مساطيل

مسطول عملوا معاه لقاء فى التلفزيون

"المذيع سأله:" ماهو أصعب موقف مرّ بيك فى حياتك ؟

المسطول قال ليه:" يوم ما كنت بحلق فى دقنى

".. و بلوك لى فى لبانة
*********

تلاته مساطيل راكبين في طيارة هليكوبتر بسطلوا والطيارة في الجو
قاموا قالوا لي واحد منهم يمشي يجيب ليهم سجارة حمرا من الدكان
زولنا قام وعلي حسب السطلة الفيه مرق بي واحد من ابواب الطيارة
لحسن حظو لاقتو ليك مروحة الطيارة وخمشتو من لياقة القميص
صاحبنا بقى معلق والمروحة لافه
الجماعة بي جوة انتبهو للموقف وزولنا لافي مع المروحة
وهم برضو علي حسب سطلتهم شبكو ليك
آآآآآآي أقعد لف لينا كدة لمن تلقى الدكاكين قفلت
*********


كان في واحد مسطول..سايق عربيه وعمل حادث..جو ناس الشمارات
قالوا مالك صادم الشارع طويل وعربض...؟؟
قال ليهم انتو لو ماشين ولقيتو حمار ماشي قدامكم تصدموه ولا تقعوا في الخور؟؟
قالوا:نصدموا..
قام قال:اها انا كنتا ماشي فيا الشارع ولقيت حمارين صدمتا واحد ..والتاني جرى
لحقتوا عشان ا صدموا نزل الخور نزلتا وراه
*********

واحد مسطول عندو 3 شعرات بس والباقي صلعة .. والغريبة أصحابو المسطايل بقولو ليهو أب شعر وهو مصدق الحكاية دي .. مرة عايز يسرح شعرو ، مرر المشط المرة الاولى أنقطعت شعرة من التلاتة ، مرر المشط تاني ، إنقطعت الشعرة التانية ، قام قال: أها خلينا منكوش كدة
*********
واحد مسطول وعندو محل بتاع بلاي ستيشن ، قام ابوهو مات ، كتب على قبره : قيم أوفر
*********

مسطول صلى الفجر ركعة واحدة . ليه ؟؟ لقو خاتي كربون تحت السجادة

********
مسطول ولدو ليهو بنت سألوه عايز تسميها منو ؟ قال : مريم على إسم عمتي فاطمة
********
اتنين مساطيل ، الأول يقول للثاني: تصدق أنك تشبه الحمار.. الثاني: قول ما شاء الله
********
مسطول و كذاب جداً ، راح الحج عشان يتوب ، لما رجع الناس سألو اها شفت شنو !؟ قال : شفت أبوجهل راكب شبح عليه رقم (قريش1
********

واحد مسطول قال لصاحبه .. ارسم على ظهري مربعات .. ورقمها من 1 الى 20 .. لما خلص .. قال ليهو : " حُـك لي المربع رقم 15"
*******
واحد قاعد يسطل مع الشلة والده اتوفى الجماعة إحتارو يكلموه كيف
قام واحد اتبرع ومشى ناداه بعد شوية وكلمه
صاحبك سمع الخبر ورجع لشلته
تانى رسلوا واحد قالوا ليهو ياخى امشى كلمه عشان نستر الجنازة دى
مشى ناداه بعيد وقاليه ياخى والدك دة اتوفى
صاحبك المسطوا قاليه تااااااااااااااانى

*******
اثنين مساطيل مسافرين وقفوا عند محطة نزل واحد منهم وقال لصاحبه :عايز شنو ؟ قالو : أي شي . راح جاب لنفسه عصير ولصاحبه قلم
*******

واحد مسطول لقى شافعة في الشارع سألى :أسمك منو
قالت ليهو : أسماء
قال ليها :يعني ما في أسم معين
*******
مسطول ماشي في الشارع لقى أعلان معلق في عمود كهرباء عن وجود شقه للأيجار قام يدق على العمود
ويدق ويدق ..مر به مسطول تاني وساله يا أخونا بدق في العمود مالك قال ليه المسطول لقيت أعلان عن شقه
وبدق على الجماعه دييل ما عايزين يفتحوا الباب رد عليه المسطول غريبه مع انه طابقهم الفوق منور
*******
مجازفة من موقع النيلين

صباحك نور يا مان
ههههههههه

صباحك زين يا بخاف

ههههههههه
والله يا اساسى ضحكتنى من الصباح ..كتر خيرك

وهاك دى

مسطول عندو بوكس موقفو غلط فى نص الشارع

العسكرى بكورك له : يا بتاع البوكس ..يا بتاع البكوس

وهو ما شغال به الشغلة

العسكرى مشا للمسطول وهاج فيه : انت انا مش بكورك ليك ..انت بتاع البوكس ده!!؟

المسطول بكل برود رد : لا ..البوكس بتاعى

قالوا ليك فى مساطسل ثاعدين فى سطوح عماره يازول مدورين ليك الف بعد شويه بقى واحد واحد اتلب من فوق السطوح الى الارض باعتبار الارض دى بحر

يازول كلهم تلبه مافضل اله واحد المهم جاء واحد من ناس الشارع لقى واحد بس فضل فى السطوح فساله يازول مالك تلبته قالوا انا عايز اتلب لكن مشكلتى مابعرف اعوام

ههههههههههه بايخه

بوب

هاهاهاهاهاها وانا اقول بوب دا بيخاف من الموية مالوا

شكرا اساسي

نحتاج دوما لنضحك حتى تتجدد فينا الحياه

لك تحياتي

لووووووووووووووووول يا دريمز
دا كان لافي الكرت بي كتاب عربي ولا شنو
تحياتي شجون

أساسى...
مسطول ..سمع خبيط البوليس فى الباب ...عايز يرمى السجارة بالشباك...رمى نفسو...

