى ايدولوجيا الشعر وبنوية اللحن ، ودة ماعريب على سيوسولوجيا البنى التحتية،
وزى ماقال المثل موية من تحتى تبن،
انت ياحبيب الكل
|
Post: #3
Title: Re: المدرسة الما جاده في الشعر السوداني
Author: 7abib_alkul
Date: 10-12-2002, 08:52 AM
Parent: #2
الاستاذه تماضر
شكرك كثيرا لفزلكتك الادبيه في في محاوله الغور داخل جخنون الشاعر والخروج منه بكل الانبراشات التي حاول ان يخفيها من خلال تعتميه علي روية القصيده
واكيد الشاعر دا موية من تحت تبن
لووووووووووووووول
|
Post: #4
Title: Re: المدرسة الما جاده في الشعر السوداني
Author: sentimental
Date: 10-12-2002, 08:57 AM
Parent: #1
هذا النص اشارك به بمناسبة يوم الشعر المكوجن
انبهمى يا حميرى
قد صحت بملء الشدوق هذه اللبلابة ليست للهيط
انها بعض الخدار !
يا طيورى خاته ناقورك اوه قرب ناقورى
كم انت بليدة
اه صنقورى...
انفشخت على سرج الليال
مجكك مثل العلال ...
واغنى...
فى سماوات الخيال
اوه يا لها تفحيطة!
قلبتنى فوق تلك الحيطة...
فوق تلك الحيطة
اه تلك الحيطة
|
Post: #5
Title: Re: المدرسة الما جاده في الشعر السوداني
Author: wadahmed
Date: 10-12-2002, 09:08 AM
Parent: #1
شعر يشبه أغاني شعبولا .. خلاص بس
|
Post: #6
Title: Re: المدرسة الما جاده في الشعر السوداني
Author: alhabeb
Date: 10-12-2002, 09:32 AM
Parent: #5
انت حبيبى حبيب الكل ابدا ما جادى
لك ودى
|
Post: #7
Title: Re: المدرسة الما جاده في الشعر السوداني
Author: 7abib_alkul
Date: 10-12-2002, 09:36 AM
Parent: #5
العزيز ود حامد
علي ما اعتقد ان شعبولا
قد كان انتهج هذا النهج من الشعر في فتره الجومارسيه الاولي
وغالبا تكون هذه المدرسه امتداد لمدرسه الشعبولا
وهكذا حدثنا
|
Post: #8
Title: Re: المدرسة الما جاده في الشعر السوداني
Author: bamseka
Date: 10-12-2002, 09:42 AM
Parent: #5
ياريتك لو ما حبيبت
ثلاث واربع ايام بره البيت
قولى شن
لقيت
وشن سويت
كلام حنين وسنين
معاهو العين مكتوله الجفنين
وفيهو بسمة مرسومة فى الخدين
وهاك يا الايدين
بيهن الكلام شمال ويمين
وجنس تلوين وجنس تليين
والعجب الشكة
مربوطة بحزامين
وخانقة الكلوتين
يا حليكم يا بنبن
وراكم راحت سنين
وسنين
مع المعزرة يا حبيب الكل
|
Post: #10
Title: Re: المدرسة الما جاده في الشعر السوداني
Author: 7abib_alkul
Date: 10-12-2002, 01:50 PM
Parent: #8
شكرا ليك كثير بامسيكا علي مداخلتك وبهدي ليك رائع محمد عزالدين الشهير في المرسه بكتاحه (الشوق زبادي)والبقول فيها
الشوق زبادي
في ظل تخاريف الحقائق والوطاويط السواد
انبطح شوق الغنا الهابط على عناجريب الغسيل
وكتبت عنك سكة الوهم الرحيل
يا لوري هوستن جر فينا نور طويا
وين ناس خليل؟
واستهبل الاحساس علي
والليل لبس لون السواد لي جزمتو
واتخذنا الشوق زبادي
وبدينا نبحث عن شوايب في كشاتين النوادي
وبي هناك لقيت جدي عرس ليك هنادي
قمت انتعلت الريد رغيف
وجاتني نسرين شايلة في شنط الحديد الذكريات
جاتني زي ديك عدة الحافلة المطارد بالعكاكيز والهواجس
وجوني بيتين من شعر
واحد اجار والتاني فسحة فيها نيمة
