Post: #1
Title: النتائــــــــــــــج
Author: KOSTA
Date: 10-02-2002, 07:02 PM
نبدأ باهمها
النتائج بالمدرسة
بيضاء ناصعة ... عليها ختم المدرسة و توقيع الناظر او المدير و كذلك مشرف او رائد الفصل .... سكون و رهبة بين الطلاب فى الدقائق التى تسبق اعلان النتيجة ...... يقرع جرس خاص بالنتائج ..، يخرج الطلاب من فصولهم الى فناء المدرسة حيث المكان المخصص للطابور الصباحى ... كل صف له مكان محدد للاصطفاف
و يأتى الناظر و يلقى على الاسماع كلمات قصيرات عجولات .. لا احد يفهم ما يهمهم به الناظر فالقلوب وجلة و الترقب و الانتظار على بال الجميع
يتقدم رائد الصف الاول الابتدائى و هو يحمل تلك الاوراق البيضاء ذات الرائحة المميزة و عيون طلاب الصف الاول تترقبه بخوف و وجل
تبدا اذاعة النتائج
الاول : فلان الفلانى ........ ويدوى صوت تصفيق داوى ... و يتقدم الاول بثقة و بسمة عريضة تملأ وجهه
الثانى : فلان الفلانى ... و يتقدم
.........
.........
.........
و هكذا حتى العاشر حيث يشيع العشرة الاوائل بالتصفيق الداوى و بكلامات و عبارات الثناء و الاستحسان
....
اما ما يلى اولئك من الترتيب فهو اداء للواجب
حيث يقل الاهتمام من الجميع ببقية الترتيب حتى يبدأ من جديد اهتمام الجميع للطلاب فى الترتيب قبل الاخير ... و بالذات الاخير
......
الطيش : فلان الفلانى
و يأتى صاحب الحظ السئ لاستلام خيبته تشيعه نظرات الاستهزاء و عبارات الاستخفاف
و يظل مسار سخرية حتى بداية العام والجديد و ظهور نتائج اخرى
نتائج فحص الملاريا و الاشعة و الدم
اما هذه فلا تقل اهمية عن السابقة اذ انها تحدد مستقبل الكثير منا .... ملاريا موجبة يعنى حقن او حبوب و بالتالى عرديب و قريبفروت و الذى منه مع الاحساس بكل ثقالة و مرارة الملاريا و علاجها
اما الاشعة فهى تظهر اللامرئى من الامراض و العلل ... انا شخصيآ لا انظر اطلاقآ لصور الاشعة الخاصة بى و انما اترك ذلك للطبيب و اسمع فقط للنتيجة ( فوبيا ... اشعة اكس و اخواتها)
اما الدم و نتيجة قوته او ضعفه
او نتيجة فحص الايدز للمسافرين او الملتحقين بوظائف معينة فلا تسأل عن ترقب ظهور نتائجهاعلى المنتظرين
نتيجة مباريات كرة القدم
يموت الكثير من الناس عند علمهم بنتيجة مبارة مهمة عندما تكون النتيجة فى غير صالحهم او غير متوقعة .... انا شخصيآ لا احضر المباريات المهمة و الحساسة التى يكون طرفها المريخ العظيم او المنتخب القومى فقط اسأل عن النتيجة عقب الانتهاء
نتيجة التقدم لخطبة او زواج شريكة الحياة
و دى طبعآ شئ فظيع و يكون الواحد منتظر على اعصابه لحدى مالوفد الذى ذهب لآل العروس او الخطيبة ما يعود وينشر النتيجة ... اصعب حاجة : البت قالت عايزة تقرأ
و على نفس المنوال قس النتائج الآتية
نتيجة الانتخابات سياسية كانت او مهنية ( خاصة اتحادات الطلاب بالجامعات و المعاهد العليا )
نتيجة رخصة القيادة ..او ما يسمى فى الخليج بالتلبيكة و التى يسقط فيها الكثير من السودانيين فى المرة الاولى
نتيجة قرعة القرين كارد للهجرة الى امريكا
نتيجة نجاح بوست فى البورد
و نتيجة........ و نتيجة ..... الخ
اما اهم نتيجة و نسأل الله سبحانه و تعالى ان ننجح فيها اجمعين فهى نتيجة اعمالنا الدنيوية فى الآخرة ... نسأل الله حسن الختام و ان نعطى كتابنا بيميننا
|
Post: #2
Title: Re: النتائــــــــــــــج
Author: KOSTA
Date: 05-28-2003, 09:07 PM
Parent: #1
نتيجة نهائى كأس الملك فهد فوز الاتحادعلى الاهلى 3/2
كم هو غير محظوظ هذا الاهلى الجداوى
|
Post: #4
Title: Re: النتائــــــــــــــج
Author: HOPELESS
Date: 05-28-2003, 11:30 PM
Parent: #2
وكم هو رائع هذا الاتي
مدرسه تنحب ... ووابداعو يخليك تحترمو
والنتائج سر الريده
واسمح لي اهني جميع بورداب جده بالمناسبه دي
ونقدم ليهم دعوه عشاء يختاروا فيها الزمان والمكان
وتسلم علي المساحه الاعلانيه
|
Post: #3
Title: Re: النتائــــــــــــــج
Author: Abdalla Gaafar
Date: 05-28-2003, 09:28 PM
Parent: #1
كوستا
السلام يارايق
ياخوي اظنك من بوست المساطيل طوالي خشيت علي دا والله يجيب ليك الجماعة طبعا من جبت سيرة التنائج دي خلاص في ناس من هم صغار مابيدوروا سيرتا ولا يوما.