واحد راسو شايب جدعو بايظ...

واحد عايز ينزل بوست فى البورد نسى التاء...
نزلا وين ؟؟؟

الامام قال للمسطول الواقف فى الصف القدامى استوو وكررها ليه 4 مرات شويه ورا ...شوية قدام..لا ارجع...المسطول زهج قالى ...ياخى انت عايز تصلى واللا تشوت فاول

مزاجك رايق يا أساسى قلنا نزيد فى البياخة شوية...
انا عارف دى ما بتلقى ليها ضحك...LOOOL
jpdhjn
,]u.m

الله يخليك يا اساسي
game over


loooool

التقى مسطول قصدي مسئول عربي بمسئول اجتبى في بيته وكان المنزل جميل فقال له كيف بنيت هذا المنزل فرد انظر من النافذة هل ترى هذا الكبرى ؟ رد نعم
بكلف 45 مليون قلته بكلف 50 مليون
بعد سنة واحدة فقط زار المسئول الاجنبى المسئول العربي ووجد عنده فيلا وسأله نفس السؤال فرد قائلا
انظر من النافذة هل ترى هذا الكبرى فأجاب لا أرى شيئا
فقال له هذا بكلف 100 مليون


شبيك ابوى لبيك
نحن اولادك ديك

اها هاكم دي والله حقيقيه وحصلت جد جد
في موقف المواصلات في مدني في شحاد اعمى طوالي تلقاهو بيمر على الحافلات و يقول اجر من الله بي كسر الراء
اها يوم في واحد مسطول قاعد مستني الحافله تتملي
اها جاهو الشحاد دا
اها طبعا الشحاد شغال بينادي بي استمرار
اجر من الله
اجر من الله
والمسطول شابكو ليك :تجري منو ويييييييييييييين

اساسى الكان رومانسى\

هااااااى يكة على راى اخونا الزعلت منو فلانة

مالك على التاء ما تخليها فى حالها ياخى
ليه دائما ناسنها ورامنها

واحد ما مسطول كل يوم فى العشاء عند بتاع الفول يجى واحد كوز يتعشى بوش وبعد العشاء يقعد يقول فى ادعية منها" اللهم نعمة ادمها واحفظها من الزوال.. اللهم اطعمنا من الجنة .. واحفظمنا.. الخ" الراجل بعاين ليه وزهجان منه يوم وصل الحد قام قال ليه:
يا اخينا انت لو اكلت شية كان صليت ركعتين ولا شنو

هاااااى يكة
الزول ذاتو

الاخ قرشو

يا رااائــــع
بعد التحية


دى نكته بتاعت مساطيل بالجد ههههههههههههههههههههههه

حلوين يا شباب
ايهاب نكتاتك لذيذة
و بمناسبة مدني دي ... برضو واحدة
جماعة راكبين عربية معاهم واحد مسطول، في الشارع قدام بيت واقفة قدامو تلاتة عربيات بيجو قام واحد قال: تخيل البيت دة و العربات القدامو سيدوم ترزي ... و هو يتكلم على سبيل الاستغراب من وضعو المادي
قام المسطول قال ليهو يعني فصلهم .

مرحب اساسي

والله انا كانت زعلانه اليوم ماتخيلته انو في حاجه اليوم ح تضحكني
اسمع دي ..واحد مسطل فتح التلاجه كان في جلي قعد يرجف قال ليهو ماتخاف انا عوز اشرب مويه
تحياتي

قال ليك كان فى واحد مسطول متعود يلف السجارة فى الشارع ...لمن يجوا الناس مارين بى عندو بيسلموا عليه سلام يا حيدر ,,,, المسطول من غير ما يرفع راسو بيرد عليهم ...يا اخونا ...شغال طوالى بالطريقة دى , فى يوم جاء واحد غريب من الحلة لقى صاحبنا المسطول فى الشارع بيلف فى سجارتو ...قال لى سلام يا اخونا ...رد على المسطول .... يا حيدر

في واحد مسطول واقف في الكبري على النيل وينادي
تلاتة وتلاتين
تلاتة وتلاتين
تلاتة وتلاتين
قام واحد جاء قال ليه : خير في شنو ، شنو التلاتة وتلاتين
قال : ليه تعال عاين
وفت جاء عاين ، رماهو جوه الموية
وقال : اربعة وتلاتين
اربعة وتلاتين
اربعة وتلاتين

يا زول

جد جد
ضحكت مووووووووووووووووت

كثر لينا منها
في زمن المشاكوسيين

جمال

ده كلام شنو كله كووووووووووووم والكربون التحت المصليه كووووووووووم شكلي جد كنته مصقوووووووووووع وفكرته فيها طيب هاك دي واحد ساكن عزابي مع الجماعه وجنه ركوب افيال المهم اها جاهو ابوه من البلد وفي الفجر قام الوالد ناده ولده ياولدي جيب لي المصلايه المهم الولد كان مصقووع صقعه تمام فقام فكر وفكر واخيرا جابه تبروكه طبعا مدوره المهم الوالد سال ولده اها القبله علي وين تعرف كان رد المصقوع شنو .................. لو كنته عارف القبله علي وين كنته جبتها ليك مدوره هههههههههههههههههههههههه