نيمة من زمن الاذاعة على الهوى
وياهوى سرحت ليك شعري اتكوى
وكواني ليك شوق البنفسج للزبرجد
وعتبرتك مستحيل
ورحلت ام بده السبيل
وسمعتي مني شعر جميل
يا علة الزول العليل
يا قصيرة يا طول الفتيل
وجوني منك شبشبين عبر الهوى
ضربوا بغداد ياعرب
وشباشبك الشول البيض
جوني عابرين الحدود
يا خروف جلد القدود
اتمكيج الضب بالدلال
حتى الضبابين في غناك اتحنكشت
كل البنات اتشلخت
غشاني عباس بالعشا
وجيت لقيت كل الدكاكين قفلت
والله بالجد
|
Post: #9
Title: Re: المدرسة الما جاده في الشعر السوداني
Author: نصار
Date: 10-12-2002, 10:02 AM
Parent: #1
حبيب الكل اعترف انت ربيع طه متنكر
دى طبعا مدرسة ما بعد الشيئية...فالشئ لما يفوت حده ينقلب لضده..وقع شعراءها من حافة ما بعد الحداثة على ظهر حمير وفحطوا بيها كما فى النموزج التانى......زاوجوا بين العصر و الاصل يكتبوا فى منتديات النت احاءات مرابط الحمير.......ههههههههه
|
Post: #11
Title: Re: المدرسة الما جاده في الشعر السوداني
Author: 7abib_alkul
Date: 10-12-2002, 02:03 PM
Parent: #9
الغالي نصار
ربيع طه مرةه وحده كدا
ما وسعتها شويه كدا
|
Post: #12
Title: Re: المدرسة الما جاده في الشعر السوداني
Author: منعم
Date: 10-12-2002, 03:06 PM
Parent: #1
لالالالا
قصيدة الشوق زبادى دى خطيرة جد
قلت لى نسرين جات شايلة شنط حديد الزكريات؟؟؟
والله دى بالغت فيها عديل كدة
نسرين دى خلى بالك جاية بى شنطها دى من عطبرة
|
Post: #13
Title: Re: المدرسة الما جاده في الشعر السوداني
Author: bob
Date: 10-12-2002, 03:15 PM
Parent: #12
شعر شحارير
حاجه نفيسة ادينى سفه كيسك وين تحت المخده
تانى
الحلوه ماشه بى كراسه تاكل فى التسالى وتحك فى راسه
المدرسة الشوربجيه من صنع شوربه بن شوارب المشورب بالمرقه الما جداد
بـــــــــوب
|
Post: #18
Title: Re: المدرسة الما جاده في الشعر السوداني
Author: 7abib_alkul
Date: 10-14-2002, 06:57 PM
Parent: #13
بوب
الحلوه ماشه تاكل في التسالي
دي استعاره مكنيه اراد منها الشاعر توضيح حاله الانبشاق التي تعاني منها حبيبته
وهكذاا حدثنا
|
Post: #14
Title: Re: المدرسة الما جاده في الشعر السوداني
Author: 7abib_alkul
Date: 10-12-2002, 03:17 PM
Parent: #12
شنو يا منعم يا غالي
زي العايز تجيب لينا الكلام مع ناس عطبره
بعدين نسرين دي كانه جايه من معسكر الخدمه والوطنيه عشان كدا شايله شنطه الحديد
ولك حبي
|
Post: #19
Title: Re: المدرسة الما جاده في الشعر السوداني
Author: 7abib_alkul
Date: 11-21-2002, 02:53 PM
Parent: #12
لي فوق
|
Post: #15
Title: Re: المدرسة الما جاده في الشعر السوداني
Author: zumrawi
Date: 10-12-2002, 04:39 PM
Parent: #1
حبيب الكل
اعتقد ولمعلومات مستقاه ومن نسيج الزبادى بدءا قبل
انكشاح الطماطم صلصة جهارا نهارا في خدود المرتجع
من صوت العسلية عيونا والكجومورو , اقول اعتقد
بان الشعر الانبراشى رهين المحبسين الموية والنور
في تمام مجيئه كان لصيقا بانحشار الوجع في السكة
وبذا يمكن دراسة الشوق زبادى بانها مداورة من الشاعر
