Post: #1
Title: مهزلة .........استدعاء
Author: dreams
Date: 09-19-2002, 10:24 AM
Parent: #0
مهزلة
شن نفرو الوزير
ان قال
وشن طعمو المدير
ان كان قِصِر
أو طال
واكان تابعو التعيس
" قفه "
و " شيزوفرينتا "
الشَبَه 000 ورجال 0
ده حال زمن
الوجوه نُصين
وضبح الكلمه
بالسكين
وطلع الموج
باسم الدين 0
دقون تربايه
بس راس مال 0
كتير تلقى الغُرر
فى الوش
وتحت الوش
مسيح دجال 0
شن نَفَرو الوزير
ان قال
وشن طعمو المدير
ان كان قصر
او طال
وشن آخْر الكضب
والكيد
لو صبحت جبالو
تلال 0
000000
أيا حُزن الغبينه
الطال
ويا موج السفينه
الصار
على درب الموانى
جبال 0
ايا قلب العُمُر
مشروق
بريد الطينه والتربال
شن سوّى الوجع
والكيد
غير عجم القلم
والعود
وغير ضوّ الليالى
السود
وغير سوى الأغانى
نصال
وغير غَمّض
عيون الخوف
وغير فَتّح
عيون الشوف
على درباً
نضال وجمال 0
شن نفرو الوزير
ان كان قعد
أو حام
وشن طعمو المدير
ان كان نضم
أو صام
وكم تمنو التعيس
تابعو
وكت همو " العَلَف
ولجام "
وشن نَفَر الحرس
والأمن
وكت جوه الكبار
أقزام 0
وشن سوى الصُحف
" للف "
غير صبحو الرمم
أقلام 0
|
|
Post: #2
Title: Re: مهزلة .........استدعاء
Author: dreams
Date: 09-19-2002, 10:32 AM
Parent: #1
نشر هاشم صديق هذه القصيدة السبت الماضى فى جريدة الحرية وكانت النتيجة ..استدعاء الى مكاتب الامن الداخلى وجلوس لمدة 5 ساعات ووجهه الى الحائط ممنوع من الحديث والالتفات دون شرب او اكل وهو يعانى من مرض السكرى....اسئلة سخيفة ومتعددة ابتداء من قريت الابتدائى وين ومرورا بامك وابوك منو وانتهاء باخوانك وزوجاتهم.....وفى النهاية عبارة منافقة (والله يا استاذ نحن بنحبك ونحترمك) ولما طلب ممنهم يسالهم سؤال سمحوا له فقال (ليه بتنشروا قصايد وتصادورا قصايد ..نشرتو ست الشاى وصادرتو القرنتية؟!) الاجابة ..عشان ما نكممك طواااالى ومرة مرة نخليك تتكلم ..اصلنا بنفهم فى الحرية ...)..رايكم شنو؟
الان فارماس يفكر فى الانضمام الى ركب عناقيد الرحيل
رايكم شنو يا جماعة ..يفضل ..ولا ..يطلع!!؟
|
Post: #3
Title: Re: مهزلة .........استدعاء
Author: wadazza
Date: 09-19-2002, 10:34 AM
Parent: #2
بريد الطينه والتربال
شن سوّى الوجع
والكيد
غير عجم القلم
والعود
وغير ضوّ الليالى
السود
وغير سوى الأغانى
نصال
اختزال موجع للمرحلة...فليسقط قتلة الكلام
تحياتى
ودعزة
|
Post: #4
Title: Re: مهزلة .........استدعاء
Author: suna
Date: 09-19-2002, 10:50 AM
Parent: #3
انا أول المشاركين
ياإيد أبوي على إيد أخوي على إيدي نا
هكذا نبدا في تفعيل البورد وربطه بأرض الواقع وأنا من زمان كنت بتمنى أنو يكون في
حاجة ملموسة تمثل البورد وناس البورد في بلدنا هناك .. تخيلوا وأنا هناك فكرت أعمل
مظلة في أي موقف من مواقف البصات بإسم سودانيزأون لاين ولكن بكل اسف الإجازة كان
توووووووو شورت .. مع إنو الفكرة بسيطة لكن بحثت عنا هناك فلم أجد حتى نفسي غياب
كامل متكامل ونأتي هنا نتباكى على البعد والحرمان من الوطن.. هاهي أتتنا تحرك فينا
روح الحضور فكرة فرز التبر من التراب فهل نحن فاعلون .. وصدقا تبنى البورد عدة
مشاريع ولكن ماذا حل بها مجرد سؤال أرجو أن لا تموت هذه الأهزوجة في حلوقنا كما
ماتت قبلها أهازيج وأهازيج .. فمن الرامي لنرمي من خلفه .. تعالوا نشرع زورقا لننجد
به هذا المسكون إبداعا ولعمري إننا نحن الطاقة التي تحرك هذا الإبداع فماذا نحن
فاعلون ...