اها دي واحده قديمه معدله

اسد بتاع سطلي شايل سجارتو وبسطل جمب البحر
قال يخت السجاره وياخد عومه
ويجي يكملها
جا فار بي وراهو وضرب باقي السجاره
وطلع الاسد لقي السجاره مافي والفار ساطل
والاسد قال للفار اوعه انت تكون ضربت السجاره دي لاني حاكلك
الفار عاين للاسد وقال ليهو
انت كديس عوير ولاشنو

والله يااساسي شكيتك علي الله ههههههه يكه

قالوا مسطول بالليل راقد جم مرتو اها قام مشى طلع بره وجه قال لي مرتو ياوليه انا لو فتحت باب الحمام النور بيولع قالت ليهو لا قال ليها خلاص انا 000000 في التلاجه ههههههه يكه

مسطول مشى مع الناس المقابر اها الزول الميت كان رجلو مقطوعه وناس يقولو يدفنهو مع رجلو والتانين يقولو ماضروري ندفنو في مقابر تانيه اها المصطول قال ليهم يا اخوانا لو مادفنتوهو مع الرجل الزول ده يوم القيامة ح يجيكم شدت ولا شنو ههههه يكه

شدت طبعا لعبة الواحد بيكون ماسك كراع واحده بي يدو وبينطط

قالو واحد طلع ليهو مارد مسطول كان محبوس جوه جره اها بعد طلعو المارد قال ليهو شبيك لبيك عبدك بين ايديك داير شنو صاحبنا قال ليهو داير ابقى اصفر اها المارد قام ضربو كده قلبو ليك تاكسي ههههههه يكه

مسطول في حفلة منتظر الفنان اها الفنان اتاخر والعازف بيعمل تست للكمان بتاعو اها بعد مسافة الفنان قام جه المسطول مشى ليهو قام عمل ليهو بي يدو في راسو انت وين من الصباح شابكنا ترلم ترلم دي حصلت مع فنان كبير بالجد هههههه يكه

مسطول داير يطلع جواز قالو ليهو جيب صور شمسية مشى جاب ليهم صور وهو راكب عجلة

مسطول دخل السينماء ولمن طلع لقى العجلة بتاعتو سرقوها قال بالله دي الفاظ دي


زاتوووووو

لالالا يا استاز،دي نكتها من وين،الله يجازيك

ضحكتوووني الله يديكم العافيه وفكيتوا لي دبرستي
هاكم دي
مسطول قالوا ابوه مات وجابوه قعدوه في الفراش اها صاحبنا عايز الموضوع ينتهي عشان يسطل بمزاج ماصدق اخر واحد من الناس مشي هو طوالي قفل باب الحوش وقعد يسطل بمزاج قام جاء واحد دقه ليهو الباب صاحبنا فتح الباب عاين ليهو كده قال ليهو في شنو قام الراجل قال ليهو جيت اشيل الفاتحه قام قال ليهو خلاص ادخل شيلها وامشي ههههههههه

مسطول قاعد في بيت بكاء
اها قم جات عربية لاندكروزر اخر موديل والسواق نزل ليك واحد مكسر في عربية كده اها المكسر قام شال الفاتحه مع الناس ومشى دفع في الكشف خمسة مليون جنيه ومشى اها الناس احتارت في الزول ده منو قام المسطول قال ليهم ماعرفتو ده منو قالو ليهو لا والله
قال ليهم ده ما الطيب النص هههههههههههههههههههههههههههه يكه

زاتوووووو

الطيب النص رجل اعمال سوداني لكن سالم

قال ليك فى اتنين مساطيل قاعدين فى اوضة بسطلو
جنس سطلة , الجوع ضربهم وقام واحد قال للتانى
ماتقوم تجيب لينا حاجة ناكلها , زولك طلع بالباب اخداللفة بتاعة ركن الاوضة وجا بي الشباك بتاع
نفس الاوضة نفس الاوضة نفس الاوضة نفس الاوضة
قال لى صاحبو ;
اسمع ماعندكم طحنية
داك قال ليهو ; رسلنا ليها قبل شوية

نكته قديمه لكن برضو حاحكيها ليكم
قالو اتنين مساطيل جايين بالليل ماشين ايام حظر التجوال قام العسكري وقفهم قال ليهم انتو مين وجايين من وين قامو قالو ليهو نحن جايين من الشغل قال ليهم شغالين وين قالو ليه في التلفزيون قام العسكري قال ليهم لكن التلفزيون زاتو بعد كده مافيهو شغل الارسال انتهي قالو ليهو مانحن زاتنا البنقول وشششششششش