تفيد بشوقه الى الزبادى وماالحبيبة الا حائط صد
الاحلام الكمونية في جوف النفس المتشعلقة
|
Post: #16
Title: Re: المدرسة الما جاده في الشعر السوداني
Author: 7abib_alkul
Date: 10-13-2002, 12:50 PM
Parent: #15
مكرر
|
Post: #17
Title: Re: المدرسة الما جاده في الشعر السوداني
Author: 7abib_alkul
Date: 10-13-2002, 01:18 PM
Parent: #15
العزيز زمراوي
اعجبني تحليلك لنشوه مدرس الانبراش الشعري او كما يقول البعض مدسه الماجد في الحياه لانه اغالب قصائده تنتهي بعباره ولله جد
لكن قال في ذلك العلامه ابن بلتعه ان الشعر الانبراشي قد سبق مرحله الكجمورو بمراحل لانه اغلب القصائد كانت معلقه علي حمار اللبن واخير بعد تتطور هذه المدرسه اصبحت تعلق القصائد علي الركشه كما قال الشاعر بدرالدين الشهسر بعزبونا في معلقه تراشق البسكويت
تراشق البسكويت
قام هجام فريق بت ام زين
مريت على بتاع اللبن شفقان
ونفيسة جارتنا جابت ولدين
واحد شرد والتاني اغترب في الصين
عبده اندفس في صف الرغيف شلوت
عباس زعل وباع العتوت
في سوق السمك
كتاكيت تبشر في عرس الاسد
وكدايس تخمخم في الودك
طشط الغسيل جاط في الحبل
مروان في الامتحان اتقطعت بيه السبل
بخراتو نامن في العسل
غسلن غسيل كل الحلل
في زمن تراشق البسكويت
عيون البوتجاز دمعن
وصوت بكاهن للفريق سمعن
كل الجرايد في السوق افلسن
حميده حلق شعر عبد اللطيف
زرع في صلعتو شتلات قطن
لكن ما طرحن طاقية وعمم
وسوسن عرست تمساح سمين
من زمن فيضانات الدمازين
جعفر اغترب في تشاد
مشى وزي ما مشى عاد
لكن امونه بالصبر اتسلحت
في زمن الجفاف اتكحلت
لواري يوسف في الزلط وحلت
وكلاب الحلة اشترت صعوط
سفن لما بالغن في الشرود
وحرامي سرق ناس عبد الودود
جلكوز معلق في الوريد
محمود يوزع في البريد
سيد الركشة جنب بالطرف
وصاعقة كوت هدوم شرف
الجداد اعلن تمرد بالبلد
ما في بيض يا ولد
كلم ابوك ينوم خفيف
وفي المنام يقرض رغيف
يا كستر اللبن الظريف
تعبت من كتر الحكي
مشيت لسيدنا الفكي
قال مالك بتشتكي
اداني مستكة قال احشيها سندوتش
ياروعة الزمن الفرش
دلوكة مسخنة بالفحم
سكر مجلبط باللحم
حسين مفرطق بالشحم
علويه هاجت وفترت
زعلانة قامت كشرت
ود الحسين ركب القطر
ورقصوا البنات بالشتر
والفار بهناك انتحر
والله بالجد
|
Post: #20
Title: Re: المدرسة الما جاده في الشعر السوداني
Author: nooralaen
Date: 11-21-2002, 10:44 PM
Parent: #17
سيد الركشة جنب بالطرف
وصاعقة كوت هدوم شرف
الجداد اعلن تمرد بالبلد
ما في بيض يا ولد
كلم ابوك ينوم خفيف
|
Post: #21
Title: Re: المدرسة الما جاده في الشعر السوداني
Author: woroorrook
Date: 11-22-2002, 02:55 PM
Parent: #1
الجميل حبيب الكل
إنبعاث مثل هذا الردوم
من دواخل سلسبيل الإحساس
يدل علي تأثر المنحني
الممزوج بالشوق و الحنين و الفقد
كما هو واضح فى حالة الطعمية عندما قال
انا كنت مشتاق للطعمية
و لما إستلفتا الماهية
إشتريت لي جردلين طعمية
ولما مشيت اغسل يدي فى الحنفية
لاقوني إتنين حرامية
و قالوا لي ادينا إتنين جنيه سلفية
و ساعتها راسي لفي زي مكنة العربية
والله بالجد
و دى حالة خطيرة لكن ليست مستعصية و ليست الأخطر فى عالم البلورية