|
Post: #5
Title: Re: مهزلة .........استدعاء
Author: Tariiq
Date: 09-19-2002, 10:53 AM
Parent: #1
يا وطن
لمتين يلازمك قبح الجبهة
|
Post: #6
Title: Re: مهزلة .........استدعاء
Author: Abomihyar
Date: 09-19-2002, 11:04 AM
Parent: #1
:أحبه وهو القائل
أشقى في دربك أقاتل وأبقى مخلص للنهاية
وأستريح في ضل عيونك كلما تتعب خطاي
-----------------------------------
سألتك ياوطن ارتاح
فديتك ياوطن تسلم
قريت في دفترك شجنك
وذاكرت المعاني حكم
مشيت بي قصتك للريح
وشديت في مسارب الهم
لقيت حالك سؤال محتار
وجرحك من نقيحو نضم
ما أصدقك ياود صديق الملك
وما أتعسنا بحكامنا
|
Post: #8
Title: Re: مهزلة .........استدعاء
Author: banadieha
Date: 09-19-2002, 11:20 AM
Parent: #6
طيب وهو قال شنو؟ وما جاب كلام من عندو..دا لسان الزول ذاتو الملولح والممدود..تسلم ياهاشمنا
ولكن..أما من حدود يلتزمها هؤلاء المتاجرون بالدين؟ الطبيب وله حدود إختصاصه..المهندس وله اصوله مهنته..وكل ذي حرفة له حدود حرفته حتى الكاتب الأديب والفنان المبدع يمارس إنسانيته في حدود فنه وإبداعه..هؤلاء الإسلاميون إلا حدود لهم حتى ينطون هنا في القصيدة ويفطسونها وحتى يشبون في حلق الرواية ويكفرونها وحتى يأولن كلم البشر عن مواضعه ويجعلون كلام عماد براكة في مستوى آية؟
ياسادتي بدلا عن الهجوم على الشيوعية الواضحة وما فاضحة هاجموا هؤلاء الذين هاجمهم هاشم صديق وعندها ربما ستستطيعون أن توقف زخم
المد الفكري للشيوعية المتدحرج كجلمود صخر حطه السيل من عل وسط الجماهير
|
Post: #7
Title: Re: مهزلة .........استدعاء
Author: AbuAla
Date: 09-19-2002, 11:13 AM
Parent: #1
الجبهة عدوة الكلمة الحرة. فالكلمة الحرة تعري قبحها وتسلطها على البلاد والعباد. اللهم ازل عنا قبحهم وارح السودان من سخفهم. آمين
|
Post: #9
Title: Re: مهزلة .........استدعاء
Author: dreams
Date: 09-19-2002, 11:22 AM
Parent: #7
ود عزة
المريود
ابومهيار
طارق
ابو علاء
لكم الود
ومازال السؤال قائم.....يفضل ولا ..يطلع !!؟
|
Post: #10
Title: Re: مهزلة .........استدعاء
Author: قرشـــو
Date: 09-19-2002, 11:26 AM
Parent: #7
بصراحة يا جماعة
انا كنت قايل الناس ديل اسوأ من كده بكثير
والمسالة لو بقت استدعاء واسئلة سخيفة برضو مبلوعة
الخوف من حاجات ثانية والذهاب وراء الشمس
الرائع المبدع كما كل الشعراء هم ضمير الامة وصوتها الذى لن يصمت مهما كانت القسوة ومهما كانت القوانين جائرة
التحية له ولكل الاحرار
الشكر لك عزيزتنا دريمز
|
Post: #11
Title: Re: مهزلة .........استدعاء
Author: rummana
Date: 09-19-2002, 11:33 AM
Parent: #10