سلام اوعي تقولوا لي قديمه

بنت الجزيره

مع انى سمعتها
لكن برضو ضجكته ورهيبه



ويا زاتووو
كويس انك شرحت معنى شدت لانى لو قعدت لى بكره ما كنت حا افهمها



تحياتى
غدى

شكرا ياغدي ياعسل
ومدام ضحتك خلاص انا مبسوطه جدا

تسلمي


سلام اهلي الحنان

مسطول طالع ليه في سلم وبيدق في مسمار

المهم المسمار قام وقع 00 عاين له كدا وقاله ليه اطلع

احسن ليك تعال طالع هنا 000 ما بتسمع الكلام احسن ليك اطلع

كدا يعني كلامي ما شغال بيه طيب 00 قوم شيل علبة المسامير كلها

وكبها في الواطه 000وقال ارفعوه

ههههههههه

تحياتي

مسطول قبضوه ناس الخدمة الالزامية
الضابط سالو يازول انت شغال وللا قاعد ساكت ؟؟
المسطول طبعاً ماشغال لكن عاوز يتفك من الخدمة دي
قام قال للضابط انا شغال
الضابط قال ليهو : شغال وين ؟؟
المسطول قال ليهو : والله ياجنابو شغال في مصنع الضمنة
الضابط قال ليهو : شغلك شنو في المصنع ؟؟
المسطول قال ليهو : ياجنابو أنا الزول البعمل النقط السوداء في الضمنة
الضابط قام قال ليهو : طيب الليلة السبت ماشغال مالك
المسطول قال ليهو : ياجنابو الليلة يوم البلاطة

نكتكم لزيزة والله
كل يوم لمن اصل للبوست دا اكون نعست خلاص, اقوم اقرا لي نكتة اضحك وامشي .. والباقي اخليه لبكرة
اها قالو محمود عبد العزيز في فيلم مسطول كالعادة واحد جنبه بيقول ليه: تسدأ؟ الدنيا دي كلها مآسي
محمود: ليه , هو انتا مآسك كام؟ .....

اه جد جد....جماعه كانو قاعدين ينسطلوا في الحوش والدنيا بداية شتاء اه الجماعه قاعدين واخر دخاخين وتسمع ياخي خنقتها او ما تفكها ومرات تشوف حاجات كده زي الالعاب الناريه طاق طاق المهم اخونا كان قاعد معاهم مجامله لانو اصلا هو ما من شلة المساطيل اخيرا قرر انو يدخل جوه الفيلا وينوم لانو النوم احسن من وجع المصارين من الضحك وحركات المساطيل اخونا دخل واحده من الغرف وراح فاتح المروحه ونايم في اقرب سرير اها كانت في قسطيره وشغاله لف مع المروحه اخر ازعاج في سكون الليل اخونا قرر في لحظه يقوم ويقبض علي القستيره العامله ازعاج بصوته مع البلاط اخونا من الكسل او الخمول نسي يولع النور المهم بالحس والمس اخذ يطارد في القسطيره وكل ما يقرب منها المروحه تديها دفره المهم اخيرا تمكن من محاصرت القسطيره في ركن الوضه تعرفوا قبل اخونا من يطبق علي القسطيره كان زعيم المساطيل ومعاهو كم واحد داخلين الوضه وبسرعه ولعو النور ولقوا اخونا في ركن الوضه في الظلام وماسك القسطيره في ايدوا وطبعا قدر ما حاول يبرر موقفوا مافي واحد صدقه والتعلق كان اخير نحن بندخنه بس انتو بتاخدوها حقن

مسطول دخل صيدلية قال لبتاع الصيدلية ادينا ساندوتش طعمية يا ابن العم
قام الصيدلي زعلان قال ليهو انت عميان دي صيدلية ما مطعم قام جا مسطول تاني سالهم الحاصل شنو
قام الصيدلي حكي ليهو القصة
قام قاليهو سيبك منو ياخي وادينا ساندوتش شاورمة
********

واحد مسطول سال التاني قال ليهو
لشنو القطر دا مهم
التاني قال ليهو عشان تحته خطين

********

اتنين مساطيل قاعدين يسطلو في الخلاء
واحد قال للتاني لو سمحت كلمة علي انفراد

********
مسطول جا نقطة البوليس ساله الضابط ان شاء الله مافي عوجة
قال ليهو بسيطة كتلنا الوالد وكدا

********
هندي لاقي اخوه في المستشفي قال ليهو خير صديق
قام التاني قال ليهو خير مافي شئ بس بابا شوية موت

هااااااااايكهه
تحيه
للزول ذاتو
ولا اساسي الكان رومانسي

ولجميع الحضور هنا
وجمعتكم بطعم
البهجة

والله ابدااااااااااع يا شباب
علكم الله العندو نكته يحكيها

واحد ركب مع بتاع تكسي مسطول
المسطول ما خلى اشارة حمراء ما قعطها
الراجل كلما يقول ليهو حاسب الإشارة حمراء يقول ليهو ولا يهمك أنا معلم
الإشارة حمراء .. ولا يهمك أنا معلم .. ولا يهمك أنا معلم .. ولا يهمك أنامعلم
اخيراً وصل لإشارة ولقاها حضراء قام وقف وقعد يكشف في الشارع
صاحبنا قال ليهو الإشارة خضراء الموقفك شنو
قال ليهو لازم نعمل حسابنا يمكن يكون في معلم كبير طائر من هنااااك

واحد مسطول عاوز يطفي السجاره تحت الشبشب
شال الشبشب وطفاء السجاره في خشمو ههههه
ـــــــــــــ
فار مسطول جاي من حفله وش الصباح
لقى الفيل نايم
قال ليهو
نحن كان ما البنقو والسهر دا
كان الواحد بقى اسمن منك

لووووووووووول

مساطيل بحششوا في بيت الجداد
واحد بعد السطلة تمت كور السفة وسأل صاحه
اديك )سفة)
التاني حك راسه وقال ليه والله ما عندي فكرة

