اكتبي ليي..برواية دافي..لانها ما كتبت لي الليله

أنا مافي زول بكتب لي ليه!!!!!؟
انا زول كويس يا اخوانا
اسألوا مني ..احمد العربي..الزول ده دفعتي بالمناسبه

بس قول داير تسمعنا الغنية بس!!!ا
ما تزعل انا بكتب ليك
البياز
عوافي

..مافي (زول؟) ء
اذا المطلوب (أي) زول، ليك علي أكتب ليك يوماتي
مش ياها قولة سلام ؟

البياز
انشاء الله الهندي انستر معاك!؟

رمانه..
يخليك..
وانا مستني سلامك اليومي ده
قولة السلام دي يا راقيه ما هوينه
(ألا ادلكم علي شئ ان فعلتموه تحاببتم!؟ افشوا السلام بينكم)

دافى

ياخوى روايتك دى والله بصراحة عاوزة تنقيح
وما تزعل ارجوك

قرشو الله لا يجيب الزعل
انا زي سماح..ما بخبر زعل بالساهل
بعدين التنقيح والتلقيح ده ..في اي حاجه ممكن افتي الا امور الكمبيوتر دي
اخوك خمي الاغنيه دي بي كوريكو من سوداسايت وكباها ليكم هنا
قصرت معاكم!!!؟
لقحوا بي طريقتكم بعد ده
*********
اتذكرت حاجه..امبارح واحد فرجني فلم اسمو الناظر..قربت اموت من الضحك..فيهو واحد اسمو..اللمبي..مباااالغه
ما عارف يمكن عشان طولت من الافلام المصريه
المهم
اللمبي قال للناظر
يلا بأه..انحرفوا
وانا بقول ليك
يلا بأه
نقحوا

...
..
.
دافى الجميل حد الألق ..
وهل مثلك يفعل ياصديقى !!!
خلينى كدا النقرب منك
ياجميل
أسعد بقرب مثلك .. بأريحية حاتم الطائى
أعقر ناقتى .. أتفّن فى الواطه
وأستعذب حديث قلبك .. وصدق تفاصيلك
لكم أنت جميل ياصديقى حد الجرح
نقى وصادق ..
والله أشتاق لك .. لقد أدمي مقلتىّ حديث روحك .. دافى

دافى
ولا يهمك نكتب ليك نحنا عندنا كم دافى

الكتابه تعزف فى مراسى الوجد منفرده
لايعدو الغياب فى سماء مفاتن اللقيا
عن الايام
ولاده من جديد
فنخفى عن الظلام ميلاد الضياء
وفى الفجر دون ان ندرى
كلانا غارق فى الدهشه
ارسلت عصافير تحادثك
لتملاء جزء من هذا الفراغ
وتلك
والفراشات التى تتوقف امام وجهى كل صباح
فى طريقها الابدى صوب الرحيق
كل صباح
لتضيئى هناك فى المدائن
حيث الرخام


غدى

أنا لن أكتب ليك يالدافي الدافئ..فمنذ أخر رسالة للحبوكانا أو الجكس بلغقبل أعوام كثيرة خلت لم أكتب رسالة..ولكنني أكتب خطابات وتقارير وبوستات وحقيقة حتى بوستات لم أعد أكتب بل أكتب مداخلات..لم ينضب المعين..ولكن صمة الخشم ولا التمشدق بما لا يخدم قضية ولا يحقق هدفا..الأغلبية الصامتة هم حملة الأقلام المنكسة والشهادات المتدلية من مسامير على الجدران مثل الكرافتات الخانقة الرقاب مثل الكروش البارزة من جراء المركب المريح والأكل البلا جوع
العمر ينصرم والباب الفي الطرف الأخر بدأ يفتح ضلفاته للخروج من هذا المسرح الممل والحصيلة أن أجيال كاملة محسوبة على الوطن لم تقدم للوطن شئيا..ولن تقدم..من يكتب لمن يالدافي؟