يفضل...يفضل...يفضل
عشان هناك كلامه درر
وبره الكلام كله زيف
|
Post: #12
Title: Re: مهزلة .........استدعاء
Author: kofi
Date: 09-19-2002, 11:46 AM
Parent: #1
موش كويس انة ماقتلوة
موش كويس ماصلبوه
انا بشكر ناس الجبهة انهم على الاقل سايبنة عايش لانة هاشم هو هاشم
ولسع بنقسم يااكتوبر
لم يطل فى فجرنا ظالم
نحمى شعار الثورة نقاوم
نبنى صفوف ايوة نبنى صفوف
|
Post: #13
Title: Re: مهزلة .........استدعاء
Author: dreams
Date: 09-21-2002, 08:42 AM
Parent: #12
ومازال فارماس يسال..فهل من مجيب!!؟
|
Post: #14
Title: Re: مهزلة .........استدعاء
Author: النورس الحزين
Date: 09-21-2002, 08:57 AM
الاعزاء
ماطال في بحرك في مي وتمرك مفدع بالجريد وشدرك امد حد السمي
وطينك معتقك بالطمي نبنيك اكيد نبنيك سوا نبنيك ايوا سوا سوا من نوع جديد
مع الود
النورس الحزين
|
Post: #15
Title: Re: مهزلة .........استدعاء
Author: dreams
Date: 09-22-2002, 07:41 AM
Parent: #14
النورس الحزين
لمتين يرجانا وليلنا مشاتر.....ووجعه خرافى
ومازال فارماس ينتظر
|
Post: #16
Title: Re: مهزلة .........استدعاء
Author: أبنوسة
Date: 10-22-2002, 07:35 PM
Parent: #15
الأحلام الجميلة
لكي وله التحايا هذا الصامد، ليذكرنا بأنه الفارق بين زمن يصنعه الحرف وزمن يقتل الكلمة، وتبقى كلمة الحق غصة في حلق هؤلاء
ويبقى سؤال الطيب صالح هوالحقيقة!!!!!!!ه
وما أبشع زمن حقيقته الإستفهام
|
Post: #17
Title: Re: مهزلة .........استدعاء
Author: ابوايهاب
Date: 10-22-2002, 09:59 PM
Parent: #16
رأيي أن يبقــــــــــــــى ويقاتل بقلمه المدفع فهولاء الناس يسرهم أن يغادر السودان كل من له رأي حر وأكثر ما يوجعهم هي الكلمة الرصاصة!! أمطرهم هاشم فأمثالك باتوا نادرين في زمن المتاجرة بالدين وتسفيه الآخر .. من هم هؤلاء الناس ... ومن أين قدموا ؟
أو كما قال كاتبناالحر الطيب صالح
مع تحياتي لكل الصامدين
أبو ايهاب
|
Post: #18
Title: Re: مهزلة .........استدعاء
Author: Elmosley
Date: 10-22-2002, 11:17 PM
Parent: #1
دريمز الله يديك العافيه وهاشم يتخاف عليهو والله من الناس ديل
|
Post: #19
Title: Re: مهزلة .........استدعاء
Author: dreams
Date: 10-23-2002, 11:02 AM
Parent: #18
ابنوسة
ابوايهاب
ود عمى
فارماس الشعر السودانى اختمرت فى دواخله فكرة الخروج
اخر اصدارته (على باب الخروج ) سوف اتيكم بها كاملة هنا
لنستمع له ..ونحاول الاجابة مجددا على تساؤله
تسلمو
|
Post: #20
Title: Re: مهزلة .........استدعاء
Author: المسافر
Date: 10-23-2002, 11:21 AM
Parent: #19
هاشم صديق
النصل القاطع
ضواي بريق النجمة الشهب العين