نعود مرة ثانية لمناقشة الحالات الأخري
و تسلم يا لزيز
|
Post: #22
Title: Re: المدرسة الما جاده في الشعر السوداني
Author: ود الخليفه
Date: 11-22-2002, 08:10 PM
Parent: #1
حقيقه انا زي عندي رؤيه مختلفه شويه في تسميه المدرسه
هي اكتر مدرسه جاده في التعبير عن قضايا الامه الا وهي ربط الاكل بالشعروهو مربوط ربطه كلب سعران اذ ان المصداقيه التي اختفت في الشعر الجادي ادت الي التاثير المباشر علي المدرسه الما جاده لانو كل قصيده تنتهي بعباره والله بالجد
طبعا نحتاج لان نغوص في اعماق هذه المدرسه وشعرائها الفحول اللذين ابلو بلاءا حسنا في التعبير
وانا افتكر واعتقد انو حاله الازبهلاليه التي اثرت في رواد هذه المدرسه كانت بسبب ست الاسكريم الواقفه في الشارع الكانو متديينين منها وزاغو بالقروش
ولنا عوده
ود الخليفه
|
Post: #23
Title: Re: المدرسة الما جاده في الشعر السوداني
Author: 7abib_alkul
Date: 11-22-2002, 11:33 PM
Parent: #22
العزيز ود الخليفه
انه تسميه هذه المدرسه بي المدرسه الما جاده
دليل علي عدم جديه المدرسه حيث انه كل قصيده فيها تنتهي بعباره والله جد والحليفه دي دليل علي مكنه الشاعر في القصيده
|
Post: #24
Title: Re: المدرسة الما جاده في الشعر السوداني
Author: MXB6N
Date: 11-26-2002, 11:38 PM
Parent: #23
حبيبنا كلنا
المدرسة الما جادة دى مدرسة منغرسة حتى النخاع فى دورة حياة الانسان
فمثلاً لتحليل المقطع
في مرافي سكون حمير اللبن
اشتقت ليك يا حمام الدار
في زمن الودار
واكتشفتك ضهب نار الزمن
يا عرس المصايب للمحن
الواحد زى داير يقول فى الحتة دى
انو ما يعرض هنا هى انشباكات الوعى الذاتى بلحظة قصوره وعجزه ، تطفح على سطح القصيدة كتداعيات
منفلتة بسرعة انفلات أكثر من 50 عقدة فى الثانية من لا واعية الشخوص ، أو كذكريات متقطعة مستثارة
جايبة الشاعر فى تمنة لبن أو كورة زبادى وهى زكريات مبسترة من لحظات مجد قديم مبكى عليه
أو زكريات طفولة بسحر طزاجة الوجدان وخصوبة العالم وبرأته المفقودة
الى الابد . فما يعرضه علينا الشاعر هو تداعيات نفوس عاجزة ، تحكى عن تراجيديا البطولة المزيفة
بنستالجيا الوهم الغلاب ، وتظل كل هذه العناصر سائدة أو كامنة كثيمات على مستوى البنى الصغرى
للقصيدة خفية حيناً وبارزة حيناً آخر يتم التعبير عنهامن خلال استخدام لغة خاصة بالمدرسة من استلاف
لمجازات واستعارات مستمدة من مرجعيات الشعراء الثقافية
وما لحقناك يا زمن الضهب
وما لحقنا حتى العشا
يا زمن الخفوت والوشوشا
وين القبيل خطفوا القليب
وينهم ناس رشا؟
وفى الحتة دى الشاعر تبنى صيغة " ضمير المخاطب " فى السرد
والحوار كاستراتيجية لفك الارتباط المزدوج بين الشاعر والمقاطع ، أو عالمه المتخيل
أو كتكنيك فعال لخلق الايهام بانفصال التجربة الابداعية عن التاريخ الشخصى لسيرة الشاعر لما سيجره عليه
من استدراكات ثانوية لاحقة
ودا نقد سريع والله بالجد
بس لمنا فى باقى الهردبيس
|
Post: #25
Title: Re: المدرسة الما جاده في الشعر السوداني
Author: woroorrook
Date: 02-19-2003, 07:30 AM
Parent: #1
.