---------

هاهاهاهاها
تاني واحدة

مسطول مشى يعزي شال الفاتحة وقال...معليش...الدنيا وحالها...البني آدم اول ما يموت .. يتوفى طوالي

مسطول جي داخل البوست بتاعكم ده
قال ....... امك
نحنا اشهر من رئيس الجمهوري

اساسي والاخوة الباقين تحياتي

اتنين مساطيل ركبو في طيارة وبسطلوا اها الدفاتر خلصت واحد قال للتاني امشي جيب لينا دفاتر اها قام المسطول فتحح باب الطيارة وطلع المهم قميصه اتعلق في المروحة بتاعت الطيارة وبقي لافي معاها اتاخر جاء صاحبه فتح باب الطياره لقاهو ليك لافي مع المروحة قال ليهو اقعد لفي لي كده وبعدين تعال قول لي الدكان قفل .

مساطيل بسطلوا بعد الانتفاضة المهم الدنيا كلها الرئس المخلوع نميري الرئس المخلوع الجماعة بسطلوا واحد قاعد يعين لواحد شديدد ومطير عيونه وباعين المهم المسطول بقبل منه اي اتجاه يلقي الزول منطط عيونه وبعاين ليهو قام زهج منه قال اسمع انت بتاعين لي زي الرئس المخلوع كده مالك .

اساسي شديد

مسطول قاعد متحير .. سالوهو مالك يا زول ؟ قال انا ماعارف انا مواعد وحدة الساعة اتنين ولا اتنين الساعة وحدة

****************************

مسطول وقفو شرطي مرور وقال ليهو ليه ما رابط الحزام ؟؟؟
قال ليهو يا جنابو ... اصلا انا ما لابس بنطلون زاتو

****************************

مسطووووووووووول ألف .. منكوه نكهة عدوك راكب عربيتو ماشي البيت .. وقفو عسكرى .. قال ليهو اديني الرخصة ... المسطول قال ليهو : حشيش شنوووو وبنقو شنو يا جنابو


****************************

مسطول سال واحد فوق عينو شامه .. يا اخو .. لو سمحته دي عين ولا غين

****************************

مسطول سأل واحد الليلة السبت ولا الاحد ؟... قال ليهو : الاتنين ... مشى المسطول وهو بيقول : سبحان الله ... الاتنين سوا ؟

وبسسسسسسسسسسسسسسسسسسسسس

اثنين بيسكروا واحد بيقول للثانى اذ انا مت اسكرلى كأس ليك وكأس لي وبعد مات قام صحبه نفز وصيته بقي يشرب كاس ليهو وكاس لصحبه الميت مرة مشي الانداية قال لست السنة كاس واحد بس قالت ليهو مالك قال ليها انا تبت خلاص
**************
مسطول سال مسطول في رايك الجمعة بوافق اول الشهر قال ليهو التاني والله كان ضغطنا عليهو امكن يوافق
**************
مسطول مشي البحر يصطاد لما وصل ازكر انه ما جاب معاهو صارقيل (طُعم)قام شال ورقة كتب فيها صارقيلة بعد شوية جاته ورقة مكتوب فيها بلطية
**************
واحد راح في الخلا لاقوهو مساطيل قطاع طرق قالوا ليهو انت معانا ولا مع الناس التانين قال ليهم انا معاكم قالوا ليهو انحنا زاتنا الناس التانين
**************
مسطول قال لصحبة شايف النملة الفي الحيطة دييييك قال ليهو ايوا شايفها لكن ما شايف الحيطة
**************
مسطول سال صحبه الليلة السبت ولا الاحد قال ليهو الاتنين قال ليهو بالله الليلة الاتنين سوا
**************
مسطول ضرب تلفون رد عليهو سيد البيت قال ليهو بالله جعفر قال ليهو لا والله قال ليهو طيب بتردو مالكم
**************
مساطيل راكبين عربية قابلهم التفتيش قام المسطول السايق دخل يده في جيبه عشان الرخصة قام التاني قال ليهو والله ما تحاسب الحساب عندي
**************
اتنين مساطيل راكبين عربية واحد بيقول للتاني حاسب الشجرة الشجرة والتاني بيقول ليهو ياخي انت السايق

واحد بنقالي سافر الحج في رمي الجمرات قاعد يقول انت نفر مافي كويس يا شيطان انت سيم سيم كفيل
**************
جدادة اول مرة تشوف رقشة قايلاها ديك قالت ماشاء الله عليك كداالديوك ولا بلاش

فى مسطول كان قاعد فى المقابر وفى جماعة جوا شايلن جنازة
دفنوها ومشوا قام المسطول مشى فتح القبر وشال الكفن عشان يبعوا
اها قام مشى محل بتاع اقمشة وقال لى صاحب الدكان تشترى
القماش دا بى كم صاحب الدكان قال ليهوا بالميت كدة بى خمسين جينة
قام المسطول قال ليهوا دقيقة ومشى جاب الميت وجاء
هاهاهاوهاوههههههههه

واحد مسطول قاشر قشرة صاح
وشاكى القميص فى البنطلون
قام لقى مسطول تانى وقال ليهوا اية رايك فى القشرة دى القميص ماشى مع البنطلون قام المسطول قال ليهوا هو البنطلون ماشى وين

مسطول فى السعوديه صلى بالناس .. ونسي الإقامه لما خلصوا الصلاه قالوا له : وين الإقامه ..هرب ..