في دي
كان يجيبو ليه قنبلة نووية حتى لو استأجروها من امريكا
ولو فجروها وراحو معاها أكيد باقي الغيظ أثاروا حاتكون اطول عمرا من الأشعاع الذري
|
Post: #21
Title: Re: مهزلة .........استدعاء
Author: noha_g
Date: 03-26-2003, 11:04 PM
Parent: #1
*******************
up
*******************
|
Post: #22
Title: Re: مهزلة .........استدعاء
Author: dreams
Date: 03-29-2003, 11:23 PM
Parent: #21
تسلمى يالندى
|
Post: #23
Title: Re: مهزلة .........استدعاء
Author: THE RAIN
Date: 03-30-2003, 06:04 AM
Parent: #1
دريمز
يظل هاشم صديق دوما واقفا على ذرى التفرد والإمساك بمفردة الإبداع العصية والجميلة
شكرا لك على إمتاعنا به
|
Post: #24
Title: Re: مهزلة .........استدعاء
Author: alhabeb
Date: 03-30-2003, 12:39 PM
Parent: #23
التحيه والتجله للفنان العظيم هاشم صديق
التحليه والتجله لكل من عاش مساة فى ظل تلك الحكومه
ولكم منى كل ود
والتحيه لك عزيزتى دريمز
الحبيب
|
Post: #26
Title: Re: مهزلة .........استدعاء
Author: dreams
Date: 03-30-2003, 09:58 PM
Parent: #23
ايها المطر
ولازال فى معيته الكثير
ربنا يقدرنى وامتعكم بكلماته دوماً...تسلم
الحبيب
ولك التحية ...تسلم
عزة
كلها دروب لا يمشيها سوى المؤمن بما يفعل ويقول
اصدقائك ..هاشم صديق ..وغيرهم ..اصحاب حق يرون انه لهم فيدافعون عنه
وفى هذا ما يكفى لتحيتهم تحية خاصة واحترامهم
تسلمى
|
Post: #25
Title: Re: مهزلة .........استدعاء
Author: azza
Date: 03-30-2003, 05:36 PM
Parent: #1
التحية لهاشم صديق لانه رائع
و التادب وانحناءة ان له طعم خاص وهو مازال هناك في احضان النيل ليته يبقى مكانه و يعود البقية
و ياما مهازل في الاستدعاءت
ذكرتني هذه الحادثة قبل سنوات في المدرسة الثانوية كان هنالك افطار جماعي لصالح الجمعيةالادبية معروف في المدارس كل جمعية عندا فطور و كل الجمعيات سوت فطورا اها لما جاء دور الجمعية الادبية ماتلقى الا البوكس برا قالوا ياشباب ياتفرتقوا ياتركبوا اها زول فرتق مافو خموا الشباب من تلاتة ظهر
ليه؟؟ قال دا فطور الجبهة الديمقراطية
الداير اقولوا المهزلة اول ما الناس دخلوا المكتب قدموا ليهم موية و الله رجال بتكلموا بي طريقة ...النبي تشربوا ...لاو الله حلفنا ؟!و مسخرة و استهزاء اها اذن العصر دايرين نصلي تعالشوف وقفوا اتنين واحد يقولوا يتمموا و الناس في المصلاية التاني يقول اصلوا بتصلوا بي شنو بي صورة الفيل (طبعا عنددهم عقدة الفيل و تطعنوا في ضلوا)اها صحبوا يرد يقول الفيييييييييييييييل لا دي كبييييييييييرة صلوا بالنمل و كهكهكهكهكهكهك يضحكوا و كلام في القران ذاتو تعف عن ذكروا
|
|