|
Post: #26
Title: Re: المدرسة الما جاده في الشعر السوداني
Author: Kabar
Date: 02-19-2003, 09:13 AM
Parent: #1
حـبيب الكل..انت ذاتك طلعت جادي وانحرفت بجوهر القضية وشـربت الشاي مع الرضية..
مـقامات الجـرسة
أول علامات الجرسة
انك تلبس الشراب بره الجزمـة
والشوق معاك كـمين حزمه
مـقام الجـرسة الضـمنيه
تشوف النحل قادم
تعمل فيها حازم
وتشرب من السبيل
وكن ماعندهم سبيل
تصلح رباط الجزمه
مـقام الجـرسة الـصريحة
تحتاج تلات اربع كبكبه
خطوه مهلهلة كالربربه
واطلاق جمل ناقصة
تقول ليها
ســـلاااام
تقول ليك سـم
مـقام الشوق والحب بالزوق
حـبتني..لمن حبيتها قامت عرست
فدرست
ففلست
ثم فقست
لي عضمي هرست
جيت شايل الشوق مكدس
لقيت الشاكوش واقف مسدس
اخدت تريس ديناري..قام الشوق جاري
وعـرجت
قلت يارب طاحونة
ومـرة مجنونة
طلعت الشارع ..لقيت مـيمونة
واللـــــــــــــــــــــه جــد
ودمتم
كـبر
|
Post: #27
Title: Re: المدرسة الما جاده في الشعر السوداني
Author: 7abib_alkul
Date: 02-22-2003, 02:17 PM
Parent: #26
العزيز كبر
لك التحيه وانت تقف بجوار الرضيه ست الشاي تراقب بوليس الحركه
وتحسده علي موقفه من حركه الكرة الارضيه
ودمت
|
Post: #28
Title: Re: المدرسة الما جاده في الشعر السوداني
Author: intehazy
Date: 02-28-2003, 00:17 AM
Parent: #1
حبيب الكل
أنا كمان عملت مدرسة جديدة إسمها المدرسة الإنتهازية
و هي مدرسة حديثة نشأت في العصر البوردي الثالث
و معظم شعرائها من البورد التاني
و منهم إنتهازي و الشاعر الكبير إنتهازي الثاني
و الشاعر الشاب إنتهازي
و معليش على البري يا أخوانا أنا ما عارف الليلة مالي أنا
و يا حبيب الكل تسلم
|
Post: #29
Title: Re: المدرسة الما جاده في الشعر السوداني
Author: AnwarKing
Date: 02-28-2003, 03:13 AM
Parent: #1
يا حبيبنا حبيب الكل... لكن بتاعة الزبادى دى ما عاديه...لوووووول
عملت أرتباك فى الخلايا المسئولة عن تنظيم سريان المفعول الأول لنقطة اللا وعى...لووووول
الله يدخل السرور فى قلبك
آمييييين
ياريتنى كنت تلميذ نجيب فى مدرستك الجميلة دى
لك منى كل الودّ
|
|