فيه واحد محشش كان يسوق السيارة وقف عند نقطة تفتيش قال له العسكري : لو
سمحت اوراق السيارة . قال المحشش : أي حشيش اللي تتكلم عنه


واحد مسطول يصلي بالناس التراويح سمع الحريم يقولون امين قال ااااخخخخخ اموت فى ركن

قال ليك في واحد مسطول قاعد قريب لبركة موية كبيرة
جا واحد بعربية قال يااخوي الموية دي ممكن نعدي ما مشكلة قال ما عندك مشكلة
وصاحبك دخل الموية ولقي اكبر حفرة
ونزل من العربية وجا للمسطول
قال لي ما قلت بنعدي براحة
قال لي والله في بطة قبل شوية مشت

اساسي جدا
والله مت من الضحك في نكتة الكربون الفي المصلاية

اها هاكم ديل

قال ليك اتنين قاعدين يسطلو جمب المقابر
جات مارة بيهم جنازة
واحد قال للتاني..لا حولا..عليك الله شوف دي
ملفوفة بكم كرت
............................
اتنين قاعدين يسطلو في شارع النيل وشغالين يلفو في السجائر..فجأة شافو عسكري مرور جاي عليهم ..واحد اتلفت للتاني وقال ليهو
اسمع..نحنا لفينا غلط ولا شنو؟

واحد مسطول دخل مطعم قال لسيد المطعم في عشا قال ليهو ااي قال ليهو طيب مالكم ما بتعزمونا
*********
واحد مسطول وكريم جدا مرة اتحرق بيته ضرب لناس المطافي لما ناس المطافي جوه حلف عليهم طلاق ما يعملوا شي قبل ما يشربوا الشاي
********
مسطول قبضوه ناس الدورية قالوا اركب يلا قال ليهم لا والله البيت قريب
*********
اتنين مساطيل قاعدين جمب المقابر جات جنازة سالوا منو دا قالوا ليهم عبد اللطيف تاني يوم برضو جات جنازة ساله منو دا قالوا ليهو عبد اللطيف ثالث يوم برضو قاعدين جات جنازة ساله دا منو قالو ليهم عبد اللطيف قالوا والله عبد اللطيف ماشة معاه تمام
**********
مسطول بيزور قروش الماكنة ما بتفرزها من الاتقان لكن بعد دا قبضوه طلع مزورها كلها من فئة مية ستة وعشرين جنيه
**********
مسطول لكن بخيل بيته اتحرق عمل لناس المطافي مس كول
**********
طلاب مساطيل واحد سال التاني انت الهند بعيدة قال ليهو لا ياخي معانا طالب هندي كل يوم بيجي بعجلة
**********

مساطيل بتونسو,واحد سال الجماعه:انتو النبى الكان بحنك مع الحيوانات منو؟ التاني:يكون طرزان....
--------------------
عباس مصقوع للطيش فى المستشفى,لاقاهو على:مالك بى هنا؟ والله الوالد راقد....:راقد بى شنو؟ عباس:بى جلابيتو السمنيه

ضحكتونا جدا
الجماعه اتصطلوا وشغالين لف الكبريت كمل قال لواحد امشى اقيف بره اى زول يجى جيب منوا كبريت
قال المصطول يسال الناس فى الشارع عندك كبريت يقولوا لا فى زناد
لما زهج رجع قال للجماعه الناس ديل ماعندو كبريت اى زول سالتو قال فى زناد الجماعه قالو ليه خلاص جيب زناد
قام يسال اى زول عندك زناد لا فى كبريت قام رجع للجماعه حكى الحاصل
الجماعه قالو ليه انت مصطول اطفى الشمعه دى ونوم
باقعدو

ضحكتونا جدا
الجماعه اتصطلوا وشغالين لف الكبريت كمل قال لواحد امشى اقيف بره اى زول يجى جيب منوا كبريت
قال المصطول يسال الناس فى الشارع عندك كبريت يقولوا لا فى زناد
لما زهج رجع قال للجماعه الناس ديل ماعندو كبريت اى زول سالتو قال فى زناد الجماعه قالو ليه خلاص جيب زناد
قام يسال اى زول عندك زناد لا فى كبريت قام رجع للجماعه حكى الحاصل
الجماعه قالو ليه انت مصطول اطفى الشمعه دى ونوم
باقعدو

احد ابناء منطقتنا جبهجي كبير وتنفيذي في المنطقة وسافيها عشان كدة كل الناس ما بتحبو
في احد الماتم والناس يتاهبوا للصلاة صاح مكررا استووا استووا فرد عليه احدهم ما استوينا زمااان وحرقنا

اساسى صباحاتك خضر
واحد مسطول شائل لوح ثلج بينقط قال يموت ويعرف انو مقدود من وين
واحد مسطول قال لاخر مسطول بكرتين بالى مشغول من امبارح قال له امكن واحد رافع السماعه
ودعقاب

اسوسى
ازيك
الليلة يا ود امى باين الغزالة رايقة ونكاتك كلها تضحك واكتر واحدة ضحكتنى الخاتى كربون تحت السجادة رهيبة جد لكن نكتة ايهاب كوم برة والناس فعلا محتاجة للتنفيس من الحاصل والف شكر ليك على استراحة الحلوة دى

مساطيل إنتو مش اللي بتحكوا عنهم النكت دي


المهم واحد زيكم كدا عايز إعلق الصورة في الغرفة يعني عايز إدق ليهو

مسمار علشان إعلق فيهو الصورة طلع في السرير و الملاية نظيفة قامت زوجتو

جرت جابت ليهو المصلاية إختها تحت كرعينو قالت ليهو كدي زح شوية نخت ليك


المصلاية دي ........