انا اكتب ليك
وانت اكتب لى
بالحاصل
والحاصل بى
انين
وجراح

انا بقول يا دافى اكتب
لى انت
وطمنى عليك

هيرو
ادمي فؤادك..حديث روحي
فأضني فؤادي استعذابك الفولاذ الصدئ
..
لست الا..ذاكره
وبقايا كائن يمشي علي اثنين
ويعلف الرتابه
لا تلبسني هذي الزواهي
من نسيج جمالك الضافي
فأنا
اتفه من خدر وبراكه معا
عذرا...
انا اتفهكم ..جميعا

بناديها..لا تفتح الباب لجرح الصمت الناطق قال صديقي..الذي لا يفارقني حتي في سقوطي المؤلم في فضاء الوجع
.
.
ليس ثمة مكان لجرح
ليس ..لأن الجراح كثيره
بل..لأنه ليس هناك جسد
.
فأنا الآن ..الجسد الدمامل
كيف بالله وضعت يدك علي هذي الجروح!!!؟
.
.
اسمه..يوسف محي الدين يوسف
تذكرني به ..ايها النظيف
اسأل عنه..العمده يا زول..او تماضر بت الشيخ

شرنوبي
وليد
الحاصل بي ..انا شوق وحنين
وأقيم الليل ..آهات ..وأنين

غدي
.
.
عطرك
يكبر احتمالي بهاءا
عمديني
يا صبية..طرحت ثمارها..قبل القطاف
نقني
يا زكية الملامح
سبق موات الحواس ..ميلادي
دوزنيني
يا مرتبه..وفق نسيجك الملائكي
.
ازرعيني ..علي خصب سهلك اللطيف
ادخليني
د########

Dear Dafi,
Wow..it is pleasure to know you are here, between those most adorable people. You are the guy, the song is so marvelous, reminding me those days we spent with Bajbaja and the other friends in Bahri when we were students in the Univ.
Allah yadeek Al3afya ya man... Those days are worthy to forget.
Wish you the best ..and the rest of you.

I wish u the best too
وهذه تحية المساء والسهرة
تجدها صباحا وقد تسللت اليك من تحت الباب
سلام

كما يهدى الاغنية بوكو الى جميع الاخوان
والاخوات
بام ضريوة وشلعوها الخوالدة وعوج الدرب
وام طرقا عراض ويخص بالاهداء الاخت حلم الاماسى
بالامارات

بعد اذنك يادافى يا دافى
لكن قالوا الخيل تجقلب والشكر لى حماد
يعنى الجماعة ديل ح يشكرونى انا
والفنان والشاعر والعازفين وانت رحتو شمار فى مرقة
ههههههههههه يكة

انحنا في ابو قوتة ما عندنا اهداء ولا شنو
والله ذكرتني ما يطلبه المستمعون بتاع الرادي
هاهاهاهاه
هاهاها
البياز
عوافي

الحبيب بناديها
هاهو صامت آخر..يبتدر الجراح مربتا في حنان
***
احمد العربي
عرفته..خاطرا حزينا...مثله مثل الاوطان الضائعه
كلما لاقيته..يفتح بابا للحوار ..لا توصده بانتهاء الكلام ..تحمله معك..الي سريرك الوضيع..او ذاكرتك المتعفنه..سنينا وربما دهورا
***
فارع..في مهابه..متواضع في جمال
كان يحاول جاهدا..التوازن في زمن الاختلال
*******
اكرمه البلجيك قبل ان يبني عمارته الاولي بالمنحه المجانيه..حين ابي عليه صندوق دعم الطلاب بمرتبه متسخه..
وهاهو الآن في اليابان..يقاتل وحيدا..من اجل الدكتوراه
*****
حيوه معي..ابن عطبره الجسوره
اول الشهاده السودانيه..للعام 93
احمد عبد الله ابن النيل الصبور

وآدي سلام مربع
للجبل أحمد العربي ابن عبدالله
ودعاء يخرج من قلب صادق له بدوام التوفيق والنجاح