وبرضو ناس الشواكيش ما بيدوروا سيرة نتيجة العرس والخطوبة
ونتيجة الملاريا كان في كان مافي برضو بوظتف ياخوي بوظتف دي كدي صاح
عمرك الزمن دا سمعت ليك زول مشي لي معمل لي فحص ملاريا قالو ليهو ماعندك !!! الحكاية دي ذكرتني طاحب لينا قال زمان كان عندهم مساعد طبي وفي نفس اللحظة برضو شغال فحيص قال لمن تجيب ليهو بول لي فحص يكب منو في انبوبة الفحص ويسخنو شوية بعد داك يمشي قصاد الشباك ويرفعو يعاين ليهو تمام ويقول ليك والله نضضضضضضضضضضضضضضيف
يديك العافية
ويجيب ليك باقي اعمامك المطاليق كان لي اسي مساهرين
عبدالله جعفر
|
Post: #6
Title: Re: النتائــــــــــــــج
Author: Elmosley
Date: 05-29-2003, 04:15 AM
Parent: #3
ياسلام ياكوستا والله هسع الواحد رجع للايام ديك
|
Post: #5
Title: Re: النتائــــــــــــــج
Author: omdurmani
Date: 05-29-2003, 02:51 AM
Parent: #1
النتائج :
احمد الله انى دائما اتوق لرؤية نتيجتى ذلك انى اجتهد واعمل واستعد لها...
..........
اخى كوستا
انت كنت بتحضر يوم النتيجة ولا بتدك....
...................
|
Post: #7
Title: Re: النتائــــــــــــــج
Author: KOSTA
Date: 05-30-2003, 10:22 PM
Parent: #5
هوبفيل
سلامات
مبروك نتيجة الاتحاد مع انى متعاطف و بشدة مع الاهلى
لكم حزنت جدآ لخروج الهلال بواسطة المحلة المغمور لمل قربت اغمر انا ذاتو بالرغم من انى مريخابى
غايتو الله يجيب العواقب سليمة
الليلة مصطفى تونس ما حيقدر يتخارج بالعافية من جماهير السودان قبل جماهير الهلال المتعصبة
|
Post: #8
Title: Re: النتائــــــــــــــج
Author: KOSTA
Date: 05-30-2003, 10:28 PM
Parent: #1
عبدالله ود جعفر
تحياتى
بصفتك شاعر نحرير كدى ورينا شعورك و انت تترقب نتيجة قبول الناس لقصيدة جديدة من عدمه ؟؟؟
اعمامنا ناس قرجة و عمك حسبو و عمك قرشو و ناس الملاعمر و اهل العوض وحاجة دومه اظنهم ناموا من بدرى عشان هم ناس كبار ما بيقدروا يساهروا
|
Post: #9
Title: Re: النتائــــــــــــــج
Author: KOSTA
Date: 05-30-2003, 10:32 PM
Parent: #1
فنانا المرهف الموصلى
ياحليل الايام ديك يا موصلى
الله يعودها
برضو يا موصلى الفنان بيكون متخوف شديد من اى عمل فنى جديد يقدمه لجمهوره خاصة الفنانين الملتزمين و المخلصين لفنهم و جمهورهم
ياترى كيف بيكون شعور الفنان و هو يترقب نتيجة اى عمل جديد يقدمه لجمهوره سواء اكان اغنية او لحن او حتى توزيع موسيقى لعمل قديم ؟؟؟
|
Post: #10
Title: Re: النتائــــــــــــــج
Author: KOSTA
Date: 05-30-2003, 10:41 PM
Parent: #1
امدرمانى
سلامات
تعجبنى ثقتك فى نفسك فيما يختص بالنتائج
بالنسبة لسؤالك : انا يا سيدى بحضر كل النتائج لكن و حياتك و زى ما قلت قبل كده بخاف عدييييييييييييل من النظر لصورة الاشعة ايآ كانت سينية ، مقطعية يعنى عندى " فوبيا " اشعة
|
Post: #11
Title: Re: النتائــــــــــــــج
Author: KOSTA
Date: 05-30-2003, 10:41 PM
Parent: #1
امدرمانى
سلامات
تعجبنى ثقتك فى نفسك فيما يختص بالنتائج
بالنسبة لسؤالك : انا يا سيدى بحضر كل النتائج لكن و حياتك و زى ما قلت قبل كده بخاف عدييييييييييييل من النظر لصورة الاشعة ايآ كانت سينية ، مقطعية يعنى عندى " فوبيا " اشعة
|
Post: #12
Title: Re: النتائــــــــــــــج
Author: omdurmani
Date: 05-31-2003, 03:39 AM
Parent: #1
يا كوستا
البت قالت عايزة تقرأ...ده زمنكم.....