قال ليها لأ كــدا بحـصـل

الله يخرب سعايلكم ... اتخجينا و اتفجينا بالضحك

نديكم من الطرائف الحقيقيه لأحد الأصدقاء و هو مهراجا أصيل من النوع البركب الفيل و هو جاري داك و كمان يعمل حركات شقلبان يعني أنسى بس.. و هو زميل دراسه بمصر و من واحة الشباب الجميل المورده..

قالو لما جا برلوم نزل مع واحد معلم كبير من السناير.. بعدين عملوا شرم برم و تاني يوم السنير و هو نازل كتب ليهو مذكره: ما تنسى الكرنيه.. و يقصد بطاقة الكليه عشان الدخول... فصاحبنا قراها الكرتيه... قام ضرب الشديده و مشى الكليه لاقى السنير قال ليهو: شكرا على المذكره يا ملك.. عملنا اصطباحيه تمام...

مره لاقيتو في حوش الكليه مصاب باحمرار مفاجيء في عيونو قلت ليهو: يا أبو الدول عيونك حمر شديد.. فقال: بالله... وسكت مسافه كده.... بعدين اتلفت متسائلا: أوبوجعوني؟؟؟ -

قال ليك في جماعه بضربوا الاسمه شنو دي جنب البحر بعدين كل مره بتحصل تهويه مركزيه مع النسيم العليل و زاد وجدي و كده.. فقاموا عملوا اختطاف لعدد واحد ديك من الحله.. سيد الديك لما جا لقى الديك مافي زعل جدا و من المغسه عمل قصاص لحدي ما وصل جنب البحر لقى الجماعه قاعدين و جنبهم حله بتجقجق و ريش الديك مكوم جنب القيفه.. الجماعه طبعا كانو في الضباب.. واحد منهم رفع راسو لقى صاحبنا مطير عيونو و شيل عكاز زي بتاع قرجه داك.. فبهت الذي كفر.. الرجل قال ليهو الديك وين؟؟ فصاحبك أشر على الريش و قال ليهو: قلع هدومو و دقه راس....

قال ليك واحد عمك عندو قدم من النوع السبعه شنكل داك بعدين نايم في عنقريب في السوق سمع الناس بكوركو حرامي حرامي.. فقام فتح و بحركه واحده اتناول المركوب بتاعو و فكاهو في الحرامي وقع قاطع الحركه.. قام جا الوليس و في واحد ضاربها و كان في الفاصل المداري ساقوهو شاهد.. البوليس بسألو الحصل شنو فقال ليهو: أنا كنت قاعد و بعدين فجأه عمك ده راح فالق الزول ده بالدرج..

يا سر محجوب ســـــــــلااااااااااااام

نكتة الدرج فعلا حاصلة في سوق أم درمان في زنك اللحم

و من نفس المكان دا هاك النكته دي

أيام جعفر نميري و التسعيرة و الجزارين و العساكر كلهم رجال قانون

عسكري بتاع الحركة لابس أبيض جاء إشترى كيلو لحم من واحد من الجزارين الشفوت

الجزار لا خاف من العسكري و لا حاجة المهم العسكري بعد ما شال اللحم قال ليهو

كم عاز قال ليهو 3 جنيه العسكري أداهو الـ3 ـ جنيه و قال ليهو أطلع معاي

الجزار قال ليهو وين ؟؟ قال ليهو أطلع أرح معاي النقطة بعت لي بي أكتر من التسعيرة

الجزار قال ليهو حاااااااضر و فتح الدرج لم القروش و طلع بي بره للعسكري

و الجزار جــــــري إتلفت للعسكري قال ليهو شيل نمرتي بالله ............

مـشـيـتـوا ويـن يـا المـسـاطـيـل ؟؟؟؟؟؟؟؟؟؟ الـبـ ....... كـمـل من الـبـلـد

واحد مسطول رجع السودان لقى الكيزان اى حاجه عملوها باسم
صحابى وى باسم كوز الشوارع المدارس يوم كان لافى ليك فى الحرطوم كل ما تدخل شارع القى ليك مدرسه عمر بن الخطاب الشارع التانى مدرسة الخنساء البعدو مدرسة عثمان بن عفان البعدو مدرسة نسيبه اها جات مدرسة مافيها اى يافطه
قال دى مالا ماعندها اسم قوليهو والله دى مدرسه مختلطه مالاقين ليها اسم عاين جاى وقبل كده قال سموها مدرسه مريم بنت عمران

واحد مسطول قال لصاحبه .. ارسم على ظهري مربعات .. ورقمها من 1 الى 20 .. لما خلص .. قال ليهو : " حُـك لي المربع رقم 15"
*******

والله ضحكت لمن كحيت

مسطول مصرى ساطل سطلة شديدة
و هو جالس جاء جماعة للقاهرة لاول مرة
سالوا المسطول : و النبى شارع 26 يوليو من فين ؟؟؟
رد المسطول : ما قالوا ليكم سنة كم ؟؟؟؟