...
..
.
دافى .. الفيروزى الأسطورة
أطّوحنى هذا الصباح الذى لايشىء
الا بحزن غامض
يتغلغل حد ثنايا الروح
التى أنهكها السفر
وهدها الحزن ..
أشد الى تخومك رحالى .. وأعلن عليك
الشوق حتى اشعار أخر ..
نتشارك قطعة خبز .. ووطن كلما أقتربناه نأ به عنا
وفى الخاطر موجة تأتى هادرة .. وتغادر بشىء
من انكسار مرّ كقهوة صباحى .. وأكثر
لك أيها النقى
صباحات الحلم الأبيض على جناح اليمامة ...
أتضامن والرمانة الشفيفة .. وهنا اثبّت أوتاد حسى ...

هيرو
اعود..والعود اجمل اليوم..تنفست بعض الوطن يا صديقي..في هذه الليله
والدنيا ليل..غربه ومطر
جلست اليهم...بعض المثخنين بالجراح مثلي
طفت بخاطري يا عربيد الكلام
فخلتك لبرهه..جالسا قبالتي ..بين الام..وابنتها الصبوحه
.
.
تألمت يا صديقي
لأنه لم يعد بوسعي ..احتمال الجمال
لست الا ذاكره يا نديمي
فأسقني..بعض الحياه

dafi
i was trying to send you a message but it didn't work .
so,me, graduated in the year 2000 from U of K ,faculty of Engineering . Iam from omdurman (wadnubawee)....

اخى دافى
لك منى كل التقدير والاحترام

...
..
.
دافى فيروز المساء

ممتلىء ياصديقى حد التخمة هذا الصباح
تتقازفنى الأحزان .. الحنين
وشدة الوجد ..
بحثت أصابعى المتلهفة لبقايا ورق أبيض
وحبر للدواية الموجوعة .. هذه التى تئن
تحت وطئة الهجر ..
أدرت كل معاول البحث عنك وبي شوق
أعيانى وأفقدنى الحيلة
حنين يحط .. ويرحل ..
دافى لعلك بخير ؟؟؟ أنت ولا أحد غيرك
دعنى التقط ماتبقى منى
وأعود ...

صباحاتكم
بنكهة
اماكن
تسكن
ذاكرتنا


هيرو/دفيء

وانا من يحيلني واشواقي
الى مرافئ لا تمارس
في باحتي
كل اشكال
التواد
لطيوف
تنقر كل
مساء على نافذتي
وتغني
..
وتصدح
لعيونها
لطعمها
لنكهتها
التي ابدا تحترف
الانحياز الى شكل
الحرف
وطعم كتابتها
كم اشتاق
الى حروفهم

...
..
.
صاحب البرتقالة الجميل
والباحث عن الأماكن المسكونة فى الذاكرة
الله عليك .. وأشواقك المترعة
بالذكريات ..
الله عليك وأنت تستعيدها لحظة .. بلحظة
تفصيلة .. تفصيلة
ثم تنتمى اليها صوتا مجرّحا بالغناء
لزمن جميل ..
عذب هو الاحتفاء بالذاكرة
ومقيمة هى التى تسرّب تفاصيلها من دهاليز
لاوعيك .. الى حاضر
وعيك ...

Slam Dafi,

Here i'm writing!! (Maybe too late), I just saw it now. By the way I think u know some of the guys here in peoria IL, since u're Ahmed Alarabi's class mate.