حسع انحنا الدايرين نقرأ........
shereef
|
Post: #13
Title: Re: النتائــــــــــــــج
Author: ابوحراز
Date: 05-31-2003, 06:38 AM
Parent: #12
كمان نتيجة تحليل الحمل لأول مرة
هذه أهم من كل النتائج السابقة
تنتظرها المرأة بشغف شديد
وينتظرها الرجل أيضاً
أقول لك ذلك لأنني عايشت هذه القضية عن قرب
فقد كنت أأخذ صديقي وزوجته للمعمل في مدني
وذهبنا ثلاث مرات
وفي كل مرة كانت النتيجة خلاف مايتوقعون
وحينها ينزل الصمت ويخيم عليهم
ونرجع دون حتى أن نتناول البارد
ثلاث مرات كانت مؤلمة جداً
والمؤلم أكثر أو المفرح أكثر
انهم في المرة الرابعة لم يأخذوني معهم
حلفت العروس بكل قواها العقلية أن لا أباريهم مرة أخرى
وذهبوا
وأجروا التحليل المطلوب
وكانت النتيجة
حاااااااااااااااااااااااااااااااامل
قال ابوالقدح قال
|
Post: #14
Title: Re: النتائــــــــــــــج
Author: KOSTA
Date: 05-31-2003, 09:22 PM
Parent: #1
ام درمانى
يا حبيب نحنا زمنا البت و الولد عايز يقرأ
فى زمنكم الولد ماعايز يقرأ ... الولد ما قادر يتقدم للجماعة ، ما قادر يكمل نصف دينه
بعدين تعرف فى زمنا ده اصبحت المعادلة كالآتى : راجل المرأة قال عايز يقرأ
!!!!!!!
ابا حراااااااااااااااااااز
حرام عليك ... كفاية نحست الجماعة تلاتة مرات متتاليات
و الحمد لله انك فى الرابعة ما مشيت معاهم
قال بارد قال
|
Post: #15
Title: Re: النتائــــــــــــــج
Author: Abdalla Gaafar
Date: 06-01-2003, 09:42 PM
Parent: #1
كوستا
لك الود والسلام
ياخوي ناس عمك حسبو من جبت سيرة النتائج مابجو من زمان مابدوروا يوم النتائج. لكن حاحكي ليك عن اخطر نتيجة مرت بي ودا كا في بداية التسعينات بفلندا حيث يخضع كل الداخلين لفلندا لفحص الايدز ومش كدا وبس والتلقي عندو يرسلوهو تاني يوم لي بلدو بي جواب كنا اتنين من السودان ومعانا اتناشر افريقي يزول وصلتنا من الطيارة علي المعمل ستة انابيب دم من الواحد ياجماعة في شنو قالوا دا فحص عام فسحة وبول ودم طيب الدم دا شايلنو كتير كدي لي شنو قالوا فحص الايدز ياجماعة نحنا ناس مسلمين وحكاية الايدز ماواردة قالوا لينا مكن يجي من فحص ملاريا والله طبيب اسنان ويازول راسنا ضرب اها بقينا في انتظار النتيجة والله ياكوستا سبعة يوم مرات تقوم مهجوم من النوم بعد داك يوم النتائج جابونا كلنا ولي سوء الحظ بدوا بي واحد يوغندي قعدوا معاهو نص ساعة وجامارق وشو يلعن قفاهو وفي حالة بطالة ورانا انو اتلقي عندو ايدز وبعدو تنزاني برضو عندو ونحنا قاغدين لمن ندهونا والله كانت لحظة غريبة الدكتور وقدامو كمية من الورق وحكمة الله مابيبدا بالدم لا بدا بالفسحة وقال في قارديا لمن وصل فحص الايدز وقال مبروك ايدز فري
حتي بعد داك فتحنا عيونا شفنا فلندا فيها شنو
عبدالله جعفر
|
|