تلاته مساطيل راكبين في طيارة هليكوبتر بسطلوا والطيارة في الجو
قاموا قالوا لي واحد منهم يمشي يجيب ليهم سجارة حمرا من الدكان
زولنا قام وعلي حسب السطلة الفيه مرق بي واحد من ابواب الطيارة
لحسن حظو لاقتو ليك مروحة الطيارة وخمشتو من لياقة القميص
صاحبنا بقى معلق والمروحة لافه
الجماعة بي جوة انتبهو للموقف وزولنا لافي مع المروحة
وهم برضو علي حسب سطلتهم شبكو ليك
آآآآآآي أقعد لف لينا كدة لمن تلقى الدكاكين قفلت
*********

اها انحنا زي المساطيل ديل قاعدين نلف في الغربة لغاية ما نلقي السودان قفل قبل ما نرجع




هاهاها



يا رب ردغربتنا






البياز عوافي

مسطول رجع البيت متأخر طقش أمو، قالت ليهو : ما شايفني؟
قال ليها: شايفك بس ما متذكر وين؟؟؟

قااااااالوا في مسطول جه داخل الغرفه ولقى اختو بتمسح فيها قام طوااالي انبطح وعامل نفسو بيعوم ... ناس البيت قدر ماحاولوا يطلعهوا صاحبنا حلف ما يطلع قالوا إلايجيبوا صاحبوا عشان يطلعوا.. نادوا الزول وقام عاين ليهو كدااا بعدين رفع البنطلون وقعد يدخل قدام ويرجع تاني ويمشي من الجهه التانيه يدخل ويطلع وبعد ما غلبتو
الحيله قال : هسي ده يدخلوا ليهو من وين؟؟؟
دوما
zaria

اتنين قاعدين يسطلو في اوضة 0السجارة الاولى التانية واحد فيهم حكمت معاه يعلق صورة في الحيطة 0شال الشاكوش وقعد يدق في المسمار بالقلبة0المسمار اتعوج يستعدله و يدق بالقلبه0قام التاني قال كدي جرب دقه في الحيطة ديك0واشر على الحيطة المقابلة.

مصري مسطول ركب البص , جا الكمساري ,قام المسطول اداه شلن ,التذكرة كانت بشلن, الزول الجنبه اد الكمساري جنيه, الكمساري مع الزحمة واللخمة رجع ال95 قرش للمسطول,اخونا طبقها في جيبه و قعد ,سيد الجنيه شبك في ااكمساري ,الباقي يا باشا,...باقي ايه يا عم مش انا مديلك الباقي بتاعك,المهم شبكو في بعض و صاحبنا قاعد ,الكمساري انتبه ليه و ساله انت يا
باشا انت ادتني كام؟
اديتك شلن
وانا اديتك كام؟
اديتني 95 قرش
و دي تيجي ازاي بس؟
يا عم هو انا اعرف التذكرة بتاعتكو بكام؟

سوري للتكرار الواحد شكلو
اتس ....... ل

مسطول رباطابي (شوف المشكلة) قبضهو في السعودية ، قال ليهو العسكري: الاخ سوداني .. رد قال: لا لبناني مظلل..

لوووووووووووووول وتاااااني لوووووووووول
والله يا محمد مبارك انت كان نصيح انا اتقص النص,,,غايتو ضحكت ضحك
يكفيني سنة لي قدام,,,مبااااااااالغة....
قال ليك واحد مسطول عامل فيها بتأمل قال :سبحان الله ,الانسان ده زي البني آدم, لما يموت بتوفى طوالي...

مسطول قالوا ليهو ارسم طيارة
قام رسم ليهم نقطة
قالوا ليهو ده شنو الرسمتو ده وين الطيارة
قال ليهم دي طيارة جايه من بعييييييييييييييييد


هههههههههههههههه يكه

زاتووووو

مسائكم ورد يا ناس ياريقين

ذكرتنى ياجدو ... النكته دى وهى حقيقيه
واحده بحكو ليها عن الحرامى وكيف دخل البيت وسرق وطلع ومافى زول حس بيه .. قامت قالت ليهم اول مره اعرف انه الحرامى اذكى من الانسان

ودى ليكم ياناس الفرفشه

مسطول وصاحبوا عندهم واحد مات ساله عزيت قالوا لاعلى السمن
***
مسطول ضيع امه فى السوق مسك واحد وساله ماشفت واحده ماشيه وما معاها واحد بشبهنى
***
واحد بحكى مشكلته لمسطول وبعد ما حكاها ساله ... الحل .. قال ليه المسطول ..اقلب الصفحه
و
ازيك يا زاتووووو

غدى

اثنين مساطل الاول سأل الثاني انتا صحي الكابلي أخو وردي
رد عليه لأأأأأ يا أهبل تشابه أسماء بس

مسطول سأل مسطول تاني الساعه كم هسي
قال ليهو ما عارف
قال غريبه أنا عندي ما عارف ألا خمس دقايق

واحد مسطول علق جلابيته في الشماعه بعد شويه وقعت من الشماعه
قال الحمد لله ما كنت فيها

واحد سأل مسطول قال ليهو البنك داك فاتح قال ليهو لا غامق

مسطول معزوم على سمك قالو ليهو انتبه السمك ده فيهو شوك قال ما عليك لابس جزمه

واحد مسطول مشى الملعب قاعد يعاين فوق
الزول الجمبو سألو يا زول بتعاين فوق مالك
قال ليهو عايز اعرف كلمة مباشر دي بختوها وين