[The song is good] :-)

Wish u the best
Ahmed Elsharif
Sudanese Student Organization
Elsharif Zone

يا دافى

مالك مكروب؟؟؟

ما كتبت ليك؟؟؟

رسل ليها ورقة وقلم امكن ما عندها

علمها الحروف الهجائية امكن ما بتعرف تفك الخط
اكتب ليها انت ، امكن واقفة ليك فى الضفة شايلة العشم والانتظار
احكى ليها حجوة متفاءلة امكن روحها متسربة وما بى خاترها
غنى ليها الغنية دى .... امكن راجياها منك

اديها خاطرك وانسجامك والشروق
هى الكتابة شنو؟؟؟
ما حلم
بضيق ويفيق وبهديهه القلم


ياسلام من رقتك
شفت الناس بريدوك كيف؟؟؟

اها نحن كتبنا فضلت هى

..
.
صباح النور......تحياتي ليك يا دافي
لي كده يا دافي .لي الناس ما بتكتب لبك؟..انت دايما بتتحفنا باغنياتك يا دافي.......
انا كمان مع الجماعه ليك على اضرب ليك سلام كل مل اقدر و الاغنيه ما اشتغلت ........
و يا ريت لو كانت يا(((((((((( حبيبي انا عيان....

تحياتي
Solara...

...
..
.
النقىء .. دافى
لازالت الشمس تشرق أحيانا ياصديقى
وفى عينيها بعض حزن
وعلى شفتيها جبال من حنين .. وشجن ..
الوقت صقيع .. وبعض دفئك
يسرّب للصباح شكل الابتسامة
ثم يؤذّن للمساء
أغنية تفضىء الى مرابع للذكرى وتخوم للشوق ..
للصمت هيبة .. ولضجيجك معنى وقيمة
تتخطى احساس اللحظة وتمنح اللوحة
اطارها المفقود ...
لك ثورة .. تلال شوق وشىء من ضجيج ...

صباحاتكم...كما..أشتهي
رونقا..لا يخالطه غباش

وليلي..كما ..كما لهفتي...
لا ينتهي

اشتاقكم..ولا اعرف..كيف!!

احبكم..يا هؤلاء
جميعا

تماضر
خاصتي
..كلامك..بحفر في العضم...ينقر نقير
بتعرفي تجيبي اخري...
لكن بردها ليك...انا برضو بعرف اجيب اخرك
جبتي لي احساس النمل..البشحتفني داك
غلبني..لا قدرت اقعد لا قدرت اقوم
في النهايه
جاني صداع

هيرو
يا طاعم
ها قد عدت..تستسقي بوادي الظمأ...!!!..يا نهر!!!
ما بوسعي..شئ...وبوسعك..الخيال..واحتراف الجمال
انا..مقعد الحواس..وانت كاملها
صدف..جسمي...وروحك..لؤلؤه
ضامر...رسمي...واحساسك..رؤي

دونك..ملوك..النضار..وحواشيهم
اجلس مكان الحب..ما شئت منهم..وتفسح
واترك لي صوامعي الصدئه

اتركني

...

يعذبني حسن الظن في ظلامي الذي لا يعرف الشموع

...
..
.
نديم مساءات الشجن ..
والمحلّق فوق الغيب .. دافى ...

كيف تنأ خطاى دافى .. وتبتعد وأنا أراك
تحمل جسدك النحيل .. حزنك وسخريتك
راكضا فى اتجاه مخبأ الأحزان !!!
كيف لى أن أغادر والمكان احتبست أنفاسه ثم غادرت
حين غادرت أنت ..
دافى ..
حين تعود .. تعود الحياة الى شرايين تفاصيل
الأشياء ..
نفترش الأرض الطيبة عند تخوم النيل .. ننادم المساء
ونغنى للزمن الجميل ..
ينسرب الىّ صوتك خافتا قبل اندلاع شرارة الحريق
الأولى ..
أدندن معك رغم قبح صوتى ثم أخبرك كم صوتك جميل .. دافى
وملىء بالشجن ..
غنّ دافى .. ولو كان مجرّحا .. حزينا تحاصره خيبات الوطن
وأمنح شريان المساء .. ووريده المعطوب
بعض نبض روحك ..
ونقاء صدقك الاستثناء ...

احمد الشريف
ناس ..بيوريا ..بعرفهم معظمهم..والما بعرفوا..شكلو بكون ..محفوظ بالنسبه لي..هسه لو ما اخاف الكضب..انت زاتك..مااااااا غريب علي..بس زي ما عارف..الخرف حاصل..والذاكره بقت متهالكه

شكرا يا حلوين علي اطلالتكم

كنت..ما مروق
خليتوني ابقي مروق

استغل روقتي دي..وامشي افتش لي نومه كده
اشوفكم..في زمن اجمل
مع السلامه

صديق

انا ما عارف الناس دي مصرة علي تسميتك دافي كيف
اصلا انتا كيف تسمح لي نفسك بي انك تقول انا عايز نك نيم دافي



دي واحدة

اتنين
يوسف محي الدين علاقتو شنو بي تماضر بس
والود دة هسع شن سوا وعامل شنو
وناس العرضة جنوب بقي عليهم وعقد وكرب ولا لسع



اخيرا
انتا ساكن في بيت بابو زنكي
الخبابيت دي كلها شنو

اخيرا تاني
بختك يا عم
اخيرا لقيت ليك زول بريدك
يا مقطع



اخيرا خالص
تخيل لقيت منو امس ؟

دكين

اول حاجه
قصة النك نيم دي

كنت فاتح النت..وبسجل في البورد...قام دخل علي دبيب من الدبايب..وسالتو..الجو بره كيف..قام قال لي دافي..وقعد يكررها كده..دافي دافي ..دافي..بدون اي مناسبه
اها في اللحظه دي انا كنت وصلت حتة اختيار النك نيم..وانت عارف اخوك ما بيتلفت..قمت لصقتها طوالي

يعني لو كان قال لي ..الجو بره..عنقريب..كان اسمي في البورد حيكون عنقريب!!فهمت..يا ابو مخا غليد!!!!!؟

تاني حاجه
يوسف وتماضر..علاقتهم طرديه
كلما زادت جمالا..زاد ..هو رهافة
اسالها..هي بتوريك..في حاجه اسمها ماسنجر في البورد ده
والحاجات التانيه..والاخبار.انا مقطوع منها..وهي قاطعه مني
انا اسالني من الشقي وعدم اللقي..تاني ما تسالني من اي حاجه

اخر حاجه
مقطع دي شنو كمان!!!!؟
وبعدين تعال هنا.مالي ما بلقي لي زول يريدني..مقطع ولا مقطع!!!!

حاجه بعد آخر حاجه

ما قدرت اتخيل لقيت منو!!!

كتبت ليك
لا بيني بينك ريده لا قصه غرام
كتبت ليك اجمل حروف وسط الفواصل نادره في لغه الكلام
كتبت ليك و الله يا قمر الزمان
شان جيتي بزمن المحنه و شفت في عينيك حس اهلي الحنان
كتبت ليك

و بعدين زي ما قال يحيى فضل الله
(ما في داعي يا حروف الالفه تحترفي التداعي) !
فدع تلك تطلق ما يلهج به لسانها من اذكى العبارات فما في القلب هو ما في اللسان
وعدم الكلام هو اجمل الكلام . . .

# و زي ما قال نزار قباني:
هل من كلام يقولك . . . دون كلام؟؟؟

لك دمعه من دموعي

دموع

كتبت ليك..وانا جاي من
زمن الشقي المرسوم علي..وش الثواني مظللها
تتمدد الساعات سنين ..تتفتح الاحزان
غريبه..ومذهله
واشتاق افتش نسمه في الزمن العذاب
وايامي من ..كتر الاسي
وكتر العزوف والاغتراب
صارت حروف مترهله..لحظات اسيفه..ومهمله
*

دموع

هي وين زاتها!!!؟ ومنو هي!!!؟
قاعده وين!!؟
وساكته مالها!!!؟

انا حتي الخيال بتخيلو..يا دموع
ولما..كل الكون..يكون افتراضي
تبقي الحقيقه..هي الزيف الوحيد
خليك مع هيرو..في مجموعه واحده
شكلك نقيه زيو

مالك ومال الغباش ده!!!!؟

*